ကုလသမဂ္ဂ၊ သိပ်တမ်ပါ ၂၀
သွက်ကၠောန်အာ ပရေၚ်ဒေါအ်ပန်ပှော် ပ္ဍဲဒေသၚာၚ်ၜဳဂါဇာ ပွမပတိုန်ဂလာန် ပ္ဍဲကံၚ်သဳပရေၚ်ဂီုကၠီုဂှ် ပ္ဍဲသိပ်တမ်ပါ ၁၈ နူအမေရိကာန် ထပ်တးပါဲထောံ နကဵုအဝဵုဗဳဒိုတုဲ သွက်ပရေၚ်ကဵုမံၚ်ဇြဟတ်ဟရိုဟ် လ္တူမဟာမိတ်ညး အေတ်သရေဂှ် နကဵုအရာကလုတ်တမာန် စဵုဒၞာဲကဵုဏာပေၚ်ၚ်ရ။
ပ္ဍဲကဵုဂါဇာ အကာဲအရာစိုပ်မံၚ် ဒဒိုက်အေၚ်ကၠေဝ်ယျ နကဵု ပွမစးဏာဂလာန် ကုလသမဂ္ဂ လလောၚ်တြးလဝ်ဗဗွဲသၞောဝ်ဂှ်တုဲ တၚ်သ္ဂုတ်သွာတ်ကုလသမဂ္ဂ စနူကဵုဂိတုအဝ်ဂတ်တေံဝွံ ဂကောံကံၚ်သဳပရေၚ်ဂီုကၠီုတၞဟ်ဟ် ၁၄ တံ ထံက်လဝ်ဂလာန်ရ။
ပရေၚ်လဝေင်ပၞာန်ဗလးတိအကြာဏံ ပွန်ရန်လဝ်အဓိက ပ္ဍဲကဵုဂါဇာသဳတဳဂှ်တှ်ေ နကဵုကွဳခြပ်ပၞာန်အေတ်သရေတံ၊ ၜၚ်ကျာပၞာန်တံ သၠုၚ်အသိၚ် ဗတိုက်မံၚ်တုဲ ကောန်ပါလေတ်သတိုၚ်ဗွဲမဂၠိုၚ်တံ အခိၚ်မ္ဒးဂြိပ်အာလဝ်ဂှ် ပရေၚ်ပါဲမာဲ မံက်တိတ်ကၠုၚ်ရ။
အပ္ဍဲကဵုတၚ်နၚ်သ္ဂုတ်သွာတ် ကံၚ်သဳပရေၚ်ဂီုကၠီုမူအပြောံဝွံ ပ္ဍဲကဵုဂါဇာ တၚ်သၠေဟ်ပၟာဟၟဲ ဒေါအ်အာပန်ပှော်ဂှ် ဂကောံမဆေၚ်စပ်တံသီဖအိုတ် စွံအဲပရဲညံၚ်သ္ဂောံဒဂေတ်ဗက်အာညိဂှ် ချူလဝ်ရ။
စပ်ကဵုပေါဲပၞာန် အကြာ အေတ်သရေကဵု ဟာမာတ်သ် ဂကောံရပ်လွဟ်ပါလေတ်သတိုၚ်တံ ပေါဲပၞာန်ကြပ်ပွိုၚ်ၜါသၞာံတုဲ အပ္ဍဲကဵု ဂကောံကံၚ်သဳပရေၚ်ဂီုကၠီု ပွမတးပါဲအဝဵုဗဳဒို အလန်ဆဌမ ပေၚ်အာယျ။
ကိုပ်ကၠာတေံ ပရေၚ်အမေရိကာန် ထပ်တးပါဲအဝဵုဗဳဒိုဂှ် ဂကောံကံၚ်သဳပရေၚ်ဂီုကၠီု ၁၄ တံ ဒေါသတိတ်တုဲ အလန်ဏံမွဲဝါပၠန် ဟိုတ်နူ ပွမထပ်တးပါဲအဝဵုဗဳဒိုဂှ်လေဝ် စိုတ်လီုကွေံ ဟီုဂးမံၚ်အိုတ်ရ။
စနူသၞာံ ၂၀၂၃ ဂိတုအံက်တဝ်ပါတေံတုဲ နူကဵုအေသရေ လုလောန်လဝ် ပရေၚ်ဂစိုတ်ပဠက်ဂကူမၞိဟ်ရောၚ် ဂကောံစၟဳစၟတ်ဂၠးကဝ် ကုလသမဂ္ဂကဵုလဝ်အခေါၚ်ဂှ် စောဲစပ်လဝ် ပ္ဍဲကဵု သိပ်တမ်ပါ ၁၆ ရ။
စပ်ကဵုကိစ္စဏံ သတ္တဟဂတ ပ္ဍဲကဵုနယူယံက် ကၠောန်ဗ္ဒျ်အာ သဘၚ်သဳကၠဳကုလသမဂ္ဂ လၟေၚ်သၞာံမ္ဂး သွက်ဂွံသဳကၠဳအာ သၠဲသၠဲလးလး နွံရ။
အမာတ်ကလုတ်အေတ်သရေ ဆေၚ်စပ်ကဵုကုလသမဂ္ဂ ဒန်နဳ ဒါနန်ဂှ် ပျုတ်ဗဒေက်ဏာ တၚ်သ္ဂုတ်သွာတ် ဂကောံကံၚ်သဳပရေၚ်ဂီုကၠီုတုဲ ပရေၚ်ကၠောန်ထ္ၜးစမွဲသာ်ရောၚ် ညးတေံဟီုရ။
Ref:Agencies