ပိုဲမၚ်ရံၚ်မံၚ် ပူတေန်ရောၚ် ဝန်ဇၞော်ပရေၚ်စဵုဒၞာအၚ်္ဂလိက် ကဵုသတိ

လန်ဒန်၊ အံက်တဝ်ပါ ၂၅

ဝန်ဇၞော်ပရေၚ်စဵုဒၞာအၚ်္ဂလိက် ဂျောန်ဟာလေ ကဵုဏာအရေဝ်ပရိုၚ်ကု သမ္မတရတ်ယှာ ဗလာဒဳမာ ပူတေန်တုဲ ပိုဲဗက်ဂၠာဲမံၚ် ၜၚ်ဗၠိုပ်ဍာ်ဇကုတံရောၚ် ဟီုဏာရ။

ၜၚ်ဗၠိုပ်ဍာ်ရတ်ယှာ ဒဵုကဵု ၃၀% ဂၠိုၚ်တိုန် ဘပဠမံၚ် ဗလးၜဳအၚ်္ဂလိက်ရောၚ် ဝန်ဇၞော် ဟာလေ ဟီုရ။

ဣဏံဂှ် ပရေၚ်ရတ်ယှာ ဂၠာဲသၞ လက်ျှန်ပဵုဂၠိုၚ်တိုန်တုဲ ယူခရုၚ်သၟးဟွံသေၚ် ဘပဠမံၚ် သီုကဵု ယူရောပ်ရောၚ် ဂျောန်ဟာလေ သ္ဂးရ။

ပ္ဍဲသၟဝ်ကျာအတ္တလန္တိတ် ပရေၚ်ၜၚ်ဗၠိုပ်ဍာ်ရတ်ယှာတံ ချဳဒရာၚ်ဝွံ ပြဟ်ဟ်ဏံ ကလေၚ်စိုပ်မံၚ် သၞောတ်ဗ္ၜတ် အတိုၚ်ခေတ်ပၞာန်ဂံက်တေံပၠန်ရောၚ် ညးဆက်ဟီုရ။

ဒပ်ပၞာန်ဍာ်ကဵု ဒပ်ပၞာန်ကျာ အၚ်္ဂလိက်တံ ပဵုတုဲမံၚ်ရံၚ်ထံၚ်ပရိုၚ်လ္ၚတ်မံၚ် ပရေၚ်ၜၚ်ဗၠိုပ်ဍာ်ရတ်ယှာတံ ချဳဒရာၚ်မံၚ် ပ္ဍဲဗလးမှာသၟိတ် သၟဝ်ကျာအတ္တလန္တိတ်ရောၚ် နူကဵုဌာနဝန်ဇၞော်ပရေၚ်စဵုဒၞာ ဟီုလဝ်ရ။

ပ္ဍဲဗလးဍာ်ဏံ နူကဵု ဒပ်ပၞာန်ကျာ အဂႅလိက်တံ ဂေတ်မံၚ်ကၚ် သီုကဵု ၂၄ နာဍဳပေၚ်ၚ် ကၠောန်မံၚ်တုဲ ဂကောံနေတိုဝ်တံလေဝ် ထပေၚ်ကဵုလဝ်ဇြဟတ်ကီု ဂွံတီရ။

ညံၚ်ရဴရတ်ယှာတံ ကော်စမ်မံၚ်ဆောကဵုဇကုတံ အကာဲနွံမံၚ်တုဲ မၚ်ရံၚ်မံၚ်ကီု၊ ဟိုတ်ဂှ်ရ ဇကုတံလေဝ် မၚ်ရံၚ်မံၚ် ပူတေန်တုဲ ဗက်ဂၠာဲမံၚ်  ၜၚ်ဗၠိုပ်ဍာ်ပူတေန်တံရောၚ် ဝန်ဇၞော်ဟာလေ ဟီုရ။

နူကဵု ဒပ်ပၞာန်ကျာ အဂႅလိက်တံ ဗက်ရံၚ်ဂၠာဲ ထံၚ်မံၚ်ပရိုၚ် ၜၚ်အာကၠုၚ်မံၚ်လ္တူဍာ်တံကီု ၜၚ်ချဳဒရာၚ်မံၚ်သၟဝ်ဍာ်တံကီု မဒှ်ရ။

ဇုက်လာၚ်အေန်တာနိတ်သၟဝ်ဍာ်တံ ညံၚ်ဂွံလီုလာ်အာ နူကဵုရတ်ယှာ ဂစာန်ကုတ်ထပိုတ်မံၚ်ရောၚ် ဍုၚ်ပလိုတ်တံ ဒှ်မံၚ်ဒွိၚ်ရ။

ဒၞာဲၜၚ်ဗၠိုပ်ဍာ်နျူကလဳယာ ရတ်ယှာတံ နွံမံၚ်ဂှ် စွံလဝ်အဓိက မၚ်ရံၚ်အာတုဲ ဂျမနဳကဵု အမေရိကာန်တံလေဝ် ဘိုၚ်ကဵုမံၚ်အရီုဗၚ်ကီု ဒပ်ပၞာန်ကျာ အဂႅလိက် ဟီုလဝ်ရ။

Ref:BBC

Leave a Reply

Your email address will not be published. Required fields are marked *