ယှာန်ကျာန်၊ နိုဝမ်ပါ ၆
ကောန်ဍုၚ်ကြုက် ၆ တၠ ချိုတ်အာလဝ်ကီု အမှုရာဇဝတ်တၞဟ်ဟ်ကီု က္ဍိုပ်သ္ကိုပ်ဂိုဏ်ရာဇဝတ်ဗမာ ညးဖံက်ပကဝ်လဝ်သၞောဝ် ဒယှ်တှ်မွဲတၠဝွံ နူကဵုရုၚ်သၞောဝ်ဓရ်ကြုက် ဖျေံအမိၚ်ဂစိုတ် ပ္ဍဲကဵုနဝ်ဝမ်ပါ ၄ ဂှ် ဌာန်ပရိုၚ်သေၚ်ဟွာ ချူလဝ်ရ။
က္ဍိုပ်သ္ကိုက်ဂိုဏ်ရာဇဝတ် ကိုဝ်က ပေယှူချာန်၊ ကောန်ညးတေံ ပေယေန်ကာန်ကဵု ကောန်ရဲ ၃ တံဂှ် နူကဵုရုၚ်သၞောဝ်ဓရ်ယှာန်ကျာန် တွဵုရးဂွာန်ဒံၚ် ဖျေံအမိၚ်ဂစိုတ် ဌာန်ပရိုၚ်သေၚ်ဟွာ ချူလဝ်ရ။
သွက်ကၟိန်သ္ၚိဌာန် ပေတံ ညးကၠောန်ကဵုလဝ်ကမၠောန် ညးမကလိလောန်ဒုဟ် ၁၆ တၠပၠန်ဂှ်လေဝ် ဖျေံဒဏ်ထံၚ်တၞဟ်ခြာကီုရ။
အပ္ဍဲကဵု ညးမကလိလောန်ဒုဟ် ၁၆ ဏံ ဖျေံလဝ်အမိၚ်ဂစိုတ်ကီုလေဝ် ဒေါအ်ဒေၚ်စွံအာပွိုၚ်ၜါသၞာံ ပါလုပ်မံၚ် ပ္ဍဲကဵုတင်လလောၚ်တြး ရုၚ်သၞောဝ်ဓရ်ဂှ် ချူကလးလဝ်ရ။
တုဲပၠန် ညးကလိလောန်ဒုဟ် ၅ တၠဂှ် ဖျေံလဝ်အမိၚ်ထံၚ်မွဲအယုက်မွဲကအ် မဒှ်ရ။
ထပ်တုဲ ညးမကလိလောန်ဒုဟ် ၉ တၠဂှ်လေဝ် သၠုၚ်အိုတ်ဒဏ်ထံၚ် ၂၀ သၞာံကီု ဒဏ်ထံၚ်တၞဟ်ခြာကီု ဖျေံလဝ်ဂှ် ဒဏ်သြန်ကီု အမိၚ်ဘာတ်ပတိတ်ထောံနူဍုၚ်ကြုက်ကီု ပါလုပ်ရ။
ပေကဵု ကောန်ရဲတဝ်သွာ ဂကောံက္ဍိုပ်ကြံၚ်ညးတံဝွံ ကေတ်လဝ်ပရေၚ်ဂီုကၠီု စဵုဒၞာလဝ်ကဵု ဂကောံရပ်လွဟ်တံတုဲ ကၠောန်ကၠုၚ်လဝ် ကမၠောန်လီဠာန်သြန်အန်လိုၚ် ဇြဟတ်ဇၞော်ဇၞော်ရဂှ် ရုၚ်သၞောဝ်ဓရ် စုတ်လဝ် ပ္ဍဲကဵုတၚ်နၚ် ဖျေံလဝ်သ္ဂုတ်သွာတ်ရ။
ဒၟာနူပွဍေံတံကၠောန်လဝ်သာ်ဏံတုဲ ကောန်ဍုၚ်ကြုက် ၆ တၠ ဒးချိုတ်အာလဝ်ကီု မွဲတၠဂှ် ဇကုဍေံဍေံဒးဂစိုတ်ဏာကီု တုဲပၠန် ညးဒးလဝ်ဘဲဝပ်ဇၞော်ကဵုဇြဟတ်လေဝ် နွံဗွဲမဂၠိုၚ်ဏီ ဂွံတီရ။
ပ္ဍဲကဵုက္ဍိုပ်သ္ကိုပ်ပေဂှ် ဒပ်ရပ်လွဟ်ညးတေံပိုၚ်ပြဳလဝ်နွံမံၚ်ကီု ညးတၞဟ်သွက်ဂွံအထေၚ်ဇၞော် သိုၚ်ခၞံစွံလဝ်ဒၞာဲစမြိုၚ် ၄၁ မတုဲ ဒက်ပ္တန်လဝ် ဂိုဏ်ရာဇဝတ် မဒှ်ရ။
ပရေၚ်ဂိုဏ်ညးတံ ဖက်ပကဝ်လုလောန်လဝ်ဒုဟ်တံမ္ဂး ပရေၚ်လီဠာန်ဆက်စၠောံ၊ ပရေၚ်လီဠာန်အန်လိုၚ်၊ ဝိုၚ်ဝေၚ်ကာသဳနိုဟွံလုပ်ဗဗွဲသၞောဝ်၊ ပရေၚ်ဂစိုတ်မၞိဟ်၊ တံၚ်မၞိဟ်အာတ်သြန်၊ ကမၠောန်စရာဲဍုၚ်ကဵု အမှုရာဇဝတ် တတ်ကၠောံပယျဵုဍုၚ်တံ ပါလုပ်မံၚ်ရ။
နူကဵုကမၠောန်လီဠာန်အန်လိုၚ်ညးတံကီု ကမၠောန်ဝေၚ်ဇျှၚ်လံၚ်သြန်ဟွံလုပ်သၞောဝ်တံ ဂွံလဝ်သြန်ဗၞတ် ဒဝ်လာအမေရိကာန် ၄ ဗဳလဳယာန်နွံ ဂွံတီရ။
ကမၠောန်ပလံၚ်ဂဥုဲၜူမာဲ မက်တာဖိတ်တမေန် ကူသာန်လဝ်ဗၞိက်ဒမၠု ဒဵုကဵု ၁၁ တန် နွံမံၚ်ကီုရောၚ် ဌာန်ပရိုၚ်သေၚ်ဟွာ ချူလဝ်ပရိုၚ်ရ။
Ref: South China Morning Post