ဝါယှေန်တန်၊ နိုဝမ်ပါ ၇
အခိၚ်ရုၚ်အလဵုအသဳ ဒးဒုၚ်ကၟာတ်လဝ် လအ်ကၠုၚ် ၃၆ တ္ၚဲဂှပ ဟိုတ်နူပရေၚ်ဒှ်ဒွိၚ် ပွမထိၚ်ဒဝ်ဘဲအန္တရာဲယာန်ကျာတုဲ သၞေဟ်ၜၚ်ကျာ အဓိက ပ္ဍဲအမေရိကာန် ၄၀ တံ စနူနဝ်ဝမ်ပါဏံ ယှအ်ဖျေံအာလၟေၚ်တရဴ ဒဵုကဵု ၁၀% ရောၚ် ဝန်ဇၞော်ပရေၚ်ပလံၚ်ဗစိုပ် အမေရိကာန် ဒူဖဳ ဟီုရ။
ဟိုတ်နူအစဳဇန်ဏံ အပ္ဍဲကဵုပွိုၚ် ၃၆ နာဍဳ လိုၚ်ၜၚ်ကျာတံ သွက်ဂွံယှအ်တရဴ ဗွဲမပြဟ်ဒးကၠောန်လဝ်တုဲ ညးအာတရဴ ပ္ဍဲတ္ၚဲအကြာတံဏံ ဒှ်မံၚ်ဒွိၚ်ရ။

ဒဳမဝ်ကရိတ်တံ ယဝ်ရတုပ်စိုတ် သွက်ကလေၚ်ပံက် ရုၚ်ဌာနအလဵုအသဳတံမ္ဂး ပရေၚ်ယှအ်ဖျေံလၟေၚ်တရဴၜၚ်ကျာ ဒေါအ်ကဵုရောၚ် ဝန်ဇၞော်ဒူဖဳ ဟီုရ။
ပ္ဍဲအမေရိကာန် ရာဇဝင်ကၟာတ်ရုၚ်ဌာနအလဵုအသဳ ဂၠိၚ်အိုတ် ဟိုတ်နူဒှ်လဝ်တုဲ ညးထိၚ်ချုက်တရဴယာန်ကျာ ၁၃၀၀၀ ကဵု အေဂျေအ် စဳရေၚ်ဂီုကၠီုပရေၚ်ပလံၚ်ဗစိုပ် ၅၀၀၀၀ တံ ဟွံဂွံသြန်ဂိတုမွဲသာ် ဒးကၠောန်မံၚ်ကမၠောန်ရ။
သွက်ဂွံဒေါအ်အာ ပရေၚ်ကၟာတ်ရုၚ်အလဵုအသဳ အလဵုအသဳထရ ဂစာန်မံၚ် သွက်ဂွံဟလိုၚ်ဟပဵုတိုန် ဇြဟတ်ဟရိုဟ်ကု ဒဳမဝ်ကရိတ်တံတုဲ သွက်ကလေၚ်ပံက်ရုၚ်အလဵုအသဳဂမၠိုၚ်ဂှ် ဒဳမဝ်ကရိတ်တံ ညံၚ်ဂွံတုပ်ကၠုၚ်စိုတ် ကဵုဇြဟတ်ဟရိုဟ် လ္တူလိုင်ၜၚ်ကျာတံ မဒှ်ရ။

အဓိက စပ်ကဵုပရေၚ်ကဵုအထံက်ပၚ် မၚ်မွဲပရေၚ်ထတ်ယုက်တံတုဲ လပါ်ရဳပါတ်ဗလေကန်တံ ဟွံတုပ်စိုတ်ဂှ် ဒဳမဝ်ကရိတ်တံ တၚ်လဝ်ဒုဟ်ရ။
စနူကဵုအခိၚ်စကၟာတ်ရုၚ်အလဵုအသဳတံဂှ်ရ သၞာဲဒါထိၚ်ချုက်တရဴယာန်ကျာ ဟွံရုံဂပ်ဒှ်အာတုဲ လၟေၚ်တရဴယာန်ကျာလဇအာ လၟိဟ်ကဵုလ္ၚီဒှ်ကၠုၚ်လဝ်ရ။
ဟိုတ်နူ သၞာဲဒါထိၚ်ချုက်တရဴယာန်ကျာ ဟွံရုံဂပ်မံၚ်ဂှ် ညးအာတရဴစဵုကဵု ၃ ဒဿမ ၂ ယုတ်ဒေက်အာမဒှ်ကၠုၚ် လိုၚ်ၜၚ်ကျာတံ ဟီုရ။
ဗွိုၚ်ပယျဵုဓနက်ကျာ အန္တရာဲညံၚ်ဂွံအောန် ဗီုဝါတ်ဂါတ်ဏံ ဒးဖျေံဏာလဝ်သ္ဂုတ်သွာတ်ရောၚ် ဝန်ဇၞော် ဒူဖဳ ဟီုကဵုအစာပရိုၚ်တံရ။
ပ္ဍဲကဵုဗတိုက်ဖအောဝ်လဝ်ကဵု လိုၚ်ၜၚ်ကျာအမေရိကာန်ဇၞော်ဇၞော်တံဂှ် ပ္ဍဲကဵုဌာနစဳရေၚ်ခါန်ကၞက်ဂှ် အခိၚ်စဂှ် ၄%၊ ပ္ဍဲတ္ၚဲသ္ၚိသဝ် ၅% ကဵု တ္ၚဲအဒိုအ်ဂှ် ၆%၊ သတ္တဟဂတမ္ဂး ၁၀% သွက်ဂွံယှအ်ဖျေံအာ ဟီုဂးလဝ်ရ။
Ref:Reuters

