တိုကျို၊ နိုဝမ်ပါ ၂၀
သ္ကိုပ်ပရေၚ်အုပ်ဓုပ် ဒၞာဲရုၚ်စက်နျူကလဳယာဂၠးတိဇၞော်အိုတ်တန်တဴလဝ် ပ္ဍဲဒေသဂျပါန်ဂှ် ရုၚ်စက်ညံၚ်ဂွံကလေၚ်ဂေတ်မာန် ပ္ဍဲသတ္တဟပြဟ်ဟ်ဏံ သွက်သ္ဂောံဂွံအခေါင် စဳဇန်မံၚ်ရောၚ် ဌာန်ပရိုၚ်အပ္ဍဲဍုၚ်တံ ချူလဝ်ပ္ဍဲနဝ်ဝမ်ပါ ၁၉ ဂှ်ရ။
ဒၟာနူပြဿနာ နျူကလဳယာ ဖူကဳယှဳမာ ဒးဒုၚ်မာတ်စွံလဝ်တုဲ လအ်ကၠုၚ်အခိၚ်မွဲဗွဲစှ်ပြၚ်အာ ရုၚ်စက်ကာယှဳဝါဇာကဳ-ကာရဳဝါ ပၟတ်ဓါတ်လလဳ ကာန်ပနဳ TEPCO ဂစာန်မံၚ် သွက်ဂွံကလေၚ်ဂေတ်မာန်ဂှ် သ္ကိုပ်ပရေၚ်အုပ်ဓုပ် ကလေၚ်ကဵုအခေါၚ် မဒှ်ရ။

ဟီဒီယို ဟာနာဇူမဳ ညးမဒှ်သ္ကိုပ်ပရေၚ်အုပ်ဓုပ် ဒေသနာအဳဂါတာဂှ် ရုၚ်စက်ကာယှဳဝါဇာကဳ-ကာရဳဝါ မွဲသ္ကုတ်မွဲသ္ကူ သွက်ကလေၚ်ဂေတ်မာန် ပ္ဍဲနဝ်ဝမ်ပါ ၂၁ ကဵုအခေါၚ်ဂှ် သွက်ဂွံလလောၚ်တြးအာရောၚ် ဌာန်ပရိုၚ် Kyodo ချူလဝ်ရ။
ရန်စၞောန်လဝ်ကဵု တမ်ရိုဟ်ကၞက်ပရိုၚ် ဟွံချူထမံက်ယၟုတံတုဲ အလဵုအသဳဒေသဆေၚ်စပ်ဂှ် ထမံက်ပတိတ်မံၚ် ပရိုၚ်ဏံရ။
စပ်ကဵုတင်သ္ဂုတ်သွာတ်ညးတေံတုဲ ပ္ဍဲကဵုကောံဓရီုစၠတ်ထဝ်ဒေသဆေၚ်စပ် စကၠောန်ဗ္ဒျ်အာ ဒဳဇြမ်ပါ ၂ ဏံမ္ဂး သ္ကိုပ်ပရေၚ်အုပ်ဓုပ် ဟာနာဇူမဳ သွက်ဂွံချပ်စအာကဵု စၠတ်ထဝ်နွံရ။
စၠတ်ထဝ် ယဝ်ရဒုၚ်တဲ တင်သ္ဂုတ်သွာတ်ညးတေံမ္ဂး ရုၚ်စက်ဏံ ညံၚ်ကလေၚ်ဂေတ်မာန် ဂလာန်နူကဵုအလဵုအသဳဍုၚ်ဂှ် ဟာနာဇူမဳ မၚ်စၟဳမံၚ်ရောၚ် လိက်ပရိုၚ်ပရေၚ်ပိုန်ဒြပ် Nikkei ချူလဝ်ရ။
ဂေါ်ဓါတ်ဂၞန် ၆ ကဵု ၇ ညံၚ်ဂွံကလေၚ်ဂေတ်အာ TEPCO စဳဇန်မံၚ်တုဲ ယဝ်ရယူနေတ်ၜါဒၞာဲဏံ ကလေၚ်ဂေတ်မာန်မ္ဂး ကၠောန်ပတိတ်ဓါတ်လလဳ ၂၇၁၀ မဳဂါဝပ်မာန် မဒှ်ရ။

အလုံပ္ဍဲကဵုရုၚ်စက်မွဲဏံ ပမာဏကၠောန်ပတိတ်ဓါတ်လလဳ နွံမံၚ် ၈၂၁၂ မဳဂါဝပ်ရ။
ပ္ဍဲကဵုဂေါ်ဓါတ်ဂၞန် ၆ ဂှ် ထပေၚ်လဝ်ကၠေၚ်ပရက်တုဲ TEPCO ကၠောန်လဝ်ပရေၚ်စမ်ၜတ် တုဲဒှ်အာ ပ္ဍဲကဵုဂိတုအံက်တဝ်ပါရ။
သွက်ဂေါ်ဓါတ် ညံၚ်ကလေၚ် ဂေတ်ပေၚ်င်ချိုတ်တ်ပၠိုတ်မာန် သၞောတ်အဓိကတံဂှ် စၟဳစၟတ်ဂၠိုက်ဂၠာဲဆဵုလဝ်ကီုရောၚ် TEPCO သ္ပလဝ်ဒတန်ရ။
သွက်သ္ဂောံဂွံပရေၚ်ထံက်ဂလာန် ရုၚ်စက်ညံၚ်ဂွံစကလေၚ်ဂေတ်မာန်ဂှ် ကဵုသြန်အထံက်ပၚ် ဒဝ်ဠာ ၆၄၄ သင်ဃဲရောၚ် ကာန်ပနဳလလောၚ်တြးလဝ်ရ။
Ref:Reuters

