ကိဗ်၊ နိုဝမ်ပါ ၂၄
မူသ္ဇိုၚ်ပရေၚ်ၜိုဟ်လလမ် အမေရိကာန် ပ္ညဳကဵုလဝ်အကြာတံ သွက်ယူခရုၚ်ဂွံဒုၚ်တဲ
ထပိုတ်ထောံ ပရိုၚ်ထံၚ်ပရိုၚ်ကဵု ထံက်ပၚ်လွဟ်ရောၚ် အမေရိကာန် ဘပဠလဝ်ရောၚ် ညးမကြပ်ကဵုကိစ္စဏံၜါတၠဂှ် ဟီုရ။
ပဵုနူကဵု ပရေၚ်ပ္ညဳပ္ညပ်အခိၚ်ကၠာကၠာတေံဏီ ဇြဟတ်ဟရိုဟ်ဇၞော်ဇၞော်ဂှ် အလဵုအသဳကိဗ် ဒးဇီုကပါ်မံၚ်တုဲ ကၠာဟွံစိုပ်နိုဝမ်ပါ ၂၇ ဏံ ယူခရုၚ်ညံၚ်ဂွံထပက်ကဵုစၟတ်တဲ မူသ္ဇိုၚ်ပရေၚ်တုပ်စိုတ်ဂှ် အမေရိကာန်အာတ်မိက်လဝ်ရောၚ် နူရိုဟ်ကၞက်ပရိုၚ် ဟိုတ်နူအကာဲအရာ ဟွံထမံက်ယၟုၜါဒၞာဲ ဟီုရ။
နူကဵုအမေရိကာန် မိက်ဂွံကဵုပေါဲပၞာန် ဒေါအ်ရ။ ဆန္ဒမိက်ဂွံကဵုယူခရုၚ် ညံၚ်ဂွံကဵု ဆန္ဒနွံမံၚ်ရောၚ် နူရိုဟ်ကၞက်ပရိုၚ်မွဲဒၞာဲ ဟီုရ။
အလဵုအသဳကိဗ် သွက်ဂွံဗလးထောံ တိဍာ်တံ၊ သွက်ဂွံယှအ်ဖျေံ ဇြဟတ်ဒပ်ပၞာန်ကဝက်၊ သွက်ဂွံတာဒၞာ ညံၚ်ဟွံဒှ်ကောန်ဂကောံနေတိုဝ် အတိုၚ်သ္ဇိုၚ်ရတ်ယှာတံ အာတ်မိက်လဝ်တၚ်လ္ၚဵုပါ အစဳဇန် ၂၈ တၚ်ဂှ် ဝါယှေန်တန် ပတိုန်ထ္ၜးလဝ်ကဵု ယူခရုၚ်ရ။
သွက်ဂွံသဳကၠဳဂၠံၚ်ဍာန်ပရေၚ်ၜိုဟ်လလမ် ညးစၞးအမေရိကာန်အဆံၚ်သၠုၚ်မွဲဂကောံ ပ္ဍဲကဵုနဝ်ဝမ်ပါ ၂၀ ဂှ် ကၠုၚ်စိုပ်သဳကၠဳလဝ် ယူခရုၚ်ရ။
တင်သဳကၠဳဏံ အံၚ်ဇၞးအာ အမာတ်ကလုတ်အမေရိကာန် နွံမံၚ်ယူခရုၚ် ကေုာံ ညးဇၞော်ဒပ်ပၞာန် ပရေၚ်ကေၚ်ကာညးဍုၚ်ကွာန်တံဟီုလဴတုဲ သွက်ယူခရုၚ်ကဵု ရတ်ယှာ ဂွံထပက်စၟတ်တဲ အခိၚ်ဇမၠိမွဲဍောတ် ခုတ်စၟတ်လဝ်ကဵု သ္ဂးရ။
အပ္ဍဲအကြာဏံ စပ်ကဵုအစဳဇန်ပရေၚ်ၜိုဟ်လလမ် သ္ၚိဗ္တာၚ်တုဲ ဂကောံယူရောပ် မဟာမိတ်ယူခရုၚ်တံ စဳဇန်လဝ် သွက်ဂွံသဳကၠဳအာ ပ္ဍဲကဵုကောံဓရီု G 20 ရ။
ပ္ဍဲကဵုကောံဓရီုဏံ ထရကဵု သမ္မတရတ်ယှာ ပူတေန်တံ တိုန်စိုပ်ဟွံသေၚ်ပုဟ် ဂွံတီရ။
ပ္ဍဲကဵုရာဇဝင်ယူခရုၚ်တံမ္ဂး ဒးဆဵုဂဗမံၚ်ကဵု အခိၚ်အခက်အခုဲဇၞော်အိုတ်မွဲရောၚ် သမ္မတ ဗိုလိုဒဳမာ ဇဳလန်သကဳ ဟီုလဝ်ရ။
သမ္မတပြၚ်သေတ် မဂ်ခရောန်၊ သ္ကိုပ်ဝန်ဇၞော်အဂႅလိက် ကဳယာ စတာမာတံ ပ္ဍဲကဵုနဝ်ဝမ်ပါ ၂၁ ဆက်ဖုၚ်သဳကၠဳလဝ်နွံ သမ္မတ ဇဳလန်သကဳ ဟီုလဝ်ရ။
Ref:Reuters