တိုင်ပေ၊ နိုဝမ်ပါ ၂၇
ပရေၚ်ဘပဠကြုက်တံ ပဵုကြီုကၠုၚ်မံၚ်တုဲ သွက်ဂွံစဵုဒၞာအာကုဇကု စဳဇန်မံၚ်သွက်ဂွံစကာသုၚ်စောဲအာ သြန်ဗာတ်ဂျိတ်ထပ်ထပဵု ၄၀ ဗဳလဳယာန်ပၠန်ရောၚ် သမ္မတထာဲဝါန် လိုၚ်ချေၚ်တဳ ဟီုဏာပ္ဍဲနဝ်ဝမ်ပါ ၂၆ ရ။
ထာဲဝါဲဂှ် နဒဒှ်တိဍာ်ညးတံအပိုၚ်ရောၚ် ဍုၚ်ကြုက်ညာတ်လဝ်တုဲ ပရေၚ်ဟီုဂးညးတံ ညံၚ်ဂွံဒှ်အာဒတန် တုဲကၠုၚ်ပွိုၚ် ၅ သၞာံဏံမ္ဂး သီုကဵုပရေၚ်ဍုၚ်ကွာန် ပရေၚ်ပၞာန် သၠုၚ်ပတိုန်ကဵုမံၚ်ဇြဟတ်ကီုလေဝ် ထာဲဝါန် တးပါဲလဝ်ရ။
နူကဵုအမေရိကာန် ဗီုကဵုမံၚ်ဇြဟတ်ဟရိုဟ် စရိတ်ပရေၚ်စဵုဒၞာ ယူရောပ်ကီု ထာဲဝါန်လဝ် သွက်ဂွံသၠုၚ်ပတိုန် စရိတ်သွက်ပရေၚ်စဵုဒၞာဂှ် ဗတိုက်ဖအောဝ်လဝ်ကီုရ။
ကၠာဟွံစိုပ်သၞာံ ၂၀၃၀ တေံ သွက်ဂွံစကာအာစရိတ်ပရေၚ်စဵုဒၞာ ဗၞတ်ၚုဟ်မးကပေါတ်ပတိတ်အပ္ဍဲဍုၚ် ၅% ညံၚ်ဂွံစိုပ်သၠုၚ်အာမာန် စၟဳလဝ်ရောၚ် သမ္မတလိုၚ် ဟီုလဝ်ပ္ဍဲဂိတုအဝ်ဂါတ်ရ။
အဃောလလောၚ်တြးမံၚ် စကာအာစရိတ်ပရေၚ်စဵုဒၞာ ၃၉ ဒဿမ ၈၉ ဗဳလဳယာန်ဂှ် ပိုဲတံဒးဆဵုဂဗအာ စိုပ်မံၚ်ဍာ်ဒှ်ဍိက်မာန်ရောၚ် ဟီုဂးလဝ်ရ။
စပ်ကဵုပရေၚ်ဂီုကၠီုကောန်ဂကူတုဲ ပ္ဍဲကဵုပိုဲတံ သွက်ဂွံဒးပ္ညဳဒၞာဲဟၟဲပုဟ် လိုၚ်ချေၚ်တဳ ဟီုလဝ်ပ္ဍဲကဵုပေါဲသောၚ်ကလးလိက်ပရိုၚ် ရုၚ်သမ္မတရ။
အဓိကၚုဟ်မး အဝဵုအုပ်ဓုပ်ပိုၚ်ပြဳဍုၚ်နိဂီု၊ ပရေၚ်သၠးပွးကေုာံ ဒဳမဝ်ကရေသဳတံဂှ် ဒှ်သ္ဇိုၚ်ဍုၚ်ပိုဲရောၚ် ညးဆက်ထပေၚ်ဟီုလဝ်ရ။
သွက်ဂွံဒုၚ်ဒဝ်စဵုဒၞာအာ ကုဇကုကေတ်တ် ထာဲဝါန် ဖျေံလဝ်သ္ဂုတ်သွာတ်ပိုတ်တ်တုဲယျဏောၚ် သမ္မတလိုၚ် သ္ဂးလဝ်ရ။
ပရေၚ်သၠုၚ်ပတိုန်စကာဘဏ္ဍာတံဂှ် ထာဲဝါန် စဳဇန်လဝ် သွက်ဂွံထပ်ရာန်ကေတ်လွဟ် နူကဵုအမေရိကာန်တံရ။
သၠုၚ်ပတိုန်အစောန် ပရေၚ်စဵုဒၞာ ကၠးကၠးမးမးရောၚ် လိုၚ်ချေၚ်တဳ ဟီုရ။
သမ္မတ အမေရိကာန် ဒဝ်နေဝ်ထရ ကလေၚ်စိုပ်ကၠုၚ်သ္ၚိဗတာၚ်ပၠန်တုဲဗွဲကြဴ နူကဵုဝါယှေန်တန် ကဵုလဝ်အခေါၚ် သွက်ဂွံသွံကဵုလွဟ်ကဵု ထာဲဝါန် ဒဝ်လာ ၃၃၀ ပြကောတိကိုဋ်နွံမံၚ်ရောၚ်။
ဆဂး ဟိုတ်နူဗော်ဒစဵုဒစးအဓိက ဗော်ကူမေန်တာန် နွံမံၚ်ပၟိက်ကဵုဆက်ဆောံကြုက် ခိုဟ်ဟ်တုဲ နူကဵုစၠတ်ဓဝ် သွက်ဂွံကဵုအခေါၚ် ပရေၚ်သၠုၚ်ပတိုန်စရိတ်ဘဏ္ဍာဏံဂှ် အလဵုအသဳထာဲဝါန် ဂဗဆဵုအခက်အခုဲမာန်ရောၚ် ဂွံတီရ။
Ref:Agencies