ဝါယှေန်တန်၊ နိုဝမ်ပါ ၂၈
ပ္ဍဲကရပ်သ္ၚိဗတာၚ် ပန်ဂစိုတ်လဝ် ရဲဒပ်ဂီုကၠီုၜါတၠဂှ် ဒှ်မံၚ်ကောန်ဍုၚ်အာဖဂန်ရောၚ် ထမံက်ပတိတ်မာန်ကၠုၚ်တုဲ သွက်ကောန်ဍုၚ်အာဂါန်နေတ်သတာန်တံ ပရေၚ်အာတ်မိက် အခေါၚ်ဆုဲပြံၚ်မံၚ်စံၚ်အိုဿီုတံဂှ် အလဵုအသဳ အမေရိကာန် ဒေါအ်လဝ်ရ။
သွက်ဂွံကၠောန်အာ လၟေၚ်ကမၠောန် သ္ၚဳဂၠိပ်ပရေၚ်ဂီုကၠီုနွံမံၚ်တုဲ ဒးဖျေံလဝ်သ္ဂုတ်သွာတ်ဗီုဏံရ နူကဵုဌာနလဝက အမရိကာန်ဟီုရ။
ကောန်ဒပ်ဂီုကၠီုကောန်ဂကူၜါတၠ ဒးဝပ်ဇၞော်ကဵုဇြဟတ်တုဲ ပ္ဍဲနဝ်ဝမ်ပါ ၂၆ ဒှ်လဝ်သံသယညးပန်လဝ်ဏံဝွံ နူကဵုသၞာံ ၂၀၂၁ တေံ ညးဆုဲပြံၚ်လဝ်နူဍုၚ်အာဂါန်နေတ်သတာန် စိုပ်ကၠုၚ်အမေရိကာန်ရောၚ် ဂၠိုက်ဂၠာဲဂွံလဝ်တၚ်နၚ်ရ။
ပရေၚ်ပန်လဝ်ဂှ် ဒှ်ပရေၚ်ပကီုပရာတ်တုဲ ကောန်ဍုၚ်မ္ၚးဟွံဆေင်စပ်ကဵုအမေရိကာန်တံဂှ် ဒးပါဲပတိတ်အာရောၚ် သမ္မတအမေရိကာန် ဒဝ်နေဝ်ထရ ဟီုလဝ်ရ။
ပ္ဍဲလက်ထက်သမ္မတတြေံ ဂျိုဝ်ဗိုဒၚ်တေံ ပ္ဍဲသၞာံ ၂၀၂၁ နူကဵုဍုၚ်အာဂါန်နေတ်သတာန် အခိၚ်ဒပ်အမေရိကာန်တံ ဆုတ်စဴလဝ် ဒှ်မံၚ်အကာဲအရာရုသံၚ်မံၚ်နာနာတံဂှ် နကဵုတၚ်တၟေၚ် အခေါၚ်မၚ်မွဲရံၚ်စံၚ် ဆေင်စပ်ကဵုပရေၚ်သၞောဝ်လုပ်ဍုၚ်အမေရိကာန်ဂှ် ကောန်ဍုၚ်အာဂါန်နေတ်သတာန်လၟိဟ်ကဵုလ္ၚီတံ လုပ်စိုပ်ကၠုၚ်လဝ်ရ။
ပ္ဍဲလက်ထက်သမ္မတ ဗိုၚ်ဒန်တေံ ညးလုပ်စိုပ်လဝ်ဍုၚ်အမေရိကာန်သီုဖအိုတ်တံဂှ် ဒးစၟဳစၟတ်ထေက်ရောၚ် ထရဟီုလဝ်ရ။
ပ္ဍဲကရပ်ဒၞာဲရုၚ်သမ္မတ သ္ၚိဗတာၚ် ဟိုတ်နူပရေၚ်ပန်ဏာသာ်ဏံဂှ် ကောန်ဒပ်ဂီုကၠီုကောန်ဂကူ ၜါတၠ ဒးဝပ်ဇၞော်ကဵုဇြဟတ်တုဲ ပန်လဝ်ပန်အလန်ရောၚ် ညးတာလျိုၚ်အမေရိကာန်တံ ဟီုရ။
ထရ ထ္ၜးဟိုတ်ပရေၚ်ဗတိုက်သရိုဟ်ရာဇဝတ်ဂှ် လုပ်ဖျေံဒပ်ဂီုကၠီုကောန်ဂကူ ပ္ဍဲကဵုဍုၚ်ဂမၠိုၚ်တုဲ မွဲလပါ်ဂှ် ဟၟဲပၟိက်ဝါဒဧကရာဇ်ဂးတုဲ ပေါဲထ္ၜးဆန္ဒဒစဵုဒစးထရ က္တဵုဒှ်မံၚ်ရ။
Ref:BBC