တဳဟုက်၊ နိုဝမ်ပါ ၂၉
သွက်ဂွံပတိုန်အမှုအဃောပလေဝ်စမံၚ် အမှုရာဇဝတ် ကဠက်ဂကူမၞိဟ် စောဲစပ်လဝ် လ္တူသမ္မတဖိလေတ်ပိုၚ်တြေံ ဒူတာတေဝ်ဝွံ စပ်ကဵုတၚ်အာတ်မိက် သွက်ဂွံကလေၚ်ဗလးကဵုညးတေံဂှ် နာဲဗ္စာတံ သွက်ဂွံဖျေံသ္ဂုတ်သွာတ်နွံတုဲ ဒးဒုၚ်ရပ်ထိၚ်လဝ် နူကဵုရုၚ်သၞောဝ်ဓရ်ဂၠးကဝ်ဂှ် ပ္ဍဲတ္ၚဲအကြာတံဏံ ကလေၚ်ဗၠးကၠုၚ်မာန်ရောၚ်။
ယဝ်ရဗလးကဵုဏာ ဒူတာတေဝ်မ္ဂး ညးတေံကၠုၚ်ဆေၚ်ဂဗုတ်ဟွံသေၚ်တုဲ အခိၚ်ဗၠးမံၚ်တံမ္ဂး ကလေၚ်ဂၠာဲသၞကဵု သက်သဳမတ်ညာတ်တံမာန်ရောၚ် နာဲဗ္စာတံ စၟဳစၟတ်ဂွံတုဲသွက်ဂွံဆက်ထိၚ်လဝ်ညးတေံ တၚ်သ္ဂုတ်သွာတ်ဂိတုအံက်တဝ်ပါဂှ် ဂကောံဥပဒေညးတေံ ပတိုန်လဝ်ဂလာန်ခၠေဝ်သှ်မဒှ်ရ။
အခိၚ်ဒူတာတေဝ် ကေတ်လဝ်တာလျိုၚ် ၝောံဇၞော်ဝန်ဍုၚ်ကီု အခိၚ်ဒှ်လဝ်သမ္မတကီု ပ္ဍဲပရေၚ်ဗတိုက်သရိုဟ်ဂဥုဲၜူမာဲတံဂှ် ဂစိုတ်ကၠုၚ်လဝ်မၞိဟ်လၟိဟ်နွံဗွဲမဂၠိုၚ်ရေၚ် သၟာဂဗုတ် ICC တံ ဟီုရ။
ဒူတာတေဝ် ကဵုလဝ်စၞောန် သွက်ဂွံဂစိုတ်သ္ပကာဂစိုတ် လ္တူညးဒးဒုၚ်စောဲစပ်လဝ် အမှုသွံရာန်ဂဥုဲၜူမာဲတံကဵု ညးသုၚ်စောဲဂဥုဲၜူမာဲတံကီု မၞိဟ်ရာဇဝတ်တံရောၚ် သၟာဂဗုတ် ICC တံ ဟီုရ။
အခိၚ်ဒူတာတေဝ် ဒှ်သမ္မတ ပရေၚ်ချိၚ်တော်ခယျ လၟိဟ်မၞိဟ်ချိုတ်လဝ်တံဂှ် တိတ်မံၚ်ဗီုပြၚ်နာနာသာ်နွံရ။
နူကဵုဒပ်ဗၠာဲသၟိၚ်ဖိလေတ်ပိုၚ်တံဂှ် မၞိဟ်ချိုတ်အာ ၆၀၀၀ အခိၚ်ဟီုလဝ်ဂှ် မၞိဟ်ၜိုတ် ၃၀၀၀၀ ချိုတ်လဝ်နွံမံၚ် ဂကောံအခေါၚ်အရာမၞိတ်တံ ဟီုမံၚ်နွံရ။
ပ္ဍဲဂိတုမာတ်ချ်တုဲကၠုၚ် အခိၚ်ရပ်ဏာ ဒူတာတေဝ်ဂှ် ရဲသ္ၚိကၟိန်အိန်ထံၚ် ဒးဒုၚ်ဂစိုတ်လဝ်တံ ဒုၚ်တၠုၚ်ရ။
ဂမြၚ်သမ္တီစိုတ် ဒူတာတေဝ် ယအ်စေအ်အာတုဲ ကဵုအရီုဗၚ်သၟာဂဗုတ်ညးတေံဟွံမာန် ဒှ်မာန် သၟာဂဗုတ်ညးတေံ ခၠေဝ်သှ်ပတိုန်လဝ်ရ။
ဂၠိုက်ဂၠာဲစၟဳစၟတ်အာ ပရေၚ်ပကီုပရာတ် အခိၚ်ဒူတာတေဝ် အဝဵုနွံတေံရောၚ် သၟာဂဗုတ် ICC တံ ဟီုလဝ် ပ္ဍဲကဵုသၞာံ ၂၀၁၈ ဂိတုဖေဖဝ်ဝါရဳတေံ မဒှ်ရ။
အခိၚ်ညးတေံယိုက်ဂၠေၚ်မံၚ်တာလျိုၚ်သမ္မတဂှ် ဍုၚ်ဖိလေတ်ပိုၚ် နုက်တိတ်နူကဵု ဂကောံရုၚ်သၞောဝ်ဓရ် ICC ရောၚ်ဟီုလဝ်တုဲ သွက်ဂွံပါဲထောံ ပရေၚ်ညးတေံဒးကေတ်လျိုၚ်ရောၚ် ရဲအခေါၚ်အရာမၞိဟ်တံ ဟီုရ။
Ref:AP