ၜံၚ်ကံက်၊ ဒဳဇြမ်ပါ ၁၃
ၜိုန်ရပလီုထောံစၠတ်ဓရ်ကီုလေဝ် ပရေၚ်စဵုဒၞာညးဍုၚ်ကွာန် ညံၚ်ဂွံချိုတ်ပၠိုတ်မာန် အလဵုအသဳသေံ ဆက်ရေၚ်တၠုၚ်ကၠောန်ၜိုတ်အာတုဲ သွက်ဂွံမၚ်မွဲရံၚ်စံၚ်အာနိဂီုဍုၚ် နကဵုလၟေၚ်ကမၠောန် အခေါၚ်ဗဗွဲသၞောဝ် အလဵုအသဳယာယဳ ဆက်ကၠောန်အာမံၚ်ရောၚ် နူကဵုသေန်တာပံၚ်တောဲလလောၚ်ပရိုၚ် ဆေင်စပ်ကဵုပယျဵုသေံ-ခမေန် သ္ပလဝ်ဒတန်ရ။
ပ္ဍဲဒဳဇြမ်ပါ ၁၁ ပလီုထောံစၠတ်ဓရ်ကီုလေဝ် စပ်ကဵုပရေၚ်ဂီုကၠီုကေုာံ ပရေၚ်ထိၚ်ဒဝ်တံမ္ဂး တာလျိုၚ်လၟေၚ်ကမၠောန် အလဵုအသဳယာယဳ ဆက်တန်ကြန်မံၚ်ဖိုဟ်ရောၚ် သ္ကိုပ်စၞောန်ပ္ညုၚ်သေန်တာဏံ ပရာပါတ်သ် သောန်ဆာဲ ဟီုလဝ်ပ္ဍဲဒဳဇြမ်ပါ ၁၂ ရ။
ဒပ်ခမေန်တံ လုပ်စိုပ်ကၠုၚ်ဒေသသေံလ္ၚဵုတုဲ ဒှ်ပေါဲဗတိုက်ဂှ် ပ္ဍဲပယျဵုတံ အကာဲအရာကြံၚ်မ္ၚိုဟ်မံၚ်အိုတ်စောန်ရောၚ်။
အတိုၚ်ဥပဒေကၠးကဝ် ဒပ်ပၞာန်သေံ ကၠောန်မံၚ်ပရေၚ်စဵုဒၞာဇကုဇကုတံတုဲ ညံၚ်ဂွံစဵုဒၞာကဵု အန္တရာဲလမျီုကောန်ဍုၚ်တံ၊ သွက်ဂွံမၚ်မွဲအာ အပိုၚ်အခြာအဝဵုပရေၚ်အုပ်ဓုပ်နိဂီုဍုၚ်မာန်ဂှ် ဂိုတ်ဂစာန်လွဳပရာမံၚ်ရောၚ် သ္ကိုပ်စၞော်ပ္ညုၚ် ပရာပါတ်သ် ဟီုရ။
သွက်ညးဍုၚ်ကွာန် ဗွဲလၟေၚ်ဂတာပ်အခိၚ် ညံၚ်သ္ဂောံဂွံတၚ်နၚ်ပရိုၚ်တံမာန်ဂှ် နူကဵုသေန်တာ ပံၚ်တောဲလလောၚ်ပရိုၚ်ဏံ လလောၚ်ပတိတ်ကဵုအာပရိုၚ် ဗွဲမကၠးမးရောၚ် ချူထမံက်လဝ်ရ။
အတိုၚ်ဥပဒေပရေၚ်ဂီုကၠီုဍုၚ်သေံမ္ဂး ဥပဒေအုပ်ဓုပ်ပၞာန် လလောၚ်တြးလဝ်ပ္ဍဲဒေသပယျဵုဏံ ဆက်တန်ကြန်မံၚ်ဏီတုဲ အလဵုအသဳကဵုဒပ်ပၞာန် သွက်ဂွံလလောၚ်တြး ကဵုအာစၞောန်ပၟိၚ်တံ၊ သွက်ဂွံကၠောန်ပရေၚ်လဝေၚ်ပၞာန်တံ အခေါၚ်အရာဍိုက်ကၠံပေၚ်ၚ် နွံမံၚ်ဖိုဟ်ရောၚ် ပ္ဍဲကဵုတၚ်လလောၚ်တြးသေန်တာဏံ ချူလဝ်ရ။
ပရေၚ်သောၚ်ကလးအာနကဵုမူဝါဒ ၜိုဟ်ဟ်သြိုဟ်ဟ်ဂှ် သေံစွံလဝ်ကတိဏီဖိုအ်မဒှ်တုဲ သွက်ဂွံကေတ်ပရေၚ်ဓဝ်ၜိုဟ်လလမ်ကဵု ခမေန်တံဂှ် ဆန္ဒနွံမံၚ်ဏီ ညးတာလျိုၚ်တံ ဟီုမံၚ်ရ။
မွဲအခိၚ်ဓဝ် ဘဲအန္တရာဲကောန်ဍုၚ်သေံတံ ညံၚ်ဂွံဗၠးချိုတ်ပၠိုတ်ဂှ် ဒပ်ပၞာန်ဆက်စဵုဒၞာမၚ်မွဲအာ နကဵုသၞောတ်သၞောဝ်ဥပဒေစှ်ေစှ်ေရောၚ် ပရာပါတ်သ် သ္ဂးရ။
အတိုၚ်အေဂျေန်သဳအလဵုအသဳတံ လလောၚ်ပတိတ်ပရိုၚ်ဂှ် သွက်ဂွံဒဂေတ်ဗက်အာ၊ ညံၚ်ဂွံပါဲ နူကဵုဒေသဘဲအန္တရာဲဂၠိုၚ်တံ၊ ဗီုရုပ်ဒှ်အန္တရာဲမာန် သွက်ညးကေတ်မံၚ်တာလျိုၚ်ပရေၚ်ဂီုကၠီုတံဂှ် လ္ပပတိုန်အန်လိုၚ်ညိ ညးတာလျိုၚ်အလဵုအသဳတံ ဗတိုက်ဖအောဝ်လဝ်ရ။
Ref:Bangkookpost