မနဳလာ၊ ဂျာန်နဝါရဳ ၃၁
ပေါဲရုဲမာဲဒပ်ပၞာန် ကၠောန်ဗ္ဒျ်လဝ်ဂှ် ဂကောံအာသဳယာန် ၁၁ ဍုၚ်တံ သ္ပစၟတ်သမ္တီဟွံသေၚ်ရောၚ် ဥက္ကဌ ဝန်ဇၞော်ဍုၚ်သအာၚ် ဖိလေတ်ပိုၚ် ဟီုရ။
ပေါဲရုဲမာဲပါ်ကၠောန်လဝ်ပိသ္ကုတ်ဂှ် နူကဵုအာသဳယာန် ဒုၚ်တဲသ္ပဒတန်ဟွံသေၚ်ရောၚ် ဝန်ဇၞော်ဍုၚ်သအာၚ် ဖိလေတ်ပိုၚ် ထရဳသာ လာဇြာရို ဟီုလဝ် ပ္ဍဲဂျာန်နဝါရဳ ၂၉ ရ။
ပ္ဍဲဍုၚ်ဖိလေတ်ပိုင်ဒေသလဒေါအ် ဒၞာဲဍုၚ်သဳဗူ ကၠောန်ဗ္ဒျ်လဝ် ကောံဓရီုအဆံၚ်ဝန်ဇၞော်ဂမၠိုၚ် အလန်ပထမ သၞာံဏံတုဲ ဝန်ဇၞော်လာဇြာရို ဟီုလဝ်ရ။
နူကဵုအာသဳယာန် သ္ပစၟတ်သမ္တီကဵု ပေါဲရုဲမာဲဍုၚ်ဗမာဟာ အစာပရိုၚ်တံသၟာန်လဝ်ဂှ် ဒဵုအခိၚ်လၟုဟ် ဟွံဂွံသ္ပစၟတ်လဝ်သမ္တီဏီပုဟ် သှ်လဝ်ရ။
စပ်ကဵုပရေၚ်ကၠောန်လဝ်ပေါဲရုဲမာဲဍုၚ်ဗမာ တုဲကၠုၚ်ဏံ သွက်ဂွံကေတ်ပရေၚ်တၚ်တုပ်စိုတ်ဘုံကဵု အာသဳယာန် ယုက်ဒေက်လဝ်ရောၚ် လိက်ပရိုၚ်ဖိလေတ်ပိုၚ်တံ ချူလဝ်ရ။
ဆၜိုတ် အာသဳယာန် ဟွံသ္ပစၟတ်သမ္တီဏီပုဟ် ဟီုလဝ်တုဲ တင်နၚ်ချိုတ်တ်ပၠိုတ်တ်တံဂှ် ဟွံဟီုပတိတ်လဝ်ဏီ။
ပရေၚ်အာသဳယာန် ဟွံသ္ပစၟတ်သမ္တီပေါဲရုဲမာဲဂှ် သွက်က္ဍိုပ်သ္ကိုပ်ပၞာန်ဗမာတံ ဒှ်အာပရေၚ်ဇီုကပါ်ဇၞော်ကဵုဇြဟတ်မွဲမာန်ရောၚ်။
ပရေၚ်သီလဝ်အဝဵု ညံၚ်ဂွံလုပ်ဗဗွဲသၞောဝ်မာန် ပရေၚ်ဍုၚ်ဂၠးကဝ်တံ ညံၚ်ဂွံသ္ပစၟတ်သမ္တီ စၟဳစလဝ်တုဲ က္ဍိုပ်သ္ကိုပ်ပၞာန်တံ ကၠောန်လဝ်ပေါဲရုဲမာဲ မဒှ်ရ။
ပြဟ်ဟ်ဏံ အမာတ် ဗော်သ္ပစၞးဒပ်ပၞာန် ပျဳခိုၚ်ဖျိုဝ်တံ ဗွဲမဂၠိုၚ် ဂွံလဝ်ဇၞးမာဲရောၚ် လလောၚ်တြးလဝ်ရ။
သွဟ်ပေါဲရုဲမာဲလုပ်သၞောဝ် ပ္ဍဲအကြာသတ္တဟဏံ တိတ်ကၠုၚ်မာန်တုဲ ပ္ဍဲဂိတုမာတ်ချ်ဏံ ဒက်ပတန်အာ အလဵုအသဳရောၚ် ဒပ်ပၞာန်ဟီုလဝ်ရ။
ဗော်ဒစဵုဒစးတံဂှ် ဒၞာတာလဝ် ဟွံသေၚ်မ္ဂး ပလီုထောံလဝ်၊ သၟာပရေၚ်ဍုၚ်ကွာန်ဒစဵုဒစးတံဂှ် ပၠုပ်လဝ်ထံၚ်တုဲ ကၠောန်လဝ်ပေါဲရုဲမာဲဟီုဂှ် ဒှ်ပေါဲရုဲမာဲအလီရဏောၚ် ကုလသမဂ္ဂကဵု ဂကောံအခေါၚ်အရာမၞိဟ်တံ ဟီုဖျေံပျုတ်ဗဒေက်လဝ်ရ။
Ref:Aljazeera