နယူယံက်၊ ဖေဖဝ်ဝါရဳ ၂
စပ်ကဵုသမ္မတအမေရိကာန် ဒဝ်နေဝ်ထရ ရုဲစှ်ခါန်ကၞက်ဥက္ကဌဗာန်ဗဟဵုတုဲ အခိၚ်ညးဓလိုက်တမ်ရိုဟ်တံစိုတ်ၜိုဟ်အာဂှ် ဗွဝ်ဖျာစတံက်ယှေဝ်ယာ ယူရောပ် ဇြဟတ်အောန်အာဂှ် အနှေန်ၚုဟ်ထဝ်သြန်ဂၠးကဝ် ကလေၚ်ဆုတ်စှ်ေအာရ။
သွက်ပရေၚ်ဓလိုက်တမ်ရိုဟ်ဂှ် အနှေန်ၚုဟ်ထဝ်သြန်ဂၠးကဝ်တံ ကိစ္စဇၞော်မံၚ်တုဲ ရုဲစှ်ခါန်ကၞက်ဥက္ကဌဗာန်ဗဟဵုတုဲမှ ယအ်စှ်ေအာရ။
နဒဒှ်ဥက္ကဌဗါန်ဗဟဵု ထရ ပတိုန်ပၠုပ်ယၟု ကေဗေၚ်ဝါရှ်တုဲ အနှေန်ၚုဟ်ထဝ်သြန်ဂၠးကဝ်တံ ယအ်စှ်ေ မဒှ်ရ။
ဥက္ကဌ ဗာန်ဗဟဵု ဂျရမဳ ပါဝါလ်ဂှ် ထရ ဗတိုက်လဝ် နကဵုပူဂဵုတုဲ ပရေၚ်ပိုန်ဒြပ်အမေရိကာန် ပွမသြန်ဖောဝ် ယုတ်ဒေက်ကၠုၚ်မာန် ကဵုသတိတုဲမှ ဒှ်ကၠုၚ်ဗီုဏံရ။
ပ္ဍဲဂျာန်နဝါရဳ ၂၉ လျိုၚ်ထဝ်မွဲအံၚ်သမ္ဂး ၅၆၀၀ ဒဝ်ဠာ ၜက်တိုန်သၞောတ်တုဲ အနှေန်ၚုဟ်မးတံ ယအ်စှ်ေကၠုၚ် မဒှ်ရ။
လျိုၚ်ထဝ်မွဲအံၚ်သမ္ဂး စှ်ေအာသၟဝ် ၅၀၀၀ ဒဝ်ဠာ ဒဵုကဵု ၁၂% ယအ်စှ်ေအာရ။
အနှေန်ၚုဟ်သြန်လေဝ် ပ္ဍဲကဵုဂျာန်နဝါရဳ ၂၉ လျိုၚ်မွဲအံၚ်သ ၁၂၀ ဒဝ်ဠာ သၠုၚ်တိုန်အာတုဲ ပရေၚ်ထရ ရုဲစှ်ဏာ ဥက္ကဌဗာန်ဗဟဵုတုဲဗွဲကြဴဂှ် ၚုဟ်မးကလေၚ်ယအ်စှ်ေအာ မဒှ်ရ။
အနှေန်ထဝ်မွဲပေက်ဂှ် ယအ်စှ်ေ ၁၂% တုဲ ပ္ဍဲကဵုဂျာန်နဝါရဳ လျိုၚ်မွဲအံၚ်သ သၠုၚ်တိုန်အာ ဒဵုကဵု ၅၆၀၀ ဒဝ်ဠာရ။
ပရေၚ်ထရ သၠုၚ်ကံက်ပတိုန်လဝ်အကံက်ခေါန်ကီု အခိၚ်ရဲဓလိုက်တမ်ရိုဟ်တံဒွိၚ်ဇၞော်တိုန် ဗက်ရာန်ကေတ်ထဝ်ဂှ် အနှေန်ထဝ်သၠုၚ်တိုန်အာတုဲ ၚုဟ်မးသြန်အမေရိကာန် ယအ်စှ်ေအာ မဒှ်ရ။
ဟိုတ်နူထရ ဘပဠ ဗက်ဟီုမံၚ်ဂှ် ဗွဝ်ဖျာသြန်ဂၠးကဝ် ညံၚ်ရဴဍိုက်မံၚ် ရိုလာကိုသကာ ဂရံက်ဂရိုက်အာတုဲ ပ္ဍဲဍုၚ်အမေရိကာန် ကြပ်ဒးကၟာတ်ထောံ ရုၚ်အလဵုအသဳ မဒှ်ရ။
Ref:AFP