ဝါယှေန်တန်၊ ဖေဖဝ်ဝါရဳ ၂၁
လ္တူအေန်ဒို အကံက်အခေါန် နူကဵု ၃၂% ဂှ် သွက်ဂွံယှအ်ကံက်အာ ၁၉% မာန် ကေတ်လဝ်တၚ်တုပ်စိုတ်တုဲယျ အလဵုအသဳ အမေရိကာန်ကဵု အေန်ဒိုနဳယှာတံ ဟီုရ။
လ္တတၚ်တုပ်စိုတ်ဏံ လ္တူအမေရိကာန် ပၠုပ်ကပေါတ် ၉၉% တံဂှ် အေန်ဒိုနဳယှာယှအ်ဖျေံအာတုဲ ကပေါတ်အမေရိကာန် ၜိုတ်ဒဝ်လာ ၃၀ ဗဳလဳယာန်တံ ဗွဲမလောဲသွာ ရာန်ကေတ်အာမာန်ရောၚ် အမေရိကာန်လလောၚ်တြးလဝ် ပ္ဍဲဖေဖဝ်ဝါရဳ ၁၉ ရ။
ကပေါတ် ဂၠိက်ယာတ်၊ ယာတ်ပလောအ်လ္ၚဵု ကၠောန်လဝ်ကဵု တောဝ်ဆဝ် နူအေန်ဒိုနဳယှာတံ နူကဵုအမေရိကာန် ဗလးကဵုလဝ်အခေါန်ဂှ် အလဵုအသဳဝါယှေန်တန် ဟီုရ။
တုပ်တုပ်စိုတ်ဏံဂှ် သွက်ဂုဏ်ဖဵုညးဍုၚ်ကွာန်အမေရိကာန်တံ ဂွံတဴတက်အာ မဒှ်ရောၚ် ညးစၞးပရေင်ကူသာန်သွံရာန်အမေရိကာန် ဂျမဳသေၚ် ဂျရဳယာ သ္ဂးရ။
အခိၚ်သမ္မတအေန်ဒိုနဳယှာ ပရာဗိုဝို သူဗဳယာန်တို အာစိုပ်လဝ် ဍုၚ်ဝါယှေန်တန် ကောံဓရီု ဂကောံဗုက်ပရေၚ်ၜိုဟ်လလမ်အလန်ပထမ ထရသ္ကိုပ်သ္ကလဝ် အရာဒက်ပတန်ၚာၚ်ၜဳဂါဇြာဂှ် တၚ်တုပ်စိုတ်ဏံ မံက်တိတ်ကၠုၚ် မဒှ်ရ။
တင်တုပ်စိုတ်ဏံ ဒှ်ဂုဏ်ဖဵု သွက်ပရေၚ်ပိုန်ဒြပ်အကြာၜါဍုၚ်တုဲ ပ္ဍဲအေန်ဒိုနဳယှာ ပရေၚ်ဓလိုက်တမ်ရိုဟ် လုပ်ဂၠိုၚ်တိုန်မာန်ရောၚ် ဝန်ဇၞော်ပရေၚ်ပိုန်ဒြပ် အေန်ဒို အာလာန်ဂါ ဟာတာတို ဟီုရ။
စပ်ကဵုပရေၚ်အခေါန် အတိုၚ်အေန်ဒိုနဳယှာ အာတ်မိက်လဝ် ၜိုတ် ၉၀% ဂှ် အမေရိကာန် ဒုၚ်လဝ်တဲရောၚ် ဝန်ဇၞော် အာလာန်ဂါ သ္ဂးရ။
နူကဵုအေန်ဒိုနဳယှာ ကဝ်ဖဳ၊ မြမောဝ်ကပေါတ်ပုၚ်သွနာနာ၊ ချဝ်ကလက်၊ ရာဘာသဘာဝကဵု ကၠေၚ်သတ်ဗြဴတံ ဂကူကပေါတ်ဗၞိက်နာနာ ၁၇၀၀ ပြၚ်တံ ဂွံအခေါၚ်ဗၠးၜးအခေါန်ရောၚ် အာလာန်ဂါ ဟီုရ။
သွက်ကပေါတ်ဗၞိက် တိတ်နူအမေရိကာန်တံ အေန်ဒိုနဳယှာ ပံက်ကဵုဂအာၚ်ဖျာတုဲ နကဵုဂတးဂတန် အမေရိကာန် ကဵုလဝ်အခေါၚ်ဗၠးၜးအခေါန် မဒှ်ရောၚ်။
Ref:BBC