ကာရာကါတ်၊ ဖေဖဝ်ဝါရဳ ၂၄
အလဵုအသဳ သမ္မတယာယဳ ဒေဝ်လ်သဳ ရိုဒရဳဂေါတ်တံ အခိၚ်ဒးဇီုကပိုက်မံၚ် ဇြဟတ်ဟရိုဟ် အမေရိကာန်ဇၞော်ကဵုဇြဟတ်ဏံ ညးကဵုကသပ်ပရေၚ်ဂီုကၠီုကဵု အစာသဝ် နူဍုၚ်ကျူပါတံ ကလေၚ်ၜးတိတ်လဝ် နူကဵုရိုဟ်ကၞက်ပရိုၚ်ကြပ်ကဵုပရေၚ်ဏံ ၁၁ ဒၞာဲဂှ် ဟီုရ။
ပ္ဍဲလက်ထက် သမ္မတတြေံ အမေရိကာန် ရပ်ထိၚ်လဝ် နဳကိုလာတ် မာဒူရိုကီု သမ္မတ ဟူဂိုချာဗက်တံကီု သွက်ပရေၚ်ဂီုကၠီုညးတံ ပတေဟ်လဝ် ဒပ်အဆံၚ်သၠုၚ် နူကဵုဍုၚ်ကျူပါတံရောၚ်။
ဆဂး သွက်ပရေၚ်ဂီုကၠီု သမ္မတယာယဳ ဒေဝ်လ်သဳ ရိုဒရဳဂေါတ်ဂှ် ကေတ်လဝ်ဒပ်မၚ်လမျီု ဗၚ်နဳဇြဲလာတံရောၚ် နူကဵုရိုဟ်ကၞက်ပရိုၚ်ပန်ဒၞာဲ ဟီုလဝ်ရ။
ပ္ဍဲဂျာန်နဝါရဳ ၃ အခိၚ်အမေရိကာန် လုပ်ရပ်ဗတိုက် မာဒူရိုဂှ် ကောန်ဍုၚ်ကျူပါ ၃၂ တၠ ချိုတ်လဝ်ရောၚ် အလဵုအသဳကျူပါ လလောၚ်တြးလဝ်ရ။
ကောန်ပၞာန်ကျူပါတံဏံ စနူသၞာံ ၂၀၀၀ တေံ ဖျေံစွံကဵုလဝ် အတိုၚ်ပရေၚ်တုပ်စိုတ်အကြာ ကာရာကာတ်ကဵု ဟာဗာနာတံရောၚ်။
အတိုၚ်တၚ်တုပ်စိုတ်မ္ဂး ပ္ဍဲကဵုဗတိုက်သရိုဟ်လဝ် ရဲဒစဵုဒစးအပ္ဍဲဍုၚ်တံဂှ် စကာလဝ် ဒပ်ထံၚ်ပရိုၚ် ဗၚ်နဳဇြဲလာတံကဵု ဒပ်ထံၚ်ပရိုၚ် ကျူပါတံရ။
သွက်အလဵုအသဳ ချာဗက်ဂွံဂျိုၚ်တဴအာ ဒးကေတ်လဝ်သြဇာထယံက် ကျူပါပေၚ်ၚ်ရောၚ် ညးစီုသ္ကီုအရာပရေၚ်ဗၚ်နဳဇြဲလာ ပါမောက္ခဝင် တက္ကသိုလ်နယူယံက် အလဳဂျာန်ဒရို ဗဳလက်သကို ဟီုရ။
အပ္ဍဲဌာနထံၚ်ပရိုၚ်ဗၚ်နဳဇြဲလာဂှ် ပသောၚ်ပတိတ်လဝ် ညးကဵုကသပ်ကျူပါလ္ၚဵုတံရ ညးတာလျိုၚ်ထံၚ်ပရိုၚ်တြေံ ဗၚ်နဳဇြဲလာမွဲတၠ ဟီုရ။
ညးကဵုကသပ်ကျူပါတံကဵု သၞာဲဒါဂဥုဲတံ စဴအာဍုၚ်ကျူပါ နကဵုတရဴယာန်ကျာ အကြာတံဏံဂှ် နူကဵုရိုဟ်ကၞက်ပရိုၚ်ၜါဒၞာဲ ဟီုရ။
ဟိုတ်နူကဵု ဇြဟတ်ဟရိုဟ် အမေရိကာန်တုဲ အတိုၚ်စၞောန်သမ္မတယာယဳဂှ် ညးတာလျိုၚ်ကျူပါတံ စဴအာရောၚ် နူကဵုရိုဟ်ကၞက်ပရိုၚ်မွဲဒၞာဲ ကြပ်မံၚ်ကဵုဗော်ဂွံအဝဵုဗၚ်နဳဇြဲလာ ဟီုရ။
ရပ်ဂွံမာဒူရိုတုဲ ပရေၚ်ဆက်ဆောံ ဂီုကၠီုအကြာ ဗၚ်နဳဇြဲလာကဵု ကျူပါတံ ထပိုတ်ထောံရောၚ် သမ္မတအမေရိကာန် ဒဝ်နေဝ်ထရ ကြဴဇာလဝ်တုဲ ညံၚ်ကျူပါတံ ဟွံဂွံကၠေင်ဍေၚ် မာတ်ဆိုအ်လဝ်ရ။
အမေရိကာန် ကဵုလဝ်ဇြဟတ်ဟရိုဟ် ကျူပါတုဲ ညံၚ်ဂွံကေတ်တင်တုပ်စိုတ်မွဲမွဲ
အမေရိကန်က ကျူးဘားကို ဖိအားပေးပြီး သူတို့နဲ့ သဘောတူညီမှု တစ်ရပ် ရယူဖို့ တိုက်တွန်းထားပါတယ်။
Ref:Reuters