ဝါယှေန်တန်၊ ဖေဖဝ်ဝါရဳ ၂၅
ကြုက်သၠဲပတိတ်မံၚ် တိုက်လွဟ်နျုကလဳယာဇၞော်ဇၞော်ရောၚ် ပ္ဍဲဖေဖဝ်ဝါရဳ ၂၃ ဂှ် အမေရိကာန် စောဲစပ်ဟီုလဝ်တုဲ နူဗေဂျေၚ် ပၞုက်စမ်ၜတ်မံၚ် လွဟ်နျူကလဳရောၚ် ထပ်ဟီုရ။
ပ္ဍဲပရေၚ်ထိၚ်ချုက်လွဟ်အနာဂတ်ဂှ် ကြုက်သွက်ဂွံပါလုပ်အာကီု နူကဵုဝါယှေန်တန် ထပ်အာတ်မိက်လဝ်ရောၚ်။
လိက်ကသုက် ပရေၚ်ထိၚ်ချုက်လွဟ်နူကလဳယာ အကြာအမေရိကာန်ကဵု ရတ်ယှာ အခိၚ်လၟုဟ်အယုက်အိုတ်အာတုဲ ဗေဂျေၚ်ပါလုပ်တုဲ သွက်သ္ဂောံဂွံအာ တင်တုပ်စိုတ်ခိုဟ်ဟ်မွဲ ဝါယှေန်တန် ဟီုရ။
အရာဗတိုက်ဖအောဝ်လဝ် အကြာပိဍုၚ် သွက်ဂွံကေတ်တၚ်တုပ်စိုတ်တၟိမွဲဂှ် ကြုက်ဟွံဒုၚ်တဲ တးပါဲလဝ်မံက်က်ဂ္တဝ်ဝ်ရောၚ်။
ပ္ဍဲတၚ်တုပ်ကိုပ်ကၠာတေံ တၚ်ယောၚ်ယာ ဇြိုဟ်ဟ်နက်က်နွံကၠုၚ်လဝ်ရောၚ် စပ်ကဵု ပရေၚ်ထိၚ်ချုက်လွဟ် နျူကလဳယာညံၚ်ဟွံပြးဇးအာ ကၠောန်လဝ်သဘၚ်သဳကၠဳပရေၚ်သီလွဟ် ပ္ဍဲဂျဳနဳပါဂှ် လစှ်ေဝန်ဇၞော်ဍုၚ်သအာၚ်အမေရိကာန် ခရေတ်သတိုဖာ ယူ ဟီုလဝ်ရ။
ပ္ဍဲကဵုတင်ဍိုန်လျလိက်ကသုက်ဏံဂှ် ဟွံတော်စလဝ် ပရေၚ်ကြုက်တံ သိုၚ်ခၞံဒက်ပတန်လဝ် လွဟ်နျူကလဳယာပြဟ်ဟ်တံရောၚ် ခရေတ်သတိုဖာ ယူ သ္ဂးရ။
တိုက်လွဟ်နျူကလဳယာကြုက်တံ ဇၞော်ပတိုန်မံၚ် ပရေၚ်ကၠးမဟၟဲရောၚ် ညးဟီုရ။
ပ္ဍဲကဵုရတ်ယှာကဵု အမေရိကာန် ၜါဍုၚ်ဏံ လွဟ်နူကလဳယာ ၅၀၀၀ ပြၚ်နွံမံၚ် ဂကောံချဳဒရာၚ်ဂွံလာဘ်နိုဗေဝ်လ် ICAN ထမံက်ပတိတ်လဝ်ရောၚ်။
ဆဂး ပ္ဍဲဖေဖဝ်ဝါရဳ ၅ ဏံ တၚ်တုပ်စိုတ်အယုက်အိုတ်အာတုဲ ဍုၚ်အမေရိကာန်ကဵု ရတ်ယှာ မွဲမွဲဍုၚ်မ္ဂး ဂွံအခေါၚ် ဂဇံက်ဍိုပ်နျူကလဳယာ ၁၅၅၀ မရောၚ်။
ကြုက်ဂှ်လေဝ် အတိုၚ်လၟိဟ်ဏံ ဖျေံစွံလွဟ်နျူကလဳယာ မာန်ကၠုၚ်ရောၚ် အမေရိကာန် ဟီုရ။
စိုပ်သက္ကရာဇ်သၞာံ ၂၀၃၀ မ္ဂး အကာဲအရာကြုက် ဂဇံက်လဝ်က္ဍိုပ်မကမ်နျူကလဳယာ ၁၀၀၀ မပြၚ်ကၠုၚ်ရောၚ် အမေရိကာန် ဟီုရ။
အယုက်တၚ်တုပ်စိုတ်လွဟ်နျူကလဳယာ အိုတ်အာတုဲ သွက်ဂွံကလေၚ်ကေတ်တၚ်တုပ်စိုတ်လေဝ်ဟွံမာန်ဏီဂှ် ပရေၚ်ပြိုၚ်ပကာန်အစောံဇြဟတ်လွဟ်ဇၞော်ဇၞော် ပ္ဍဲကဵုဂၠးကဝ် ထပ်မံက်တိုန်မာန်ရောၚ် ဒှ်မံၚ်ဒဝိၚ်အိုတ်ရ။
Ref:AFP