သိုဝ်၊ ဖေဖဝ်ဝါရဳ ၂၇
သွက်အရၚ်ဍုၚ်ဇကု ထပ်ပတိတ်အာ တိုက်လွဟ်နျူကလဳယာရောၚ် က္ဍိုပ်သ္ကိုပ်ကိုဝ်ရဳယာသၟဝ်ကျာ ကေန်ဂျုၚ်အာန် ဟီုလဝ်ဂှ် နူကဵုဌာန်ပရိုၚ် KCNA ချူလဝ် ပ္ဍဲဖေဖဝ်ဝါရဳ ၂၆ ရ။
အကြာပရေၚ်ဆက်ဆောံ ပျုၚ်ယာန်ကဵု ဝါယှေန်တန်တံဂှ် တန်တဴမံၚ်ကဵု သဘဴလစွံစိုတ် လ္တူအမေရိကာန်တံ ပေၚ်ၚ်ရောၚ် ကေန်ဂျုၚ်အာန် ဟီုရ။
သဘၚ်သဳကၠဳဗော်သၟာကမၠောန် အလန်နဝမ ဂွံလဝ်အဝဵုကိုဝ်ရဳယာသၟဝ်ကျာ ပ္ဍဲဖေဖဝ်ဝါရဳ ၂၅ ဂှ် တုဲဒှ်အာကဵု ပရေၚ်ပၠဒပ် ပ္ဍဲဍုၚ်ပျုၚ်ယာန်ရ။
သွက်တၚ်ရန်တၟံ မူဝါဒအဓိက ၅ သၞာံဂတးတေံ လးပၠလဝ်မ္ဂး ဗီုအကာဲအရာဍုၚ်ဂၠးကဝ်တံညာတ်လဝ် လ္တူဍုၚ်ကိုဝ်ရဳယာသၟဝ်ကျာဂှ် တၟေၚ်ၚ်တၟဟ်ဟ် ပြံၚ်လှာဲမံၚ်ရောၚ် ကေန်ဂျုၚ်အာန် ဟီုရ။
နကဵုဍုၚ်ပိုၚ်ပြဳလဝ် လွဟ်နျူကလဳယာမွဲဍုၚ်ဏံ သွက်ဂွံထပ်ပတိတ်အာ လွဟ်နျူကလဳယာမာန် အဓိကစွံအာရီု ကိုန်အစဳဇန်ပတိတ်လွဟ်တံရောၚ် ကေန်ဂျုၚ်အာန် ဟီုရ။
နူကိုဝ်ရဳယာသၟဝ်ကျာ ပတိတ်ဂွံလဝ် က္ဍိုပ်မကမ်နျူကလဳယာ ၜိုတ် ၅၀ နွံတုဲ သွက်ဂွံထပ်ပတိတ်အာ ၄၀ ပၠန် ရာန်ဂွံလဝ်ကပေါတ်တုဲ သၠုၚ်ပတိတ်မံၚ်လွဟ်နျူကလဳရောၚ် ဂကောံသုတေသန တၠပညာဍုၚ်ဂၠးကဝ်နာနာ စတောအ်ဟုၚ်တံ ဟီုရ။
အစဳဇန် ကမ်သၠောဝ်ထိၚ်သၞေဝ် ပန်အာနူသၟဝ်ဍာ်တံဂှ်လေဝ် ကေန်ဂျုၚ်အာန် ထ္ၜးကဵုလဝ်ရောၚ်။
သၠောတ်လုပ်ပေါဲဗတိုက် ဟွံဒးစကာမၞိဟ် စကာလဝ်ဂမြၚ်ဥာဏ်ပတောအ်တံ သွက်ဂွံပတိတ်အာမာန် နူကိုဝ်ရဳယာသၟဝ်ကျာ စဳဇန်လဝ်ရ။
မူဝါဒသွက်ဂွံဇီုဓပေါတ်ကဵု ကိုဝ်ရဳယာသၟဝ်ကျာဂှ် အမေရိကာန်တံ ဗလးတုဲ သ္ပအဲပရဲကဵု အကာဲအရာဍုၚ်ဇကုနွံမ္ဂး ပရူပရာ သွက်ဟွံဒးပြေပြံၚ်ကဵု အမေရိကာန်ဟၟဲရောၚ် ကေန်ဂျုၚ်အာန် ဟီုရ။
ပ္ဍဲကဵုပေါဲကၟာတ်သဘၚ်သဳကၠဳ အစဳဇန်ပၠဒပ်ဂှ် ကောန်ဝုတ်ကေန်ဂျုၚ်အာန် ဟိုတ်နူဂျူဧ တိုန်စိုပ်လဝ်တုဲ အာကၟာဲကေန်ဂျုၚ်အာန်ဂှ် ကောန်ဝုတ်ညးတေံ ဆက်ဒုၚ်ကေတ်အာမာန် ဟီုဂးတိုန်ဂၠိုၚ်ရ။
Ref:Reuters