ဒူဗိုၚ်၊ ဝါယှေန်တာန်၊ အေဗရာ ၂၉
ဆေၚ်စပ်ကဵု အရာမပတိုန်ဂလာန်လက္ကရဴအိုတ် အဳရာန် သွက်ဂွံဒတုဲထပိုတ်ထောံပေါဲပၞာန် မလံကၠုၚ် ၂ ဂိတုဂှ် သမ္မတအမေရိကာန် ဒဝ်နယ်ထရ ဟွံပေၚ်စိုတ် ဒှ်မံၚ်ရောၚ် ညးတာလျိုၚ်အမေရိကာန်မွဲတၠ ဟီုရ။
ဟိုတ်နူပရေၚ်ဟီုဂးဗီုဏံတုဲ အရာမထံက်ပၚ်ဓာတ်အစောံတံ ကတဵုဒှ်ကလိုက်ကၟဵုမံၚ်တံ ကေုာံ ပရေၚ်စၟဳစလဝ် သွက်ဂွံအာစိုပ်ဒတုဲပေါဲပၞာန် မကဵုမၞိဟ်ချိုတ်လဝ်လၟိဟ်လ္ၚီပြၚ်ကဵု ပရေၚ်သြန်ဖောဝ်သၠုၚ်တံ ဍိုန်လျစှ်ေအာရ။
အတိုၚ်အဳရာန် မပတိုန်လဝ်ဂလာန်လက္ကရဴအိုတ်မ္ဂး စဵုကဵုစိုပ်အခိၚ်ပေါဲပၞာန်အာစိုပ်ဒတုဲ ကေုာံ စဵုကဵုသောၚ်ကလးပြသၞာဒှ်ကယျာန်လဝ် ဆေၚ်စပ်ကဵုပရေၚ်က္ၜၚ်ပ္ဍဲပ္ၚံက်ၜဳတုဲမ္ဂး ကိစ္စကိုန်အစဳဇန်နျူကလဳယျာအဳရာန်ဂှ် သွက်ဂွံပ္တိတ်ထောံမ္ၚး နူအရာမသဳကၠဳတံရောၚ် ဗၟံက်ထ္ၜးလဝ်ရ။
အရာမပတိုန်ဂလာန်ဏံ အမေရိကာန် ဟီုလဝ် ဒးစုတ်သွက်ပြသၞာနျူကလဳယျာ ပ္ဍဲတင်တုပ်စိုပ်ဂှ်တှ်ေ ပေၚ်မံၚ်စိုတ်ဟွံသေၚ်တုဲ ထရ လေဝ် လ္တူအရာအဳရာန်ပတိုန်လဝ်ဂလာန်ဂှ် ဟွံပေၚ်စိုတ်ကတဵုဒှ်မံၚ်ရောၚ်ဂှ် သမ္မတ ကေုာံ ညးတာလျိုၚ်ကဵုကသပ်ညးတံ ဆဵုဂဗလဝ် ပ္ဍဲဂိတုအေဗရာ ၂၇ ဂှ် ညးတာလျိုၚ်အမေရိကာန် ဟွံမိက်ဒုၚ်ယၟုမွဲတၠ ဟီုရ။
နကဵုအမေရိကာန်မ္ဂးတှ်ေ မွဲကဆံၚ်နူမဳဒဳယာဂှ် သဳကၠဳပ္ညဳပ္ညပ်အာဟွံသေၚ်တုဲ “စေဝ်ဗကေတ်” ညးတံဂှ်တှ်ေ ဗၟံက်ထ္ၜးလဝ်သောၚ်သောၚ်ကလးကလးတုဲဒှ်ယျရောၚ် ညးမၞုံအခေါၚ်ဟီုဂးသ္ၚိဗတာင်ဗု အိုလီဗာ ဝေလ်စ် (Olivia Wells) ဟီုရ။
ပ္ဍဲအခိၚ်အလဵုအသဳအမေရိကာန် ဂစာန်မံၚ် သွက်ဂွံဖအိုတ်ထောံပေါဲပၞာန်အဳရာန် စကတဵုဒှ်လဝ် ကရောံအေဿရေ ပ္ဍဲကၞောတ်ဂိတုဖေဖဝ်ဝါရဳတေံတုဲ ပရေၚ်အဳရာန် ပတိုန်လဝ်ဂလာန်လက္ကရဴအိုတ် မံက်ကတဵုကၠုၚ်ရောၚ်။
တၚ်တုပ်စိုပ်ကိုပ်ကၠာတေံ အဳရာန် ကေုာံ အမေရိကာန် မကလိဂွံလဝ် ပ္ဍဲသၞာံ ၂၀၁၅ ဂှ်တှ်ေ ထိၚ်ဒဝ်လဝ် ကိုန်အစဳဇန်နျူကလဳယျာအဳရာန် ဗွဲမကြံၚ်မ္ၚိုဟ်ရ။
နကဵုအဳရာန်တှ်ေ ကိုန်အစဳဇန်နျူကလဳယျာညးတံဂှ် သွက်ပရေၚ်ၜိုဟ်လလမ် ကေုာံ သွက်ရန်တၟအ်ကောန်ညးဍုၚ်ကွာန်တံရောၚ် ဟီုမံၚ်လၟိုန်ကီုလေဝ်၊ ဂစာန်မံၚ် သွက်ဂွံပတိတ်လွဟ်နျူကလဳယျာရောၚ်ဂှ် လပါ်ဍုၚ်ပလိုတ်တံ သံသယနွံမံၚ်ရ။
နူကဵုတင်တုပ်စိုပ်အခိၚ်ကၠာတေံဂှ် ပ္ဍဲအခိၚ်တာလျိုၚ်သမ္မတပထမညးတေံ နကဵုထရ နုက်ပ္တိတ်ထောံအမေရိကာန်တုဲ တင်တုပ်စိုပ်ဂှ် လီုလာ်အာရ။
အီရန် နိုင်ငံခြားရေးဝန်ကြီးရဲ့ အစ္စလာမာဘက် ခရီးစဉ်အတွင်း အမေရိကန် အထူးကိုယ်စားလှယ်တွေ လာရောက်မယ့် အစီအစဉ်ကို ဖျက်သိမ်းခဲ့တာကြောင့် ငြိမ်းချမ်းရေး ကြိုးပမ်းမှုတွေ ပြန်အသက်ဝင်လာမယ်ဆိုတဲ့ မျှော်လင့်ချက်တွေ လျော့နည်းသွားခဲ့ပါတယ်။ ပ္ဍဲလၟေၚ်တရဴဝန်ဇၞော်ပရေၚ်ဍုၚ်သအာၚ်အဳရာန် အာဍုၚ်အေဿလာမ်မာဗတ်ဂှ် အစဳဇန်ညးစၞးတၟေၚ်အမေရိကာန်တံ သွက်ဂွံကၠုၚ်ဂှ် ပလီုထောံလဝ်တုဲ ဟိုတ်နူဂှ်ရ ပရေၚ်မျှော်လၟေၚ် သွက်ဂွံကလေၚ်ဗပေၚ်လမျီု ပ္ဍဲအရာဂစာန်ၜိုဟ်လလမ်တံဂှ် ယအ်စှ်ေအာရ။
ပရိုၚ် – သြၚ်လောန်တိုၚ်မ်
Ref:Reuters