ထဝါဲ၊ ဂျူလာၚ် (၉)
ဒပ်ကံၚ်ဇြဳပၞာန် မစိုပ်ဒၟံၚ် အပ္ဍဲကွာန်တေန်ဂါန်တုၚ်၊ ပွိုၚ်ဍုၚ်ထဝါဲ၊ ရးဒေသဇၞော်တၞၚ်သဳတံဝွံ ကြဴနူလုပ်စိုပ်ဂၠါဲဗ္တးဗ္တန် သ္ၚိဒၟံၚ်ညးဒေသတံဂှ်တုဲ ကေတ်ဏာလဝ် ကပေါတ်မၞုံကဵုၚုဟ်မးတံရောၚ်ဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
တုဲကၠုၚ် ပ္ဍဲဂိတုဂျူလာၚ် (၅) ဂှ် ဒပ်ကံၚ်ဇြဳပၞာန် ဇြဟတ်ဒပ်ၜိုတ် (၂၀၀) နူကဵုလ္ပာ်ထဝါဲ မကၠုၚ်ကဵုအရီုဗၚ်ပၞာန် လ္ပာ်ထဳခဳဂှ် ဖျေံဗ္ဒိုပ်ယာယဳ ပ္ဍဲကွာန်တေန်ဂါန်တုၚ်တုဲ မံၚ်သ္ပဒတဴလဝ်ရ။
ဒပ်ကံၚ်ဇြဳပၞာန် မဖျေံဒပ်ယာယဳ မံၚ်စံၚ်လဝ်တံ ဟိုတ်နူပန်ပှော်ဒၟံၚ် လွဟ်လက်နက်ဇၞော် ပ္ဍဲကွာန်တေန်ဂါန်တုၚ် ကဵု ကွာန်ဗ္ဒါဲဗ္ဒါဲတံဂှ်ရ ညးဒေသတံ ဒၞါဲဗၠးဘဲဂှ် ဒးဂြိပ်ဒဴပါဲဒလေတ်လဝ်ရ။
လက္ကရဴဂှ် ဒပ်ကံၚ်ဇြဳပၞာန်ဝွံ သ္ၚိဒၟံၚ်မဂြိပ်ဒဴပါဲဒလေတ်ဒၟံၚ် (၄၀) ပြၚ်ဂှ် လုပ်စိုပ်ဂၠါဲဗ္တးဗ္တန်တုဲ မ္ၚးနူကွဳလိုန်ဓာတ်၊ ဗၞိက်စၞစသုၚ်၊ ဂၠိက်ယာတ်တံဂှ် သီုကဵုကေတ်ဏာလဝ် ကပေါတ်မၞုံကဵု ၚုဟ်မးတံရ။
ဒပ်ကံၚ်ဇြဳပၞာန် မလုပ်စိုပ်ဂၠါဲလဝ်ဗ္တးဗ္တန် သ္ၚိဒၟံၚ်ညးဒေသ နူကဵုကွာန်တေန်ဂါန်တုၚ်တံဝွံ ပ္ဍဲဂိတုဂျူလာၚ် (၇) ဂှ် ဆက်တုဲ တိတ်အာလဝ် လ္ပာ်ထဳခဳရဂှ် သ္ဂးရ။
ဒပ်ကံၚ်ဇြဳပၞာန် အဃောဖျေံဒပ်ယာယဳ မံၚ်စံၚ်ဒၟံၚ်ဂှ် ဟိုတ်နူပန်ပှော်လဝ် လွဟ်လက်နက်ဇၞော်တုဲ သ္ၚိဒၟံၚ် ညးဒေသ (၃) မ ဇီုကပိုက်လီုလာ်လဝ်ရ။
ပရိုၚ်−သြၚ်လောန်တိုၚ်(မ်)
sanlontai