ပ္ဍဲပွိုၚ်ဍုၚ်ကျာ်မြဟ် ဗ္ဒိုပ် PDF မွဲဗ္ဒိုပ် ဒးဒုၚ်သီကေတ်

ကျာ်မြဟ်၊ အဝ်ဂါတ် (၂)

ပ္ဍဲပွိုၚ်ဍုၚ်ကျာ်မြဟ်၊ တွဵုရးဍုၚ်မန်ဂှ် ဗ္ဒိုပ်ဖျေံသ္ဇိုၚ် ဂကောံဒပ်စဵုဒၞါညးဍုၚ်ကွာန်မတ်မလီု ကဵု ဂကောံဒပ်ပံၚ်ကောံ ဒပ်ဒမၠုက်(စွန်ရဲ) တံ ဒးဒုၚ်သီကေတ်လဝ်ဂှ် ဂကောံဒပ်စဵုဒၞါညးဍုၚ်ကွာန်မတ်မလီု (PDOM) လလောၚ်ပ္တိတ်လဝ်ရ။

တုဲကၠုၚ် ဂိတုဂျူလာၚ် (၂၈) တေံ ဒပ်ကံၚ်ဇြဳပၞာန်တံ ကၠုၚ်စိုပ်ဍိုက်ဗ္တိုက်လဝ် ဗ္ဒိုပ်ဖျေံသ္ဇိုၚ်ဂှ်တုဲ ရပ်ဒက်ဏာလဝ် ကောန်သ္ဂံၚ် PDF (၂) တၠ ကဵု ကောန်ၚာ်သၟတ်ကောန်အရာပ်မွဲတၠရဂှ် သ္ဂးရ။

ကြဴနူဂှ်တုဲ သီဂိုၚ်ဂွံလဝ် လွဟ်လက်နက်မကမ်တံကဵု ကပေါတ်မဆက်စပ်တံတုဲ ပ္ဍဲဂိတုဂျူလာၚ် (၂၉) ဂှ်လေဝ် ထပ်ရပ်ဂွံလဝ် ကောန်သ္ဂံၚ် PDF (၂) တၠပၠန်ရ။

ဂကောံဒပ်စဵုဒၞါညးဍုၚ်ကွာန်မတ်မလီု (PDOM) တံဂှ် ကံၚ်ဇြဳပၞာန်ဝွံ မၞိဟ်ဒးဒုၚ်ရပ်ဂွံလဝ် (၃) တၠဂှ် လလောၚ်ပ္တိတ်လဝ်တုဲ သှ်ေ (၂) တၠဂှ် ကလေံလဝ်စရၚ်ရဂှ် သ္ဂးရ။

ပ္ဍဲကဵုအကံက် ထလဳဂရာမ်တြးဝါဒ ကံၚ်ဇြဳပၞာန်တံဂှ် အဃောမလုပ်ဍိုက်ဗ္တိုက် ဗ္ဒိုပ် PDF နူအပ္ဍဲပွိုၚ်ဍုၚ်ကျာ်မြဟ်မွဲဒၞါဲဂှ် ရပ်ဂွံလဝ် ကောန်သ္ဂံၚ် PDF (၃) တၠ မွဲကရောံကဵု လွဟ်လက်နက်မကမ်တံရဂှ် လလောၚ်ပ္တိတ်လဝ်ရ။

ပ္ဍဲတွဵုရးဍုၚ်မန် အပ္ဍဲကာလဒပ်ပၞာန်သီအဝဵု ပွိုၚ်မွဲသၞာံဘာ်ပြၚ်ဂှ် အလန်ကိုပ်ကၠာအိုတ် ဗ္ဒိုပ်ဂကောံဒပ်စဵုဒၞါညးဍုၚ်ကွာန် မွဲဗ္ဒိုပ် ဒးဒုၚ်သီကေတ်လဝ်ရ။

ပရိုၚ်−သြၚ်လောန်တိုၚ်(မ်)