PDF တအ် စၟဳစၟတ်ဒၟံၚ်ပရေၚ်ဂီုကၠီုဂှ် ရပ်ဒက်ဒၟံၚ်ညးဍုၚ်ကွာန်တံရောၚ် ကံၚ်ဇြဳပၞာန်တံ တြးဝါဒ

ဒး၊ ဗၠေတ်

မ္ၚဵုရအဴ။ ဒုၚ်တၠုၚ်ဏာ နူကဵုအစဳဇန် ဒး၊ ဗၠေတ် သြၚ်လောန်တိုၚ်(မ်) ပိုယ်တံဏံရအဴ။ကြဴနူဒပ်ပၞာန်သီအဝဵုတုဲ စပ်ကဵုပရေၚ်ချဳဒရာၚ် ပၠန်ဂတးညးဍုၚ်ကွာန်တုဲ ပရိုၚ်ဗၠေတ်၊ ပရိုၚ်ပ္တောံ မပြးထၞာန်ဒၟံၚ် လ္တူဇာဇၞိက်ပရေၚ်မၞိဟ်တံဂှ်နူကဵုအစဳဇန်ဒးဗၠေတ်ပိုယ်တံဏံ စၟဳစၟတ်ကဵုအာဏောၚ် မဒှ်ရ။

တ္ၚဲဏံ ပရူပရာ မပါလုပ် ပ္ဍဲဗီုဓာတ် အကံက်ပ္တောံ ကံၚ်ဇြဳပၞာန်တံ မတြးဒၟံၚ် သီုကဵုဗီုဓာတ်မွဲဗီု “ ပ္ဍဲရးမဂွဵု၊ ပွိုၚ်ဍုၚ်ပခုက္ကူကေုာံ ဗ္ဒါဲဂၠံၚ်ဇၞော်အာယေသဂျဵု ပ္ဍဲကဵုပါၚ်မုခ်ယှေန်မဒံၚ်ဂှ် ဒဒှ်ရဂကောံ PDF ဂမၠိုၚ် စၟဳစၟတ်ကွဳစက်ဂမၠိုၚ်တုဲ မၞိဟ်တြုံ၊ မၞိဟ်ဗြဴ(၅) တၠဂှ် ကၟာတ်မုက်မတ်တုဲ ရပ်ဒက်ဏာလဝ်” ဂှ် စၟဳစၟတ်ကဵုအာရောၚ်။

ပရူပရာဏံဂှ် ပ္ဍဲဂိတုမေ (၂၁) တေံ နူကဵုအကံက်ထလဳဂရာမ် Kyaw Win Maung ၊ ဟာန်ညုၚ်ဥူတံ တြးလဝ်ဂှ်စၟဳစၟတ်ဂွံဆဵုကေတ်ရ။ စပ်ကဵုပရူပရာ မပါလုပ် ပ္ဍဲဗီုဓာတ် ကေုာံ ပသ်ထ် အကံက်ပ္တောံ ရဲထံက်ဂလာန်ဒပ်ပၞာန်တံမတြးဒၟံၚ်ဂှ်တုဲ နူကဵုသြၚ်လောန်တိုၚ်(မ်) စၟဳစၟတ်စမ်ရံၚ်ဂှ် ဒဒှ်ရဒှ်ဒၟံၚ်ပရိုၚ်ဗၠေတ် တြးဝါဒမွဲဂှ် စၟဳစၟတ်ဂွံဆဵုကေတ်ရ။

လၟေၚ်ဒဒှ်ဍာံဂှ် ဗီုဓာတ် ရဲထံက်ဂလာန်ဒပ်ပၞာန်ဂမၠိုၚ် မတြးဒၟံၚ်ဂမၠိုၚ်ဝွံ ဒှ်ဗီုဓာတ် တက်လဝ်အခိၚ် လၟုဟ်ဟွံသေၚ်တုဲဒဒှ်ရဒှ်ဒၟံၚ်ဗီုဓာတ် နူကဵုဂကောံဒပ်စဵုဒၞါညးဍုၚ်ကွာန် ပွိုၚ်ဍုၚ်ယေသဂျဵုတံ စၟဳစၟတ် ဒၟံၚ်ယာန် ပ္ဍဲဂိတုဨပရဴ (၂၃) သၞာံ ၂၀၂၂တေံရောၚ်ဂှ် စၟဳစၟတ်ဂွံဆဵုကေတ်ရ။

လ္တူဂၠံၚ်ဇၞော် ယေသဂျဵု၊ ချံၚ်ဥူ မၞုံပွိုၚ်ဍုၚ်ယေသဂျဵု၊ ရးမဂွဵုတံဂှ် ဟိုတ်နူနွံပၟိက်တုဲ စၟဳစၟတ်ဒၟံၚ် ယာန်အာတရဴဂမၠိုၚ်တုဲဂၠံၚ်ဇၞော်တၞဟ်သ္အာၚ် အပ္ဍဲတွဵုရးတံဂှ်လေဝ် စၟဳစၟတ်အာဏောၚ်ဂှ်ရ နကဵုယာန်အာတရဴဂမၠိုၚ်သွက်ဂွံပံၚ်တောဲပါလုပ်ကဵုအိုတ်ဂှ် ဂကောံဒပ်စဵုဒၞါညးဍုၚ်ကွာန် ပွိုၚ်ဍုၚ်ယေသဂျဵုတံ အာတ်မိက်လဝ်ဂှ်ဂကောံဒပ်စဵုဒၞါ ညးဍုၚ်ကွာန်ပွိုၚ်ဍုၚ် ယေသဂျဵု လလောၚ်ပ္တိတ်လဝ်ပရိုၚ်ဂှ် စၟဳစၟတ်ဂွံဆဵုကေတ်ရ။

ဟိုတ်နူနွံပၟိက်တုဲ ဒဒှ်ရဂကောံဒပ်စဵုဒၞါညးဍုၚ်ကွာန် ပွိုၚ်ဍုၚ်ယေသဂျဵုတံ စၟဳစၟတ်လဝ် ယာန်လ္တူဂၠံၚ်ဇၞော်ချံၚ်ဥူ ယေသဂျဵုပွိုၚ်ဍုၚ်ယေသဂျဵုတံဂှ် ပ္ဍဲဂိတုဨပရဴ (၂၃) တေံ လလောၚ်ပ္တိတ်ကဵုလဝ်သမ္တီဂှ် စၟဳစၟတ်ဂွံဆဵုကေတ်ရ။

ဒၟါနူတၚ်နွံပၟိက် ပရေၚ်ပၞာန်၊ ပရေၚ်ဂီုကၠီုတုဲ ဂၠံၚ်အပ္ဍဲပွိုၚ်ဍုၚ်ယေသဂျဵုတံဂှ် စၟဳစၟတ်အာဏောၚ်တုဲ နူကဵု Facebook မွဲကဆံၚ်ဒဒှ်ရဒစးဒုၚ်လလောၚ်ပ္တိတ်အာပရိုၚ်ဏောၚ်ဂှ် ဂကောံဒပ်စဵုဒၞါညးဍုၚ်ကွာန် ပွိုၚ်ဍုၚ်ယေသဂျဵုတံ လလောၚ်ပ္တိတ်လဝ်ပရိုၚ် ကရောံဗီုဓာတ်စၟတ်သမ္တီ မစၟဳစၟတ်ဒၟံၚ်ယာန်တံဂှ် စၟဳစၟတ်ဂွံဆဵုကေတ်ရ။

ဌာန်ပရိုၚ် People’s Spring လလောၚ်ပ္တိတ်လဝ်ပရိုၚ်ဂှ်

https://rb.gy/l59rn

ဟိုတ်နူတၚ်နၚ်တံဏံတုဲ ပရိုၚ်မပါလုပ် ပ္ဍဲဗီုဓာတ် ညးထံက်ဂလာန်ဒပ်ပၞာန်တံ တြးဒၟံၚ် လ္တူဇာဇၞိက်ပရေၚ်မၞိဟ်ဂမၠိုၚ်ဂှ် ”ပ္ဍဲရးမဂွဵု၊ ပွိုၚ်ဍုၚ်ပခုက္ကူ ကေုာံ ဗ္ဒါဲဂၠံၚ်ဇၞော်အာယေသဂျဵု ပ္ဍဲကဵုပါၚ်မုခ်ယှေန်မဒံၚ်ဂှ် ဂကောံဒပ် PDF ဂမၠိုၚ်စၟဳစၟတ်ကွဳစက်ဂမၠိုၚ်တုဲ မၞိဟ်တြုံ၊ မၞိဟ်ဗြဴ (၅) တၠဂှ် ကၟာတ်မုက်မတ်တုဲ ရပ်ဒက်ဏာလဝ်ရောၚ်” ဂှ်ဝွံ ဒှ်ဆပရိုၚ်ပ္တောံညးထံက်ဂလာန်ဒပ်ပၞာန်တံ မတြးဒၟံၚ်မွဲရောၚ်ဂှ် စၟဳစၟတ်ကဵုလဝ် သွက်ပုရိသာတ် ဌာန်ပရိုၚ်သြၚ်လောန်တိုၚ်(မ်) ပိုယ်တံရ။

သြၚ်လောန်တိုၚ်(မ်)