ကဏ္ဍ ဒး၊ ဗၠေတ်
မ္ၚဵုရအဴ။ ဒုၚ်တၠုၚ်ဏာ နူကဵုအစဳဇန် ဒး၊ ဗၠေတ် သြၚ်လောန်တိုၚ်(မ်) ပိုယ်တံဏံရအဴ။ ကြဴနူဒပ်ပၞာန်သီအဝဵုတုဲ စပ်ကဵုပရေၚ်ချဳဒရာၚ် ပၠန်ဂတးညးဍုၚ်ကွာန်တုဲ ပရိုၚ်ဗၠေတ်၊ ပရိုၚ်ပ္တောံ မပြးထၞာန်ဒၟံၚ် လ္တူဇာဇၞိက်ပရေၚ်မၞိဟ်တံဂှ် နူကဵုအစဳဇန်ဒးဗၠေတ်ပိုယ်တံဏံ စၟဳစၟတ်ကဵုအာဏောၚ် မဒှ်ရ။
တ္ၚဲဏံ ပရူပရာ မပါလုပ် ပ္ဍဲဗီုဓာတ် ရဲထံက်ဂလာန်ဒပ်ပၞာန်တံ မတြးဒၟံၚ် “ညးတၠရမျာၚ် ဗျူဟာ သုၚ်စောဲဒၟံၚ်ဂဥုဲၜူမာဲတုဲ သွက်ဂွံထပိုတ်ကဵုတုဲ မ္ဒးရပ်လဝ်ရောၚ်” ဂှ် စၟဳစၟတ်ကဵုအာရောၚ်။
ပရူပရာဏံဂှ် ပ္ဍဲဂိတုမေ (၂၄) တေံ နူကဵုအကံက်ထလဳဂရာမ် မှိုၚ်ဝေ၊ ဟာန်ညုၚ်ဥူတံ စတြးလဝ်ဂှ် ဂွံဆဵုကေတ်ရ။ ပရူပရာ နူကဵုလ္ပာ်ကံၚ်ဇြဳပၞာန်တံ မတြးဒၟံၚ်ဍိုက်က်ပေၚ်ၚ်ဂှ် PDF တံ ဗ္တိုဟ်လဝ်တိုၚ် ပၟတ်တုဲ ပၟတ်ဟွံကၠုၚ်ဂှ် ဟွံဂံၚ်လက်ဒေါန်မွဲသာ် ဗျူဟာ မကြအ်ဒၟံၚ်ဂဥုဲဂှ် လက်ဒၟံၚ် ဂကောံအလဵုအသဳ တံဂှ် နူကဵုဂကောံ လခရ တံ ကော်ကေတ်အရီုဗၚ်ပရေၚ်ဗ္စာရဏာမၞိဟ်ဂမၠိုၚ်တုဲ ထပိုတ်ဒၟံၚ်ဂဥုဲရောၚ် လိက်ချူလဝ်သာ်ဏံဂှ် တြးဒၟံၚ် သီုကဵုဗီုဓာတ်တံရ။
စပ်ကဵုပရူပရာ မပါလုပ် ပ္ဍဲပသ်ထ် ကေုာံ ဗီုဓာတ် အကံက်ပ္တောံရဲထံက်ဂလာန်ဒပ်ပၞာန်တံ မတြးကဵုဒၟံၚ်ဂှ်တုဲ နူကဵုသြၚ်လောန်တိုၚ်(မ်) စၟဳစၟတ်စမ်ရံၚ်ဂှ် ဒဒှ်ရဒှ်ဒၟံၚ်ပရိုၚ်ဗၠေတ် တြးဝါဒမွဲဂှ် စၟဳစၟတ်ဂွံဆဵုကေတ်ရ။
လၟေၚ်ဒဒှ်ဍာံဂှ် ညးတၠရမျာၚ် ဗျူဟာဂှ် အရိုဟ်ဒဒှ်တ္ၚဲ နူကဵုဝှေတ်ဗော်ညးမွဲကဆံၚ် ကြဴနူဟီုဂးပါ်ပါဲ ကုက္ဍိုပ်သ္ကိုပ်ပၞာန် ကေုာံ ဝန်ဇၞော်ပၟတ်ဓာတ်လလဳကံၚ်ဇြဳပၞာန် မပရအ်ကဵုပၟတ်ဓာတ်လလဳ လၟေၚ်ၚ် ဟွံမာန်တံ သ္ကာတ်တ်မြဟ်ဟ်တုဲဂှ် တ္ၚဲယးဂတဂှ်ဟေၚ် ဒပ်ကံၚ်ဇြဳပၞာန်တံ ကၠုၚ်စိုပ်ရပ်ဒက်ဏာလဝ်ညး ပ္ဍဲကဵုသ္ၚိဒၟံၚ်ညး မၞုံပွိုၚ်ဍုၚ်ဒဂုၚ်သၟဝ်ကျာဂှ် နူကဵုသြၚ်လောန်တိုၚ်(မ်) စၟဳစၟတ်ဂွံဆဵုကေတ်ရ။
ပ္တောံၜတ်ကဵု အကာဲအရာပၟတ်ပၠိုတ် ပ္ဍဲလက်ထက်အလဵုအသဳ NLD ကဵု ကံၚ်ဇြဳပၞာန်တံဂှ်တုဲ ညးတၠ ရမျာၚ်ဗျူဟာ ဗလး LIVE တုဲ ပါ်ပါဲလဝ် လ္တူဇာဇၞိက်ပရေၚ်မၞိဟ်တံဂှ် ဒပ်ပၞာန်သီအဝဵုတံ ရပ်ဒက်တုဲ ပံက်လဝ်ဂဗုတ် နကဵုၝောံပိုဒ် ၅၀၅ (က) စပ်ကဵုဆဝ်မ္ၚုဟ်ညံၚ်ဂွံရုသံၚ်ဂှ်ရောၚ် စၟဳစၟတ်ဂွံ ဆဵုကေတ် အတိုၚ်တၚ်လလောၚ်တြး နူကဵုဌာန်ပရိုၚ် ပတှ်ေဖျေံစိုတ်ဂွံတံရ။
Link ဝှေတ်ဗော် ညးတၠရမျာၚ် ဗျူဟာ
ဌာန်ပရိုၚ် Myanmar Now ထ္မံက်ထ္ၜးလဝ်ဂှ်
ဌာန်ပရိုၚ် RFA ထ္မံက်ထ္ၜးလဝ်ဂှ်
ဟိုတ်နူတၚ်နၚ်တံဏံတုဲ ပရိုၚ်မပါလုပ် ပ္ဍဲဗီုဓာတ် ညးထံက်ဂလာန်ဒပ်ပၞာန်တံ တြးဒၟံၚ် လ္တူဇာဇၞိက် ပရေၚ်မၞိဟ်ဂမၠိုၚ်ဂှ်“ညးတၠရမျာၚ် ဗျူဟာ သုၚ်စောဲဒၟံၚ်ဂဥုဲၜူမာဲတုဲ သွက်ဂွံထပိုတ်ကဵုတုဲ မ္ဒးရပ်လဝ် ရောၚ်” ဂှ်ဝွံ ဒှ်ဆပရိုၚ်ပ္တောံ ညးထံက်ဂလာန်ဒပ်ပၞာန်တံ မတြးဒၟံၚ်မွဲရောၚ်ဂှ် စၟဳစၟတ်ကဵုလဝ် သွက်ပုရိ သာတ် ဌာန်ပရိုၚ်သြၚ်လောန်တိုၚ်(မ်) ပိုယ်တံရ။
သြၚ်လောန်တိုၚ်(မ်)