“မၞိဟ်ဗြဴတအ် ပါလုပ်ဒၟံၚ် ပ္ဍဲပရေၚ်ပၠန်ဂတးဂှ် ဗီုပြၚ်ကံၚ်ဇြဳပၞာန် အေၚ်ဒုၚ်မာန် ဟၟဲပုဟ်။ မုဒှ်ရောတှ်ေ လစွံစိုတ်ဂကောံပၞာန်ဂှ် ဂိုၚ်ရပ်လဝ် ဝါဒမဟာကၟက်ရ။ မုပဂွံဒစဵုဒစးကဵုဍေံတအ်ဂးတုဲ ပရေၚ်ပ္ဍဵုပ္ဍိုက်ဒၟံၚ် သ္ကာတ်တ်မြဟ်ဟ်ဂှ် ဂွံညာတ်ကေတ်ဒၟံၚ်ရ”-ဖက်ဆောညးအုပ်ကာနာနာ (DPNS) ဒဝ်နှေန်နှေန်မွှေ
sanlontai ပ္ဍဲမွဲကာလဒပ်ပၞာန်သီအဝဵုဏံ ညးဗြဴတအ်ဂှ် ဒးဒုၚ်ရပ်ဒက်ကဵုကံၚ်ဇြဳပၞာန် ဟွံဗဗွဲဓဝ်၊ ဒးဒုၚ်ပ္ကီုပရာပ်စပ်ကဵုလိၚ်၊ ဃောထ္ပက်ကရောၚ်ပၞာန် ဒးဒုၚ်ပြိုက်ဂစိုတ်လဝ် မပ္တံသာ်ဏံ ဒးဒုၚ်ဖံက်ပ္ကဝ်ဒၟံၚ် အခေါၚ်အရာမၞိဟ်ပရေံပရေံရ။ မွဲလ္ပာ်ပၠန်လေဝ် မၞိဟ်ဗြဴ ဗ္ဒာဲ ၃၅၀၀ တအ်ဂှ် ဒးဒုၚ်ရပ်စပ်ပ္ဍဵုပ္ဍိုက်ဒၟံၚ်ကဵု ကံၚ်ဇြဳပၞာန်တုဲ မၞိဟ်ဗြဴမ္ၚးထံၚ်စာတ်တအ်လေဝ် ဒးဂျိုၚ်တန်တဴဒၟံၚ် သီုကဵုပရေၚ်ဒှ်ဓဝိၚ် ဂွိၚ်စံၚ်တူရ။ ဟိုတ်ဂှ်ရ လက်ထက်ကံၚ်ဇြဳပၞာန်ဏံ စပ်ကဵုမၞိဟ်ဗြဴတအ် ဒးဒုၚ်ဆေၚ်ဒၟံၚ်မုက်ကဵု တၚ်အခက်ခုဲဝါတ်ဂါတ်ကီု၊ ပရေၚ်ဒးဒုၚ်ဖံက်ပ္ကဝ်ဒၟံၚ် အခေါၚ်အရာမၞိဟ်ကီု၊ ပရေၚ်ဒးဒုၚ်ပ္ဍဵုပ္ဍိုက်ပျဲပျာံ ပြိုက်ဂစိုတ်ဒၟံၚ်ကဵု…