ဇြပ်ဗု၊ ဨပရဴ ၃ ပရေၚ်ပါ်ပါဲဂမၠိုၚ် နွံဒၟံၚ် ဗွဲမဂၠိုၚ်ဂၠေၚ်ကီုလေဝ် ကံၚ်ဇြဳပၞာန်ဝွံ တန်ဗ္တောန်ကွတ်ပၞာန် လၟေၚ် (၁) တွဵုရးဍုၚ်မန်ဂှ် စကဵုဒၟံၚ် ပ္ဍဲဘာပ္ကတ်ပ္ကေၚ်ဒပ်ပၞာန် ကဆံၚ်သၠုၚ် စၟတ် (၄) ယျဂှ် ဂွံတီကေတ် ဇရေၚ်ညးမစုက်လုက်ကဵု ကံၚ်ဇြဳပၞာန်တံရ။ တန်ဗ္တောန်ကွတ်ပၞာန် လၟေၚ် (၁) ဂှ် အတးလောန်မ္ဂး ကော်အာဏောၚ် လ္ပာ်ကံၚ်ဇြဳပၞာန် ဟီုဂးလဝ်ကီုလေဝ် နတဲဏံ ပ္ဍဲဂိတုဨပရဴ…
ဘာပန်၊ ဨပရဴ ၃ အပ္ဍဲပေါဲဗ္တိုက်ဍုၚ်ဘာပန် တွဵုရးကရေၚ်ဂှ် ဒပ်ကံၚ်ဇြဳပၞာန် စွံပွန်ဗ္တိုက်ဒၟံၚ် ဒၞါဲညးပါဲဒဴဘဲပၞာန်တံကဵု စမြိုၚ်သာသနာလ္တူဍုၚ်တံဂှ်တုဲ ညးဍုၚ်ကွာန်ပါဲဒဴဘဲပၞာန်ဗွဲမဂၠိုၚ်ဂၠေၚ်ဝွံ ထောံလသာဍုၚ်တုဲ ဒးဂြိပ်ဒဴပါဲဒလေတ်ဒၟံၚ် ဒၞါဲတၞဟ်ဟ်တံရောၚ်ဂှ် ပရိုၚ်တမ်ရိုဟ်ဒေသတံ ဟီုရ။ စနူဂိတုမာတ် ၁၉ တေံတုဲ လ္တူဍုၚ်ဘာပန်ဂှ် ဒပ်ပံၚ်ကောံပၠန်ဂတး ဒပ်မဟာ ၅ ဒပ်ပၞာန်ဗၠးၜးကောန်ဂကူကရေၚ် KNLA တံ ကၟာတ်ဗိုၚ်လဝ် ဗ္ဒိုပ်ဒပ်ကံၚ်ဇြဳပၞာန် လ္တူဍုၚ်ဘာပန် သီုဖအိုတ်ဂှ်တုဲ ပေါဲဗ္တိုက်ၜါလ္ပာ်…
ဗြဝတဳ၊ ဨပရဴ ၃ သွက်သ္ဂောံကလေၚ်ကေတ် တမ်ဒပ် ခမရ (၃၅၅) ဖျေံသ္ဇိုၚ်တေန်ဂါန်ညဳနံၚ် ဇြဟတ်ပၠန်ဂတးတံ မသီဂွံလဝ်ဂှ်တုဲ ကရောၚ်ပၞာန်ပံၚ်ကောံကံၚ်ဇြဳပၞာန် မကၠုၚ်ကဵုအရီုဗၚ်ပၞာန်တံ ဒးဒုၚ်ဗ္တိုက်လဝ်တုဲ ကောန်ဒပ်ကံၚ်ဇြဳပၞာန် ၂၀ တၠ ချိုတ်အာလဝ်ဂှ် KNU ဗဟဵု လလောၚ်ပ္တိတ်လဝ် ပ္ဍဲဂိတုဨပရဴ ၂ တေံရ။ တမ်ဒပ်ကံၚ်ဇြဳပၞာန် ခမရ (၃၅၅) ဖျေံသ္ဇိုၚ်တေန်ဂါန်ညဳနံၚ် ပွိုၚ်ဍုၚ်ဗြဝတဳ တွဵုရးကရေၚ်ဂှ် တုဲကၠုၚ်…
ဂျေရုသလေန်၊ ဨပရဴ ၂ ပ္ဍဲအေဿရေ မၞိဟ်ဟွံပြေစိုတ် စပ်ကဵုပေါဲပၞာန်ဂါဇြာတံ သာဂၠိုၚ်ကၠုၚ်တုဲ သွက်ဂွံပလှ်ဖျေံ သ္ကိုပ်ဝန်ဇၞော် နေတာန်ယျာဟုဂှ် မၞိဟ်ဂၠိုၚ်ကဵုလ္ၚီ ထ္ၜးလဝ်ဆန္ဒရ။ ညးထ္ၜးဆန္ဒ ကၟာတ်လဝ်ဂၠံၚ်ဇၞော်ဍုၚ်ဂျေရုသလေန် သၠုၚ်ကျာသၟဝ်ကျာဂှ် ဒပ်ဗၠာဲသၟိၚ်တံ သုၚ်စောဲပိုက်သိုဟ်ပၠိုတ်ပၟတ်တုဲ ပါ်ထ္ကးလဝ်မၞိဟ် နကဵုဍာ်သၟူပရေံပရေံတံရ။ ညးထ္ၜးဆန္ဒဂမၠိုၚ်ဝွံ သွက်သ္ကိုပ်ဝန်ဇၞော် ဂွံနုက်တိတ်ဂှ်ကီု၊ ညးဒးဒုၚ်ရပ်လဝ် ပ္ဍဲဂါဇြာ ၁၀၀ ပြၚ် ဂွံကလေၚ်ဗၠးကၠုၚ် သွက်ဂွံပ္ညဳပ္ညပ်လွာဲဂှ်ဂှ် အာတ်မိက်လဝ်ရ။ ဟွံဂွံတၚ်တုပ်စိုတ်မွဲသာ်…
မတ်မလီု၊ ဨပရဴ ၂ ဟိုတ်နူရာသဳဥတုအေဝ်နဳညဵုတုဲ ပ္ဍဲတွဵုရးဍုၚ်မန် ဗ္ၜတ်ဂမ္တဴတံ သၠုၚ်တိုန်ကၠုၚ်ဒၟံၚ်တီတီတုဲ နကဵုညးဍုၚ်ကွာန်တံ စွံသတိကဵု အန္တရာယ်ဂမ္တဴလုပ် ဗွဲတၟေၚ်အိုတ်ဂှ် အ္စာဂဥုဲဂမၠိုၚ် ဖ္တိုက်ဖ္အောဝ်လဝ်ရ။ စနူဂိတုမာတ် သတ္တာဟလက္ကရဴအိုတ်တုဲကၠုၚ်တေံတုဲ ပ္ဍဲကဵုတွဵုရးဍုၚ်မန် ပွိုၚ်ဍုၚ်ဗွဲမဂၠိုၚ်ဂှ် ဗ္ၜတ်ဂမ္တဴ သာသၠုၚ်တိုန်ကၠုၚ်ဒၟံၚ်တုဲ ကလိုဟ်အာ သၞောတ်ဗ္ၜတ်တၟိ နဒဒှ်ဗ္ၜတ်ဂမ္တဴသၠုၚ်အိုတ်တံရ။ အတိုၚ်တၚ်လလောၚ်တြး ဌာနစမ်ၜတ်အကာဲအရာဗြဲကျာ လလောၚ်ပ္တိတ်လဝ် ပ္ဍဲဂိတုမာတ် ၂၆ ဂှ်မ္ဂး ဍုၚ်မတ်မလီုဝွံ အပ္ဍဲပွိုၚ်…
ရေဝ်၊ ဨပရဴ ၂ ဒက်ပ္တန်အာဍုၚ်မန် မၞုံအပ္ဍဲကၟိန်ဍုၚ်ပံၚ်ကောံဖေဝ်ဒရာဒဳမဝ်ကရေဇြဳ မဒက်ပ္တန်လဝ် နကဵု တွဵုရးဍုၚ်ဂမၠိုၚ် မဍိုက်ပေၚ်ကဵု အခေါၚ်အရာကံကုသဵုဇကု ဇကုဖန်ဖက်ကေတ်မာန် ကေုာံ ပရေၚ်တုပ်သၟဟ် သွက်ကောန်ဂကူဂမၠိုၚ်တံဏောၚ်ဂှ် ဗော်ဍုၚ်မန်တၟိ AD လလောၚ်တြးလဝ်ရ။ ဗော်ဍုၚ်မန်တၟိ AD ဝွံ ပံၚ်တောဲအာကဵု ဂကောံဇြဟတ်ဂၠံၚ်တရဴပရေၚ်ဍုၚ်ကွာန် မတုပ်သၟဟ်တံတုဲ သ္ဂောံဒက်ပ္တန်အာ ကၟိန်ဍုၚ်ပံၚ်ကောံဖေဝ်ဒရာဒဳမဝ်ကရေဇြဳ မဍိုက်ပေၚ်ကဵုအခေါၚ်အရာကံကုသိုလ်ဇကု ဇကုဖန်ဖက်ကေတ် အတိုၚ်မရန်လဝ်ဂှ်မာန် ပ္ဍဲဂိတုဨပရဴ ၁…
ကျာ်မြဟ်၊ ဨပရဴ ၂ ကွာန်ဓမ္မသ မၞုံသၠုၚ်ကျာၜဳဂြာၚ် ပွိုၚ်ဍုၚ်ကျာ်မြဟ် တွဵုရးဍုၚ်မန် အပ္ဍဲပၟတ်တူဂှ် မၞိဟ်တြုံကၠေံမံၚ်မွဲတၠ တူပၟတ်ချိုတ်အာလဝ်ဂှ် ဂွံတီကေတ် ဇရေၚ်သၟာရီုဗၚ်ဟံၚ်ပြာ်ဗလးတိတံရ။ ဟိုတ်နူဒပ်ကံၚ်ဇြဳပၞာန် ပန်စုတ်လဝ် လွဟ်ဇၞော်အမၠံက် ပ္ဍဲကွာန်ဓမ္မသ နူကဵုဒပ်တိုက်၊ ဒပ်ဍာ်၊ ဒပ်ကျာတံဂှ်တုဲ ပ္ဍဲဂိတုမာတ် ၂၇ ဇိုၚ်သဝ်တ္ၚဲ ၜိုတ် ၃ နာဍဳဂှ် ဒတုံဗ္တိုဟ်ထ္ကးအာလဝ် လ္တူသ္ၚိဒၟံၚ်ကောန်အရာပ်တံတုဲ သ္ၚိဒၟံၚ် ၃၀၀ မပြၚ်…
တၞၚ်သဳ၊ ဨပရဴ ၂ ဗ္ဒိုပ်ကၚ် PD မွဲ ပ္ဍဲကွာန် (တမုတ်ချုံး) ပွိုၚ်ဍုၚ်တၞၚ်သဳ၊ ရးတၞၚ်သဳ ဒးဒုၚ်ကၠတ်ဗ္တိုက်တုဲ ကောန်သ္ဂံၚ် PDF ၜါတၠ ပြဟ်လလုဲအာလဝ်ဂှ် ဂွံတီကေတ် ဇရေၚ်ဂကောံဒပ်စဵုဒၞါညးဍုၚ်ကွာန်တံရ။ တုဲကၠုၚ် ပ္ဍဲဂိတုမာတ် ၃၀ အခိၚ်နူဂယး ၜိုတ် ၆ နာဍဳဂှ် ဒပ်ကံၚ်ဇြဳပၞာန် လုပ်စိုပ်ဗ္တိုက်လဝ် ဗ္ဒိုပ်ကၚ်ဂကောံဒပ်စဵုဒၞါညးဍုၚ်ကွာန် မၞုံပ္ဍဲကွာန် (တမုတ်ချုံး) နကဵုဇြဟတ်လၟိဟ်ဗွဲမဂၠိုၚ်ဂၠေၚ်ရ။…
ဂျေရုသလေန်၊ မာတ် ၃၁ ပေါဲသဳကၠဳဒေါအ်ပန်ပှော် ကုဂကောံဟာမာသ်ဂှ် အေဿရေ ကလေၚ်ကၠုၚ်ပၠန်ဏောၚ် သ္ကိုပ်ဝန်ဇၞော် ဗေန်ဂျမေန် နေတာန်ယျာဟု ဟီုလဝ်ရ။ သွက်ဂွံကေတ်တၚ်တုပ်စိုတ် ဒဒှ်ရအေဿရေ ဒးဒုၚ်ရပ်လဝ်တံ ညံၚ်ဂွံကလေၚ်ဗၠးကၠုၚ်ကီု၊ လ္ပာ်အေဿရေ ဗ္တိုက်ဒၟံၚ် ဂကောံဟာမာသ် ပ္ဍဲဂါဇြာတေံ ညံၚ်ဂွံဒေါအ်ဒေၚ်ကီုဂှ်တုဲ နဒဒှ်ကလေၚ်ပ္တိတ်ဇြဟတ်မွဲဝါပၠန် ညး လလောၚ်တြးလဝ် ပ္ဍဲဂိတုမာတ် ၂၉ တေံရ။ အခိၚ်ပေါဲပၞာန် စိုပ်ကၠုၚ်ပွိုၚ် ၆ ဂိတုဂှ်…
မတ်မလီု၊ မာတ် ၃၁ တွဵုရးဍုၚ်မန် ပ္ဍဲဍုၚ်မတ်မလီုဂှ် ညးဒေသၜါတၠ ဒးဒုၚ်ရပ်စပ်ပံက်လဝ်ဂဗုတ် နကဵုတၚ်စောဲစပ် ထံက်ပၚ်သြန်လှုဲ ဇရေၚ်ဒပ်စဵုဒၞါညးဍုၚ်ကွာန် PDF တံဂှ် ဂွံတီကေတ် ဇရေၚ်ညးမစုက်လုက်ကဵု ကံၚ်ဇြဳပၞာန်တံရ။ ဒပ်ကံၚ်ဇြဳပၞာန်ဝွံ တုဲကၠုၚ်ပ္ဍဲဂိတုမာတ် ၂၄ တေံ နကဵုတၚ်ထ္ၜးဟိုတ် ဆက်စပ်ဒၟံၚ်ကဵု PDF တံဂှ်ဂးတုဲ လုပ်စိုပ်ရပ်ဒက်လဝ် ကိုဝ်နေဝေန်ထောန် ဒၟံၚ်ကွာန်ခရောန်ယှာန် ပွိုၚ်ဍုၚ်မတ်မလီုဂှ်ရ။ အခိၚ်စၟဳတ် ကိုဝ်နေဝေန်ထောန်ဂှ် ထံက်ပၚ်ကဵုလဝ်သြန်…
sanlontai