ကဝ်မတဳကောပ်ကာဲကေၚ်ကာမိတ် ခရိုၚ်သဓီု KNU ဒက်ပ္တန်လဝ် နကဵုဂကောံဇြဟတ်ပၠန်ဂတး (၂၆) ဂကောံဂှ် ပ္ဍဲမွဲကာလ ဒပ်ပၞာန်သီအဝဵု ပွိုၚ် (၂) သၞာံဏံ နူကဵုသၞောတ်ဒပ်ဒမၠုက် စဵုကဵုဗီုပြၚ်ပၞာန်ထ္ပက် ဗတိုက်ကၠုၚ်ကဵုဒပ်ကံၚ်ဇြဳပၞာန် မာန်ကၠုၚ်ရ။ သွက်ဂွံစဵုဒၞာ ပရေၚ်ဂကောံဇြဟတ်ပၠန်ဂတးတအ် ဗတိုက်ကၠုၚ်ဂှ် ဒပ်ကံၚ်ဇြဳပၞာန် ပလီုပလာ်လဝ်ဂၠံၚ် ဆက်စၠောံလဝ် ခရိုၚ်မွဲကဵုမွဲ ဆက်စၠောံလဝ် ကွာန်မွဲကဵုမွဲ မၞုံပ္ဍဲခရိုၚ်သဓီုဂှ် ဟွံအောန်နူ (၅) တၞုၚ်နွံရ။
ဟိုတ်ဂှ်ရ ပ္ဍဲခရိုၚ်သဓီုဂှ် အကာဲအရာပရေၚ်ပၞာန်၊ သီုပရေၚ်ကံၚ်ဇြဳပၞာန် ပလေဝ်ပလေတ် ကၠုၚ်ပၞာန် ဒုၚ်ကီု ပရေၚ်ပၠန်ဂတးက္ညၚ် ၜိုတ်ကဆံၚ်လဵု စိုပ်ကၠုၚ်ဒၟံၚ်တရဴကီု၊ စပ်ကဵုအကာဲအရာဂမၠိုၚ်ဏံတုဲ ဆက်စၠောံသၟာန်လဝ်ကဵု ဥက္ကဋ္ဌကောပ်ကာဲကေၚ်ကာမိတ် ခရိုၚ်သဓီု KNU သ္ကိုပ်ဗိုလ်သဝ်ကျဝ်မျေတ်ရ။
-ကိုပ်ကၠာအိုတ်ဏံ ပ္ဍဲခရိုၚ်သဓီုဂှ် စပ်ကဵုအကာဲအရာ ပရေၚ်ပၞာန်ၜါလ္ပ်ာတုဲ ဟီုထ္ၜးကဵုညိ။
နူလ္ပာ်ကံၚ်ဇြဳပၞာန်ဂှ် အခိၚ်လၟုဟ်ဏံတှ်ေ ထ္ပက်ကၠုၚ်ပၞာန်ဂှ် ကြပ်ဟၟဲရ။ ဍေံတအ်ထ္ပက်ကရောၚ် ပၞာန်ဟွံမာန်တုဲ မံၚ်ဒၟံၚ် နူဒၞာဲသ္ၚောဲသ္ၚောဲတုဲ ပန်ဖျေံလွဟ်ဇၞော်ကဵု ပန်နၚ်ကဵုအမၠံက် ကြာန်န်ဂှ် ဒှ်ဒၟံၚ်လၟိုန်ရ။ ပန်ဖျေံ ပ္ဍဲကွာန်ဂှ်လေဝ် ပန်ဖျေံဒၟံၚ်လၟိုန်ရ။
-သ္ကုတ်လကြဴဏံ ပ္ဍဲခရိုၚ်သဓီုဂှ် ပရေၚ်ဗတိုက်ကဵုပၞာန်ကျာကဵု ပရေၚ်ထံက်ကၚ်တအ်ဂှ် လ္ပာ်ကံၚ်ဇြဳပၞာန်ဆက်ကၠောန်ကၠုၚ်ဗီုပြၚ်လဵုရော။
အခိၚ်လၟုဟ် ပြဟ်ဟ်ဏံတှ်ေ ပေါဲဗတိုက်ဇၞော်ဇၞော်ဂှ် ဟွံဂွံဒှ်လဝ်ဏီပုဟ်။ ကဵုပၞာန်ကျာဂှ် ဍေံတအ်ကၠုၚ် ပ္ဍဲပိုဲတုဲ ဗတိုက်ကဵုက္ၜၚ်ကျာတအ် မုတအ်ဂှ် ဟၟဲပုဟ် ဟီုစဂွံရ။ ထံက်မံၚ်ပရိုၚ်ကဵုက္ၜၚ်ကျာဂှ်တှ်ေ ဍေံတအ် အာကၠုၚ်ဒၟံၚ် တွဵုဂှ် ပိုဲဆဵုဒၟံၚ်ရ။
-ဒပ်ပံၚ်ကောံ ဂကောံဇြဟတ်ပၠန်ဂတးတအ် ၜိုတ်ကဆံၚ်လဵု ထ္ပက်ကၠုၚ်ပၞာန်ကဵု ကံၚ်ဇြဳပၞာန်မာန်ကီုရော။
လ္ပာ်ပိုဲဂှ်တှ်ေ ပၞာန်ထ္ပက် ဟွံသေၚ်တှ်ေ ပၞာန်ဒုၚ်ရ။ ဗီုပြၚ်ဏံ ဒှ်ဒၟံၚ် ဗီုအတိုၚ်တြေံရ။ ပၞာန်ထ္ပက်ဇၞော်ဇၞော်ဂှ်တှ်ေ အရာဏံ စှ်လှ်ေမွဲလှ်ေ ဒှ်ကၠုၚ်မာန်ဏောၚ်၊ အကာဲအရာပရေၚ်ပၞာန်ဂှ် ဂွံဟီုချိုတ်တ်ပၠိုတ်တ် ဟီုဟွံဂွံပုဟ်။ အတိုၚ်ပကတိတှ်ေ သၞောတ်ဒမၠုက်ဂှ် ဂြာတ်ထောံဖျေံကဵုဗုမ်တအ် လ္ပာ်ဏံတှ်ေ ကၠောန်ဒၟံၚ် အရိုဟ်ဒဒှ်တ္ၚဲရ။ စှ်လှ်ေမွဲလှ်ေ ခြာမွဲၜါတ္ၚဲ၊ ခြာၜါတ္ၚဲ ပိတ္ၚဲ ဒှ်ဒၟံၚ်ရ။
– သ္ကုတ်လကြဴဏံ ဒပ်ကံၚ်ဇြဳပၞာန် ကၠောန်ကၠုၚ်ပရေၚ်ပလီုပလာ်ဂၠံၚ်ဍာန်ညးဍုၚ်ကွာန်တအ် ပ္ဍဲခရိုၚ်သဓီုရ။ ဣဏံဂှ် ပလေဝ်ပလေတ်ကၠုၚ် သွက်ပၞာန်ဒုၚ်ဍေံတအ်ဟာ။ ပ္ဍဲလ္တူဏံ ဗီုလဵုညာတ်ကေတ်ရော။
အခိၚ်ကၠာတေံတှ်ေ ပ္ဍဲခရိုၚ်သဓီု ဒပ်မဟာ(၁)တှ်ေ ကရောၚ်ပၞာန် ထ္ပက်ကၠုၚ်ဒၟံၚ်ကရောၚ်ပၞာန် ကဵုဇြဟတ်ပေၚ်ၚ်တွဵုရ။ ကၠောန်ကၠုၚ်ဒၟံၚ်ဂှ် ဂွံဆဵုလဝ်ရ။ ဆ္ဂး အခိၚ်လၟုဟ်ပြဟ်ဟ်ဏံဂှ်တှ်ေ ဍေံတအ်စတုဲ ဟွံထ္ပက်ပၞာန် ဗီုကၠာတေံရ ဗီုပြၚ်ပၞာန်ဒုၚ် ဍေံတအ်ကၠောန်ကၠုၚ်ဒၟံၚ်ဂှ် ပ္ဍဲကဵုဒၞာဲဗီုဏံ ဍေံတအ်ဟွံထ္ပက်ပၞာန်ရပုဟ် ဍေံတအ်ဇြဟတ်ဟၟဲရပုဟ်ဂှ် ပိုဲ ဟီုချိုတ်တ်ပၠိုတ်တ် ဟွံဂွံပုဟ်။ ဆ္ဂး နွံဒၟံၚ်မွဲရ။ အခိၚ်လၟုဟ်ဂှ် နကဵုဍေံ အလုံမွဲဍုၚ်ဂေတ်ကၠောံဂှ် ဂကောံဇြဟတ်ပၠန်ဂတးပိုဲဖအိုတ်လေဝ်ဏး။ နူကဵုသ္ဂံၚ်ပၠန်ဂတးတအ်သီုဖအိုတ်ဂှ် ဇၟာပ်ပ်ဒၞာဲဂှ် တြးလဝ်တုဲ ဥပမာ-ပ္ဍဲကဵုရးဗဂေါတအ် မုတအ်ရ။ ပ္ဍဲလ္ပာ်ရးဗဂေါ၊ ရးသေတ်ဂါၚ်၊ ရးမဂွေ၊ တွဵရးကချေၚ်၊ တွဵုရးကရေၚ်ဍာဲဂှ် ဍေံတအ် ပ္ဍဲကဵုလ္ပာ်တေံမၞိဟ်ဂၠိုၚ်ဒၟံၚ်ဂှ်ရ ဍေံတအ်ဒးစွံအာရီုတုဲ ဍေံတအ်ဒးထပ်ဗပေၚ်လဝ်ဇြဟတ် ပ္ဍဲလ္ပာ်ဂှ် နွံရ။
ပ္ဍဲလ္ပာ်ရးသေတ်ဂါၚ်၊ ရးမဂွေဂှ် သာကၠောန်ကၠုၚ် ပရေၚ်ချဳဒရာၚ်ပၞာန်ဂှ် အဲထေၚ်ကေတ်လဝ်ဂှ်တှ်ေ ဣဏံဂှ် စပ်ဒၟံၚ်ကဵု ပရေၚ်ပိုန်ဒြပ်ဒှ်ဏောၚ်။ ဣဏံဂှ် ဟီုချိုတ်တ်ပၠိုတ်တ် ဟွံဂွံပုဟ်။ နူဍုၚ်ကြုၚ် တတ်ကၠောံလ္ပာ်ရခေၚ်ဏောၚ် သွက်ဂွံကၠောန်ပၠံၚ်သၟုဟ်ဓာတ်ဂှ် ဍေံတအ်စွံဒၟံၚ်အာရီု ဇၞော်ဇၞော်ရ။ ဟီုတှ်ေ ရးအၚ်ဝ၊ ရးသေတ်ဂါၚ်တအ်ဂှ် ဍေံတအ် ထ္ပက်ဒၟံၚ်ပၞာန်ဂှ်လေဝ် သွာၚ်ဏံပါလုပ်ဒၟံၚ်ဏောၚ်။
အဆက်အဆေန်ပၠန်ဂတးက္ညၚ်တၟိဂှ်လေဝ် သွက်ပရေၚ်ထိၚ်ဒဝ်တိဍာ် ဍေံတအ်ထ္ပက်ဒၟံၚ်ပၞာန်လၟိုန်ရ။ ဇြဟတ်ဍေံတအ်ဂှ် ပ္ဍဲလ္ပာ်ဏံ ပ္ဍဲအကာဲအရာဒးထပ်ဗပေၚ်ဂှ် ဂုဏ်နူဒးကၠောန်ဒၟံၚ် ကွေံကွေံကြာန်န်ဂှ်ရ ပ္ဍဲခရိုၚ်ဒပ်မဟာ (၁) ဇြဟတ်ဂှ် အကာဲအရာထ္ပက်ပၞာန်ဟၟဲ ဒှ်ဒၟံၚ်ဗီုဏံရ။
-အလန်လကြဴအိုတ်ဏံ ပၠန်ဂတးက္ညၚ်ဂှ် ၜိုန်ကဆံၚ်လဵု စိုပ်ဒၟံၚ်တရဴယျရော။ ပ္ဍဲလ္တူဏံ သ္ၚဳဂၠိပ်ထ္ၜးကဵုညိ။
အတိုၚ်ပရေၚ်ဆဵုဂဗ ပရေၚ်ဍုၚ်ကွာန် ယဝ်ရပိုဲဒးဟီုတှ်ေ ပရေၚ်ပၠန်ဂတးဂှ် သ္ဂုတ်သွာတ်ဟွံတိတ်ဏီပုဟ်ဟီုဂှ် (၆) ဂိတု၊ မွဲသၞာံဟီုဂှ်တှ်ေ တုဲတဴကဵုပိုဲ ညးကၠောန်ဒၟံၚ်ဂှ်ရ။ ပိုဲဂှ် ပ္ဍဲလ္တူဏံ ၜိုတ်ဂလိုၚ်လဵု ကၠောန်မာန်ရောရ။ လွဟ်လက်မကမ်ဂှ် ၜိုတ်ဂလိုၚ်လဵု ဗ္ဂပ်ကဵုမာန်ရော။ ဇြဟတ်မၞိဟ် ၜိုန်နွံကီုလေဝ် ယဝ်ရဇြဟတ်လွဟ် ဟၟဲပုဟ်တှ်ေ ကၠောန်ဟွံဂွံပုဟ်။ ဆ္ဂး ပိုဲတအ် ပ္ဍဲပွိုၚ် (၆) ဂိတုဂှ်တှ်ေ ၜိုတ်ကၠောန်မာန်ဂှ် နူလ္ပာ်ပိုဲ ပ္တိတ်ဇြဟတ် သွာၚ်ဇဳတုဲ ကၠောန်ဒၟံၚ်ညးသ္ကအ်ရ။ အရာကဵုသ္ဂုတ်သွာတ်ဂှ်တှ်ေ ပေါဲပၞာန်ဟီုဂှ် ဇြဟတ်လွဟ်ဂှ်တှ်ေ ပ္တိတ်ဇြဟတ်တုဲ ပိုဲကၠောန်ဒၟံၚ် ညးသ္ကအ်ရ။ ဆ္ဂးကဵုသ္ဂုတ်သွာတ်မာန်ဟာ။ ဂွံဒုၚ်ပေါဲအံၚ်ဇၞးမာန်ဟာဂှ် ဒးဗတိုက်အာ ဍာ်ဇမၠိၚ်ဂှ်ရတှ်ေ စိုတ်ဓာတ်ပိုဲ စှ်ေထောံဟွံဂွံရ။ စိုတ်ဓာတ်ဒးကြံၚ်မ္ၚိုဟ် ညံၚ်စိုတ်ဓာတ်ဟွံဂွံစှ်ေ ညံၚ်စိုတ်ဓာတ်ပိုဲတန်တဴအာလၟိုန်ဂှ်တှ်ေ ပ္ဍဲပွိုၚ် ၆ ဂိတု ဟွံသေၚ်တှ်ေ ၁ သၞာံ၊ ၂ သၞာံ ဒးအံၚ်ဇၞးဏောၚ်ဂှ် ပိုဲပတှ်ေကေတ်လဝ်ရ။ ပ္ဍဲပွိုၚ် ၆ ဂိတု ကဵုသ္ဂုတ်သွာတ်မာန်ဟီုဂှ် ဗီုကဵုအဲဟီုလဝ်နူကၠာဏံဂှ်ရ လွဟ်လက်နက်မကမ်ဂှ် ဒှ်အဓိကရ။
သၞဇြဟတ်ဇၞော်မံၚ်ဟီုဂှ်တှ်ေ သၞတ်ဂှ် ဒက်ပ္တန်ကၠုၚ်လဝ် သၞာံလအ်လဒၟံၚ်ယျ။ ပ္ဍဲဍေံတအ် ဇြဟတ်လွဟ်လက်နက် ပေၚ်မံၚ်။ တုဲပၠန် က္ၜၚ်ကျာတအ် မုတအ် ယဝ်ဒးပ္တဝ်ကဵုပိုဲတှ်ေ လ္ပာ်ဍေံတအ် သာတုဲ ဂွံလဝ်စေဝ်လ္တူရ။ ဇြဟတ်က္ၜၚ်ကျာနွံဒၟံၚ်။ ပိုဲတအ် ဣဏံဂှ် အဓိကဍေံက္ၜၚ်ကျာရ။ က္ၜၚ်ကျာဂှ် နူလ္ပာ်ပိုဲ သွက်ဂွံကလေၚ်ဗရိုဟ်သရိုဟ်ဂှ် ယဝ်ရဂွံ လွဟ်လက်နက်တအ်ဂှ်တှ်ေ ပွိုၚ် (၆) ဂိတု ဗီုဟီုလဝ်နူကၠာဂှ် ပ္တိတ်ကဵုသွဟ် ပတုဲကဵုပေါဲပၞာန်မာန်ဏောၚ် ပတှ်ေကေတ်လဝ် ဗီုဏံရ။ ဗီုဂှ်ရ ပတှ်ေကေတ်လဝ်။ အခိၚ်လၟုဟ်တှ်ေ ဇြဟတ်လွဟ်လက်နက်ဟွံသၟဟ်တုဲ ဂွံကဵုသွဟ် ချိုတ်တ်ပၠိုတ်တ်ဂှ် ကဵုဟွံဂွံရ။