ပ္ဍဲတိဍာ်ကဝ်ဒူလေဝ် ဗော်သွးကောန်ဂကူကရေၚ် KNU ဂှ် နူကဵုဂိတုဂျာန္နဝါရဳသၞာံဏံ စဵုကဵုဂိတုသေပ်တေမ်ဗာ ပ္ဍဲပွိုၚ် (၉) ဂိတုဏံ အပံၚ်လၟိဟ်ပေါဲဗတိုက်ၜါလ္ပာ် စဵုကဵု (၃၅၇၀) ဝါ က္တဵုဒှ်လဝ်တုဲ လ္ပာ်ကံၚ်ဇြဳပၞာန် ကောန်ပၞာန်ဒးချိုတ်လဝ် ဂၠိုၚ်ကဵုလ္ၚီရဂှ် ဗဟဵု KNU လလောၚ်တြးလဝ်ရ။
ဟိုတ်ဂှ်ရ စပ်ကဵု အကာဲအရာပရေၚ်ပၞာန် ပ္ဍဲတိဍာ် KNU ကီု၊ ပရေၚ်ကံၚ်ဇြဳပၞာန် ဂြာတ်ထောံဖျေံလဝ်ဗုမ် ပ္ဍဲဗဒိုပ်ပါဲပၞာန် မုမ်လိုၚ်ခေတ်ကီု၊ တၚ်လစွံစိုတ် ပ္ဍဲလ္တူပရေၚ်ကၠောန်ဗဒှ် ပေါဲ NCA ပေၚ်သၞာံကီုတအ်တုဲ ဆက်စၠောံသၟာန်လဝ်ကဵု ညးမၞုံအခေါၚ်ဟီုဂး KNU ပဒိုဝ်သဝ်တဝ်နဳရ။
သြၚ်လောန်တိုၚ်(မ်) – ဒၟာနူကံၚ်ဇြဳပၞာန်ဗတိုက်လဝ်ဗဒိုပ်ပါဲဘဲပၞာန် နွံဗ္ဒာဲဍုၚ်လိုၚ်ဇြာ တွဵုရးကချေၚ်တုဲ ကောန်အရာပ် ဇီုကပိုက်ချိုတ် ဒးလဝ်ဘဲဝပ် ဗွဲမဂၠိုၚ်ရ။ ပ္ဍဲလ္တူဗတိုက်ကၠောန်ရေၚ်တၠုၚ်လဝ်ဗီုဏံ နကဵု KNU ဗီုလဵုညာတ် မုမိက်ဂွံဟီုရော။
ပဒိုဝ်သဝ်တဝ်နဳ – ဒၟာနူပေါဲဗတိုက်ဒှ်တုဲ ကမၠောန်ပြဝဂကောံပၞာန်ပ္ကီုပရာပ် ကၠောန်သ္ပဒၟံၚ် ညံၚ်မၞိဟ်ရိုၚ်ရိုၚ် ဇိုၚ်ဇိုၚ် ကြာန်ဒၟာန် ကောန်အရာပ် သီုကောန်ၚာ် ဒးပါဲဒၟံၚ်ဘဲပၞာန်ဟွံသှ်ေဂှ် နဲလဵုလေဝ် ဂွံဒုၚ်တဲမာန် ဟၟဲပုဟ်။ ဣဏံဂှ် ကၟိန်ဍုၚ်နာနာ ဒးကၠောန်သ္ပကေတ်ကဵုအရေဝ် ညံၚ်ဂွံစိုပ်တရဴဴ ဒဵုကဵုဍိုက်ပေၚ်ထေက်ဏောၚ်။ ယဝ်ဟွံကၠောန်ဗီုဂှ်ပုဟ်တှ်ေ ပရေၚ်ကၟိန်ဍုၚ်နာနာ ပလန်တဲဂှ် ယဝ်ရအာဒၟံၚ်လဇုဲလဇုဲလဇလဇဏောၚ်တှ်ေ ဂကောံပ္ကီုပရာပ်ဏံ လ္တူညးဍုၚ်ကွာန်၊ လ္တူကောန်ၚာ်တအ်၊ သီုဖအိုတ်ဂှ် ဓဇန်ကြာန်ဒၟာန် လ္တူနူဏံ ကၠောန်ကၠုၚ်ဏောၚ်။ သ္ပတံနူတ္ၚဲဏံတုဲ နကဵုကၟိန်ဍုၚ်နာနာ တာလျိုၚ်ဟွံဂွံလီုအာလဝ် ပေၚ်ၚ်ဏီပုဟ်။ သွက်ဂွံဒးကေတ်အရေဝ် နွံဂှ် ပြဟ်ဟ်ပြေဟ်ဟ် ဒးကေတ်ထောံအရေဝ်ဏောၚ်။ ဗီုဂှ်ဟွံသေၚ်တှ်ေ အရာက္လိလောန်ဒၟံၚ် လ္တူကောန်အရာပ်တအ်ဂှ်တှ်ေ ပရေံလ္တူပရေံဂှ် သာတုဲ ပရေံကၠုၚ်ဏောၚ်ဟီုဂှ် ပရောဒဒှ်ဏံ ထ္ၜးဒၟံၚ်သက်သဳရ။
သြၚ်လောန်တိုၚ်(မ်) – ကံၚ်ဇြဳပၞာန် ကၠောန်ဗဒှ်ဒၟံၚ်တ္ၚဲ NCA ပေၚ်သၞာံယျ ကော်ဘိက်ဒၟံၚ် ဂကောံရပ်လွဟ်ကောန်ဍုၚ်အရၚ်တအ် သွက်ပရေၚ်ၜိုဟ်လလံရ။ မွဲလ္ပာ်ဂှ်လေဝ် ပ္ဍဲကဵုတိဍာ်ကောန်ဍုၚ်အရၚ်တအ်ဂှ် ပရေၚ်ပန်ဗတိုက်ဒၟံၚ် ထ္ပက်ဒၟံၚ်ပၞာန်ဂှ် ကၠောန်ဒၟံၚ် ဇၞော်ကဵုဇြဟတ်ရ။ လ္တူဏံ နကဵု KNU မုမိက်ဂွံဟီုရော။
ပဒိုဝ်သဝ်တဝ်နဳ – ကံၚ်ဇြဳပၞာန်ပ္ကီုပရာပ်ဂှ် ဗက်ဂၠာဲကၠောန်ဒၟံၚ်တ္ၚဲ NCA ပေၚ်သၞာံတအ်ဟီုဂှ် ပ္ဍဲဍေံတအ် ဒးဆဵုဂဗဒၟံၚ်အကာဲအရာအကြေပ်ဂြတ် နာနာသာ်ဂှ် ဍေံဂွံပၞော်တိတ်မာန်ဟာ ဍေံတအ်ကၠောန်ဒၟံၚ် ဗက်ကေတ်ဒၟံၚ်ဇြဟတ် ၜိုတ်ဂွံကဵုဂွံ ဂြဲဒၟံၚ်ချောဲချံက်ရ။ နဲလဵုလေဝ် သွက်ဂွံအံၚ်ဇၞးဟၟဲပုဟ်။ ပရေၚ်ၜိုဟ်လလံတအ် မုတအ် ၜိုန်ရဗက်ဂၠာဲဟီုဒၟံၚ်လေဝ် မွဲလ္ပာ်ဂှ် လုပ်ဒၟံၚ်ပေါဲဗတိုက်လၟိုန်တုဲ လ္တူညးဍုၚ်ကွာန်ဂှ် ကၠောန်သ္ပဒၟံၚ်ကမၠောန်ဓဇန်ကြာန်ဂှ်ရ ကမၠောန်ပြဝဍေံတအ်ဆလအ်လေဝ် အံၚ်ဇၞးဟွံမာန်ပုဟ်။ ကၠောန်ဂှ်ကၠောန်ရ။ အလဵုဍေံတအ် မုလေဝ်တၚ်ပတှ်ေဟၟဲပုဟ်။ ကၠောန်ဂွံတှ်ေတုဲ ကၠောန်ဒၟံၚ်ဒိုဟ်ဟ်ဓီုဓီု ရိုၚ်ၚ်ဇိုၚ်ၚ်တှ်ေ ဒၞာဲလဵုလေဝ် သွက်ဂွံအံၚ်ဇၞးဟၟဲပုဟ်ဂှ် ဟီုချိုတ်တ်ပၠိုတ်တ်မာန်ရ။
သြၚ်လောန်တိုၚ်(မ်) – ပ္ဍဲတိဍာ်ကဝ်ဒူလေဝ် ပ္ဍဲကဵုပွိုၚ် (၉) ဂိတုဏံ အကြာ KNLA KNDO ကဵုကံၚ်ဇြဳပၞာန် အပံၚ်လၟိဟ်ပေါဲဗတိုက် (၃၅၇၀) ဝါဒှ်လဝ်တုဲ လ္ပာ်ကံၚ်ဇြဳပၞာန် ဒးချိုတ်လဝ် (၃၈၆၅) တၠ KNU လလောၚ်တြးလဝ်ဂှ် ဂွံဆဵုကေတ်ရ။ ပ္ဍဲပွိုၚ် (၉) ဂိတုဏံ လ္ပာ်ကံၚ်ဇြဳပၞာန် ဒးချိုတ်လဝ်ဇီုကပိုက်လဝ်ဂၠိုၚ်လ္ၚီဟီုဂှ် ဟိုတ်နူမု ညာတ်ကေတ်ရော။
ပဒိုဝ်သဝ်တဝ်နဳ – ပ္ဍဲပွိုၚ် (၉)ဂိတု ဒးချိုတ်ဒၟံၚ်ၜိုတ်ဂလိုၚ်ဏောၚ်တှ်ေ ဆက်တုဲ ဍေံဆက်အာဂတတေံဟွံမာန်ရပုဟ်ဂှ် ခြာဟွံလအ်ဏံ ဂွံဆဵုဏောၚ်။ ဣဏံဂှ်လေဝ် ဓဝ်ဍာံရ။ အကာဲအရာဒပ်ဗလးမုက်တိဍေံတအ် လၟုဟ်ဂှ်လေဝ် စိုတ်ဓာတ်ယောၚ်ယာလီုလာ်ဒၟံၚ်တုဲ ယဝ်ဒှ်ပေါဲဗတိုက် က္ၜၚ်ကျာဟွံပါတှ်ေ စိုပ်ဒၟံၚ်အကာဲအရာ ဟွံဂွံဒှ်ဒၟံၚ်ယျ။ က္ၜၚ်ကျာဟီုဂှ်လေဝ် ဇၟာပ်ဒၞာဲ အာစိုပ်ဟွံမာန်ပုဟ်လေဝ်။ ပ္ဍဲကဵုပေါဲဗတိုက်သၠဲဂၠိုၚ်ဒၟံၚ် ဒဵုကဵုဂလိုၚ်ဏံ ကိစ္စဒှ်ဒၟံၚ် လ္ပာ်ဒိုဟ်အဂၞဲဂှ် က္ၜၚ်ကျာပဝ်အာဟွံဂွံပုဟ်။ ဟွံစိုပ်ပုဟ်ဟီုဂှ် ထ္ၜးဒၟံၚ်သက်သဳရ။ ဗ္ၜတ်ဍေံတအ်ချိုတ်ဒၟံၚ် ပ္ဍဲဗလးမုက်တိ ဂၠိုၚ်တိုန်ကၠုၚ်ဒၟံၚ်ကွေံကွေံယျဟီုဂှ် ဒှ်ဓဝ်ဍာံရ။ လ္တူနူဏံပရေံကၠုၚ်မာန်ဏောၚ်။ ၜိုတ်ဏံရ နွံဏောၚ်။
သြၚ်လောန်တိုၚ်(မ်) – ပ္ဍဲကဵုတိဍာ် KNU လၟုဟ်ဏံ အကာဲအရာဒပ်ကံၚ်ဇြဳပၞာန်လၟုဟ် နွံဒၟံၚ်ဗီုလဵုရော။ ပရေၚ်အုပ်ဓုပ်တိဍာ် လ္ပာ်ကံၚ်ဇြဳပၞာန် အောန်ယအ်စှ်ေကၠုၚ်ဟီုဒၟံၚ်ညးသ္ကအ် နွံရ။ လ္တူဏံ န KNU မုမိက်ဂွံဟီုကဵုတၚ်သမ္တီနွံရော။
ပဒိုဝ်သဝ်တဝ်နဳ – ပ္ဍဲဗလးမုက်ပၞာန်ဂှ် ဆက်စပ်ဒၟံၚ်ကဵု အကာဲအရာဒပ်ကံၚ်ဇြဳပၞာန် ဒးဆဵုဂဗဒၟံၚ် ပ္ဍဲဗလးမုက်တိ မွဲသာ်ရလေဝ် ပရေၚ်ချိုတ်ဂျိုၚ်ပ္ဍဲပေါဲဗတိုက်တအ် ဂၠိုၚ်ဒၟံၚ်ဂလိုၚ်ဏံယျဏောၚ်ဟီုတှ်ေ ပရေၚ်ဆောံလေၚ်တိဍာ်လေဝ် ဗက်ကၠုၚ်တွဵုရလေဝ်။ ဣဏံဂှ် ဟီုဒၟံၚ်မးမးဟွံသေၚ်ပုဟ်။ ပရေၚ်ဆောံလေၚ်တိဍာ်ဂှ်တှ်ေ နူကဵုပၞာန်သီအဝဵုတေံရ ဒှ်ကၠုၚ်ဒၟံၚ်။ ကဵုဗလးမုက်ပၞာန်ကဵု ပ္ဍဲဗလးမုက်ပၞာန်တၞဟ်ဟ်ဂှ် ဒးဆေၚ်ဒၟၚ်မုက်ကဵု အကာဲအရာဒပ်ဟွံရုံဂပ်ကဵု စိုတ်ဓာတ်ဒပ်ဍေံတအ်စှ်ေဒၟံၚ် သၟးဟွသေၚ်ပုဟ်။ မၞိဟ်လေဝ် အခေါၚ်သၠာဲဟၟဲပုဟ်။ ကောန်ဒပ်ပၞာန်တၟိလေဝ် ဂၠာဲဟွံဂွံပုဟ်။ အကာဲအရာလၟုဟ်ဂှ်တှ်ေ ပြသၞာဆက်ဒှ်ကၠုၚ်လကြဴတေံ မုရောတှ်ေ စိုတ်ဓာတ်ယောၚ်ယာတုဲ ဟွံလုပ်ပေါဲဗတိုက် ဒးဆောံလေၚ်တိဍာ် သာတုဲဂၠိုၚ်တိုန်ကၠုၚ်ဒၟံၚ်ရ။ ဣဏံဂှ် ဒှ်ဟိုတ်ဍေံဗက်ကၠုၚ် ချိုတ်တ်ပၠိုတ်တ်ရ။ ဣဏံဂှ်လေဝ် ဗက်ဂၠာဲပ္တိုန်ထ္ၜးဒၟံၚ်မးမး ဟွံသေၚ်ပုဟ်။ ပရေၚ်ဒဒှ်ဍာံရ။ ပ္ဍဲကဵုတိဍာ်ဒေသတၞဟ်ဟ်ဂှ် ဒှ်ကၠုၚ်ပရေၚ်ဒးဆောံလေၚ်တိဍာ်ဟီုဂှ် ဆက်တုဲဒးဆောံလေၚ်ဒၟံၚ်ပၠန်ရ။
သြၚ်လောန်တိုၚ်(မ်) – ပ္ဍဲကဵုတိဍာ် KNLU လၟုဟ်ဂှ် ပေါဲဗတိုက် ညိၚ်ဝတ်ဒၟံၚ်ဏောၚ်ထေၚ်ကေတ်ရ။ ဍာံဒၟံၚ်ဟာ။ ပေါဲဗတိုက်ဆက်ဒှ်ဒၟံၚ်ဖိုဟ်ဟာ။ လ္ပာ်ကံၚ်ဇြဳပၞာန် ဒေါံလဝ်ပရေၚ်ထ္ပက်ပၞာန်ဟာ။ မုဟိုတ်အကာဲအရာပၞာန် ဂွံညိၚ်ဝတ်အာရော။
ပဒိုဝ်သဝ်တဝ်နဳ – ပ္ဍဲကဵုဒေသကရေၚ်ဏံ ဗွဲတၟေၚ်တှ်ေ ပ္ဍဲကဵုတိဍာ်အုပ်ဓုပ် KNU ဂှ်တှ်ေ ပေါဲဗတိုက်တအ်ဂှ် ဗီုကဵုအခိၚ်ကၠာတေံ ဟွံဗြုဒၟံၚ်ဂှ် သ္ပရံၚ်ဒးဒၟံၚ်သတိရ။ ဆ္ဂးညိၚ်ဝတ်အာပေၚ်ၚ်ဂှ် ဟွံသေၚ်ပုဟ်။ နွံဒၟံၚ်မွဲရ ဍေံတအ်ဂှ် ဗီုကဵုအခိၚ်ကၠာတေံ ထ္ပက်ကရောၚ်ပၞာန် ဟွံမာန်ရပုဟ်။ ဒၞာဲဍေံတအ်မိက်ဂွံအာ အာဟွံမာန်ရပုဟ်။ ဒပ်တအ်လေဝ် ပ္ဍဲကဵုဗဒိုပ် နူကဵုဗဒိုပ်ဂှ် ဂွံအာအတေံ အဏံဂှ် ကၠောန်ဟွံမာန်ရ။ ဒှ်ဒၟံၚ်အကာဲအရာ ဒးမံၚ်ဒၟံၚ်ညိၚ်ၚ်ရနွံ။ ဍေံတအ်ဂွံပလံၚ်ဇွောံမဂှ် ပ္ဍဲကဵုဂၠံက်ဒဵု ကဵုဂၠံၚ်တိဗလးဂှ် ပလံၚ်ဟွံဂွံရပုဟ် ဒးပတှ်ေဒၟံၚ်က္ၜၚ်ကျာရ ဒှ်ဒၟံၚ်အကာဲအရာဏံရ။ ယဝ်ဒှ်ပေါဲဗတိုက်ဏောၚ်တှ်ေ ပ္ဍဲကဵုဗဒိုပ်ကွာန်ရးတအ်ဂှ် ဟွံဒှ်တုဲ ပ္ဍဲကဵုဂၠံၚ်ဇၞော်တေံရ ပေါဲဗတိုက်ကလေၚ်ဒှ်ဒၟံၚ်ဟီုဂှ် ပြာကတ်ကၠုၚ်ဒၟံၚ်ယျ။ မိက်ဂွံဟီုဂှ်တှ်ေ ဍေံတအ်ဂှ် နဲလဵုမှ ဂွံချဳဒရာၚ်ဗီုအခိၚ်ကၠာတေံ ဟၟဲရပုဟ်ဂှ် မိက်ဂွံဟီုရ။
ပ္ဍဲကဵုအကာဲအရာဗီုဏံဂှ် လ္ပာ်ဍေံတအ် အကာဲအရာစှ်ေဒၟံၚ် သာဒှ်ကၠုၚ်ဒၟံၚ်သိုက်က်ရ။ နကဵုအကာဲအရာဒပ်ပိုဲတအ်လေဝ် ၜေတ်လုပ်ကၠုၚ် လ္ပာ်ပ္ဍဲတေံ သိုက်က်ဟီုဂှ် ဂွံညာတ်ကေတ်ဒၟံၚ် နမတ်ရလေဝ်။ ဟီုဒၟံၚ်မးမးဟွံသေၚ်ပုဟ်။ ဟိုတ်ဂှ်ရ ပေါဲဗတိုက်ပိုဲလုပ်ဒၟံၚ်ဂှ် ဆုဲပြံၚ်ဒၟံၚ်ညိညိညညဟီုဂှ် မိက်ဂွံကဵုသမ္တီ ကုညးဍုၚ်ကွာန်တအ်ရ။