ဗ္ဒိုပ်ပၞာန်ဂမၠိုၚ် ဟွံဒးဒုၚ်သီပုဟ်ဂှ် ကံၚ်ဇြဳပၞာန် တြးပရိုၚ်ဗၠေတ်

ဒး၊ ဗၠေတ်

မ္ၚဵုရအဴ။ ဒုၚ်တၠုၚ်ဏာ နူကဵုအစဳဇန်ဒးဗၠေတ် သြၚ်လောန်တိုၚ်(မ်) ပိုယ်တံရအဴ။ ကြဴနူဒပ်ပၞာန်သီအဝဵုတုဲ စပ်ကဵုပရေၚ်ချဳဒရာၚ် ပၠန်ဂတးညးဍုၚ်ကွာန်တံတုဲ ပရိုၚ်ဗၠေတ်၊ ပရိုၚ်ဒး မပြးထၞာန်ဒၟံၚ် လ္တူဇာဇၞိက်ပရေၚ်မၞိဟ်တံဂှ် နူကဵုအစဳဇန်ဒးဗၠေတ် သြၚ်လောန်တိုၚ်(မ်) ပိုယ်တံဏံ စၟဳစၟတ်ကဵုအာဏောၚ် မဒှ်ရအဴ။

တ္ၚဲဏံ ပရူပရာ မပါလုပ် ပ္ဍဲဗီုဓာတ် အကံက်ပ္တောံရဲထံက်ဂလာန်ဒပ်ပၞာန်တံ မတြးဒၟံၚ် “ပရိုၚ် KIA ကေုာံ PDF တံ ဗ္တိုက်သီဂွံ ဗ္ဒိုပ်ဒပ်ပၞာန် မၞုံပွိုၚ်ဍုၚ်ယှိုဲကူဂှ်ဝွံ ဗၠေတ်မှာဒၟံၚ်တုဲ မူဗ္ဒိုပ်မွဲမှ ဟွံဂွံသီလဝ်ပုဟ်” ဂှ် စၟဳတ်ကဵုအာရောၚ် မဒှ်ရ။

ပရူပရာဏံဂှ် ပ္ဍဲကဵုမဳဒဳယျာ တြးဝါဒကံၚ်ဇြဳပၞာန်ဂမၠိုၚ် မပ္တံကဵု ဟာန်ညုၚ်ဥူ၊ MOI ၊ MRTV တံကဵု ပ္ဍဲကဵုဇာဇၞိက်ပရေၚ်မၞိဟ်ဝှေတ်ဗော်၊ ထလဳဂရာမ်ချာန်နေဝ် ကေုာံ ပ္ဍဲကဵု Tiktok တံ ချူပ္တိုန်တြးလဝ်ဝါဒရ။

စပ်ကဵုပရူပရာ မပါလုပ် ပ္ဍဲပသ်ထ် အကံက်ပ္တောံရဲထံက်ဂလာန်ဒပ်ပၞာန်တံ မတြးဒၟံၚ်ဂှ်တုဲ နူကဵုသြၚ်လောန်တိုၚ်(မ်) စၟဳစၟတ်စမ်ရံၚ်ဂှ် ဒဒှ်ရဒှ်ဒၟံၚ်ပရိုၚ်ဗၠေတ်တြးဝါဒမွဲဂှ် စၟဳတ်ဂွံဆဵုကေတ်ရ။

လၟေၚ်ဒဒှ်ဍာံဂှ် ပ္ဍဲဂိတုအံက်တဝ်ဗာ ၁၈ အခိၚ်နူဂယးဂှ် ဒပ်ပၞာန်ဗၠးၜးကောန်ဂကူကချေၚ် KIA ကဵု ဒပ်ပံၚ်ကောံ Shwe Gu PDF တံ စံၚ်ပလီုပလာ် ဗ္တိုက်သီဂွံလဝ်တမ်ဒပ်ကံၚ်ဇြဳပၞာန် ဗ္ဒိုပ် ခမရ ၆၀၂ ကေုာံ ခလရ ၅၆ ပွိုၚ်ဍုၚ်ယှိုဲကူ တွဵုရးကချေၚ်ဂှ် ညးဒုၚ်တာလျိုၚ်လလောၚ်ပရိုၚ် KIA သ္ကိုပ်ဗိုလ်ဇၞော် နဝ်ဘူ သ္ပဒတန်ဟီုဂးလဝ်ကဵု ဌာန်ပရိုၚ်ဗၠးၜးဂမၠိုၚ်ဂှ် စၟဳတ်ဂွံဆဵုကေတ်ရ။

ဗ္ဒိုပ်ဒပ်ဆက်စၠောံ ခမရ ၆၀၂ ကဵု ခလရ ၅၆ မဖျေံလဝ်ဒပ်ဗိုန်န်ခိုၚ်ၚ်ဂှ် KIA, Shwe Gu PDF တံ သုၚ်စောဲလွဟ်ဇၞော်လွဟ်ဍောတ် လုပ်စိုပ်ဗ္တိုက်လဝ်တုဲ ကောန်ဒပ်ကံၚ်ဇြဳပၞာန်မွဲတၠ ချိုတ်တုဲ MA-11 မွဲဇကို်၊ မာၚ်၊ ဇွောံမ ကေုာံ မကမ်ဗွဲမဂၠိုၚ်ဂၠေၚ် သီဂွံလဝ်ဂှ် စၟဳတ်ဂွံဆဵုကေတ် အတိုၚ်တၚ်လလောၚ်တြး ဂကောံဒပ် Shwe Gu PDF တံရ။

သီဗ္ဒိုပ်တုဲ သီဂိုၚ်ဂွံလဝ် လွဟ်လက်နက်မကမ်ဂမၠိုၚ်တုဲ ဒပ်ပၞာန်ဗၠးၜးကောန်ဂကူကချေၚ် KIA ၊ ဒပ်ပံၚ်ကောံ PDF တံ စံၚ်ပလီုပလာ်လဝ် ဗ္ဒိုပ်ဂှ်ဂှ် စၟဳတ်ဂွံဆဵုကေတ်ရ။

တၚ်လလောၚ်တြး ဂကောံဒပ် Shwe Gu PDF 

https://shorturl.at/xNOTZ

ဌာန်ပရိုၚ် RFA ထ္မံက်ထ္ၜးလဝ်ဂှ်

https://shorturl.at/giz03

ဌာန်ပရိုၚ် DVB ထ္မံက်ထ္ၜးလဝ်ဂှ်

https://shorter.me/R_GsI

ဟိုတ်နူတၚ်နၚ်တံဏံတုဲ ပရူပရာ မပါလုပ် ပ္ဍဲဗီုဓာတ် ရဲထံက်ဂလာန်ဒပ်ပၞာန်တံ မတြးဒၟံၚ် “ပရိုၚ် KIA ကေုာံ PDF တံ ဗ္တိုက်သီဂွံ ဗ္ဒိုပ်ဒပ်ပၞာန် မၞုံပွိုၚ်ဍုၚ်ယှိုဲကူဂှ်ဝွံ ဗၠေတ်မှာဒၟံၚ်တုဲ မူဗ္ဒိုပ်မွဲမှ ဟွံဂွံသီလဝ်ပုဟ်” ဂှ်ဝွံ ဒဒှ်ရဒှ်ဆပရိုၚ်ဗၠေတ် တြးဝါဒမွဲဂှ် နူကဵုသြၚ်လောန်တိုၚ်(မ်) စၟဳစၟတ်ကဵုလဝ် သွက်ပုရိသာတ်သြၚ်လောန်တိုၚ်(မ်) ပိုယ်တံရ။

သြၚ်လောန်တိုၚ်(မ်)