Operation 1027- Facebook Page ပ္တောံမံက်တိတ်ဒၟံၚ်

ဒး၊ ဗၠေတ်

မ္ၚဵုရအဴ။ ဒုၚ်တၠုၚ်ဏာ နူကဵုအစဳဇန်ဒးဗၠေတ် သြၚ်လောန်တိုၚ်(မ်) ပိုယ်တံရအဴ။ ကြဴနူဒပ်ပၞာန်သီအဝဵုတုဲ စပ်ကဵုပရေၚ်ချဳဒရာၚ် ပၠန်ဂတးညးဍုၚ်ကွာန်တံတုဲ ပရိုၚ်ဗၠေတ်၊ ပရိုၚ်ဒး မပြးထၞာန်ဒၟံၚ် လ္တူဇာဇၞိက်ပရေၚ်မၞိဟ်တံဂှ် နူကဵုအစဳဇန်ဒးဗၠေတ် သြၚ်လောန်တိုၚ်(မ်) ပိုယ်တံဏံ စၟဳစၟတ်ကဵုအာဏောၚ် မဒှ်ရအဴ။

တ္ၚဲဏံ ပရူပရာ ရဲထံက်ဂလာန်ဒပ်ပၞာန်တံ မတြးဒၟံၚ် “ဝှေတ်ဗော်လလောၚ်ပရိုၚ် ဂကောံမဟာမိတ်ကောဒေံ (၃) ဂကောံ မလုပ်သၞောဝ်” ဂှ် စၟဳတ်ကဵုအာရောၚ် မဒှ်ရ။

ပရူပရာဏံဂှ် ပ္ဍဲဂိတုနဝ်ဝေမ်ဗာ ၃ တေံ နူကဵုအကံက် Kyaw Swars, ဟာန်ညုၚ်ဥူတံ ချူတြးလဝ်ဝါဒ ပ္ဍဲဇာဇၞိက်ပရေၚ်မၞိဟ်ဝှေတ်ဗော်၊ ထလဳဂရာမ်ချာန်နေဝ် ကေုာံ ပ္ဍဲ Tiktok တံရ။

စပ်ကဵုပရူပရာ မပါလုပ် ပ္ဍဲပသ်ထ် အကံက်ပ္တောံရဲထံက်ဂလာန်ဒပ်ပၞာန်တံဂှ်တုဲ နူကဵုသြၚ်လောန်ုတိုၚ်(မ်) စၟဳတ်စမ်ရံၚ်ဂှ် ဒဒှ်ရဒှ်ဒၟံၚ်ပရိုၚ်ဗၠေတ်တြးဝါဒမွဲဂှ် စၟဳတ်ဂွံဆဵုကေတ်ရ။

လၟေၚ်ဒဒှ်ဍာံဂှ် မုက်လိက်ဝှေတ်ဗော် ဂကောံမဟာမိတ်ပိဂကောံ Operation 1027-3 BHA ဂှ် ဒၟါနူဒးဒုၚ်ဗ္တိုက်ကဵု ရဲထံက်ဂလာန်ဒပ်ပၞာန်တံတုဲ လလောၚ်ပ္တိတ်ပရိုၚ်ဟွံမာန်မွဲသာ် နကဵုယၟုချဳဒရာၚ်ပၞာန် ဂကောံမဟာမိတ်ကောဒေံပိဂကောံတုပ်ပ်ဂှ် Page ပ္တောံ မံက်တိတ်ကၠုၚ်ဒၟံၚ် မွဲအခိၚ်ဓဝ်ဂှ် စၟဳတ်ဂွံဆဵုကေတ် အတိုၚ်တၚ်လလောၚ်တြး ဂကောံမဟာမိတ်ကောဒေံပိဂကောံတံ ပ္ဍဲဂိတုနဝ်ဝေမ်ဗာ ၁၀ တေံရ။

တၚ်လလောၚ်တြး ဂကောံမဟာမိတ်ကောဒေံပိဂကောံတံ ဍိုက်က်ပေၚ်ၚ် မုက်လိက်ဝှေတ်ဗော်လလောၚ်ပရိုၚ် ဂကောံမဟာမိတ်ကောဒေံပိဂကောံ ဗွဲမလုပ်သၞောဝ် Operation 1027-3BHA https://www.facebook.com/Operation1027 ဝွံ ဟိုတ်နူဒးဒုၚ်ဗ္တိုက်ကဵုသၞတံတုဲ လ္တူဝှေတ်ဗော်ဂှ် ဆက်လလောၚ်ပ္တိတ်ပရိုၚ်ပေါဲဗ္တိုက်တံဟွံမာန်တုဲ ဒးဒုၚ်ကၟာတ်လဝ် ဗွဲယာယဳရ။

မွဲအခိၚ်ဓဝ် Page ပ္တောံလ္ၚဵုလ္ၚဵု မရပ်စပ်ဒၟံၚ် နကဵုယၟုလအာတုပ် ကုမုက်လိက်ဝှေတ်ဗော် ဂကောံမဟာမိတ်ကောဒေံပိဂကောံ Operation 1027 (Northern Alliance) https://www.facebook.com/PDFMyanmarArt ဂှ်လေဝ် မံက်တိတ်ကၠုၚ် မွဲအခိၚ်ဓဝ် ဂွံဆဵုကေတ်ဂှ် ထ္မံက်ထ္ၜးလဝ် ပ္ဍဲတၚ်လလောၚ်တြးဂှ် စၟဳတ်ဂွံဆဵုကေတ်ရ။

နကဵုဂကောံမဟာမိတ်ကောဒေံ (၃) ဂကောံတံ အခိၚ်လၟုဟ် ပရိုၚ်စပ်ကဵုပေါဲဗ္တိုက် ချဳဒရာၚ်ပၞာန် ၁၀၂၇ တံဂှ် ပ္တိုန်ထ္ၜးလလောၚ်ပ္တိတ်ကဵုဒၟံၚ်ပရိုၚ် နူကဵုဇာဇၞိက်ပရေၚ်မၞိဟ်မလုပ်သၞောဝ်ဂမၠိုၚ် မပ္တံကဵု

Telegram

https://www.facebook.com/PDFMyanmarArt

Twitter

https://www.facebook.com/PDFMyanmarArt

VK Page

https://www.facebook.com/PDFMyanmarArt

တံသၟးဂှ် ဂကောံမဟာမိတ်ကောဒေံပိဂကောံ (MNDAA+TNLA+AA) တံ လလောၚ်ပ္တိတ်ကဵုလဝ်ဂှ် စၟဳတ်ဂွံဆဵုကေတ်ရ။

တၚ်လလောၚ်တြးပရိုၚ် ဂကောံမဟာမိတ်ကောဒေံ (၃) ဂကောံ

https://shorturl.at/izBV9

ဌာန်ပရိုၚ် People Spring ထ္မံက်ထ္ၜးလဝ်ဂှ်

https://shorturl.at/sGRS2

ဟိုတ်နူတၚ်နၚ်တံဏံတုဲ ပရူပရာ မပါလုပ် ပ္ဍဲဗီုဓာတ် ရဲထံက်ဂလာန်ဒပ်ပၞာန်တံ မတြးဒၟံၚ် “ဝှေတ်ဗော်လလောၚ်ပရိုၚ် ဂကောံမဟာမိတ်ကောဒေံ (၃) ဂကောံ မလုပ်သၞောဝ်” ဂှ်ဝွံ ဒဒှ်ရဒှ်ဆပရိုၚ်ဗၠေတ် တြးဝါဒမွဲဂှ် နူကဵုသြၚ်လောန်တိုၚ်(မ်) စၟဳစၟတ်ကဵုလဝ် သွက်ပုရိသာတ်သြၚ်လောန်တိုၚ်(မ်) ပိုယ်တံရ။

သြၚ်လောန်တိုၚ်(မ်)