sanlontai သွက်ဂွံဖျေံစၟတ် မူဝါဒသြန်သၠုဲ မသၟဟ်တးမွဲ ပ္ဍဲသၞာံကၠုၚ်စိုပ်ဏံဂှ် တိုက်သြန်ဗဟဵုထိုၚ်ဝါန် စဳဇန်ဒၟံၚ်
ထိုၚ်ဝါန်၊ ဒဳဇြေမ်ဗာ (၁၂) နကဵုထိုၚ်ဝါန် ကၠုၚ်စိုပ်အပ္ဍဲသၞာဲဏံ ပၠောပ်အာလမျီု ကုမူဝါဒသြန်သၠုဲ မသၟဟ်တးမွဲဂှ်တုဲ ၚုဟ်ဖျာမညိၚ်ဝတ်ဒၟံၚ်တံ ညံၚ်အသိၚ်ဂွံခိုဟ်ကၠုၚ်တံဂှ်ကဵု သွက်ဂွံကလေၚ်ရီုဗၚ် ပရေၚ်ပိုန်ဒြပ်ကၟိန်ဍုၚ်မာန်ဂှ် ရပ်စပ်အာ နဲကဲနာနာသာ်ရောၚ် တိုက်သြန်ဗဟဵုကၟိန်ဍုၚ် ဟီုရ။ ဍုၚ်ထိုၚ်ဝါန် မ္ဒးဗ္ဒဗ္ဒါဲဒၟံၚ် ပရေၚ်ပိုန်ဒြပ်သၠာဲဂတးဗၞိက်အဓိကဂှ်ဝွံ အပ္ဍဲဂိတုတုဲကၠုၚ်တေံ ၚုဟ်မးဗၞိက်ပလံၚ်ပ္တိုန် ဗ္ၜတ်ကၠိုဟ်သၞာံဂှ် စှ်ေအာလဝ် စဵုကဵု (၁၃ ဒဿမ ၁) တၟံကၠံတုဲ ဒးဆေၚ်ဒၟံၚ်မုက်ကဵု သြန်ဖောဝ်…
သၞောဝ် Bruma Act ဝွံ သွက်ပၠန်ဂတးက္ညၚ်ဂှ် ဒှ်ပရေၚ်တောတက်ရောၚ် ညးသ္ၚဳဂၠိပ်တံ ဟီု
လ္ဂုၚ်၊ ဒဳဇြေမ်ဗာ (၁၂) သၞောဝ် Burma Act ပါလုပ် ပ္ဍဲကဵုသၞောဝ်အက်ဥပဒေ စဵုဒၞါကောန်ဂကူ အမေရိကာန် (NDAA) သ္ပဒတန်လဝ် နူကဵုကၠတ်ထဝ်သၟဝ်အမေရိကာန်ဂှ်ဝွံ သွက်ပၠန်ဂတးက္ညၚ်ဍုၚ်ဗၟာဂှ် ဒှ်ပရေၚ်တောတက်ရောၚ် သၟာပရေၚ်ဍုၚ်ကွာန်ဝှ်ကြံၚ်တံ ကေုာံ ညးလ္ၚတ်သ္ၚဳဂၠိပ်တံ ဟီုဂးလဝ်ရ။ သၞောဝ်ဏံဂှ် တုဲကၠုၚ်ပ္ဍဲဂိတုဒဳဇြေမ်ဗာ (၇) တေံ သ္ပဒတန်လဝ်တုဲ တၚ်နၚ်ဂမၠိုၚ် ပါလုပ် ပ္ဍဲသၞောဝ်စပ်ကဵုကၟိန်ဍုၚ်ဗၟာ (Burma Act) အိုဿီုဂှ်…
စၟတ်တဲကွဳပၟတ် မတ်မလီု−လ္ဂုၚ်တံဂှ် ပ္တိုန်ၚုဟ် (၃) ဆတုဲ ကၠတ်သွံဒၟံၚ်
မတ်မလီု၊ ဒဳဇြေမ်ဗာ (၁၂) ဗၠာဲသၟိၚ်ကွဳပၟတ် ကေုာံ သၞာဲဒဴကွဳပၟတ် သၟဝ်တဲကံၚ်ဇြဳပၞာန်တံဝွံ ၚုဟ်စၟတ်တဲကွဳပၟတ် မတ်မလီု−လ္ဂုၚ်တံဂှ် လ္တူနူၚုဟ်မခုတ်လဝ်ဂှ် ပ္တိုန်ထောံ (၃) ဆတုဲ ကၠတ်သွံဒၟံၚ်ရောၚ် ညးဍုၚ်ကွာန်အာတရဴတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ စၟတ်တဲကၟဳပၟတ်တံဝွံ စၟတ်တဲခုၚ်တၟေၚ် မတ်မလီု−လ္ဂုၚ်မွဲတၞးဂှ် ၜိုန်ရခုတ်လဝ်ဗွဲမလုပ်သၞောဝ် (၇၀၅၀) ဒ္ကေဝ်ကီုလေဝ် ပ္ဍဲဗွဝ်ဖျာဓလုက်တံဂှ် ဒးကဵုဒၟံၚ် စဵုကဵု (၂၀၀၀၀) ဒ္ကေဝ်တုဲ ၚုဟ်ခုၚ်ဓမ္မတာဂှ်လေဝ်…
ပ္ဍဲအစဳဇန်ဘာသာမန် ရေဒဳယိုဝ် ဩၚ်လောန်တိုၚ်(မ်) ဂိတုဒဳဇြေန်ဗါ စၟတ်တ္ၚဲ(၁၂) ၊ သၞာံခရေတ် (၂၀၂၂)
https://youtu.be/cytv9KmqcPc
TLT Tv ||-သၞောဝ် Bruma Act ဂှ် သွက်ပၠန်ဂတးက္ညၚ် ဒှ်ပရေၚ်တောတက်ရောၚ် ညးသ္ၚဳဂၠိပ်တံ ဟီု
https://youtu.be/QSllscmsYJE
TLT Tv ||-စၟတ်တဲကွဳပၟတ် မတ်မလီု−လ္ဂုၚ်တံဂှ် ပ္တိုန်ၚုဟ် (၃) ဆတုဲ ကၠတ်သွံဒၟံၚ်
https://youtu.be/mElZtzbf6-Y
ပ္ဍဲခရိုၚ်သဓီု KNU ဂှ် ဟိုတ်နူဒပ်ကံၚ်ဇြဳပၞာန် ပန်ပှော်လွဟ်ဇၞော်တုဲ သ္ၚိဒၟံၚ် (၂၅) မပြၚ် ဇီုကပိုက်လီုလာ်အာ
သဓီု၊ ဒဳဇြေမ်ဗာ (၁၂) ပ္ဍဲခရိုၚ်သဓီု တိဍာ်ထိၚ်ဒဝ် ဒပ်မဟာ (၁) ဗော်သွးကောန်ဂကူကရေၚ် KNU ဂှ် ပေါဲဗ္တိုက်ဟွံမွဲမွဲသာ် ဒပ်ကံၚ်ဇြဳပၞာန် ပန်ပှော်ကဵုလွဟ်ဇၞော်တုဲ သ္ၚိဒၟံၚ်ညးဒေသ ဟွံအောန်နူကဵု (၂၅) မ ဇီုကပိုက်လီုလာ်အာလဝ်ဂှ် ဂွံတီကေတ် အတိုၚ်တၚ်လလောၚ်တြး ခရိုၚ်သဓီု KNU ရ။ ဒပ်ကံၚ်ဇြဳပၞာန် ကေုာံ ဒပ်မၚ်ပယျဵုကရေၚ် BGF တံဝွံ စနူဂိတုနဝ်ဝေမ်ဗာကြပ်အိုတ် တုဲကၠုၚ်တေံတုဲ…
ပ္ဍဲဗ္ဒပ်ဗၠာဲသၟိၚ်ဇိုၚ်ကျာ် ဗၠာဲသၟိၚ် (၂) တၠ သီုကဵုသ္ကိုပ်ထိၚ်ရး ဒးဒုၚ်ပန်ဂစိုတ်
ဇိုၚ်ကျာ်၊ ဒဳဇြေန်ဗာ(၁၁) တွဵုရးဍုၚ်မန်၊ ဍုၚ်ဇိုၚ်ကျာ်၊ နူဗ္ဒပ်ဗၠာဲသၟိၚ်တိဍာ်ရးဇိုၚ်ကျာ် သ္ကိုပ်ထိၚ်ရးကီု သီုဗၠာဲသၟိၚ် ညး(၂ )တၠဂှ် ဒဳဇြေန်ဗာ တ္ၚဲစၟတ်တ္ၚဲ (၁၀) ဏံ သဝ်တ္ၚဲ အခိၚ်ၜိုတ် (၃) နာဍဳဂှ် ဟိုတ်နူဒးဒုၚ်ပန်လဝ်ကဵုလွဟ်တုဲ ဒးချိုတ်အာလဝ်ရဂှ် ညးဒေသဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။ ဗၠာဲသၟိၚ်ထိၚ်ရး မောၚ်ကိုဝ်ကိုဝ် ကေုာံကောန်ဒပ်ဗၠာဲသၟိၚ် ခိုၚ်ဇြဝ်ထောန်တအ်၊ ပ္ဍဲအခိၚ်က္လေၚ်စဴကၠုၚ် ဗ္ဒပ်ဇိုၚ်ကျာ် နူကဵုကွာန်ဒဒန်တာ (ဥတ္တံတာ)…
အမေရိကာန်ကဵုသတိ ပရေၚ်ဆက်ဆောံ ပွံၚ်မိတ်ဆေၚ်ကဵု ပရေၚ်စဵုဒၞာ အဳရာန်ကဵုရုယှာ
မဝ်သဂိုဝ် – ဒဳဇြေန်ဗာ (၁၁) သွက်ဂွံထံက်ပၚ် ပရေၚ်လောန်ၜက်လတူဍုၚ်ယူကရုၚ် ပွအဳရာန် ထ္ၜလဘာ်ကဵုဒၟံၚ် ဒရုမ်ကီု သၞောတ်စဵုဒၞာသၞကျာ၊ က္ၜၚ်ကျာသၞေၚ်ဝဲကီု သီုကဵုက္ၜၚ်ကျာပၞာန် ညံၚ်ပရေၚ်ပံၚ်တောဲရေၚ်တၠုၚ် ဂွံသၠုၚ်တိုန်အာ ရုယှာအာတ်မိက်ဒၟံၚ် နူကဵုအဳရာန်ရဂှ် အလဵုအသဳအမေရိကာန် ဟီုသ္ဂးလဝ်ရ။ ပရေၚ်ဆက်ဆောံအဳရာန် – ရုယှာဂှ် ပရေၚ်ထ္ၜလဘာ် စပ်ကဵုပရေၚ်ပၞာန် ကေုာံနဲကဲပညာ ပြံၚ်သၠာဲကဵုဒၟံၚ် ကဆံၚ်ဒဒှ်မိတ်ပွံၚ် ဆေၚ်ကဵုပရေၚ်စဵုဒၞာ ဟွံကေၚ်ဒှ်မွဲလှ်ေ ကဵုကၠုၚ်ဒၟံၚ်ဓရိပ်ဂၠံၚ်ရဂှ် ညးမၞုံအခေါၚ်ဟီုဂး…
ဗ္ဒပ်ဗၠာဲသၟိၚ်ပဠ ကော်ဒၟံၚ်ချဴကဵု PDF တအ်ဂှ် ဒးဒုၚ်ဗတိုက်လဝ်
ပဠဝ် – ဒဳဇြေန်ဗာ(၁၁) ရးတၞၚ်သဳ ပွိုၚ်ဍုၚ်ပဠဝ် ဂိတုဒဳဇြေန်ဗာ စၟတ်တ္ၚဲ (၉) တ္ၚဲဏံ အခိၚ်နူဂယးဂှ် ဟိုတ်နူဂကောံဒပ်စဵုဒၞာတအ် အာစိုပ်ပန်ဗတိုက်လဝ် ဗ္ဒပ်ဗၠာဲသၟိၚ်ပဠဝ်ဂှ်ရ နူလပါ်ကံၚ်ဇြဳပၞာန် ဇီုကပိုက်ဒးချိုတ်လဝ် နွံမာန်ရဂှ် ညးမၞုံတာလျိုၚ် ဒပ်ပရေၚ်စဵုဒၞာဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။ ပရေၚ်ချဳဒရာၚ်ပၞာန်ဏံဂှ် တံဒပ်(၁) ခရိုၚ်ဗိက်၊ ဒပ်ဒမၠုက် သၞိၚ်(ပ.က.ဖ) တအ်ပံၚ်တောဲတုဲ ဗတိုက်ကၠုၚ်လဝ် ဗ္ဒပ်ဗၠာဲသၟိၚ်ပဠ ဇြဟတ်ဒပ်ပၞာန်၊ ဗၠာဲသၟိၚ်…