ပ္ဍဲဗ္ဒိုပ်ပါဲဒဴဘဲပၞာန် ဒဳမအ်သဵုဂှ် ဟိုတ်နူလွဟ်ဇၞော်တုဲ ကောန်ၚာ်ကောန်တှ်မွဲတၠ ချိုတ်အာ
sanlontai ဒဳမအ်သဵု၊ အံက်တဝ်ဗာ(၂၄) ပ္ဍဲဗ္ဒိုပ်ပါဲဒဴဘဲပၞာန် ပွိုၚ်ဍုၚ်ဒဳမအ်သဵု၊ တွဵုရးကရေၚ်ဍာဲဂှ် ဟိုတ်နူလွဟ်ဇၞော်ဒပ်ကံၚ်ဇြဳပၞာန်ပန်ပှော်နၚ် ဒတုံဗ္တိုဟ်က္ကးလဝ်တုဲ ကောန်ၚာ်ကောန်တှ်မွဲတၠ လကိုတ်တုဲ ဒးချိုတ်လဝ်ရဂှ် ဂွံတီကေတ် နူဇရေၚ်ညးရီုဗၚ်ကဵုဒၟံၚ် ပရေၚ်ပါဲဒဴဘဲပၞာန်တံရ။ နူကဵုဒပ်အမၠံက်လွိုၚ်ကဝ်ကေုာံ တမ်ဒပ်ကံၚ်ဇြဳပၞာန် ဖျေံသ္ဇိုၚ်ဒဳမအ်သဵုတံဂှ် တုဲကၠုၚ် ပ္ဍဲဂိတုအံက်တဝ်ဗာ သတ္တာဟတတိယဂှ် ဟိုတ်နူပန်ပှော်လဝ်လွဟ်ဇၞော် အဆက်ဟွံပိုတ်သ္ကုတ်ဂှ်ရ ဒတုံဗ္တိုဟ်ထ္ကးအာလဝ် ပ္ဍဲဗ္ဒါဲဗ္ဒိုပ်ပါဲဒဴဘဲပၞာန် သဳတုဒဝ်(ဆီးသူ့တော်)ရ။ ဟိုတ်နူလွဟ်ဇၞော်ဒတုံဗ္တိုဟ်ထ္ကးအာလဝ်ဂှ်ရ ကောန်ၚာ် (၇)တ္ၚဲမွဲတၠဂှ် ဟိုတ်နူလကိုတ်အာ ရမျာၚ်လွဟ်ဇၞော်ဗြုတမ္ညဝ်တုဲ ဒးချိုတ်အာလဝ်ရဂှ်…