(ဘုတ်ပြင်း) ၊ ဂျောန် ၁၂ ပ္ဍဲကွာန်ဒံၚ်ၚေဝ် ဂကောံကွာန်(မနိုးရုံး) ပွိုၚ်ဍုၚ်(ဘုတ်ပြင်း) ရးတၞၚ်သဳဂှ် ဂိတုဂျောန် စၟတ်တ္ၚဲ ၁၁ အခိၚ်နူဂယး ၜိုတ် ၉ နာဍဳ ကောန်ကလောန်ၚးတးဒၟံၚ်ကၠအ်မွဲတၠ ဒၟါနူမာၚ်တိုပ်တိဗ္တိုဟ်ထ္ကးတုဲ ဇီုကပိုက်ကလိဂွံလဝ်ဝပ်ရောၚ် ဂွံတီကေတ် ဇရေၚ်ညးဒေသတံရ။ ဥူကျဝ်တိတ်နာၚ် အာယုက် ၄၆ သၞာံဂှ်ဝွံ အခိၚ်ၚးတးဒၟံၚ်ကၠအ် ပ္ဍဲကၠအ်ထၜိုတ် ဥူဇြဝ်မေန်တာန် နွံသ္ကဲဂၠံၚ်လုပ်ကွာန်ဒံၚ်ၚေဝ်ဂှ် ဒးဂဗလဝ်ကဵု မာၚ်တိုပ်တိဗ္တိုဟ်ထ္ကးရ။…
ၜၚ်ကံက်၊ ဂျောန် ၁၀ နူရုၚ်သၞောဝ်ဓဝ်သၞောဝ်သ္ဇိုၚ်ဒက်ပ္တန် အခေါၚ်ပလီုဗော်ညးတံဟွံမွဲပုဟ်ဂှ် Move Forward Party ဟီုလဝ်တုဲ တၚ်သ္ဂုတ်သွာတ်ရုၚ်သၞောဝ်ဓဝ်ကၠာတေံ သွက်တၚ်ဒတူလိုၚ်ဗော် မဆက်စပ်ကဵုဂဗုတ်ဖ္ဍိုက်ဂရိုက် နန်ဨကရာဇ်ဂှ်ဝွံ ဟွံဆက်စပ်ကဵု ပရေၚ်ပလီုဗော် မက္တဵုဒှ်ဒၟံၚ်လၟုဟ်ဂှ်ပုဟ်ဂှ် သ္ဂးရ။ ဖဳထာ လေန်ဂျာရိုဝ်အာန်ရာတ် မဒှ်က္ဍိုပ်သ္ကိုပ်တြေံ ဂအုပ်ညးကဵုကသပ် ဗော် MFP ဂှ် ဂကောံပရေၚ်ဂဗုတ် ညးကဵု ဗော်ညးဂှ်ဝွံ လ္ၚတ်လဝ် သၞောဝ်သ္ဇိုၚ်ဒက်ပ္တန်ဂှ်တုဲ ၝောံပိုဒ်သၞောဝ်ဥပဒေ…
မတ်မလီု၊ ဂျောန် ၁၁ ပ္ဍဲဍုၚ်ဗၟာ အပ္ဍဲကာလဒပ်ပၞာန်သီအဝဵုဏံ ကရောံၚုဟ်ဗၞိက်သၠုၚ်တိုန်ကၠုၚ်ဂှ် ဟိုတ်နူအကြေပ်အဂြတ်နာနာတုဲ ညးအဝဲဟွံခိုၚ်ကၠိုက်တံ ဂွံဂျိုၚ်လမျီုမံၚ်စံၚ်အာဂှ် ဒှ်ကၠုၚ်အခက်အခုဲရောၚ် ညးမရီုဗၚ်ရေၚ်တၠုၚ်ကဵုဒၟံၚ် ပရေၚ်ညးအဝဲဟွံခိုၚ်ကၠိုက်တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ညးအဝဲဟွံခိုၚ်ကၠိုက်တံဝွံ အပ္ဍဲကာလဒပ်ပၞာန်သီအဝဵုပွိုၚ်ပိသၞာံဏံ အခေါၚ်အရာကမၠောန်ကၟိတ်အောန်စှ်ေကၠုၚ်ကီု၊ ၚုဟ်ဗၞိက်က္ဍၚ်တိုန်ကၠုၚ်ကီု၊ သီုကဵုပြသၞာ ဆက်စပ်ကဵုစိုတ်၊ ကာယတံသၟးဟွံက ဒးဒုၚ်စသိုၚ်ကၠုၚ် သီုကဵုပွပကီုပရာပ်အပ္ဍဲသ္ၚိတံရ။ သ္အာၚ်နူဂှ်ပၠန် ဟိုတ်နူအခက်အခုဲ ပရေၚ်စသုၚ်မံၚ်စံၚ်ဂြောဝ်ဂတာတုဲ ဟွံဂွံပွမမၚ်မွဲပရေၚ်ထတ်ယုက် ပေၚ်ၚ်ကီု၊ မ္ၚးနူကဵုကပေါတ်မဆက်စပ်ကဵု…
ရေဝ်၊ ဂျောန် ၁၁ ပ္ဍဲသ္ကုတ်ဂၠံၚ်ရေဝ်−ထဝါဲဂှ် ပေါဲဗ္တိုက်ၜါလ္ပာ်တံ သ္ကာတ်မြဟ်ကၠုၚ်မာန်တုဲ နကဵုညးဍုၚ်ကွာန်ဂမၠိုၚ် ဟွံမွဲပၟိက်မွဲသာ် လ္ပသုၚ်စောဲဂၠံၚ်ဏံညိဂှ် ဒပ်ပံၚ်ကောံမဟာမိတ်ပၠန်ဂတးတံ ကဵုသတိ လလောၚ်ပ္တိတ်လဝ်ရ။ ကံၚ်ဇြဳပၞာန်ဝွံ သွက်ဂွံကလေၚ်ထိၚ်ဒက် ဂၠံၚ်ရေဝ်−ထဝါဲတုဲ ပ္ဍဲအရာမထ္ပက်ကၠုၚ်ပၞာန်ဂှ် ရပ်စပ်စကာညးဍုၚ်ကွာန်ကောန်အရာပ်တံကီု၊ ပြံၚ်လှာဲလွေဟ်ကောန်အရာပ်တုဲ ဗပေၚ်ဒၟံၚ်ဇြဟတ်ပၞာန်တံ ကၠောန်သ္ပဒၟံၚ်ရောၚ် ဒပ်ပံၚ်ကောံမဟာမိတ်ပၠန်ဂတးတံ သ္ဂးရ။ ဟိုတ်ဂှ်ရ ညးဍုၚ်ကွာန်ဂမၠိုၚ် ညံၚ်ဟွံဂွံကလိဂွံဝပ် မသက္ကုဟိုတ်ဂှ် ဒးကၟာတ်လဝ် ဂၠံၚ်ရေဝ်−ထဝါဲ ယာယဳရောၚ် ညးမၞုံအခေါၚ်ဟီုဂး…
ဍာ်ဗု၊ ဂျောန် ၁၁ အပ္ဍဲပေါဲဗ္တိုက် မက္တဵုဒှ်လဝ် ပ္ဍဲကွာန်(ရာဖူးရွာသစ်) ပွိုၚ်ဍုၚ်ဍာ်ဗု ခရိုၚ်ထဝါဲ ရးတၞၚ်သဳဂှ် သၞာဲဒဴလ္ပာ်ကံၚ်ဇြဳပၞာန်မွဲတၠ မပါလုပ် ၇ တၠ ချိုတ်အာလဝ်ရောၚ် ဂွံတီကေတ် ဇရေၚ်ကရောၚ်ပၞာန်ပံၚ်တောဲ မဟာမိတ်ပၠန်ဂတးတံရ။ တုဲကၠုၚ်ဂိတုဂျောန် ၇ တေံ ဒပ်ကံၚ်ဇြဳပၞာန် မထ္ပက်ကၠုၚ်ကရောၚ်ပၞာန် နကဵုဇြဟတ်ဒပ် ဗၞတ် ၂၀၀ ဂှ်ကဵု ဒပ်ပံၚ်ကောံ ဇြဟတ်ပၠန်ဂတး ရေၚ်တၠုၚ်ဒၟံၚ် ပရေၚ်ဂီုကၠီုအကြာဂၠံၚ်တံဂှ်…
ညံၚ်လေဝ်ပေန်၊ ဂျောန် ၁၁ ဒပ်ကံၚ်ဇြဳပၞာန် ပန်ပှော်လွဟ်ဇၞော် ပ္ဍဲကွာန်ဂမၠိုၚ် မၞုံတိဍာ်ဒပ်မဟာ ၃ ခရိုၚ်ညံၚ်လေဝ်ပေန် ဗော်သွးကောန်ဂကူကရေၚ် KNU ဂှ်တုဲ ညးဍုၚ်ကွာန်ကောန်အရာပ် ၁ တၠ ချိုတ်တုဲ ၅ တၠ ကလိဂွံလဝ်ဝပ်ရောၚ် KNU ဗဟဵု လလောၚ်ပ္တိတ်လဝ်ရ။ တုဲကၠုၚ်ဂိတုဂျောန် စၟတ်တ္ၚဲ ၄ စဵုကဵု စၟတ်တ္ၚဲ ၉ အပ္ဍဲပွိုၚ်တြဴတ္ၚဲ နူကဵုတမ်ဒပ်ကံၚ်ဇြဳပၞာန်…
မဝ်သကိုဝ်၊ ဂျောန် ၈ ပ္ဍဲဥရဝ်ပ ဟိုတ်နူသၞောတ်ဒစးဒုၚ်ကဵုသတိတံ ဟွံမွဲဂှ်ရ ဂၠိုၚ်ကဵုအောန် ပရေၚ်တဝ်စၞေဟ်စဵုဒၞါမာန်တံ ဟွံမွဲဒၟံၚ်ဂှ် သမ္မတရုယှာ ဗလာဒဳမာပူတေန် ကဵုလဝ်သတိ ဟီုလဝ်ရ။ ကဵုဏာလဝ်သတိ ကုဍုၚ်ဥရဝ်ပ ရီုဗၚ်ကဵုဒၟံၚ် ယူကရုၚ်ဂှ်တုဲ နကဵုအမေရိကာန် ၜိုန်ရပဆုဲပြံၚ်ကၠုၚ်လွဟ်လက်နက်နျူကလဳယျာညးတံ ပ္ဍဲဥရဝ်ပကီုလေဝ် ပ္ဍဲရုယှာဂှ် လွဟ်လက်နက်နျူကလဳယျာ နွံဂၠိုၚ်နူဥရဝ်ပဏီဏောၚ်ဂှ် သမ္မတပူတေန် ဟီုရ။ ဆ္ဂး စပ်ကဵုရုယှာ သုၚ်စောဲလွဟ်လက်နက်ဟာ ဟွံသုၚ်စောဲဟာဂှ်တုဲ အတိုၚ်သၞောတ်တြေံရ…
မတ်မလီု၊ ဂျောန် ၉ ဇာဇၞိက်ပရေၚ်မၞိဟ် Facebook ပ္ဍဲဍုၚ်ဗၟာဏံ မၞိဟ်ရပ်စပ်ဂၠိုၚ်အိုတ်ဂှ် ဟိုတ်နူကံၚ်ဇြဳပၞာန် ပ္တိတ်ကၠုၚ်ဇြဟတ် သွက်ဂွံကၟာတ်သီဂှ်တုဲ ကမၠောန်သွံရာန်လ္တူလပှ်ကျာဂမၠိုၚ် ဒးဆေၚ်ဒၟံၚ်မုက် ကုအခက်အခုဲနာနာသာ်ရောၚ် ညးကၠောန်ကမၠောန်အောန်လာၚ်ယှပ်တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ဇာဇၞိက်ပရေၚ်မၞိဟ် Facebook ဝွံ နကဵုတၚ်ထ္ၜးဟိုတ် အကံက်ပ္တောံပရေၚ်ဂကူတံ၊ ပလှ်ဖျေံဒၟံၚ် Posts တံ နွံဒၟံၚ်ရောၚ်ဂးတုဲ ကံၚ်ဇြဳပၞာန်သီအဝဵု ကၟာတ်လဝ်အခေါၚ်ရပ်စပ် Facebook အပ္ဍဲဍုၚ်ရ။…
နေဗျဳဒဝ်၊ ဂျောန် ၉ ပြဝပကီုပရာပ် မက္တဵုဒှ်ဒၟံၚ် ပ္ဍဲရးဒေသ ကေုာံ တွဵုရးတံဂှ် သၟာပကီုရာပ်ဒေသတံ ကၠောန်ၜိုတ်ဒၟံၚ်ဏောၚ်တုဲ ဒှ်ရဲပလီုပလာ် ဒေသဇကုတံရဂှ် က္ဍိုပ်သ္ကိုပ်ပၞာန် ကၟာတ်ဒုဟ်ညးတုဲ စောဲစပ်လဝ် ဇြဟတ်ပၠန်ဂတးရပ်လွဟ်တံရ။ ပ္ဍဲကောံဓရီုကံၚ်ဇြဳပၞာန် မကၠောန်ဗဒှ်လဝ် ပ္ဍဲဂိတုဂျောန် ၇ ဂှ် က္ဍိုပ်သ္ကိုပ်ပၞာန် သ္ကိုပ်ပၞာန်ဇၞော် မေန်အံၚ်လှာၚ်ဂှ် ညးမကၠောန်ၜိုတ် သွက်ဒေသမွဲမွဲ ဂွံလီုလာ်တံဂှ်ဝွံ ဒှ်ရဲပလီုပလာ် မမံၚ်တန်တဴဒၟံၚ် ပ္ဍဲဒေသတံဏံရဂှ်…
ရေဝ်၊ ဂျောန် ၉ အထံက်ဒပ်ဗိုလ်ဇၞော် နူတမ်ဒပ်ခလရ စၟတ် ၁၀၆ ဖျေံသ္ဇိုၚ်ကွာန်တၟအ်ကၞေၚ် ပွိုၚ်ဍုၚ်ရေဝ် တွဵုရးဍုၚ်မန်ဂှ်ဝွံ ပ္ဍဲဂိတုဂျောန် ၇ တေံ ပအပ်လွဟ်တုဲ ကၠုၚ်စိုပ်ပံၚ်တောဲလဝ်ရောၚ် ခရိုၚ်ဒူပလာယာ ဒပ်မဟာ ၆ KNU လလောၚ်ပ္တိတ်လဝ်ပရိုၚ်ရ။ ညးဝွံ ပ္ဍဲအရာကၠုၚ်စိုပ်ပအပ်လွဟ် ဇရေၚ် KNU ဂှ် သေနာတ် MA3 မွဲဇကိုအ်၊ ဖျေဲလွဟ်မွဲ၊ မကမ်…
sanlontai