sanlontai ဟိုတ်နူပေါဲဗ္တိုက်တုဲ ပရေၚ်ကူသာန်သွံရာန် သေံ−ဗၟာ ဒေါအ်ဒေၚ်၊ ၚုဟ်ဖျာ ထပ်တိုန်ကၠုၚ်မာန်
မတ်မလီု၊ ဨပရဴ (၁၁) ဟိုတ်နူပေါဲဗ္တိုက် မက္တဵုဒှ်ဒၟံၚ် ပ္ဍဲပွိုၚ်ဍုၚ်ကအ်ကြိက် ကေုာံ ပွိုၚ်ဍုၚ်ဗြဝတဳ၊ တွဵုရးကရေၚ်တံဂှ်တုဲ ပရေၚ်ကူသာန်သွံရာန် သေံ−ဗၟာၜါဍုၚ် ဒၟါနူဒေါအ်ဒေၚ်အာကြပ်ဖအိုတ်ဂှ်ရ အပ္ဍဲအခိၚ်အတး ၚုဟ်ဖျာ သၠုၚ်တိုန်ကၠုၚ် ဂၠိုၚ်ကဵုဆမာန်ရောၚ်ဂျ် တၠပညာပရေၚ်ပိုန်ဒြပ်တံကဵု သၟာဗၞိက်တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ပ္ဍဲကဵုမွဲဒမြိပ်ဂၠံၚ်ဇၞော်အာယှ ဗြဝတဳ−ကအ်ကြိက် မဒှ်ဂြိုဟ်ဒတန် ပရေၚ်ကူသာန်သွံရာန်ဂှ် စနူဂိတုမာတ် (၂၅) တုဲကၠုၚ်တေံတုဲ အကြာဒပ်ကံၚ်ဇြဳပၞာန်ကဵု ဂကောံဇြဟတ်ပၠန်ဂတးတံဂှ်…
ညံၚ်ဟွံဂွံပါလုပ် ပ္ဍဲသ္ဘၚ်အတးသၚ်္ကြာန်ပ္တောံ ကံၚ်ဇြဳပၞာန်တံဂှ် ဂကောံဇြဟတ်ပၠန်ဂတးမန်တံ ဖ္တိုက်ဖ္အောဝ်
မတ်မလီု၊ ဨပရဴ (၁၁) ကံၚ်ဇြဳပၞာန် ကၠောန်သ္ပဒၟံၚ် ညံၚ်သ္ဘၚ်အတးသၚ်္ကြာန် ဂွံစဳမၞိဟ်ဂွံဂၠိုၚ်ဂှ်ဝွံ ဒှ်ပ္တောံဒှ်အလီရတုဲ ညးဍုၚ်ကွာန်တံ ညံၚ်ဂွိုအ်ပါလုပ်အိုတ်ဂှ် ဂကောံဇြဟတ်ပၠန်ဂတး မၞုံအပ္ဍဲတွဵုရးဍုၚ်မန်တံ ဖ္တိုက်ဖ္အောဝ်လဝ်ရ။ ညံၚ်သ္ဘၚ်အတးဂွံစဳဂှ် ကံၚ်ဇြဳပၞာန်ဝွံ ပ္ဍဲကဵုပွိုၚ်ဍုၚ်ဗွဲမဂၠိုၚ်ဂၠေၚ်ဂှ် သိုၚ်ခၞံဒၟံၚ်ကၞာထးတံနွံတုဲ ကုတၠကမၠောန် ကေုာံ ကမ္ပဏဳတံဂှ်လေဝ် ဟွံဒေါအ်ဟွံဂွံ သွက်ဂွံသိုၚ်ခၞံကၞာထးအိုတ်ဂှ် ကဵုဒၟံၚ်ဇြဟတ်ဂရိုဟ်တံ နွံဒၟံၚ်ရ။ သ္ဘၚ်အတး ကံၚ်ဇြဳပၞာန် မသ္ကိုပ်သ္ကဂှ်ဝွံ ဟိုတ်နူဒှ်ပွပ္တိတ်ပရဲပရေၚ်ဍုၚ်ကွာန်ဂှ်ရ ညးဍုၚ်ကွာန်တံ သွက်ဂွံဗၠးနူဘဲအန္တရာယ်…
အလုံကရောၚ်ပၞာန် VENOM မွဲ ကၠုၚ်စိုပ်ပံၚ်တောဲ ဇရေၚ်ကရောၚ်ပၞာန်ကဝ်ဗရာ
ဗြဝတဳ၊ ဨပရဴ (၁၁) အပ္ဍဲတိဍာ် ဒပ်မဟာ (၆) ဗော်သွးကောန်ဂကူကရေၚ် KNU ဂှ် ကရောၚ်ပၞာန် VENOM ကၠုၚ်စိုပ်ပံၚ်တောဲလဝ်ကဵု ဇရေၚ်ကရောၚ်ပၞာန်ကဝ်ဗရာ မဒှ်ဂကောံပံၚ်ကောံ KNLA မဗ္တိုက်ပၠန်ဂတးဒၟံၚ် ကုဒပ်ကံၚ်ဇြဳပၞာန်ဂှ်ရောၚ်ဂှ် ဂွံတီကေတ် အတိုၚ်တၚ်လလောၚ်တြး ကရောၚ်ပၞာန်ကဝ်ဗရာရ။ တုဲကၠုၚ် ပ္ဍဲဂိတုဨပရဴ (၆) တေံ ကရောၚ်ပၞာန် VENOM ဝွံ ကၠုၚ်စိုပ်ပံၚ်တောဲလဝ် ဇရေၚ်ကရောၚ်ပၞာန်ကဝ်ဗရာတုဲ ဟိုတ်နူပရေၚ်ပံၚ်တောဲသာ်ဏံတုဲ…
ပ္ဍဲရေဝ် ကွဳစက်သ္ၚိ ဒးဒုၚ်ပန်ပှော်တုဲ (၂) တၠ ကလိဂွံဝပ်
ရေဝ်၊ ဨပရဴ (၁၁) လ္တူဂၠံၚ်ဇၞော် မတ်မလီု−ရေဝ် ဗ္ဒါဲကွာန်(လိမ္မော်ခြံ) ပ္ဍဲတွဵုရးဍုၚ်မန်၊ ပွိုၚ်ဍုၚ်ရေဝ် မလလောၚ်တြးလဝ် ပရေၚ်အုပ်ဓုပ်ပၞာန်ဂှ် ပ္ဍဲဂိတုဨပရဴ (၁၀) တေံ ကွဳစက်သ္ၚိမွဲဖ္ဍိုက် ဒးဒုၚ်ပန်ပှော်တုဲ ညးဍုၚ်ကွာန်ကောန်အရာပ် (၂) တၠ ကလိဂွံလဝ်ဝပ်ဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ပ္ဍဲကဵုတ္ၚဲဂှ် ၜိုတ်အခိၚ်နူဂယး (၁၁) နာဍဳ ကွဳစက် Vigo စှ်ေကၠုၚ်လ္ပာ်ရေဝ်…
ရပ်စပ်တဆိပ်ဗော် NLD တံပါဂှ်မ္ဂး ကေတ်အရေဝ်ရောၚ် ညးထံက်ဂလာန်ဒပ်ပၞာန်တံ တြးပရိုၚ်ဗၠေတ်ဘပဠ
ကဏ္ဍ ဒး၊ ဗၠေတ် မ္ၚဵုရအဴ။ ဒုၚ်တၠုၚ်ဏာ နူကဵုအစဳဇန် ဒး၊ ဗၠေတ် သြၚ်လောန်တိုၚ်(မ်) ပိုယ်ဏံရအဴ။ ကြဴနူဒပ်ပၞာန်သီအဝဵုတုဲ စပ်ကဵုပရေၚ်ချဳဒရာၚ်ပၠန်ဂတးညးဍုၚ်ကွာန်တံတုဲ ပရိုၚ်ဗၠေတ်၊ ပရိုၚ်ပ္တောံ မပြးထၞာန်ဒၟံၚ် လ္တူဇာဇၞိက်ပရေၚ်မၞိဟ်တံဂှ် နူကဵုအစဳဇန်ပိုယ်တံဏံ စၟဳစၟတ်ကဵုအာရောၚ်။ တ္ၚဲဏံ ပရူပရာမပါလုပ် ပ္ဍဲဗီုဓာတ် အကံက်ပ္တောံရဲထံက်ဂလာန်ဒပ်ပၞာန်တံ မတြးဒၟံၚ်ဂှ် “ ရပ်စပ်တဆိပ်ဗော် NLD တံပါဂှ်မ္ဂး ရပ်ဒက်ဏောၚ်” ဂှ် စၟဳစၟတ်ကဵုအာရောၚ်။…
ဟိုတ်နူကျာကၠိခ္ဍက် သၠုၚ်တိုန်ကၠုၚ်တုဲ ပ္ဍဲချေၚ်မာဲ ပ္တိတ်အမိၚ် Work From Home
ချေၚ်မာဲ၊ ဨပရဴ (၉) ကျာကၠိခ္ဍက် ဟိုတ်နူသၠုၚ်တိုန်ကၠုၚ် ဒဵုကဵုဗ္ၜတ် မသ္ကဵုဒှ်ကၠေံဘဲအန္တရာယ်တံဂှ်ရ ညးဍုၚ်ကွာန် မၞုံဍုၚ်ချေၚ်မာဲ ဍုၚ်ဇၞော် သ္ကုတ်သၟဝ်ကျာဍုၚ်သေံတံ သွက်ဂွံမံၚ်ပ္ဍဲသ္ၚိအိုတ်ဂှ်ကဵု သွက်ဂွံကၠောန်ကလောန် နူကဵုသ္ၚိ Work from Home တံအိုတ်ဂှ် သၟိၚ်တၠအဝဵုတံ ပ္ဍဲဂိတုဨပရဴ (၇) တေံ အာတ်မိက်လဝ်ရ။ ယက် မတိတ်ကၠုၚ် နူကဵုပွစံၚ်ပၟတ်ဂြိုပ် စံၚ်ဂူယာဝါဗ္ၚတံဂှ်ဝွံ ဂြောပ်ဓလီုအာလဝ် ကျာဍုၚ်ချေၚ်မာဲ မဒှ်ဍုၚ်ဒယှ်တဴ…
ဟိုတ်နူပေါဲဗ္တိုက်ဂမၠိုၚ်တုဲ ညးပါဲဒဴဘဲပၞာန်ကရေၚ်တံ တၚ်နွံပၟိက် ဇွောံမစၞစ ကေုာံ ဂဥုဲဇဗတံ သာသၠုၚ်တိုန်ကၠုၚ် ဗြဝတဳ၊ ဨပရဴ (၉) ဟိုတ်နူအကာဲအရာပဋိပက္ခပရေၚ်ပၞာန် မက္တဵုဒှ်ဒၟံၚ် အပ္ဍဲတွဵုရးကရေၚ်တံ သာသ္ကာတ်မြဟ်ကၠုၚ်ဂှ်ရ သွက်ညးပါဲဒဴဘဲပၞာန်တံဂှ် နွံပၟိက်ဒၟံၚ်ကဵု အရီုဗၚ်ဇွောံမစၞစ၊ ဂဥုဲဇဗ အရီုဗၚ်ပရေၚ်ဗ္စာရဏာမၞိဟ်တံရောၚ်ဂှ် ဂကောံအခေါၚ်အရာမၞိဟ်ကရေၚ် KHRG ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ပ္ဍဲကဵုတွဵုရးကရေၚ်၊ ပွိုၚ်ဍုၚ်ဗြဝတဳ၊ မွဲဒမြိပ်ဗ္ဒါဲဍုၚ်တၟိ ယှိုဲကုက္ကိုဝ်တံဂှ်ကဵု ပ္ဍဲမေဝ်ကနေဝ်၊ ဂၠံၚ်အာယှ၊…
ကံၚ်ဇြဳပၞာန် သၠုၚ်ပ္တိုန်ခရိတ်ရပ်စပ်ပရေၚ်စဵုဒၞါ စဵုကဵု (၅၆၀၀) ဗဳလျာန်ဒ္ကေဝ်
နေဗျဳဒဝ်၊ ဨပရဴ (၉) သွက်သၞာံဘဏ္ဍာကၠုၚ်စိုပ်ဏံ ကဵုထောံအခေါၚ် သုၚ်စောဲသၠုၚ်ပ္တိုန် ခရိတ်ရပ်စပ်ပရေၚ်စဵုဒၞါ ဒဵုကဵု (၅၆၀၀) ဗဳလျာန်ဒ္ကေဝ်ပြၚ်ရောၚ်ဂှ် ဂွံတီကေတ် နူကဵုတၚ်နၚ်သၞောဝ် စပ်ကဵုသြန်ဘဏ္ဍာကၟိန်ဍုၚ် ကံၚ်ဇြဳပၞာန် မလလောၚ်ပ္တိတ်လဝ်ဂှ်ရ။ သွက်သၞာံဘဏ္ဍာ ၂၀၂၃−၂၀၂၄ သၞောဝ်စပ်ကဵုအရပ်စပ်သြန်ဘဏ္ဍာ ကၟိန်ဍုၚ်ဂှ် ပ္ဍဲဂိတုမာတ်ချ် (၃၁) တေံ ကံၚ်ဇြဳပၞာန် စၞောန်ပျးလဝ်တုဲ ပပ္တံနူဂိတုဨပရဴ (၁) တုဲ လမျီုစလုပ်အာရောၚ် သ္ဂးလဝ်ရ။ ပ္ဍဲသၞောဝ်ဥပဒေဏံဂှ်…
ပန်ပှော်ဗ္တိုက်လဝ် ကပစ−၁၀ ဖျေံသ္ဇိုၚ်မေန်လှ နကဵုကမ်လှောဝ် (၂) မ၊ ဇီုကပိုက်ချိုတ်ဂျိုၚ်တံလေဝ် နွံမာန်
မေန်လှ၊ ဨပရဴ (၉) ဟိုတ်ဒၟါနူပန်ပှော်ဗ္တိုက်လဝ် ရုၚ်စက်ပ္တိတ်ကပေါတ် ပရေၚ်စဵုဒၞါ (ကပစ ၁၀) စၟတ် (၁၀) မကၠောန်ပ္တိတ်လွဟ်ဇၞော် ဖျေံသ္ဇိုၚ်ဍုၚ်မေန်လှ၊ ရးမဂွဵုဂှ်တုဲ ရုၚ်စက်တူအာပၟတ်တုဲ မၞိဟ်ချိုတ်နွံလဝ်ဂှ် PRA မဂွဵု ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ တုဲကၠုၚ် ပ္ဍဲဂိတုဨပရဴ (၇) တေံ ဗ္တိုက်လဝ်တုဲ ရုၚ်စက်ဏံဝွံ ဒှ်ရုၚ်စက်ကၠောန်ပ္တိတ်ဒၟံၚ် ကမ်လှောဝ်ကၠဟ်ဇမ္ၚောဲ၊ မဗမ်အမၠံက် အရပ်စပ်ကွဳစၚ်ခြပ်ပသဲတံဂှ်ကဵု…
ဗော်ပရေၚ်ဍုၚ်ကွာန်သေံဂမၠိုၚ် အာတ်မိက် လဝကသေံ မပအပ်လဝ် ပဳဒဳအာဖ်ပိတၠ ဇရေၚ်ကံၚ်ဇြဳပၞာန်ဂှ် သွက်ဂွံသောၚ်ကလးကဵု နလၟေၚ်သၞောဝ်ဓဝ်
ၜၚ်ကံက်၊ ဨပရဴ (၉) ဌာနကောပ်ကာဲပရေၚ်မၞိဟ်လုပ်ဍုၚ်သေံ ရပ်ဒက်ကောန်သ္ဂံၚ်ပဳဒဳအာဖ်ပိတၠတုဲ ကြဴနူကလေၚ်ပလံၚ်ဖျဴနၚ်ဌာန်ဒၟံၚ်တုဲဂှ် ဒးဒုၚ်ဂစိုတ်လဝ် ကဵုဒပ်ပၞာန်ဗၟာရောၚ် ပရိုၚ်ဂမၠိုၚ်မံက်တိတ်ကၠုၚ်တုဲဂှ် လဝကဝွံ ဒဒှ်ရဖံက်ပ္ကဝ်လဝ် သၞောဝ်အက်ဥပဒေ ဗ္တိုက်သ္အးပွဍဵုဍိုက်ပျဲပျာံရောၚ်ဂှ်ရ ဒးသောၚ်ကလးကဵုဏောၚ် ဗော် Commoners သေံ အာတ်မိက်လဝ်ရ။ တုဲကၠုၚ် ပ္ဍဲဂိတုဨပရဴ (၅) တေံ ပ္ဍဲကဵုဍုၚ်မာဲချံက် ခရိုၚ်တခ်ဂှ် ပဳဒဳအာဖ်ပိတၠဝွံ ပ္ဍဲအခိၚ်ကၠုၚ်စိုပ်တိုန်ရုၚ်ဂဥုဲ လွဳလွတ်ဂှ် ရုၚ်ကောပ်ကာဲပရေၚ်မၞိဟ်လုပ်ဍုၚ်သေံ (ဒေသကော် တဝ်မဝ်)…