“ပေါဲရုဲမာဲဂတဏံတှ်ေ ဍေံတအ်ရမာန်ဏောၚ်။ ဟွံမာန်ညံၚ်ဂွံမာန်ဂှ် ဍေံတအ်ကၠောန်ဏောၚ် ညာတ်ကေတ်လဝ်ရ။ တုပ်ဗီုပေါဲရုဲမာဲသၞာံ ၂၀၁၀ တေံရ USDP ဍေံတအ်ရ ဂွံဇၞးကေတ်မာဲ သီုဖအိုတ်တုဲတှ်ေ ဂစာန်ကၠောန်ဏောၚ်ဂှ် ဗီုဏံဟီုဂွံရ”
sanlontai တၚ်ဆက်စၠောံသၟာန်သွဟ်လဝ်ကဵု ညးသ္ၚဳဂၠိပ်ပါ်ပါဲပရေၚ်ဍုၚ်ကွာန် ဒံက်တာသိုၚ်ကျဳဇြေန်သဵု။ ဗော်ပရၚ်ေဍုၚ်ကွာန် ပတိုန်လဝ်စရၚ်အခေါၚ်ဒက်ပ္တန်ဗော် ကေုာံဂရၚ်အာတ်လဝ်အခေါၚ်စၟတ်သမ္တီ ပ္ဍဲကဝ်မယှေန်ပေါဲရုဲမာဲကၟိန်ဍုၚ် ကံၚ်ဇြဳပၞာန်ဂှ် (၁၉) ဗော်နွံကၠုၚ်ဒၟံၚ်တုဲ ပ္ဍဲကဵုဂှ် ဗော်စန္ဒက်အလုံမွဲကၟိန်ဍုၚ် (၅)ဗော်ကီု သီုဗော်စန္ဒက် ပ္ဍဲမွဲရးဒေသဇၞော် ဟွံသေၚ်မ္ဂး ပ္ဍဲမွဲတွဵုရးမွဲမွဲဂှ် ပါလုပ် (၁၄)ဗော်ရ။ ဟိုတ်ဂှ်ရ ပ္ဍဲလတူဂရၚ်အာတ်လဝ်အခေါၚ် နဒဒှ်ဗော်ပရေၚ်ဍုၚ်ကွာန် ဇရေၚ်ကံၚ်ဇြဳပၞာန်ဂှ် သာ်လဵုညာတ်ကေတ်ရော။ ပရေၚ်ဂရၚ်အာတ်လဝ်အခေါၚ် နဒဒှ်ဗော်ပရေၚ်ဍုၚ်ကွာန်ဂှ် ဒှ်ပၞော်ပရေၚ်ဍုၚ်ကွာန်ကံၚ်ဇြဳပၞာန်ဂွံတိတ်ဟာ။ အပြေၚ်ရေၚ် ပရေၚ်ဍုၚ်ကွာန်ဗၟာ ဗီုပြၚ်လဵု…