မဝ်သကိုဝ်၊ ဨပရဴ ၃ အခိၚ်ပ္တိတ်ဒၟံၚ်ဇြဟတ် သ္ဂောံသၠဲပ္တိုန်ဇြဟတ်ပၞာန်ဂှ် သမ္မတဗလာဒဳမာပူတေန် ကော်ကၠုၚ်မၞိဟ်တြုံ အကြာအာယုက် ၁၈ ကဵု ၃၀ သၞာံ လၟိဟ်ဗၞတ် ၁၆၀၀၀၀ နဒဒှ်ကောန်ပၞာန်တၟိတုဲ ကြဴနူသၞာံ ၂၀၁၁ တုဲဂှ် ဣဏံဝွံ ဒှ်ပရေၚ်ရုယှာကော်ကၠုၚ်သ္ဂောံလုပ်ပၞာန် ဇၞော်အိုတ်မွဲရ။ ဒြဟတ်ဒပ်ပၞာန်ညးတံဂှ် ထေက်ကဵုဒးဂလိုၚ်ပ္တိုန် စဵုကဵုဗ္ဒါဲ ၂ ဒဿမ ၃၉ ပြကောဋိကိုဋ်၊ လၟိဟ်ကောန်ဒပ်ယိုက်လျိုၚ်ပေၚ်ၚ်တံဂှ် ထေက်ကဵုဒးသၠုၚ်ပ္တိုန်…
မတ်မလီု၊ ဨပရဴ ၃ ကောံဓရီုပရေၚ်ဂကူမန် မကၠောန်ဗဒှ်ဒၟံၚ် လ္တူဍုၚ်မတ်မလီု ကံၚ်ဇြဳပၞာန် မထိၚ်ဒက်လဝ်ဂှ်ကီု၊ ပေါဲရုဲမာဲ ကံၚ်ဇြဳပၞာန် မသ္ဂောံကၠောန်ဗဒှ်အာဂှ်ကီု နကဵုကံၚ်ဇြဳဖေဝ်ဒရာဍုၚ်မန် ဟွံဒုၚ်တဲပုဟ်ဂှ် ပ္ဍဲဂိတုဨပရဴ ၁ တေံ လလောၚ်ပ္တိတ်လဝ်လစွံစိုတ်ရ။ သွက်ဂွံသ္ၚဳဂၠိပ်သ္ပဒတန် မူဝါဒစပ်ကဵုပရေၚ်ဂကူ၊ သၞောဝ်သ္ဇိုၚ်ဒက်ပ္တန်ဍုၚ်မန် ရန်သာ်ဏံတုဲ နူဗော်ဍုၚ်မန်တၟိဗဟဵု အာက္ဍိုပ်တုဲ စနူဂိတုဨပရဴ ၂ တေံတုဲ ကၠောန်ဗဒှ်ဒၟံၚ် ကောံဓရီုပရေၚ်ဂကူမန် ၂၀၂၅ ရ။…
မတ်မလီု၊ ဨပရဴ ၃ အလုံဍုၚ်မွဲ ပ္ဍဲကဵုဒၞါဲဒေသ ၆ ဂှ် ဒးဒုၚ်စသိုၚ်ဒၟံၚ်ဘဲဒဏ်တိချဳ ဇၞော်ကဵုဇြဟတ်တုဲ ပရေၚ်ဇီုကပိုက်လီုလာ်တံကဵု ပရေၚ်မၞိဟ်ချိုတ်တံ အခိၚ်သၠုၚ်တိုန်ဒၟံၚ်ဂှ် ထဝ်ဒကောၚ်မဳဠေန်အပ္ဍဲဍုၚ် မွဲဒ္ကေဝ်ဂှ် သၠုၚ်တိုန်ကၠုၚ် စဵုကဵု ၇၀ ကိုဋ်ဒ္ကေဝ်ရောၚ် တၠကမၠောန်ထဝ်ဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ၚုဟ်ထဝ်ဝွံ ကၠာဘဲတိချဳဏံ ဟွံဂွံဒှ် ပ္ဍဲဂိတုမာတ် ၂၇ တေံဂှ် ထဝ်ဒကောၚ်မဳဠေန် မွဲဒ္ကေဝ်ဂှ်…
ကြုၚ်ဒဵု၊ ဨပရဴ ၃ ဟိုတ်နူဘဲဒဏ်ပၞာန်ကဵု ဘဲတိချဳတုဲ ညးဍုၚ်ကွာန် မဒှ်ဒၟံၚ်ဒဒိုက်တံဂှ် ဒပ်ကံၚ်ဇြဳပၞာန် ဟွံညှာတာမွဲသာ် ပ္ဍဲဂိတုဨပရဴ ၁ တေံ ပန်ပှော်ကၠုၚ်လွဟ်ဇၞော် ပ္ဍဲကဵုကွာန်ဒၞါဲညးဍုၚ်ကွာန်တံ မံၚ်စံၚ်တံဂှ်တုဲ ညးဗြဴမွဲတၠ ချိုတ်အာလဝ်ရောၚ် ခရိုၚ်ဒူပလာယာ KNU လလောၚ်ပ္တိတ်လဝ်ပရိုၚ်ရ။ ပ္ဍဲဂိတုဨပရဴ ၁ အခိၚ်ဇိုၚ်သဝ်တ္ၚဲ ၅ နာဍဳဝိုက်ဂှ် နူကဵုကုန်အမၠံက် ဒပ်တၟိ သၟဝ်တဲဒပ်ကံၚ်ဇြဳပၞာန် စကခ ၁၂…
နေဗျဳဒဝ်၊ ဨပရဴ ၃ ပ္ဍဲဍုၚ်ဗၟာ ကသဳတိ ဇြဟတ်ဇၞော်မွဲ ချဳဇတဝ်အာတုဲ အခိၚ်ဒးဆေၚ်ဒၟံၚ်မုက်ကဵု အကြေပ်အဂြတ်ဂမၠိုၚ် ဍုၚ်သ္အာၚ်တံလေဝ် အခိၚ်ဖ္တိုက်ဖ္အောဝ်ဒၟံၚ် သွက်ဂွံဒေါအ်ပရေၚ်ဗ္တိုက်တံဂှ် က္ဍိုပ်သ္ကိုပ်ပၞာန်ဂှ်တှ်ေ ဆက်ကၠောန်အာပရေၚ်ပၞာန်တံဏောၚ် ခၠေဝ်ကၠုၚ်လဝ်ရ။ နကဵုဂကောံရပ်လွဟ်ကောန်ဍုၚ်အရၚ်လ္ၚဵုတံ ပ္ဍဲအကာဲအရာလၟုဟ် ထ္မံက်ကၠုၚ်ပေါဲဗ္တိုက် ဟွံမွဲကီုလေဝ် သ္ဂောံကၠောန်ပရေၚ်ဗ္တိုက်တံဂှ် ပကောံဒပ်၊ ပ္ကတ်ပ္ကေၚ်ပလေဝ်ပလေတ်တံ ကၠောန်ၜိုတ်ဒၟံၚ်ရောၚ် ပ္ဍဲဂိတုဨပရဴ ၁ တေံ ဟီုရ။ ကၠောန်ဒၟံၚ်သာ်ဏံဂှ်ဝွံ တုပ်တဴညံၚ်ရဴဗ္တိုက်ဒၟံၚ်ရဏောၚ်ဂှ်ရ နကဵုဒပ်ပၞာန်…
ပါလေန်၊ ဨပရဴ ၂ ကြဴနူကၠတ်ထဝ် ရုပ်သီကၠေံ ခရိတ်အရပ်စပ်ကာစဵုဒၞါ နူကဵုသၞောဝ်ဥပဒေ မပတေၚ်ဂြတ်လဝ် စပ်ကဵုခတှ်တအ်ဂှ်တုဲ နကဵုဒပ်ပၞာန်ဂျာမာန် ဗောန်ဒက်ဗာန် သ္ဂောံသၠုၚ်ပတိုန်အာ ပရေၚ်ဓလိုက်တမ်ရိုဟ်ဇၞော်ဇၞော်ဂှ် ဂၠံၚ်ပံက်အာယျ မဒှ်ရ။ ပရေၚ်ရုယှာ ဂၠါဲသၞဗ္တိုက်ဒၟံၚ်ဂှ်ဝွံ တုဲအာဆၜိုတ်ယူကရုၚ်သၟးဟွံသေၚ်တုဲ သွက်ဂွံသၠုၚ်ပတိုန်ခရိတ်ကာစဵုဒၞါဂှ် နွံပၟိက်ဇၞော်ကဵုဇြဟတ်ရောၚ် သ္ကိုပ်ဗိုလ်ဂျာမနဳ ကာသတာန် ဗရူဝါ ဟီုရ။ ဗီုရုယှာဘပဠဒၟံၚ်ညးတအ်ဂှ် ပူတေန်လေဝ် သ္ပဒၟံၚ်တုပ်ပ်ကီုဂှ်ရ နွံပၟိက်ဒးတာဒၞါအာဏောၚ်ဂှ် သ္ကိုပ်ဗိုလ်ဂျာမနဳ ဟီုကၠုၚ်ရ။…
မတ်မလီု၊ ဨပရဴ ၂ အပ္ဍဲကၟိန်ဍုၚ် ဒးဘဲဒဏ်တိချဳတုဲ အခိၚ်မၞိဟ်ချိုတ်ကဵု ပရေၚ်လီုလာ်ဇီုကပိုက်တံ သၠုၚ်တိုန်ဒၟံၚ်ဂှ် ပ္ဍဲတွဵုရးဍုၚ်မန်ဂှ် ကံၚ်ဇြဳပၞာန် ပကောံကၠုၚ်ဒၟံၚ်ကောန်ပၞာန် သွက်တန်ဗ္တောန်ကွတ်ပၞာန်လၟေၚ် ၁၂ ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ကောန်ဂကောံအုပ်ဓုပ်ကံၚ်ဇြဳပၞာန်တံဝွံ သွက်တန်ဗ္တောန်ကွတ်ပၞာန် လၟေၚ် ၁၂ ဂှ် သ္ဂောံလိၚ်စုတ်မၞိဟ်ဂးတုဲ အာတ်မိက်ဒၟံၚ်သြန် အကြာသ္ၚိတံ နွံတုဲ ရပ်ဒက်ဗွဲအဓမ္မတုဲ ပကောံကၠုၚ်ဒၟံၚ်ကောန်ပၞာန်တံရ။ ပ္ဍဲကဵုပေါဲဗ္တိုက်…
မတ်မလီု၊ ဨပရဴ ၂ ဂကောံမန် မပၠန်ဂတးဒၟံၚ် သၞောတ်တၠအဝဵုပၞာန်တံဟွံပါလုပ်မွဲသာ် ကောံဓရီုပရေၚ်ဂကူမန် မကၠောန်ဗဒှ်အာ လ္တူဍုၚ်မတ်မလီု ဒၞါဲဒေသကံၚ်ဇြဳပၞာန်ထိၚ်ဒက်လဝ်ပေၚ်ၚ်ဂှ် ဒစဵုဒစးအာရောၚ် ဂကောံပၠန်ဂတးမန်ဂမၠိုၚ် လလောၚ်ပ္တိတ်လဝ်လစွံစိုတ်ရ။ နကဵုတၚ်ရန်တၟံ သွက်ဂွံသ္ပဒတန်သ္ၚဳဂၠိပ် မူဝါဒစပ်ကဵုကောန်ဂကူတံဂှ်တုဲ ဗော်ဍုၚ်မန်တၟိဗဟဵု သ္ကိုပ်သ္ကတုဲ သ္ဂောံကၠောန်ဗဒှ်အာ ကောံဓရီုပရေၚ်ဂကူမန် ၂၀၂၅ လ္တူဍုၚ်မတ်မလီု နွံဒၟံၚ်ရ။ ဟိုတ်ဒၟါနူဗော်ဍုၚ်မန်တၟိဗဟဵု မသဳကၠဳဒၟံၚ်ကဵု ကံၚ်ဇြဳပၞာန် သ္ကိုပ်သ္ကဂှ်ရ ဇြဟတ်ပရေၚ်ဍုၚ်ကွာန်မန်မၞုံအပ္ဍဲဍုၚ်ဂမၠိုၚ်၊ ဗော်ပရေၚ်ဍုၚ်ကွာန်မန်ဂမၠိုၚ်၊ ဂကောံမှာဇန်ဂမၠိုၚ်၊…
ဘာအၚ်၊ ဨပရဴ ၂ အလုံဍုၚ်မွဲ အခိၚ်ဒၞါဲဒေသ ၆ ဒၞါဲ ဒးဒၟံၚ်ဘဲဒဏ်တိချဳ ဇၞော်ကဵုဇြဟတ်ဂှ် ပ္ဍဲတွဵုရးကရေၚ် လ္တူဍုၚ်ဘာအၚ်ဂှ် ဂကောံကံၚ်ဇြဳပၞာန်တွဵုရး သွက်ဂွံကၠောန်သ္ပသ္ဘၚ်အတးဂးတုဲ သ္ဘၚ်အတးသြၚ်ဗ္တဳကီု၊ ပ္ဍဲကဵုဇိုၚ်ၜဳတံဂှ်လေဝ် ဆက်သိုၚ်ခၞံဒၟံၚ် ကၞာထးအတးတံဂှ်ရောၚ် ဂွံတီကေတ် ဇရေၚ်ညးဒေသတံရ။ လ္တူဍုၚ်ဘာအၚ်ဂှ် ဂကောံကံၚ်ဇြဳပၞာန်တွဵုရးကရေၚ် ကၠောန်ဗဒှ်အာ သ္ဘၚ်အတး လ္တူသြၚ်ဗ္တဳ ဗ္ဒါဲဖျာဗ္တံဇိုၚ်ၜဳ ပွိုၚ်မွဲဂိတုဏောၚ်တုဲ သီုကဵုကၠောန်ဗဒှ်အာ သ္ဘၚ်အတးသၚ်္ကြာန်တွာ်တုဲ ပ္ဍဲကဵုဂၠံၚ်ဇိုၚ်ၜဳတံဂှ် ဗ္စဖျုၚ်အာစတုဒဳသာ…
ရေဝ်၊ ဨပရဴ ၂ ဥူအေမာၚ် က္ဍိုပ်သ္ကိုပ်ပၞာန်မၚ်ကွာန် ပ္ဍဲကဵုကွာန်ဘာ ပွိုၚ်ဍုၚ်ရေဝ် တွဵုရးဍုၚ်မန် ဒးဒုၚ်ပန်ဂစိုတ်ကဵုသေနာတ်တုဲ ချိုတ်အာလဝ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ပ္ဍဲဂိတုဨပရဴ ၁ အခိၚ်နူဂယး ၜိုတ် ၈ နာဍဳဂှ် ဥူအေမာၚ် က္ဍိုပ်သ္ကိုပ်ပၞာန်မၚ်ကွာန် အာယုက် ၅၀ သၞာံပြၚ် နွံဒၟံၚ်ပ္ဍဲဆေၚ်ဍာ်လက်ဖက် ပ္ဍဲကဵုကွာန်ဘာဂှ် ဂကောံလကိုဟ်ဍုၚ်ရေဝ် လုပ်စိုပ်ပန်ဏာလဝ်ရ။ ဟိုတ်နူဒးဒုၚ်ပန်လဝ်ကဵုသေနာတ်ဂှ်တုဲ…
sanlontai