ထဝါဲ၊ ဖေဖဝ်ဝါရဳ ၁၀ ရးတနၚ်သဳ ပ္ဍဲဒေသဂြိုပ်ဗၟံက် ပွိုၚ်ဍုၚ်ထဝါဲဂှ် နူကဵုဒပ်ပၞာန်ကျာ ကဝ်မယှေန်ပၞာန် ကြဳဖျေံဗုမ်ဗတိုက်လဝ် ဘာလကျာ် ကွာန်ဟုၚ်တာ ဗော်သွးကောန်ဂကူကရေၚ် KNU လလောၚ်ပတိတ်လဝ်ရ။ ဒၞာဲဘာလကျာ် ကွာန်ဟုၚ်တာ ပ္ဍဲဒေသဂြိုပ်ဗၟံက် ပွိုၚ်ဍုၚ်ထဝါဲဂှ် တုဲကၠုၚ်ဖေဖဝ်ဝါရဳ ၄ အခိၚ်နူဂယး ၜိုတ် ၉ နာဍဳဂှ် ၜၚ်ကျာ ဂျက်ဖိုက်တာဒပ်ကဝ်မယှေန်ပၞာန် ကြဳဖျေံဏာဗုမ် ၃၀၀ ပံၚ် ၜါမရ။…
ဘာပန်၊ ဖေဖဝ်ဝါရဳ ၁၀ တွဵုရးကရေၚ် ဒၞာဲဒပ်ပၠန်ဂတးတံ ကၟာတ်ဆိုအ်ဗတိုက်မံၚ် ဗျူဟာဘာပန်ဂှ် ဒပ်ပၞာန်ဗမာညံၚ်ဟွံကျအာ ဒုၚ်ဒဝ်မံၚ်ကဵုပၞာန်ကျာ ဇၞော်ကဵုဇြဟတ်ရောၚ် တမ်ရိုဟ်ကၞက်ပရိုၚ်ပၠန်ဂတးတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။ စနူကဵုသၞာံ ၂၀၂၄ တေံရ ဒပ်ပၞာန်ဗၠးၜးကောန်ဂကူကရေၚ် KNLA မဟာဒပ် ၅ သ္ကိုပ်သ္က ပံၚ်တောဲကဵုဂကောံဇြဟတ်ပၠန်ဂတးတံတုဲ ကၟာတ်ဆိုအ်ဗတိုက်ကၠုၚ်လဝ် ဗျူဟာဘာပန် မဒှ်ရ။ ပေါဲဗတိုက်သီဗ္ဒိုပ် ဗျူဟာဘာပန်ဂှ် စနူကဵုဖေဖဝ်ဝါရဳ ၅ တေံရ အသိၚ်ဇြဟတ်ကလေၚ်ဇၞော်ကၠုၚ်တုဲ…
ဝါယှေန်တန်၊ ဖေဖဝ်ဝါရဳ ၉ သမ္မတအမေရိကာန် ဒဝ်နေဝ်ထရ ပ္ဍဲဖေဖဝ်ဝါရဳ ၆ ပ္ဍဲကဵုထပက်လဝ်စၟတ်တဲ စၞောန်ပ္ညုၚ်တၟေၚ်မွဲသာ်ဂှ် လ္တူ ဍုၚ်ကူသာန်မံၚ်ဗၞိက်ကဵု ဍုၚ်အဳရာန်တံဂှ် ထပ်ထပဵုကံက်အခေါၚ်မာန်ရောၚ် ဟီုလဝ်ရ။ ကူသာန်မံၚ်ဗၞိက်ကဵု ဍုၚ်အဳရာန် တိုက်ရိုက်ဒှ်ဒှ် တိုက်ရိုက်ဟွံသေၚ်ဒှ်ဒှ် ထပ်ထပဵုကံက်အခေါၚ်မာန်ရောၚ် ပ္ဍဲတင်စၞောန်ပ္ညုၚ် သ္ဂးလဝ်ရ။ သၞောတ်ထ္ၜတ်အခေါန် ၜိုတ်လဵုကံက်အာဂှ် ထရ ဟွံထမံက်လဝ်ချိုတ်တ်ပၠိုတ်တ်ကီုလေဝ် ဥပမာ ၂၅% ကံက်အာမာန်ရောၚ် သ္ဂးရ။ ရာန်ကပေါတ်နူအဳရာန်ကီုဒှ်…
နေပျဳတဝ် ၊ ဖေဖဝ်ဝါရဳ ၉ ဍုၚ်သၠးပွးမွဲမွဲ ညံၚ်ဂွံခိုင်ကၠိုက်တန်ကြန်အာမာန် ညံၚ်ဟွံဂွံစိုပ်အာသၟဝ်တဲညးတၞဟ်ဂှ် အလုံသီုညးဖအိုတ်တံဒးညဳသၟဟ်ရောၚ် က္ဍိုပ်သ္ကိုပ်သီအဝဵု ဟီုစုတ်လဝ် ပ္ဍဲကဵုတ္ၚဲတွဵုရးသေံ မရနုက်ကဵု ၇၉ ဝါရ။ ဂိတုဖေဖဝ်ဝါရဳ ၇ ဇရေၚ်အသေအဟာန် တ္ၚဲတွဵုရးသေံ ပ္ဍဲကဵုပလံၚ်ဗစိုပ်လဝ်လိက်သဝဏ်ဂှ် ဍုၚ်ပိုဲဒက်ပ္တန်လဝ် သၞောတ်ကၟိန်ဍုၚ်မဒှ်တုဲ ပရေၚ်ကောန်ဍုၚ်အရၚ်ညဳသာသၟဟ်သၟန် ဒှ်အဓိကရောၚ် က္ဍိုပ်သ္ကိုပ်ပၞာန် ဂဥုပ်သ္ကိုပ်ပၞာန်ဇၞော် မေန်အံၚ်လှိုၚ် သ္ဂးရ။ ဗီုဂစာန်လဝ် ကာလသ္ဂောံဂွံဗၠးၜးတေံ အကြာကောဒေံ…
မတ်မလီု ၊ ဖေဖဝ်ဝါရဳ ၉ ကဝ်မယှေန်ပၞာန်သီအဝဵု သွက်ဂွံကော်ကောံဓရီု အလန်တတိယ စၠတ်ဓဝ်တွဵုရးမန်ဂှ် ပလေဝ်ပလေတ်စမံၚ်ယျရောၚ် ဂွံတီနူကဵုတၚ်လလောၚ်တြး ကဝ်မယှေန်ပၞာန်တံရ။ သွက်ဂွံကော်ကောံဓရီုဂှ် နူကဵုဝန်ဇၞော်ပရေၚ်မၞိဟ်တွဵုရးမန် ဥူတေၚ်ဇြဝ်ထောန် သ္ကိုပ်သ္ကတုဲ ပ္ဍဲဖေဖဝ်ဝါရဳ ၆ ဂှ် ကၠောန်လဝ် ကောံဓရီုပ္ညဳပ္ညပ်ရ။ ဟိုတ်နူကၠောန်ဗ္ဒျ်ပေါဲရုဲမာဲတုဲအာတုဲ ခြာဟွံလံမ္ဂး သွက်ဂွံကော်ကောံဓရီု စၠတ်ဓဝ်တွဵုရးမန်ဂှ် ပရေၚ်ကမၠောန်ဆေၚ်စပ်ကဵုစၠတ်ဓဝ်တံ ညံၚ်ဂွံရေၚ်တၠုၚ်ဗွဲမပြဟ်မာန် ဘိုၚ်ရီုဗၚ်ကဵုအာညိ ဥူတေၚ်ဇြဝ်ထောန် ဟီုဏာပ္ဍဲကောံဓရီုရ။ တုဲပၠန်…
ထဝါဲ၊ ဖေဖဝ်ဝါရဳ ၉ ရးတနၚ်သဳ ပ္ဍဲကဵုဒၞာဲဒဒန်ကမျဝ်ကေၚ် လုပ်ဍုၚ်ထဝါဲဂှ် ပ္ဍဲဖေဖဝ်ဝါရဳ ၆ အခိၚ်နူဂယး သၟတ် ၇ တၠတံ ဒးဒုၚ်တံၚ်ပဝ်တာရဂှ် ရဲလ္တူဍုၚ်တံ ဟီုကဵု ဌာန်ပရိုၚ်သြၚ်လောန်တိုၚ်မ်ရ။ ရဲဒပ်ကဝ်မယှေန်ပၞာန် မၚ်ဒၟံၚ်ကၚ် ဒၞာဲဒဒန်ကမျဝ်ကေၚ်ဂှ် ဗဒေါအ်လဝ်ကွဳစက်ကဵု ကွဳလိုန်ဓါတ် အာမံၚ်လ္တူဒဒန်တံတုဲ ရပ်ဏာပဝ်တာ သၟတ် ၇ တၠတံ မဒှ်ရ။ သၟတ်နူလ္တူဍုၚ်ထဝါဲကဵု နူကဵုပွိုၚ်ဍုၚ်လံၚ်လုၚ် အကြာအယုက်…
ကျာ်ထဝ်၊ ဖေဖဝ်ဝါရဳ ၉ တွဵုရးမန် ပ္ဍဲကဵုပွိုၚ်ဍုၚ်ကျာ်ထဝ်ကဵုၜဳကလေၚ်တံ ဟိုတ်နူ ဒပ်ကဝ်မယှေန်ပၞာန် ပန်ကၠဟ်မံၚ်လွဟ်ဇၞော် အဆက်က်အရိုဟ်ဟ်တ္ၚဲဂှ်ရ ညးဒေသ ၅၀၀၀ ပြၚ်တံ ထောံဌာန်ဒၞာဲတုဲ ဒးဂြိပ်ပါဲမံၚ်ရောၚ် ဂွံတီနူကဵု KNU ခရိုၚ်သဓီုရ။ အတိုၚ်တင်နၚ် ဗော်သွးကောန်ဂကူကရေၚ် KNU မဟာဒပ်(၁) ခရိုၚ်သဓီုမ္ဂး အကြာဂိတုဏံ ဒပ်ကဝ်မယှေန် ပန်လဝ်လွဟ်ဇၞော် ပ္ဍဲကဵုပွိုၚ်ဍုၚ်ကျာ်ထဝ်ကဵုၜဳကလေၚ် လၟိဟ်ဟွံအောန်နူကဵု ၂၀ အလန်နွံရ။ ဟိုတ်နူလွဟ်ဇၞော်ဂှ်…
ၜၚ်ကံက်၊ ဖေဖဝ်ဝါရဳ ၇ ပ္ဍဲဖေဖဝ်ဝါရဳ ၈ တ္ၚဲကၠောန်ပေါဲရုဲမာဲဂှ် ပလောအ်မဂၞန်ပါ ညးကၠုၚ်ကဵုမာဲတံ ညံၚ်ဟွံဂွံလတက်လဝ် ညးတာလျိုၚ်သေံတံ ဗတိုက်ဖအောဝ်လဝ်ရ။ ယဝ်ရလတက်လဝ်ပလောအ်မဂၞန်တုဲ ကၠုၚ်ကဵုမာဲမ္ဂး ညံၚ်ဂွံထံက်ကဵုဂလာန် ညးစၞးမွဲမွဲ ညံၚ်ကဵုဗတိုက်ဖအောဝ်မံၚ်ညးတၞဟ် ဂွိၚ်ဖေက်ဒှ်တုဲ ဒးကဵုကသပ်ဗီုဏံရောၚ် ညးကေတ်လဝ်တာလျိုၚ် ကောပ်ကာဲပေါဲရုဲမာဲ ၜၚ်ကံက် သာန်ဖန် သာအာန်ခါန်လာတ် ဟီုလဝ်ပ္ဍဲဖေဖဝ်ဝါရဳ ၅ ရ။ ယဝ်ရ လတက်နၚ်ပလောအ်မဂၞန်မ္ဂး ညံၚ်ရဴစန်ဒက်ဂွံကဵုမာဲကု အလံၚ်ညးစၞး…
မတ်မလီု ၊ ဖေဖဝ်ဝါရဳ ၇ ပ္ဍဲဍုၚ်ဗမာ အခိၚ်သီလဝ်အဝဵုပွိုၚ် ၅ သၞာံဏံ တင်ဝါတ်ဂါတ်အခက်အခုဲနာနာသာ် မ္ဒးဇီုကပိုက်လဝ်တံဂှ် ဍုၚ်ဂၠးကဝ်ဇြဟတ်ဇၞော် အမေရိကာန်ကဵုကြုက်တံ နနဲဗီုပြၚ်ပရေၚ်ပရောတၞဟ်ခြာ အရာထံက်ပၚ်ပြိုၚ်ဇြဟတ်တံ က္တဵုဒှ်ကၠုၚ်ရောၚ်။ အခိၚ်ကဝ်မယှေန်ပၞာန်သီအဝဵု ကၠောန်လဝ်ကဵုပေါဲရုဲမာဲ တုဲဒှ်အာဏံဂှ်တှ်ေ နူကဵုအလဵုအသဳ အမေရိကာန်ကဵုကြုက်တံ သွက်ဂွံကဵုကၠုၚ်အရီုဗၚ်နွံမံၚ်ရ။ သွက်ဒဳမဝ်ကရေသဳကဵု အခေါၚ်မၞိဟ်ဍုၚ်ဗမာဂှ် နူကဵုအမေရိကာန်ထံက်ပၚ်အာအရီုဗၚ်သြန်တုဲ အလဵုအသဳကြုက်ဂှ် သွက်ပရေၚ် ၜိုဟ်လလမ်ကဵုအရာညိဝပ်တံ တၠုၚ်လအာညံၚ်ဂွံခိုဟ်တိုန် ဆက်ကဵုအာအရီုဗၚ် ထံက်ပၚ်ရောၚ်…
မတ်မလီု ၊ ဖေဖဝ်ဝါရဳ ၇ ပၞောဝ်အာကဵုအနှေန်ထဝ်ဂၠးကဝ်တုဲ ၚုဟ်ထဝ်အပ္ဍဲဍုၚ် သၠုၚ်တိုန်ၜက်အာနူကဵုသၞောတ်ဂှ် ပ္ဍဲတွဵုရးမန် ညးတၠကမၠောန်ဆေင်ထဝ် သီုဖအိုတ်တံ ဒးဒုၚ်ကော်စၟဳစၟတ်မံၚ်ရောၚ် ညးကြပ်ကဵုဆေင်ထဝ်တံ ဟီုကဵုဌာန်ပရိုၚ်သြၚ်လောန်တိုၚ်မ်ရ။ ဟိုတ်နူကဵု အကာဲအရာပရေၚ်ဍုၚ်ကွာန် အမေရိကာန်ကဵု ဂၠးကဝ်တံဟွံညိၚ်ဝပ်မံၚ်ဏံ ပ္ဍဲကဵုမွဲဒမြိပ်ဝင်မ္ဂး အနှေန်ထဝ်ဂၠးကဝ်တိုန်ၜက်အာနူသၞောတ်တုဲ ၚုဟ်ထဝ်အပ္ဍဲဍုၚ်လေဝ်သၠုၚ်တိုန်အာ စိုပ်ကၞောတ်အိုတ်ရ။ ဟိုတ်နူကဵု အနှေန်ၚုဟ်ထဝ်အပ္ဍဲဍုၚ် သၠုၚ်တိုန်ၜက်အာနူသၞောတ် စိုပ်အာကၞောတ်အိုတ်ဂှ်ရ နူကဵုကဝ်မယှေန်ပၞာန် ကော်စၟဳစၟတ်မံၚ် ညးတၠဆေင်ထဝ်၊ ညးသွံရာန်ထဝ်၊ ရဲသွံထဝ်တံရ။…
sanlontai