ၚုဟ်ဒဝ်ဠာ ကေုာံ ၚုဟ်ထဝ် တိုန်ကၠုၚ် စဵုကဵုချိၚ်ခယျဟွံဒး
မတ်မလီု၊ ဂျောန် (၂၄) လ္တူတိုက်သြန် (၂) ကံၚ်ဇြဳပၞာန် မထိၚ်ဒက်လဝ်တံဂှ် အလဵုအသဳအမေရိကာန် ကြဴနူကၠောန်သ္ပကၟာတ် လဒဵုတပ်ဒဏ်တုဲဂှ် ၚုဟ်ဒဝ်ဠာ ကေုာံ ၚုဟ်ထဝ်ဝွံ ၚုဟ်တိုန်ကၠုၚ် စဵုကဵုခယျဟွံဒးတုဲ အရာဟွံညိၚ် ဝတ်တံ က္တဵုဒှ်ဒၟံၚ် အဆက်က်ရောၚ်ဂှ် နူကဵုသြၚ်လောန်တိုၚ်(မ်) ဂၠိုက်ဂၠါဲဂွံတီကေတ်ရ။ အလဵုအသဳအမေရိကာန်ဂှ် ပ္ဍဲဂိတုဂျောန် (၂၁) တေံ ကၟာတ်လဒဵုကေတ်လဝ်ဒုဟ် ကုတိုက်သြန် ပရေၚ်သွံရာန်ဍုၚ်သ္အာၚ် (MFTB) နူကဵုကံၚ်ဇြဳပၞာန်…
(သၚ်္ချာ) ဥူယျေဝ်နာၚ် မဒှ်ဂကောံအုပ်ဓုပ် ပွိုၚ်ဍုၚ်ကျာ်ထဝ် ဒးဒုၚ်ပန်ဂစိုတ်
ကျာ်ထဝ်၊ ဂျောန် (၂၄) ဂကောံအုပ်ဓုပ်ကောပ်ကာဲ ပွိုၚ်ဍုၚ်ကျာ်ထဝ် တွဵုရးဍုၚ်မန် ဥူယျေဝ်နာၚ်အံၚ် (က) (သၚ်္ချာ) ဥူယျေဝ်နာၚ်ဝွံ ပ္ဍဲဂိတုဂျောန် (၂၂) အခိၚ်ဇိုၚ်သဝ်တ္ၚဲဂှ် ဒးဒုၚ်ပန်ဂစိုတ်လဝ် ကဵုသေနာတ်တုဲ ချိုတ်အာလဝ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ (သၚ်္ချာ) ဥူယျေဝ်နာၚ်ဝွံ နူကဵုဍုၚ်ကျာ်ထဝ် သွက်ဂွံဗ္တောန်ကျူယှေန် အခိၚ်အာလ္ပာ်ကွာန်ကျာ်ပိဂှ် ဒးဒုၚ်ပန်ဂစိုတ်လဝ် နကဵုသေနာတ် ဂတမုက်ဘာဂြိုပ်ကျာ်ပိဂှ်ရ။ ဟိုတ်နူဒးဒုၚ်ပန်ဂစိုတ်လဝ် ကဵုသေနာတ်ဂှ်ရ…
ပ္ဍဲတိဍာ် KNU ဟိုတ်နူလွဟ်ဇၞော်တုဲ ပ္ဍဲပွိုၚ်မွဲဂိတု ညးဒေသ ၂၀,၀၀၀ ပြၚ် ဒးဂြိပ်ဒဴလဝ်ပၞာန်
ကအ်ကြိက်၊ ဂျောန်(၂၄) ပ္ဍဲတိဍာ်ထိၚ်ဒဝ် ဗော်သွးကောန်ဂကူကရေၚ် KNU ဒပ်မဟာ(၆)ဂှ် ဟိုတ်နူပရေၚ်ဒပ်ကံၚ်ဇြဳပၞာန် ပ္တဝ်ကဵုကောန်အရာညးဍုၚ်ကွာန် ပန်ဗတိုက်လဝ်တုဲ ပ္ဍဲပွိုၚ်မွဲဂိတု ကောန်အရာပ်ညးဍုၚ်ကွာန် ၂၀,၀၀၀ ပြၚ် ဒးပါဲဓလေတ်လဝ်ဘဲပၞာန်ရဂှ် ဌာနလလောၚ်ပရိုၚ် ခရိုၚ်ဒူပလာယာ လလောၚ်တြးလဝ် ပ္ဍဲဂိတုဂျောန် စၟတ်တ္ၚဲ (၂၃)ရ။ ပ္ဍဲတိဍာ် KNU ဒပ်မဟာ (၆) ခရိုၚ်ဒူပလာယာဂှ် ပ္ဍဲဂိတုမေဂှ် ဒပ်ကံၚ်ဇြဳပၞာန် ပ္တဝ်လဝ်ကဵု ကောန်အရာပ်ညးဍုၚ်ကွာန်တုဲ ပရေၚ်ပန်ဗတိုက်လဝ်…
ညးလုပ်ဂကောံကဝ်မတဳဗကပ်ဗဗေၚ် ပရေၚ်ချဳဒရာၚ်ဒဳမဝ်ကရေဇြဳခရိုၚ်ထဝါဲ က္လေၚ်ဗၠးကၠုၚ်နူထံၚ်
ထဝါဲ – ဂျောန်(၂၄) ရးဒေသတၞၚ်သြဳ၊ မညောမာဥူ ညးလုပ်ဂကောံကဝ်မတဳဗကပ်ဗဗေၚ် ပရေၚ်ချဳဒရာၚ်ဒဳမဝ်ကရေဇြဳခရိုၚ်ထဝါဲဂှ် ကြဴနူဒးဒုၚ်ရပ်ဒက်လဝ်ကဵု ဒပ်ကံၚ်ဇြဳပၞာန်တုဲ ဟိုတ်နူတ္ၚဲဗၠးပေၚ်တုဲ က္လေၚ်ဗၠးတိတ်ကၠုၚ် နူထံၚ်ထဝါဲရဂှ် DDMSC လလောၚ်တြးလဝ် ပရိုၚ်ရ။ ပ္ဍဲဂိတုဂျောန် စၟတ်တ္ၚဲ (၂၂)တုဲကၠုၚ်တေံ အခိၚ်နူဂယးဂှ် က္လေၚ်ဗၠးတိတ်ကၠုၚ်တုဲ မ္ၚးနူၝောံပိုဒ် ၅၀၅-က၊ ၅၀၅-ဂတုဲ ဒးဒုၚ်ဖျေံလဝ်နကဵုၝောံပိုဒ် ၁၉-စ ဒဏ်ထံၚ် (၃)သၞာံကဵု(၆)ဂိတုရ။ ပ္ဍဲဂိတုမေ စၟတ်တ္ၚဲ (၂၉)…
ဟိုတ်နူဗုမ်ခတိုဟ် ပ္ဍဲဍုၚ်ကၟာဝက် ပၞာန်ညးဍုၚ်ကွာန်မွဲတၠ ချိုတ်တုဲ ဒးလဝ်ဘဲဝပ်မွဲတၠ
မုဟ်ဍုၚ်၊ ဂျောန်(၂၄) တွဵုရးဍုၚ်မန် ပွိုၚ်ဍုၚ်မုဟ်ဍုၚ် ဟိုတ်နူဗုံခတိုဟ်လဝ် ဗ္ဒာဲဘာတန်သၠုၚ် ဍုၚ်ကၟာဝက်တုဲ ပၞာန်ညးဍုၚ် ကွာန် ဒုၚ်ဩဇာကံၚ်ဇြဳပၞာန်မွဲတၠ ဒးချိုတ်လဝ်တုဲ ဒးလဝ်ဘဲဝပ်မွဲတၠရဂှ် ညးဒေသတအ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။ ပ္ဍဲတာဲကၚ် ဗ္ဒာဲဘာတန်သၠုၚ် ကောန်ဒပ်ကံၚ်ဇြဳပၞာန် လေပ်ကေတ်ဒၟံၚ်ပရေၚ်ဂီုကၠီုဂှ် ပ္ဍဲဂိတုဂျောန် စၟတ်တ္ၚဲ (၂၂) အခိၚ်ဒေါဝ်တ္ၚဲ ၜိုတ် (၃)နာဍဳဂှ် ဗုံခတိုဟ်လဝ်ရ။ ဟိုတ်နူဗုံခတိုဟ်လဝ်တုဲ ဥူမျိုဝ်လွေန် ကောန်ဒပ်ပၞာန်ညးဍုၚ်ကွာန် ကေတ်ဒၟံၚ်ဂီုကၠီု…
ဌာနပရေၚ်ထတ်ယိုတ်ညးဍုၚ်ကွာန်သာလေန်ဂျဳ မၚ်မွဲရံၚ်စံၚ်ကဵုဒၟံၚ် ပရေၚ်ထတ်ယိုတ် ညးပါဲဘဲပၞာန်
သာလေန်ဂျဳ – ဂျောန်(၂၄) ရးသေတ်ဂါၚ်၊ ပွိုၚ်ဍုၚ်သာလေန်ဂျဳ ဌာနပရေၚ်ထတ်ယိုတ်ညးဍုၚ်ကွာန် ဂကောံပရေၚ်အုပ်ဓုပ်ညးဍုၚ်ကွာန်ဂှ် ကၠောန်သ္ပကဵုဒၟံၚ် ပရေၚ်မၚ်မွဲရံၚ်စံၚ် ပရေၚ်ထတ်ယိုတ်ညးဍုၚ်ကွာန်တအ်ရဂှ် ဂွံတီကေတ်ရ။ အခိၚ်လၟုဟ်ဏံမ္ဂး ပၞောဝ်ကဵုညးပါဲဘဲပၞာန်တအ်ဂှ် သွက်မိယာဲကောန်ၚာ် မၞုံကဵုဒၟုၚ်ဒၠေၚ် နွံဒၟံၚ်ပၟိက်သွက်ဂွံၜံၚ်သၠးတအ်ဂှ်လေဝ် ကၠောန်သ္ပကဵုဒၟံၚ် ပရေၚ်သၠးၜံၚ်ပၟတ်ရ။ ဖ္ဍိုက်ဗပေၚ်ကဵုဒၟံၚ် တၚ်နွံပၟိက် ကေုာံ ပရေၚ်မၚ်မွဲရံၚ်စံၚ်ပရေၚ်ထတ်ယိုတ် ညးဍုၚ်ကွာန်ပါဲဘဲပၞာန် ပ္ဍဲပွိုၚ်ဍုၚ်သာလေန်ဂျဳတအ်ကီု သွက်တၚ်နွံပၟိက် စၞစဇွောံမတအ်ဂှ် ဂကောံပရေၚ်အုပ်ဓုပ်ညးဍုၚ်ကွာန် ပွိုၚ်ဍုၚ်သာလေန်ဂျဳကဵု ဌာနပရေၚ်ထတ်ယိုတ်၊ ဌာနပရေၚ်ထံက်ရံၚ်ဗ္စာရဏာပရေၚ်မၞိဟ်၊…
ဟိုတ်နူပရေၚ်ပန်ပှော်လွဟ်ဇၞော်ဒပ်ပၞာန် ပ္ဍဲသ္ကုတ်ဂၠံၚ်မတ်မလီု-ရေဝ်ဂှ်တုဲ ညးဒေသတံ အရာမဒှ်ဓဝိၚ်သၠုၚ်ကၠုၚ်
ရေဝ်၊ဂျောန်(၂၃) တွဵုရးဍုၚ်မန်၊ ပ္ဍဲဂၠံၚ် မတ်မလီု-ရေဝ် မဒှ်ဂၠံၚ်ဇၞော်ဗျဳထံၚ်သု စၟတ်(၈)ဂှ် ဟိုတ်နူပွပန်ပှော်လွဟ်ဇၞော် ဒပ်ကံၚ်ဇြဳပၞာန်တံတုဲ အကြာညးဍုၚ်ကွာန်အာတရဴတံကဵု ညးဒေသတံဂှ် ပရေၚ်ဒှ်ဓဝိၚ်တံ သၠုၚ်ကၠုၚ်မံၚ်ရောၚ် ဂွံတီကေတ်ရ။ နူစဂိတုဂျောန် စၟတ်တ္ၚဲ(၁၈)တုဲကၠုၚ်တေံတုဲ ပ္ဍဲဂၠံၚ်ဇၞော်ဗျဳထံၚ်သု စၟတ်(၈)ဂှ် ကရောၚ်ပၞာန်ပံၚ်ကောံ ဒပ်ပၞာန်ဗၠးၜးကောန်ဂကူကရေၚ် KNLA ၊ ဂကောံဒပ်ပြုပြေၚ်ပၞာန်တၟေၚ် S.O.F ကဵု PDF တံဂှ် သွက်ဂွံချဳဒရာၚ်ထိၚ်ဒဝ်တိဍာ်ဂှ်တုဲ ကၠောန်သ္ပလဝ် ပရေၚ်စၟဳတ်တံရ။ ဂကောံဒပ်ပံၚ်ကောံဂှ်…
ဗော်ပရေၚ်ဍုၚ်ကွာန် အခန်ကဏ္ဍကၠေံအာ ပ္ဍဲကဵုလက်ထက်ကံၚ်ဇြဳပၞာန်
လ္ဂုၚ်၊ ဂျောန် (၂၃) ပ္ဍဲလက်ထက်ကံၚ်ဇြဳပၞာန် မသီကေတ်လဝ်အဝဵုကၟိန်ဍုၚ် နကဵုလွဟ်ဏံဂှ် ဗော်ပရေၚ်ဍုၚ်ကွာန်ဂမၠိုၚ် ၜိုန်ရကလေၚ်ပ္တိုန်လဝ်စရၚ်ကီုလေဝ် သွာၚ်ဍေံဍန်အာယျဂှ် သၟာပရေၚ်ဍုၚ်ကွာန်ဝှ်ကြံၚ်ဂမၠိုၚ် ကေုာံ ညးသ္ၚဳဂၠိပ်ဂမၠိုၚ် ဟီုဂးလဝ်ရ။ ကံၚ်ဇြဳပၞာန် မသီလဝ်အဝဵုကၟိန်ဍုၚ် နကဵုတၚ်စောတ်စောဲ စရၚ်မာဲဗၠေတ် ပ္ဍဲပေါဲရုဲမာဲသၞာံ ၂၀၂၀ ဂှ်ဝွံ ကလေၚ်ကၠောန်ဗဒှ်ကဵု ပေါဲရုဲမာဲဏောၚ်ဂးတုဲ ပ္ဍဲဂိတုဂျာန္နဝါရဳ ၂၆ တေံ စၞောန်ပျးလဝ် သၞောဝ်ပ္တိုန်စရၚ်ဗော်ပရေၚ်ဍုၚ်ကွာန်တံဂှ်ရ။ ကြဴနူစၞောန်ပျးသၞောဝ်ဂှ်တုဲ အပ္ဍဲပွိုၚ် ၆၀…
နူကၠောန်သ္ပ ပရေၚ်စၟဳစၟတ် ဂၠံၚ်ဇၞော်မတ်မလီုရေဝ်မွဲကဆံၚ် ရပ်ဂွံလဝ် ညးဆက်စပ်ကဵုဒပ်ပၞာန် (၄)တၠ
မတ်မလီု – ဂျောန်(၂၃) တွဵုရးဍုၚ်မန်၊ ပ္ဍဲဂၠံၚ်ဇၞော်ကၟိန်ဍုၚ် စၟတ်(၈) မတ်မလီု-ရေဝ် – ထဝါဲ အကြာဍုၚ်ရေဝ်ကဵု ဇြပ်ဗုဂှ် စပ်ကဵုယာဉ်ကွဳစက်အာကၠုၚ်တုဲ အခိၚ်ဂကောံပံၚ်တောဲတအ် စၟဳစၟတ်ဒၟံၚ်ဂှ် ရပ်ဂွံလဝ် ညးဆက်စပ်ကဵုဒပ်ပၞာန် (၄)တၠရဂှ် ဌာနဝန်ဇၞော်ပရေၚ်စဵုဒၞာ NUG လလောၚ်တြးလဝ်ပရိုၚ်ရ။ သ္ပတံနူ ဂိတုဂျောန် စၟတ်တ္ၚဲ(၁၈)တေံတုဲ ကရောၚ်ပၞာန် ဒပ်ပၞာန်ဗၠးၜးကောန်ဂကူကရေၚ်(KNLA)၊ ဒပ်ပၞာန်စဵုဒၞာညးဍုၚ်ကွာန်(PDF) ကေုာံဒပ်ချဳဒရာၚ်ပၞာန်တၟေၚ်(S.O.F)တအ်ပံၚ်တောဲတုဲ ကေတ်လဝ်ပရေၚ်ဂီုကၠီု ဇၟာပ်ပ်တ္ၚဲ မၚ်ရံၚ်စၟဳစၟတ်ဒၟံၚ်ရ။…
ပ္ဍဲထဳလေန် ဟိုတ်နူလွဟ်ဇၞော်ကံၚ်ဇြဳပၞာန်တုဲ သီုခမဳသၚ်မွဲဇကု ဇီုကပိုဒးလဝ်ဘဲဝပ် (၇) တၠ
ထဳလေန် -ဂျောန်(၂၃) ရးမဂွေ၊ ပွိုၚ်ဍုၚ်ထဳလေန်ဂှ် ဟိုတ်နူလွဟ်ဇၞော်ဒပ်အမၠံက်ကံၚ်ဇြဳပၞာန် ကျောက်ထုတုဲ သီုခမဳသၚ်မွဲဇကု ဒးလဝ်ဘဲဝပ် (၇)တၠရဂှ် ညးဒေသတအ် ဟီုသ္ဂးလဝ်ရ။ ပ္ဍဲဂိတုဂျောန် စၟတ်တ္ၚဲ (၂၁) တုဲကၠုၚ် အခိၚ်ဇိုၚ်သဝ်တ္ၚဲဂှ် မကမ်လွဟ်ဇၞော် နူဒပ်အမၠံက်ကံၚ်ဇြဳပၞာန်ကျောက်ထု ပန်ပ္တိတ်ဏာဂှ် ဒတုံစှ်ေလဝ် ဗ္ဒာဲဘာလကျာ်ကွာန် ကွာန်ယွာတာတုဲ ခတိုဟ်အာလဝ်ရ။ “ပ္ဍဲဘာလကျာဂှ် ညးဍုၚ်ကွာန်ပါဲဘဲပၞာန် ပါဲဒၟံၚ်ဘဲပၞာန်ကဵု လကျာ်၊ ထပိုဲတအ် ဒးလဝ်ရ။ ချိုတ်လဝ်ဂှ်…
