ဟိုတ်နူမိက်ဂွံပ္တိတ်ပရဲပရေၚ်ဍုၚ်ကွာန်တုဲ ၚုဟ်ဖျာဇၞော်သၠုၚ်ဒၟံၚ်ရောၚ် က္ဍိုပ်သ္ကိုပ်ပၞာန် ပ္တိုန်ဒုဟ်
နေဗျဳဒဝ်၊ ဂျောန် (၁၄) ၚုဟ်ဖျာက္ဍၚ်ဂှ်ဝွံ ဟိုတ်နူရဲဝေၚ်ၚုဟ်သၠုဲတံကဵု ရဲမိက်ဂွံပ္တိတ်ပရဲ နကဵုပရေၚ်ဍုၚ်ကွာန်တံဂှ်တုဲ ဒးသၠုၚ်ဒၟံၚ် လ္တူနူကဵုၚုဟ်ဖျာ ထေက်ကဵုဒှ်တံရောၚ်ဂှ် က္ဍိုပ်သ္ကိုပ်ပၞာန် သ္ကိုပ်ပၞာန်ဇၞော် မေန်အံၚ်လှာၚ် ဟီုရ။ ပ္ဍဲလက်ထက်ကံၚ်ဇြဳပၞာန် သွက်ဂွံသောၚ်ကလး ပရေၚ်ၚုဟ်ဖျာက္ဍၚ်တံဂှ်တုဲ ပ္ဍဲကဵုကောံဓရီု ပရေၚ် ကၠောန်ပ္တိတ်သၠုၚ်ပ္တိုန် ကပေါတ်ဗၞိက်စသုၚ်သ္ဇိုၚ် မကၠောန်ဗဒှ်လဝ် ပ္ဍဲနေဗျဳဒဝ် ဂိတုဂျောန် ၁၂ ဂှ် က္ဍိုပ်သ္ကိုပ်ပၞာန် ဟီုဂးလဝ်ရ။ က္ဍိုပ်သ္ကိုပ်ပၞာန်ဂှ် ပ္ဍဲကဵုကမၠောန်ပ္တိတ်ဗၞိက်၊…
ဍုၚ်ယှိုဲကုက္ကိုလ် ယၟုမြဟ်မံၚ် ဍုၚ်ဝေၚ်ဇျှၚ်ဂှ် ၜိုန်ရဒဒုၚ်ထပိုတ်လဝ်ပၟတ်ကီုလေဝ် ဂေတ်ဂြိပ်မံၚ်နကဵုပၟတ်စက်
ဗြဝတဳ၊ ဂျောန်(၁၄) တွဵုရးကရေၚ်၊ ပ္ဍဲဗ္ဒါဲပယျဵုသေံ-ဗၟာ လ္ပာ်ဍုၚ်ယှိုဲကုက္ကိုလ်တၟိဂှ် ကြဴနူလ္ပာ်သေံတံ ထပိုတ်ထောံပၟတ်တုဲဂှ် ဂကူကြုက်တံကဵု တၠကမၠောန်ပ္တိတ်သြန်လှုဲမာန်တံ ရာန်သုၚ်စောဲကၠုၚ်ပၟတ်စက်တံ ဂၠိုၚ်ကၠုၚ်ရဂှ် ပရိုၚ်တမ်ရိုဟ်ပ္ဍဲဒေသတံ ဟီုရ။ ပွိုၚ်ဍုၚ်ဗြဝတဳ၊ ပ္ဍဲဍုၚ်ယှိုဲကုက္ကိုလ်တၟိ ယၟုမြဟ်မံၚ်ဍုၚ်ဝေၚ်ဇျှၚ်ဟွံလုပ်သၞောဝ် ဒပ်မၚ်ပယျဵုကရေၚ် BGFတံ ထိၚ်ဒဝ်လဝ်ဍိုက်က်ပေၚ်ၚ်ဂှ် တုဲကၠုၚ်ဂိတုဂျောန် စၟတ်တ္ၚဲ(၅) စနူအခိၚ်ဗ္တံ(၁၂)နာဍဳတုဲ လ္ပာ်သေံတံ ဒေါံဒေၚ်ထောံလဝ် ပရေၚ်ပါ်ပရအ်ကဵုဇြဟတ်ဓာတ်လလဳရ။ ပ္ဍဲဍုၚ်ယှိုဲကုက္ကိုလ်တၟိဂှ် ရာန်သုၚ်စောဲမံၚ်ဇြဟတ်ဓာတ်လလဳ လ္ပာ်ဍုၚ်သေံတံအဓိကတုဲ အတိုၚ်ပရိုၚ်တံဂှ်မ္ဂး ဟိုတ်နူကံၚ်ဇြဳပၞာန်…
ပ္ဍဲသေတ်တွေ နူပၟတ်ပၞာၚ်မွဲကဆံၚ် သ္ၚိဒၟံၚ်(၁)မကဵု ဆေၚ်ဖျာ စှ်ဆေၚ် တူအာပၟတ်
သေတ်တွေ – ဂျောန်(၁၄) တွဵုရးရခေၚ်၊ ပွိုၚ်သေတ်တွေ ပ္ဍဲကွာန်ဒါပိုၚ်(ကွာန်တၟိ)ဂှ် နူကဵုပၟတ်ပၞာၚ်ဍေန်လဝ် ပ္ဍဲဆေၚ်ဖျာမွဲကဆံၚ် ကၠောံဂွံအာခပေဝ် ပၟတ်တူကၠောံထၞာန်ဂွံတုဲ သ္ၚိဒၟံၚ် (၁)မ ကေုာံ ဆေၚ်ဖျာ ၜိုတ်(၁၀)ဆေၚ် တူပၟတ် ဒးလီုလာ်လဝ်ရဂှ် ဂွံတီကေတ်ရ။ ပရေၚ်ဒဒှ်ဂှ် ပ္ဍဲဂိတုဂျောန် စၟတ်တ္ၚဲ (၁၂) အခိၚ်ဗ္တံဂှ် ပ္ဍဲကွာန်ဒါပိုၚ်(ကွာန်တၟိ) နူကဵုပၟတ်ပၞာၚ်မွဲကဆံၚ် ပၟတ်ထၞာန်ကၠောံတူလဝ်တုဲ ၚုဟ်မးဒးဆောံလေၚ်အာလဝ် ဟွံဂွံတီကေတ်ဏီရ။ ပ္ဍဲဒၞာဲပၟတ်တူလဝ်ဂှ် သ္ကိုပ်ပလိုတ်ပၟတ်ပွိုၚ်ဍုၚ်…
ဗ္ဒမ်တိုက်လိၚ်စဒၟံၚ် ဟွံဂၠိုက်ဂၠာဲစၟဳစၟတ်ချိုတ်တ်ပၠိုတ်တ်ဂှ် သီကေတ်ဏောၚ် ကံၚ်ဇြဳပၞာန်ဘပဠ
လဂုၚ်၊ ဂျောန်(၁၄) ဟွံဂၠိုက်ဂၠာဲစၟဳစၟတ် ချိုတ်တ်ပၠိုတ်တ်တုဲ ဗ္ဒမ်တိုက် ကေုာံဗ္ဒမ်လိၚ် ကဵုလဝ်အခေါၚ် PDF တအ် မံၚ်ဒၟံၚ်တအ်ဂှ် သီကေတ် နဒဒှ်ဘဏ္ဍာကၟိန်ဍုၚ်ရောၚ် ဂကောံဗတိုက်သရိုဟ်ပွပ္ကီုပရာပ်ဗဟဵုကံၚ်ဇြဳပၞာန် လလောၚ်တြးကၠုၚ်လဝ်ရ။ နကဵုညးပိုၚ်ပြဳလဝ်ဗ္ဒမ်လိၚ်၊ သ္ၚိဒၟံၚ်၊ ဗ္ဒမ်တိုက်တအ်ဂှ် တၚ်ဂၞၚ်ပူဂဵု၊ သက်သဳ ညးကၠုၚ်လိၚ်တအ် ဍိုက်ပေၚ်ဟေၚ်မှ ဒးလိၚ်ကဵုရောၚ်ကီု နကဵုတၚ်ဂၞၚ်တအ်ဂှ် ဒးတေၚ်စရၚ်ကၟုဲ ဇရေၚ်သ္ကိုပ်ပရေၚ်အုပ်ဓုပ်ကွာန်/အရာပ် မဆေၚ်စပ်တအ်ရောၚ်ဂှ် ဟီုသ္ဂးလဝ်ရ။ ဆ္ဂးညးပိုၚ်ပြဳလဝ် ဗ္ဒမ်တိုက်လ္ၚဵုဂှ် ဟွံဒ္ဂေတ်ဗက်တုဲ…
ပ္ဍဲတၞၚ်သြဳ ကံၚ်ဇြဳပၞာန်ပြံၚ်သၠာဲဒပ်တုဲ အခိၚ်က္လေၚ်စဴကၠုၚ် ဒးဒုၚ်ဗတိုက်လဝ်တုဲ ဒးချိုတ် (၁)တၠ ဒးလဝ်ဘဲဝပ် (၆)တၠ
တၞၚ်သြဳ၊ ဂျောန်(၁၄) ရးဒေသဇၞော်တၞၚ်သြဳ၊ ပွိုၚ်ဍုၚ်တၞၚ်သြဳ၊ ပ္ဍဲဗ္ဒာဲကွာန်ကျွဲထုၚ်ဂှ် ဒပ်ကံၚ်ဇြဳပၞာန်ပြံၚ်သၠာဲဒပ်တုဲ အခိၚ်ပေၚ်က္လေၚ်စဴကၠုၚ်ဂှ် ဒးဒုၚ်ကြတ်ဗတိုက်လဝ်တုဲ ကောန်ဒပ်ကံၚ်ဇြဳပၞာန် ဒးချိုတ်လဝ် (၁)တၠ ဒးလဝ်ဘဲဝပ် (၆) တၠရဂှ် ဒပ်ဒမၠုက်ဗေတ်မလိုက် (ဘက်မလိုက်ပျောက်ကျား) ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။ တံဒပ်ပၞာန်တိုက်ကံၚ်ဇြဳပၞာန် ခလရ (၁၀၁) ဇြဟတ်နွံ (၄၀)ပြၚ် ပြံၚ်သၠာဲဒပ်တုဲ အခိၚ်ကလေၚ်စဴကၠုၚ် နူကွာန်သိန္နောဂှ် ဒပ်ပံၚ်ကောံ ဒပ်စဵုဒၞာဒေသတအ် ပံၚ်တောဲ ကြတ်ဗတိုက်လဝ်တုဲဂှ်…
ဟိုတ်နူ ဒက်ပ္တန်ကၠုၚ် ကံၚ်ဇြဳပရေၚ်အုပ်ဓုပ်ကာလအကြာကရေၚ်ဍာဲမာန်လဝ်တုဲ ဒဒှ်ရဒုၚ်တၠုၚ်ဂှ် ဂကောံဇြဟတ်ပၠန်ဂတးတအ် လလောၚ်တြး
လွိုၚ်ကဝ် – ဂျောန်(၁၄) စပ်ကဵုဒက်ပ္တန်လဝ် ကံၚ်ဇြဳပရေၚ်အုပ်ဓုပ်ကာလအကြာကရေၚ်ဍာဲ ပ္ဍဲကာလပၠန်ဂတး ဗွဲမကိတ်ညဳကဵု အကာဲအရာတုဲ ဂကောံမဟာမိတ်ကောဒေံ(၃)ဂကောံ ကေုာံ ကံၚ်ဇြဳဖေတ်ဒရေဝ်ပအိုဝ် မဒှ်ဂကောံ ဇြဟတ်ပၠန်ဂတးတအ် လလောၚ်တြးကၠုၚ်လဝ်ရ။ ကံၚ်ဇြဳပရေၚ်အုပ်ဓုပ်ကာလအကြာဂှ် ဒက်ပ္တန်လဝ် အတိုၚ်ပရေၚ်က္ဍိုက်က္ဍိုပ်ပရေၚ်ဍုၚ်ကွာန် ကံၚ်ဇြဳကဵုကသပ်တွဵုရးကရေၚ်ဍာဲ ကေုာံ အတိုၚ်တၚ်စၞောန်မူဝါဒလၟေၚ်ဂၠံၚ်တရဴတုဲ ပ္ဍဲကံၚ်ဇြဳဂှ် ဌာနဆေၚ်စပ်ကဵုတွဵုရး အောန်အိုတ် (၁၂)ဌာန စွံပ္တန်အာရောၚ်တုဲ သွက်ကၟိန်ဍုၚ်ပံၚ်ကောံဖေတ်ဒရေဝ် ဂွံမံက်ဂတဝ်ကၠုၚ်ဂှ် ပံၚ်တောဲကဵုဂကောံဇြဟတ် မၞုံအလုံမွဲကၟိန်ဍုၚ် ပါလုပ်သီု…
ဆေၚ်ထဝ်ပ္ဍဲရေဝ် ဒးဒုၚ်ပၠံၚ်ၜးလဝ်တုဲ ပါအာ ဗ္ဒာဲ (၈၀၀) ကိုတ်
ရေဝ် – ဂျောန်(၁၄) တွဵုရးဍုၚ်မန်၊ ပွိုၚ်ဍုၚ်ရေဝ် ပ္ဍဲဆေၚ်ထဝ် အရာပ်ယာန်ဂျဳအောၚ်ဂှ် ဂဗုတ်ပၠံၚ်ၜး က္တဵုဒှ်လဝ်တုဲ သြန်ပါအာ ဗ္ဒာဲ (၈၀၀)ကိုတ်ဒ္ကေဝ်ရဂှ် တၠဆေၚ်ထဝ်တအ် ဟီုကဵုဌာန်ပရိုၚ်သြၚ်လောန်တိုၚ်(မ်)ရ။ ပရေၚ်ဒဒှ်ဂှ် တ္ၚဲဏံ ဂိတုဂျောန် စၟတ်တ္ၚဲ(၁၃) အခိၚ်နူဂယး ၜိုတ်(၈)နာဍဳ မၞိဟ်တြုံ နူလ္တူကွဳစက်မွဲတၠဂှ် လုပ်စိုပ်ပၠံၚ်ၜးကေတ်လဝ် ပ္ဍဲဆေၚ်ထဝ် မၞုံယၟုၚိုဲလဝန် ပံၚ်လဝ်ဖျာထဝ်ဂှ်ရ။ “ကွဳစက်မွဲဖ္ဍိုက်ဂှ် နွံဒၟံၚ် နူကဵုနူဂယးပြဟ်တေံရ၊ အခိၚ်ဂှ်…
ဒပ်ကံၚ်ဇြဳပၞာန် လုပ်ရပ် ညးဒေသလံၚ်လုၚ် (၈) တၠ နကဵုဇြဟတ်ဗွဲမဂၠိုၚ်ဂၠေၚ်
လံၚ်လုၚ်၊ ဂျောန် (၁၄) ပ္ဍဲဂိတုဂျောန် (၁၃) အခိၚ်နူဂယးဂှ် ဒပ်ကံၚ်ဇြဳပၞာန် လုပ်စိုပ်ဍိုက်ဗ္တိုက် ရပ်ဒက်ဏာလဝ် ညးဒေသ (၈) တၠ ဒၟံၚ်ကွာန်တဗျာ ကေုာံ ကွာန်အေန်သံက်၊ ပွိုၚ်ဍုၚ်လံၚ်လုၚ်၊ ရးဒေသဇၞော်တၞၚ်သဳတံ နကဵုဇြဟတ် ဒပ်ဗွဲမဂၠိုၚ်ဂၠေၚ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ဒပ်ကံၚ်ဇြဳပၞာန် ဇြဟတ်ဒပ် (၂၀) ပြၚ်ပါဂှ်ဝွံ ပ္ဍဲကဵုတ္ၚဲဂှ် အခိၚ်နူဂယး ၜိုတ်…
ဒပ်ပၞာန်ယူကရုၚ် ကလေၚ်သီကေတ်ဒၟံၚ် တိဍာ်ကၟိန်ဍုၚ် နကဵုပၞာန်ထ္ပက်
ကဳယေပ် – ဂျောန်(၁၃) ကြဴနူလလောၚ်တြးလဝ် ပရေၚ်ပလန်တဲထ္ပက်ပၞာန် ကုဒပ်ရုယှာတုဲ ပွိုၚ်မွဲတ္ၚဲဂှ် ကလေၚ်သီကေတ်လဝ် ကွာန်ပံၚ်ကောံမံၚ်တန်တဴဒၟံၚ် ပ္ဍဲလ္ပာ်ဒိုဟ်အဂၞဲ မရနုက်ကဵုစတုတ္ထ မာန်လဝ်ရဂှ် ယူကရုၚ်ဟီုသ္ဂးလဝ်ရ။ ယူကရုၚ်ဂှ် ကလေၚ်သီဗ္ၜောဝ်ကေတ်တိဍာ် ပ္ဍဲလ္ပာ်ဗၟံက်ကဵု လ္ပာ်သၠုၚ်ကျာမာန်ရောၚ်ဂှ် စၟဳပတှ်ေကေတ် လဝ်ကီု ဟိုတ်နူဘပဠဒၟံၚ်ဒဒန်တိ ရုယှာသုၚ်စောဲဒၟံၚ် သွက်ဂွံထံက်ပလံၚ်တ္ကအ်ခရိုၚ်မဳယာ ဒးဒုၚ်သီ ကေတ်လဝ်ဂှ်တုဲ ယူကရုၚ်ကၠောန်ရေၚ်တၠုၚ်ဒၟံၚ်ပၞာန် ရမျှာၚ်သ္ၚိတ် ပရေၚ်ဒးဇီု ကပိုက်အောန်ကြဳဂှ်ရ။ ပ္ဍဲသတ္တာဟတုဲကၠုၚ်တေံ ပၞာန်ထ္ပက်ပလန်တဲ…
က္ဍိုပ်သ္ကိုပ်ကိုဝ်ရဳယျာသၟဝ်ကျာ ကေန်ဂျုၚ်အာန် ဗ္စိုပ်အရေဝ် ဒဒှ်ရထံက်ဂလာန်ကဵုပူတေန်တုဲ သွက်ဂွံဒက်ပ္တန်ပရေၚ်ဆက်ဆောံ မဍုက်ကေဝ်ဒဒှ်ေဒယှ်
ပျုၚ်ယာန်၊ ဂျောန် (၁၃) ပ္ဍဲကဵုလိက်သဝဏ်ကေန်ဂျုၚ်အာန် က္ဍိုပ်သ္ကိုပ်ကိုဝ်ရဳယျာသၟဝ်ကျာ သွက်စၟတ်သမ္တီတ္ၚဲကောန်ဂကူ ဍုၚ်ရုယှာဂှ် အပ္ဍဲပေါဲပၞာန်ယူကရုၚ်ဂှ် ဒဒှ်ရထံက်ဂလာန် ကုသမ္မတရုယှာဗလာဒဳမာပူတေန်ဂှ် ဟီုဂးလဝ်တုဲ ညံၚ်ပရေၚ်ပံၚ်တောဲရေၚ်တၠုၚ် မစှ်ေကဵုမဟာဗျူဟာတံ ဂွံအံၚ်ဇၞးဂှ် နကဵုညး ဒဒှ်ရဆန္ဒမၞုံဂှ် ဟီုပ္တိတ်ကၠုၚ်လဝ်ရ။ ကေန်ဂျုၚ်အာန်ဝွံ ညံၚ်ရဴလိက် မပလံၚ်ဗစိုပ်လဝ် ဇရေၚ်ပူတေန်ကၠာတေံကီုရ ဒဒှ်ရထိုၚ်သးတဴ တၚ်သ္ဂုတ်သွာတ် ကေုာံ တၚ်စၞောန်ထ္ၜး သမ္မတရုယှာဂှ် ချူစုတ်လဝ်ကီုရ။ ပရေၚ်ရုန်ဂ္စါန် ညးဍုၚ်ကွာန်ရုယှာ သွက်ဂွံတာဒၞါ…
