ပ္ဍဲဗဒိုပ်ပါဲဒဴဘဲပၞာန်တွဵုရးကရေၚ်ဍာဲတံဂှ် မၞိဟ်ဗြဴမၞုံကဵုဒၟုၚ်ဒၠေၚ်ကေုာံ ကောန်ၚာ်သၟတ်တံ ပရေၚ်ချိုတ် ဂျိုၚ်ဂၠိုၚ်ကၠုၚ်

လွိုၚ်ကဝ်၊ ဂျောန်(၁၃) ဟိုတ်နူထပိုတ်(၄)ထပိုတ်ကံၚ်ဇြဳပၞာန်တုဲ ပ္ဍဲဗ္ဒပ်ပါဲဒဴဘဲပၞာန် ဖျေံသဇိုၚ်တွဵုရးကရေၚ်ဍာဲကဵု ဒေသကွာန် ရးတံဂှ် မၞိဟ်ဗြဴမၞုံကဵုဒၟုၚ်ဒၠေၚ်ကေုာံ ကောန်ၚာ်သၟတ်အယဲကဵုဂိတုတံ ပရေၚ်ချိုတ်ဂျိုၚ်ဂၠိုၚ်ကၠုၚ်မံၚ်ဂှ် ဂွံတီကေတ် နူဂကောံမၞိဟ်ဗြဴပ္ဍဲဒေသတံရ။ ပ္ဍဲတွဵုရးကရေၚ်ဍာဲ ပေါဲဗ္တိုက်သ္ကာတ်မြဟ်မံၚ်ဂှ် ဟိုတ်နူထပိုတ်ပန်ထပိုတ်ဒပ်ကံၚ်ဇြဳပၞာန်တုဲ မၞိဟ်ဗြဴမၞုံ ကဵုဒၟုၚ်ဒၠေၚ်တံ ဂိတုတ္ၚဲဟွံစိုပ်မွဲသာ် ပွမသၠးကၠုၚ်ဂဝ်ဂၞဴတံ က္တဵုဒှ်ကၠုၚ်မွဲဏှမွဲဏှတုဲ ပွကောန်ၚာ်ချိုတ် တံနွံမံၚ်တုဲ လၟေၚ်ဒဒှ် သီုကောန်ၚာ်သီုမိဒးချိုတ်အာတံလေဝ်နွံမံၚ်ရ။ အတိုၚ်တၚ်နၚ် ဂကောံညးဗြဴကယျာန် KyWO ကံက်ကပှ်လဝ်ဂှ်မ္ဂး နူသၞာံ၂၀၂၃ အခိၚ်ပြဟ်ဟ်တေံ…

ဂေတ်ကွာန်တုဲ ဒပ်ကံၚ်ဇြဳပၞာန် ဗက်စံၚ်ပလီုပလာ်ဒၟံၚ်

တယိတ်ချံၚ်၊ ဂျောန် (၁၃) ဒပ်ကံၚ်ဇြဳပၞာန် မထ္ပက်ကၠုၚ်ကရောၚ်ပၞာန် အပ္ဍဲပွိုၚ်ဍုၚ်တယိတ်ချံၚ် ရးဒေသဇၞော်တၞၚ်သဳဂှ်ဝွံ ဂေတ် ကွာန်တုဲ ဗက်ကၠောန်သ္ပ စံၚ်ပလီုပလာ်ဒၟံၚ်တုဲ သီုကဵုပန်ဂစိုတ်ဏာလဝ် ညးသၟတ်ပါဲဒဴ ဘဲပၞာန်မွဲတၠ ရောၚ်ဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ကရောၚ်ပၞာန်ကံၚ်ဇြဳပၞာန် ဇြဟတ်ဒပ် ၜိုတ် (၁၀၀) ပြၚ်ပါဂှ်ဝွံ စနူဂိတုဂျောန် (၉) တုဲကၠုၚ်တေံတုဲ ပန်ပှော်လဝ် လွဟ်ဇၞော် အပ္ဍဲကွာန်နာတ်သုက်…

ကံၚ်ဇြဳပၞာန် ပ္တိတ်ကဵုဒၟံၚ်လွဟ် ကုသၞာဲဒဴက္ဍိုက်ပ် ဌာနမဆေၚ်စပ် နူကဵုတွဵုရးဍုၚ်မန်

မတ်မလီု၊ ဂျောန် (၁၃) ကံၚ်ဇြဳပၞာန် ပ္တိတ်ကဵုဒၟံၚ်လွဟ်လက်နက် ကုသၞာဲဒဴက္ဍိုက်ပ် မယိုက်ဂၠေၚ်ဒၟံၚ်တာလျိုၚ် ပ္ဍဲကဵုဌာနအလဵု အသဳသၟဝ်တဲဂမၠိုၚ် မၞုံအပ္ဍဲတွဵုရးဍုၚ်မန်တံဂှ်တုဲ သၞာဲဒဴပ္တိတ်ကဵုလဝ်လွဟ်လက်နက်ဂှ် နွံကၠုၚ် စဵုကဵု (၃၀) ပြၚ်ယျရောၚ် ရုၚ်အလဵုအသဳတွဵုရးကံၚ်ဇြဳပၞာန် ကေုာံ ညးမစုက်လုက်တံ ဟီုကဵု ဌာန်ပရိုၚ်သြၚ်လောန် တိုၚ်(မ်) ရ။ ပ္ဍဲကဵုညးမပ္တိတ်ကဵုလဝ်လွဟ်လက်နက်ဂမၠိုၚ်ဂှ် သၞာဲဒဴက္ဍိုက်ပ် နူကဵုဌာနကောပ်ကာဲပရေၚ်မၞိဟ်လုပ် ကေုာံ ဌာနက္ဍိုက်ပ်အုပ်ဓုပ်ကာနာနာတံ ဗွဲမဂၠိုၚ်ပါလုပ်တုဲ သၞာဲဒဴက္ဍိုက်ပ် နူကဵုဌာနမဆေၚ်…

ဒပ်ကံၚ်ဇြဳပၞာန် မ္ဒးပံက်လဝ်မုက်ပၞာန် ကြပ်အလုံဍုၚ်မွဲဂှ် ကော်ဒၟံၚ်အလံၚ်ဗိုလ်ဂမၠိုၚ်

နေဗျဳဒဝ်၊ ဂျောန် (၁၃) အလုံမွဲကၟိန်ဍုၚ် ပံက်မုက်ပၞာန်တုဲ ကံၚ်ဇြဳပၞာန် မ္ဒးတြးလဝ် ဇြဟတ်ဒပ် ပ္ဍဲမုက်ပၞာန်တံဂှ် ကော်ဒၟံၚ်အလံၚ် ဗိုလ် ညးသၟတ်အံၚ်ဇၞးလဝ် စှ်တန်တံ ပ္ဍဲကဵုတက္ကသိုလ်ကွတ်နဲပညာ၊ တက္ကသိုလ်ဂဥုဲ ကေုာံ တက္ကသိုလ် ပၞာန် စပ်ကဵုဒပ်ပၞာန်တံဂှ်ရ။ ပပ္တံနူဂိတုဂျောန် (၁၂) တုဲ လိက်တၞးပ္တိုန်စရၚ် သွက်တန်ဗ္တောန်အလံၚ်ဗိုလ် တက္ကသိုလ်ကံၚ်ဇြဳပၞာန် (၃) နူကဵုရုၚ်သ္ကိုပ်က္ဍိုက်ပ်ကာစဵုဒၞါ မကော်လဝ်တံဂှ် ကေတ်ပ္ဍဲဌာန်ဂအုပ်ပၞာန်ရး ဒၞါဲမကြပ်တံမာန်ရောၚ်…

ညးဍုၚ်ကွာန်ဒးလဝ်ဘဲဒဏ်လဗိုတ်ကျာတအ်ဂှ် ဒပ်ပၞာန်ရခေၚ် မၚ်မွဲရံၚ်စံၚ်ကဵုဒၟံၚ် ပရေၚ်ထတ်ယိုတ် သီုပါ်ပရအ်ကဵုဒၟံၚ် ဇွောံမသ္ဇိုၚ်

သေတ်တွေ – ဂျောန်(၁၃) ဟိုတ်နူလဗိုတ်ကျာမိုဝ်ခါ ဇြိုၚ်ကလုမ်လုပ်လဝ် တွဵုရးရခေၚ်တုဲ သွက်ပရေၚ်ဇီုကပိုက်လီုလာ်လဝ် ကေုာံ ညးဍုၚ်ကွာန် နွံဒၟံၚ်ပၟိက်ဇွောံမစၞစတအ်ဂှ် ဒပ်ပၞာန်ရခေၚ် AA မၚ်မွဲကဵုဒၟံၚ်ပရေၚ်ထတ်ယိုတ်ကီု ပါ်ပရအ်ကဵုဒၟံၚ်သ္ၚု သီုကဵုကၟဳဗ္ဒၚ် နွံဒၟံၚ်ပၟိက်သ္ဇိုၚ်တအ်ရ။ နူကဵုကာလဗိုတ်ကျာတုဲ စဵုကဵုဂိတုဂျောန် စၟတ်တ္ၚဲ (၁၂) ဏံ သ္ဇိုၚ်ဝန်အလဵုအသဳညးဍုၚ်ကွာန်အာရက္ခ၊ ဒပ်ဂဥုဲ ULA/AA တအ်ဂှ် ဟွံရုဲဂကူဘာသာတုဲ လွဳလွတ်ကဵုဒၟံၚ် ညးဍုၚ်ကွာန် ဒးလဝ်ဘဲဒဏ် လဗိုတ်ကျာဂမၠိုၚ်…

ပ္ဍဲမတ်လီု ညးဗြဴမွဲတၠ ဒက်ဂစိုတ်လဝ်ဇကု

မတ်မလီု – ဂျောန်(၁၃) တွဵုရးဍုၚ်မန်၊ ညးဗြဴ မံၚ်တန်တဴဒၟံၚ် ပ္ဍဲအရာပ်မဟာမျာၚ် ဂၠံၚ် (၆) ဍုၚ်မတ်မလီုမွဲတၠဂှ် ဒက်ဂစိုတ်လဝ်ဇကုတုဲ ဂဗုတ်ချိုတ်ဂျိုၚ် က္တဵုဒှ်လဝ်ရဂှ် ညးဒေသတအ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။ ပရေၚ်ဒဒှ်ဂှ် ပ္ဍဲဂိတုဂျောန် တုဲကၠုၚ် စၟတ်တ္ၚဲ (၁၁) အခိၚ်ဗ္တံဂှ် ညးဗြဴအာယုက် (၃၀)မွဲတၠ ဒက်ဂစိုတ်လဝ် ဇကုတုဲ ဇွညးဂှ် ပ္ဍဲဂိတုဂျောန် စၟတ်တ္ၚဲ (၁၂)…

လ္တူကွဳစက်အာကၠုၚ်ဒၟံၚ် ပ္ဍဲဂၠံၚ်ဇၞော် စၟတ်(၈)တအ်ဂှ် ယဝ်ရပ္ဍိုက်ဏာနၚ် ဆေၚ်စပ်ကဵုဒပ်ပၞာန်မ္ဂး ကေတ်အာအရေဝ်ရောၚ် KNU ပ္တိတ်အသံပၟိၚ်

မတ်မလီု – ဂျောန်(၁၃) ဗော်သွးကောန်ဂကူကရေၚ် KNU ဒပ်မဟာ-(၆)ဂှ် လ္တူယာဉ်ကွဳစက်အာကၠုၚ်ဒၟံၚ် ပ္ဍဲဂၠံၚ်ဇၞော်စၟတ်(၈) ကေုာံ မတ်မလီု၊ မုဟ်ဍုၚ်၊ ဇြပ်ဗု၊ ရေဝ်၊ ထဝါဲ၊ ဗိက်တအ်ဂှ် ယဝ်ရပ္ဍိုက်ဏာနၚ်မၞိဟ် ကေုာံကပေါတ် ရုပ်ဝတ္ထုဆေၚ်စပ်ကဵုကံၚ်ဇြဳပၞာန်မ္ဂး ကေတ်အာအရေဝ်ရောၚ်ဂှ် တံဒပ်-၂၇ KNU လလောၚ်တြးလဝ်ရ။ ဒပ်သၟဝ်တဲကံၚ်ဇြဳပၞာန်တအ်ဂှ် ကေတ်ဒၟံၚ်ပရေၚ်စဵုဒၞာကဵု ညးဍုၚ်ကွာန်အာတရဴတအ်တုဲ ဟိုတ်နူအာကၠုၚ် ဒၟံၚ်ဂှ်ရ ဒးပ္တိတ်လဝ် အသံပၟိၚ်ဏံရဂှ် ဟီုသ္ဂးလဝ်ရ။…

ပ္ဍဲတိဍာ်ညံၚ်လေဝ်ပေန် KNU မွဲတ္ၚဲဓဝ် ကောန်အရာပ် ဒးဒုၚ်ဂစိုတ်လဝ် (၄)တၠ

ညံၚ်လေဝ်ပေန်၊ ဂျောန်(၁၃) ပ္ဍဲတိဍာ်အုပ်ဓုပ် KNU ခရိုၚ်ညံၚ်လေဝ်ပေန် ဒပ်မဟာ(၃)ဂှ် ဒပ်ကံၚ်ဇြဳပၞာန် ပ္တဝ်လဝ်ကဵု ကောန်အရာပ် ညးဍုၚ်ကွာန်တုဲ ဟိုတ်နူပန်ဖျေံလွဟ်ဇၞော် ရပ်ဒက်ပြိုက်ဂစိုတ်လဝ်တုဲ မွဲတ္ၚဲဓဝ် ကောန်အရာပ် ညးဍုၚ်ကွာန် (၄)တၠ ဒးချိုတ်လဝ်ရဂှ် ဗဟဵု KNU လလောၚ်တြးလဝ်ရ။ ပ္ဍဲဂိတုဂျောန် စၟတ်တ္ၚဲ (၉)အခိၚ်ဇိုၚ်သဝ်သဝ်တ္ၚဲ (၃)နာဍဳ ဒပ်ကံၚ်ဇြဳပၞာန် နူဒဵုဇြေန်မ၊ ပွိုၚ်ဍုၚ်ကျောက်ဂျဳ KNU ဂှ် ပန်ဖျေံဏာလွဟ်ဇၞော်…

ဒဵုပၟတ်အေန်ဒိုဝ်နဳယှာ အာနက်ကာရာကာတာအိုဝ် ဗ္တိုဟ်ထ္ကးတုဲ ဗတေၚ်ဒဵုပၟတ်တံ က္တဵုဒှ်ဒၟံၚ် နကဵုဂအုံ

ဂျာကာတာ၊ ဂျောန် (၁၁) ဒဵုပၟတ် အာနက်ကာရာကာတာအိုဝ် နူကဵုဍုၚ်အေန်ဒိုဝ်နဳယှာဂှ်ဝွံ ပ္ဍဲဂိတုဂျောန် (၉) တေံ ဗ္တိုဟ်အာလဝ်တုဲ ဗတေၚ်ဒဵုပၟတ်တံဂှ်ဝွံ စိုပ်အာလဝ် လ္တူမှဲအကး ၃ မဳတာပြၚ်ရောၚ် သၟိၚ်တၠအဝဵုတံ ဟီုဂးလဝ်ရ။ ဒဵုပၟတ် အာနက်ကာတာအိုဝ်ဂှ်ဝွံ ပ္ဍဲကဵုသၞာံ ၁၈၈၃ တေံဂှ်လေဝ် ကေၚ်ဗ္တိုဟ်လဝ်တုဲ က္တဵုဒှ်လဝ် ရံၚ်အာပ္ဍဲ ဝၚ်မ္ဂး ဒှ်လဝ်ပရေၚ်ချိုတ်ဂျိုၚ် ကေုာံ အရာမလီုလာ်တံ ဂၠိုၚ်အိုတ်ရ။…

နူပၞာန်ထ္ပက် ဒပ်ကံၚ်ဇြဳပၞာန် မပြံၚ်လှာဲကၠုၚ်လွေဟ်ပၞာန်ဒုၚ် ပ္ဍဲဒေသသ္ကုတ်သၠုၚ်ကျာဍုၚ်ဗၟာ

သဓီု၊ ဂျောန် (၁၁) အလဵုအသဳညဳသၟဟ်ဂကူဂှ် သၞာံ ၂၀၂၃ ဂှ် စၟတ်လဝ် နဒဒှ်သၞာံမကဵုသ္ဂုတ်သွာတ် ပရေၚ်ပၠန်ဂတးတုဲ အခိၚ်ဂွံကၠုၚ်ကဝက်သၞာံဂှ် ဗီုပြၚ်ပေါဲဗ္တိုက် ဒပ်ကံၚ်ဇြဳပၞာန် အပ္ဍဲဒေသသ္ကုတ်သၠုၚ်ကျာဍုၚ်ဗၟာတံ ပြံၚ်လှာဲကၠုၚ်ဂှ် ဂကောံရပ်လွဟ်အပ္ဍဲဒေသတံ သ္ၚဳဂၠိပ်လဝ်အိုတ်ရ။ ကြဴနူဒပ်ပၞာန်သီအဝဵုတုဲ ဟိုတ်နူပေါဲဗ္တိုက်ထပိုတ်ရိုဟ်ကၞက်သၞောတ်တၠအဝဵုပၞာန် ဂကောံဒပ်ရပ်လွဟ် ကောန် မမံက်ဂတဝ်ကၠုၚ် ဂၠိုၚ်ကဵုကၠံတံဂှ်တုဲ ဒဵုကဵုအခိၚ်လၟုဟ် ဒပ်ကံၚ်ဇြဳပၞာန်ဝွံ ဒးပံက်လဝ်မုက်ပၞာန် ကြပ်အလုံမွဲဍုၚ်ရ။ ဟိုတ်နူပရေၚ်ပၠန်ဂတးဒစဵုဒစး ဂကောံဒပ်စဵုဒၞါဒေသ ကေုာံ…