စပ်ကဵုဥူတာန်မျေတ် ဒးဒုၚ်ဂစိုတ်လဝ်တုဲ ဒဒှ်ရစိုတ်ဟွံမိပ်ဂှ် NUG ပလံၚ်ဗစိုပ်လိက်သဝဏ်

လဂုၚ်- ဂျောန်(၁၀) စပ်ကဵုဥူတာန်မျေတ် (က) Sayedul Anwar ညးမဒှ်ကောဥူကျဝ်မိုဝ် မဒှ်ဒၟံၚ်ပူဂဵုကဵုကသပ် ဌာန ဝန်ဇၞော်အခေါၚ်အရာမၞိဟ်၊ အလဵုအသဳပရေၚ်ညဳသၟဟ်ကောန်ဂကူ ဒးဒုၚ်ပြိုက်ဂစိုတ်လဝ်တုဲ ဒဒှ်ရစိုတ်ဟွံမိပ်ဂှ် ဌာနဝန်ဇၞော်ပရေၚ်အခေါၚ်အရာမၞိဟ် ပလံၚ်ဗစိုပ်လဝ် လိက်သဝဏ်ရ။ ပ္ဍဲဂိတုဂျောန်စၟတ်တ္ၚဲ(၇) အခိၚ်ဗ္တံ (၁၁)နာဍဳဂှ် ဟိုတ်နူမၞိဟ်ဟွံတီယၟု မွဲဂကောံ ပြိုက်ဂစိုတ်လဝ် ပ္ဍဲပွိုၚ်ဍုၚ်သာကေတ၊ ဍုၚ်လဂုၚ်တုဲ ဒုၚ်ကေတ်လဝ် အသံပၟိၚ်တၠညးမပြဲအလ္လာဟ်ရ။ ဥူတာန်မျေတ်(က) Sayedul Anwar ညးမဒးချိုတ်လဝ်ဂှ်…

ကံၚ်ဇြဳပၞာန်ကၠောန်သ္ပလဝ် ပရေၚ်ကုတ်ဗပိုတ်ပန်ဂကူတုဲ ညံၚ်ညးဍုၚ်ကွာန် ဒးလဝ်ဘဲဒဏ် လဗိုတ် ကျာတအ် ဟွံဂွံက္လိဂွံ အရီုဗၚ် ကၠောန်သ္ပဒၟံၚ်ရဂှ် ဥူကျဝ်မိုဝ်ထောန်ဟီု

နယူယျံက် -ဂျောန်(၁၀) ပ္ဍဲကၟိန်ဍုၚ်ဗၟာဂှ် ၜိုန်ရနွံဒၟံၚ်ပၟိက်ကဵု အရီုဗၚ်ဗ္စာရဏာပရေၚ်မၞိဟ်ကီုလေဝ် ကံၚ်ဇြဳပၞာန်သုၚ်စောဲဒၟံၚ်မူဝါဒ ကုတ်ဗပိုတ်ပန်ဂကူတုဲ ကၠောန်သ္ပဒၟံၚ် ညံၚ်ညးဍုၚ်ကွာန်တအ် ဟွံက္လိဂွံအရီုဗၚ်ရဂှ် အမာတ်ကလုတ် တမာန် ညးစၞးကၟိန်ဍုၚ်ဗၟာဒ္တန် ဥူကျဝ်မိုဝ်ထောန် ဟီုသ္ဂးလဝ်ရ။ ပ္ဍဲကောံဓရီုဆေၚ်မုက် သၞာဲဒဴကဆံၚ်လ္တူ ပရေၚ်က္လေၚ်သ္ၚဳဂၠိပ် Sendai Framework ဆေၚ်စပ်ကဵု သွက်ဂွံဖ္အောန်ယှအ်ဖျေံ ဘဲအန္တရာဲသဘာဝကၠုၚ်စိုပ် ကုလသမဂ္ဂ ကၠောန်ဗဒှ်လဝ် ပ္ဍဲဍုၚ်နယူယျံက် ပ္ဍဲဂိတုဂျောန် စၟတ်တ္ၚဲ (၆)ဂှ် ဟီုသ္ဂးလဝ်သာ်ဏံရ။…

ပ္ဍဲရးတၞၚ်သြဳ ပ္ဍဲပွိုၚ်မွဲဂိတုဏံ ကောန်အရာပ် (၄၀၀)တၠ ပြၚ်ဒးဒုၚ်ရပ်လဝ်တုဲ ဒးချိုတ်လဝ် (၃)တၠ

တၞၚ်သြဳ၊ ဂျောန်(၁၀) ပ္ဍဲရးဒေသဇၞော်တၞၚ်သြဳ ပ္ဍဲဂိတုမေတုဲကၠုၚ်ပွိုၚ်မွဲဂိတုဏံ ကံၚ်ဇြဳပၞာန်ရပ်ကေတ်လဝ် ကောန်အရာ ညးဍုၚ်ကွာန် (၄၀၀)တၠပြၚ်တုဲ ပ္ဍဲကဵုဂှ် ကောန်အရာပ် (၃)တၠ ဒးဒုၚ်ပြိုက်ဂစိုတ်လဝ်ရဂှ် FE5 Tanintharyi မဒှ်ဂကောံသုတေသနမွဲဂကောံ လလောၚ်တြးလဝ် ပ္ဍဲဂိတုဂျောန် စၟတ်တ္ၚဲ (၈) ရ။ အတိုၚ်တၚ်လလောၚ်တြး FE5 Tanintharyi ဂှ်မ္ဂး ပ္ဍဲဂိတုမေဂှ် လ္ပာ်ကံၚ်ဇြဳပၞာန် ထ္ၜးဟိုတ်နာနာ ရပ်ကေတ်လဝ် ကောန်အရာပ်ညးဍုၚ်ကွာန် (၄၂၁)…

လက်ထက်ကံၚ်ဇြဳပၞာန်ဏံ မၞိဟ်အံၚ်တန်လုပ်တက္ကသိုလ် ဒှ်ကၠုၚ်ဂၠိုၚ်အိုတ်

နေဗျဳဒဝ်၊ ဂျောန် (၁၀) လၟိဟ်မၞိဟ်အံၚ်အာ သ္ဘၚ်သၟာန်သှ်လိက်တန်လုပ်တက္ကသိုလ် သၞာံဗ္တောန်ပညာတုဲကၠုၚ်တေံ နူကဵုကံၚ်ဇြဳ ပၞာန် က္ဍိုက်ပ်တုဲ မကၠောန်ဗဒှ်လဝ်ဂှ်ဝွံ မွဲဒမြိပ်ဝၚ်သ္ဘၚ်သၟာန်သှ်လိက် တန်လုပ်တက္ကသိုလ်တံဂှ် ဒှ်အာပရေၚ်အံၚ်ဇၞး မလုပ်စၟတ်သမ္တီမွဲရောၚ်ဂှ် ဂွံတီကေတ် အတိုၚ်ဌာနဝန်ဇၞော်ပညာကံၚ်ဇြဳပၞာန်တံရ။ ကံၚ်ဇြဳပၞာန်ဝွံ စရၚ်အံၚ်သ္ဘၚ်သၟာန်လိက် တန်လုပ်တက္ကသိုလ် ပ္ဍဲသၞာံဗ္တောန်ပညာတုဲကၠုၚ် ၂၀၂၂−၂၀၂၃ တေံဂှ် လလောၚ်ပ္တိတ်လဝ် ပ္ဍဲဂိတုဂျောန် (၉) တေံဂှ်တုဲ လ္ဂောံကဵုဗ္ၜတ်အလုံဍုၚ်မ္ဂး အံၚ်ဇၞးလဝ် (၆၇) တၟံကၠံပြၚ်ရောၚ်ဂှ်…

ရုၚ်အုပ်ဓုပ်ကာနာနာကျံက်ကျဳ ကေုာံ ဗဒိုပ်ဗၠာဲသၟိၚ် ဒးဒုၚ်ဗ္တိုက်၊ သ္ကိုပ်က္ဍိုက်က္ဍိုပ်ချိုတ်တုဲ (၄)တၠက္လိဂွံဝပ်

ကျံက်ကျဳ၊ ဂျောန်(၁၀) ဗ္ဒိုပ်ဗၠာဲသၟိၚ်ၝောံဍုၚ်ကေုာံ ရုၚ်သ္ကိုပ်အုပ်ဓုပ်ကာနာနာပွိုၚ်ဍုၚ် မၞုံဍုၚ်ကျံက်ကျဳ၊ ရးဗဂေါဂှ် ပ္ဍဲဂိတုဂျောန် (၉) အခိၚ်နူဂယးဂှ် ဟိုတ်နူဒးဒုၚ်ဗ္တိုက်ကဵုဒရုၚ်တုဲ သၞာဲဒဴနူဌာနဆေၚ်စပ်ကံၚ်ဇြဳပၞာန်တံ ဇီုကပိုက်ချိုတ် အာတံ နွံလဝ်ဂှ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။ ပ္ဍဲတ္ၚဲဂှ် အခိၚ်နူဂယး ၜိုတ်(၁၀)နာဍဳဂှ် ဒပ်ပၞာန်ဗၠးၜးကောန်ဂကူကရေၚ် KNLA ကဵု ကကောံဒပ်ပံၚ်ကောံ PDF တံ ဗတိုက်ထောံလဝ်ဗမ် ကုရုၚ်သ္ကိုပ်အုပ်ဓုပ်ကာနာနာ ကေုာံ ဗ္ဒိုပ်ဗၠာဲသၟိၚ်ၝောံဍုၚ်ဂှ် နကဵုဒရုၚ်ရ။…

ဟိုတ်နူကံၚ်ဇြဳပၞာန်တုဲ ဒေသဒးဘဲလဗိုတ်ကျာတံ အကာဲအရာသာပရေံကၠုၚ်မာန်ရောၚ် UNOCHA ကဵုသတိ

သေတ်ဒိုဲ၊ ဂျောန် (၁၀) ဟိုတ်နူကံၚ်ဇြဳပၞာန် ကၟာတ်လဒဵုလဝ် အခေါၚ်အာကၠုၚ်တရဴတံဂှ်တုဲ ညးဒေသဒးဘဲလဗိုတ်ကျာဂမၠိုၚ်ဝွံ အကာဲအရာသာပရေံကၠုၚ်မာန်ရောၚ်ဂှ် ရုၚ်ပ္ညဳပ္ညပ် စပ်ကဵုပရေၚ်ဗ္စာရဏာမၞိဟ် ကုလသမဂ္ဂ UNOCHA လလောၚ်ပ္တိတ် ကဵုလဝ်သတိ နကဵုစၟတ်တ္ၚဲ ဂိတုဂျောန် (၉) တေံရ။ ဂကောံဍုၚ်သ္အာၚ်ဂမၠိုၚ် ကေုာံ ဂကောံမှာဇန် မရီုဗၚ်ကဵုဒၟံၚ် ညးဒေသဒးဘဲဒဏ်လဗိုတ်ကျာတံဂှ် ပပ္တံနူဂိတုဂျောန် (၈) တုဲ ဒဒှ်ရဗဒေါအ်ထောံလဝ် အခေါၚ်အာကၠုၚ်တရဴ လ္တူတၚ်စၞောန် ဂကောံအလဵု…

ဍုၚ်သေံ ထပိုတ်ထောံ ဇြဟတ်ဓာတ်လလဳ ကုဍုၚ်ယှိုဲကုက္ကိုလ် မဒှ်ဒၞါဲဒတန်ကမၠောန်ဝေၚ်ၛၚ် ကြုက်မၞုံဒၟံၚ်လက္ကရဴ

ၜၚ်ကံက်၊ ဂျောန် (၉) ယှိုဲကုက္ကိုဝ် မဒှ်ဒၞါဲကမၠောန်လီဠာန်သြန်အောန်လာၚ်တံကဵု ဝိုၚ်ဝေၚ်ဟွံလုပ်သၞောဝ် သီုကဵုဒှ်ဒၞါဲဒတန် ကိုန်စဳမာန်ပရေၚ်ဖောအ်ဗြေဝ် မၞုံကဵုၚုဟ်မးဂၠိုၚ်ကဵုဗဳလျာန်ဒဝ်ဠာ ဇြဟတ်ကြုက်မၞုံလက္ကရဴဂှ် နူကဵုဍုၚ်သေံတေံ ထပိုတ်ထောံလဝ် ပၟတ်ဓာတ်လလဳရ။ သၟိၚ်တၠအဝဵုဍုၚ်သေံတံဂှ်ဝွံ ပရေၚ်ဗလးကဵုဇြဟတ်ဓာတ် ဍုၚ်ယှိုဲကုက္ကိုဝ် အပ္ဍဲတွဵုရးကရေၚ်၊ ဍုၚ်ဗၟာဂှ် ပ္ဍဲဂိတုဂျောန် (၅) အခိၚ်သ္ဂာဗ္တံတေံ ဒဒှ်ရစထပိုတ်လဝ်ဂှ် ဇမၞော်သ္ကိုပ် ဒပ်ဗၠာဲသၟိၚ်ခရိုၚ်မာဲချံက် မန်သက်ကေဝန် ဟီုကဵု ဌာန်ပရိုၚ် AFP ရ။ နူလ္ပာ်ဍုၚ်သေံတေံ…

ဂကောံဇြဟတ်ပၠန်ဂတး မၞုံပ္ဍဲရးသေတ်ဂါၚ် လုပ်ဒၟံၚ်ပေါဲဗတိုက်ပၠန်ဂတးရပ်လွဟ် ပရေၚ်ဍဵုဍိုက်ပ္ကီု ပရာပ် သၞောတ်တၠအဝဵုပၞာန်တအ် ပံၚ်ကောံတုဲ ပ္ဍဲဂိတုမေ စၟတ်တ္ၚဲ (၃၀) ကေုာံ စၟတ်တ္ၚဲ (၃၁) တုဲကၠုၚ် တေံဂှ် ကၠောန်ဗဒှ်လဝ် ဖိုဝ်ရာမ်သေတ်ဂါၚ်အလန်ပထမရ။ ပ္ဍဲဖိုဝ်ရာမ်ဂှ် ဒုၚ်သဇိုၚ်ကဵု ပရေၚ်ဍုၚ်ကွာန်၊ ပရေၚ်ပၞာန်၊ ပရေၚ်အုပ်ဓုပ်ဒေသန္တရာ ကေုာံ ကဏ္ဍနာနာတုဲ ဂကောံပၠန်ဂတးနာနာ မၞုံပ္ဍဲရးဒေသတအ် သဳကၠဳဂၠာဲသွဟ်တုဲ က္လိဂွံလဝ်တၚ်တုပ်စိုတ်ရဂှ် ဖိုဝ်ရာမ်သေတ်ဂါၚ် လလောၚ်တြးလဝ် ပ္ဍဲဂိတုဂျောန် စၟတ်တ္ၚဲ (၁)ဂှ်ရ။

ဟိုတ်ဂှ်ရ နူကဵုဖိုဝ်ရာမ်သေတ်ဂါၚ် သွဟ်ဗီုလဵု မံက်တိတ်ကၠုၚ်လဝ်ရော။ စပ်ကဵုအကာဲအရာ ဓမံက် အာရုပ်ရဴ လၟေၚ်ကမၠောန်အဓာန်ဂတကီု၊ စပ်ကဵုအကာဲအရာ ပၠန်ဂတးရးသေတ်ဂါၚ်ကီု ဆက်စၠောံသၟာန် လဝ်ကဵု ညးမၞုံအခေါၚ်ဟီုဂး ဂကောံကၠောန်ဗဒှ်ဖိုဝ်ရာမ်သေတ်ဂါၚ် ကိုဝ်လွေန်ဒူရ။ -ပ္ဍဲကဵုဖိုဝ်ရာမ်သေတ်ဂါၚ်ကၠောန်ဗဒှ်လဝ်အလန်ပထမဂှ် ကဏ္ဍပရေၚ်ဍုၚ်ကွာန်၊ ပရေၚ်ပၞာန်၊ ပရေၚ် အုပ်ဓုပ်ဒေသန္တရ အကြာဂကောံဇြဟတ်ပၠန်ဂတး ပ္ဍဲဒေသဂှ် သ္ပအဓိကကဵုအရာလဵုတုဲ ဒှ်သဳကၠဳလဝ်ရော။ ဂကောံဇြဟတ်ပရေၚ်ပၠန်ဂတးတအ်ပံၚ်ကောံတုဲ နဒဒှ်အလန်ကိုပ်ကၠာအိုတ် သဳကၠဳလဝ်ဖိုဝ်ရာ သေတ်ဂါၚ်ရ။ သဳကၠဳလဝ်ကဏ္ဍဇၞော်(၄) ကဏ္ဍရ။…

လက်ထက်ကံၚ်ဇြဳပၞာန်ဏံ ဘဲအန္တရာယ်ဂၠံၚ် ညးဂမၠိုၚ်ရပ်စပ်စကာတံ ဒှ်ကၠုၚ်သ္ဇက်ဒးဂွိၚ်

မတ်မလီု၊ ဂျောန် (၈) အပ္ဍဲကာလဒပ်ပၞာန်သီအဝဵု ပွိုၚ်ၜါသၞာံဏံ ပ္ဍဲကဵုဂၠံၚ်ညးဍုၚ်ကွာန်ဂမၠိုၚ်ရပ်စပ်စကာတံဂှ် မ္ၚးနူပေါဲဗ္တိုက် တံဂှ် ဟိုတ်နူလၟေၚ်ဒဒှ်ဒးဒုၚ်ပန်ပှော်ဗ္တိုက်တံဂှ်တုဲ အရိုဟ်ဒဒှ်တ္ၚဲ ဒးဂွိၚ်တဴဒၟံၚ် ကုအန္တရာယ် လမျီုတံ ရောၚ်ဂှ် ညးဒဳယာန်ဂမၠိုၚ် ဟီုဂးကၠုၚ် ညဳညဳသၟဟ်ဟ်အိုတ်ရ။ ဂၠံၚ်ညးဍုၚ်ကွာန်ဂမၠိုၚ်ရပ်စပ်စကာတံဝွံ ကၠာတေံ ပ္ဍဲအရာပလံၚ်ဗစိုပ်ကပေါတ်ဗၞိက်တံကဵု အာကၠုၚ် တရဴတံဂှ် သီုဗ္တံသီုတ္ၚဲ အာကၠုၚ်ဂီုဂီုကၠီုကၠီု ဖျေံစိုတ်ဂွံကီုလေဝ် ကြဴနူဒပ်ပၞာန်သီအဝဵုတုဲ ပ္ဍဲကဵုဂၠံၚ် ဒေသ ဗွဲမဂၠိုၚ်တံဂှ် မွဲဏှမွဲဏှဟီုဂွံ…

ပ္ဍဲရးတၞၚ်သဳ ညးဒေသပါဲဒဴဘဲပၞာန် ကလေၚ်စဴကေတ်ဇွောံမ (၇) တၠ ဒးဒုၚ်ရပ်

တၞၚ်သဳ၊ ဂျောန် (၈) ညးဒေသပါဲဒဴဘဲပၞာန် (၇) တၠ မစဴကၠုၚ်ကေတ်ဇွောံမ ပ္ဍဲကွာန်ညံၚ်ပေန်ကုန်၊ ပွိုၚ်ဍုၚ်တၞၚ်သဳ၊ ရးဒေသ ဇၞော်တၞၚ်သဳဂှ် ဒပ်ကံၚ်ဇြဳပၞာန် ရပ်ဒက်လဝ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ညးပါဲဒဴဘဲပၞာန် မစဴကၠုၚ်ကေတ်ဇွောံမ မၞိဟ်တြုံ ၅ တၠကဵု မၞိဟ်ဗြဴ ၂ တၠ ပ္ဍဲကဵုကွာန်ညံၚ်ပေန်ကုန် အခိၚ်လဒေါဝ်တ္ၚဲ ဂိတုဂျောန် (၇) တေံဂှ်…