ဟိုတ်နူကသဳတိတုဲ ပ္ဍဲမအူပေန် သဳလမွဲဇကု ညးဗြဴမွဲတၠ ဒးချိုတ်လဝ်
မတ်မလီု – ဂျောန်(၈) ဟိုတ်နူကသဳတိ သ္ပဗဟဵုကဵု ပွိုၚ်ဍုၚ်ညောၚ်တုံ၊ ရးဨရာဝတဳ ချဳကသဳလဝ်ဂှ် ခၟောံဗိုတ်ကျာ်ယှိုဲဖုန်မျေတ် ဒတုံစှ်ေလဝ်တုဲ ဟိုတ်နူသၠဖ္ဍာန် တိုက်ဓဝ်မိုဝ်ကုပ် မၞုံသ္ကဲကျာ်ဂှ် ခရိုဟ်စှ်ေလဝ်တုဲ သဳလမွဲဇကုကဵု ညးဗြဴမွဲတၠ ဒးချိုတ်လဝ်ရဂှ် ညးဒေသတအ် ဟီုသ္ဂးလဝ်ရ။ ပ္ဍဲခရာလ္ပာ်ဒိုဟ်အဂၞဲ သၠုၚ်ကျာဍုၚ်ညံၚ်တုံ (၅)မာၚ်ဂှ် သ္ပဗဟဵုကဵုဒမျိုဟ် (၁၀) ကဳလောမဳတာတုဲ ဇြဟတ် ရေစ်(ခ်)တာစကေ မၞုံကဆံၚ် (၄.၈) ကသဳတိ…
ဟိုတ်နူလွဟ်ဇၞော်တုဲ ပ္ဍဲကအ်ကြိက် ကောန်ၚာ်မွဲတၠ ဒးချိုတ်လဝ်တုဲ ဒးလဝ်ဘဲဝပ် ၂ တၠ
ကအ်ကြိက်၊ ဂျောန်(၈) တွဵုရးကရေၚ် ပွိုၚ်ဍုၚ်ကအ်ကြိက် ပ္ဍဲကွာန်ယွာတာန်ယှေဂှ် ဟိုတ်နူဒပ်ကံၚ်ဇြဳပၞာန် ပန်ဖျေံလဝ်လွဟ် ဇၞော်တုဲ ကောန်ၚာ်သၟတ်ဒေသ (၁)တၠ ဒးချိုတ်လဝ်တုဲ ဒးလဝ်ဘဲဝပ် (၂)တၠရဂှ် ဌာနလလောၚ်ပရိုၚ် ခရိုၚ်ဒူပလာယာ KNU လလောၚ်တြးလဝ်ရ။ ဂိတုဂျောန် စၟတ်တ္ၚဲ (၇)အခိၚ်နူဂယး (၉)နာဍဳဂှ် နူကဵုဒပ်အမၠံက် ကံၚ်ဇြဳပၞာန် လှိုၚ်ဝ ဖျေံသ္ဇိုၚ်ဍုၚ် ကအ်ကြိက်ဂှ် ပန်ဖျေံလဝ်လွဟ်ဇၞော် ပ္ဍဲကွာန်ယွာတာန်ယှေ (၂)မ သီုတၚ်ရန်တၟံနွံနွံရဂှ်…
ကျာ်ဗူဗကာံ ဒးစက်ဂဂဵုတးတုဲ လီုလာ်ကၠုၚ်နွံ
ညံၚ်ဥူ – ဂျောန်(၈) ကျာ်ဗူ (ကျာ်လေ) မၞုံရးဒေသအၚ်ဝ၊ ပ္ဍဲတိဍာ်ယေန်သၞာၚ်တြေံတြဟ်ဗကာံ ခရိုၚ်ညံၚ်ဥူဂှ် ဟိုတ်နူ ဒးလဝ်စက်ဂဂဵုတးတုဲ ပရေၚ်လီုလာ် နွံလဝ်ရဂှ် ဓမံက်ထ္ၜးလဝ် ပ္ဍဲမဳဒဳယာတြးဝါဒကံၚ်ဇြဳပၞာန်ရ။ ပ္ဍဲပရေၚ်ဒဒှ်ဂှ် ဂိတုဂျောန် တုဲကၠုၚ်စၟတ်တ္ၚဲ (၆) ဗ္တံ အခိၚ်ဗြဲဂူသ္ကာတ်ဒၟံၚ်ဂှ် ဟိုတ်နူဂဂဵုတးပန်ဖျေံ ပ္ဍဲကြုၚ်ၜဳဨရာဝတဳတုဲ ကျာ်ဗူ ဒက်ပ္တန်လဝ် ပ္ဍဲဗ္စပ်သြၚ်ကြုၚ်ဂှ် ဒးလဝ်စက်ဂဂဵုတးရ။ ဟိုတ်နူစက်ဂဂဵုတးတုဲ ပရေၚ်လီုလာ်ကျာ်ဗူ နွံလဝ်ဂှ် ပ္ဍဲပွိုၚ်မွဲသတ္တာဟ…
ဗီုရုပ်သ္ဂံၚ် နူတံဒပ် PDF – ၅၁၀၁ ရးလဂုၚ် ပ္ကတ်ပ္ကေၚ်လဝ်ပၞာန်
လဂုၚ်-ဂျောန်(၈) သ္ဂံၚ်နူတံဒပ် – ၅၁၀၁ ဒပ်စဵုဒၞာညးဍုၚ်ကွာန် PDF ဌာန်လ္ပာ် ဂအုပ်ဒပ် ပၞာန်ရးဒေသလဂုၚ်တအ် ပံၚ်ကောံတုဲ ဗီုရုပ်ပ္ကတ်ပ္ကေၚ်ဒၟံၚ်ပၞာန်ဂှ် ဌာန်လ္ပာ်ဂအုပ်ဒပ်ပၞာန် ရးလဂုၚ် လလောၚ်တြးလဝ်ရ။ အခိၚ်လၟုဟ်ဏံမ္ဂး သ္ဂံၚ်နူတံဒပ် – ၅၁၀၁ တအ် ပ္ဍဲပရေၚ်ချဳဒရာၚ်ပၞာန် ပ္ဍဲဂြိုပ်ဂှ် ပံၚ်တောဲကဵု ကရောၚ်ပၞာန်မဟာမိတ်တအ်တုဲ လုပ်ဒၟံၚ်ပေါဲဗတိုက်ကီု ပ္ဍဲပရေၚ်ချဳဒရာၚ်ပၞာန် လ္တူဍုၚ်ဇၞော်လဂုၚ်လေဝ် ပါလုပ်ဒၟံၚ်ရဂှ် ဂွံတီကေတ်ရ။ တံဒပ်လဂုၚ် –…
အခိၚ်စုတ် Mask အောန်ယအ်စှ်ေဂှ် ကောန်ဂကူဂျပါတ်တအ် တိုန်တန်ဗ္တောန် Smile Instructor ဂၠိုၚ်ကၠုၚ်
တိုဝ်ကျိုဝ်- ဂျောန်(၆) ပ္ဍဲကဵုခန်ဗ္တောန်လိက် ကေတိုဝ်ကာဝန်နိုဝ် ကၟိန်ဍုၚ်ဂျပါန်ဂှ် ကောန်ကွးဘာမွဲဒါဇြေန်ပြၚ် ရပ်လဝ်ဒ္ၚောဝ် ဓရိုဟ်ဒၟံၚ်သၟန်ပါၚ်ဍေံတအ်ကဵုတဲတုဲ ပ္ကတ်ပ္ကေၚ်ဒၟံၚ် ဗီုနဲလဵု ဂွံအီရ။ အခိၚ်ဘဲကပ်ကိုဝ်ဝေတ်က္တဵုဒှ်ကၠုၚ် ကြဴနူစုတ်လဝ် Mask တုဲဂှ် နဒဒှ်ရေၚ်တၠုၚ်ကာဝန်နိုဝ် ပ္ဍဲဂျပါန် တၚ်နွံပၟိက် Smile Instructor သၠုၚ်တိုန်ကၠုၚ်လဝ်ရ။ ဟဳမာဝါရိုဝ်ယှဳဒါ အာယုက်(၂၀)သၞာံ သုၚ်စောဲလအီညးတုဲ သွက်ကမၠောန်ဒးကၠောန် ပ္ဍဲကဵုလိက်ဇုတ် ဓရံၚ်ဗ္တောန်ဘာဂှ် ကတ်လ္ၚတ်ဗ္တောန်ဒၟံၚ်ဘာသာဏံရ။ ကာဝန်နိုဝ်ဂှ် ပရေၚ်ပညာလအီ…
အပ္ဍဲပွိုၚ်ၜါစှော်သၞာံဏံ နဒဒှ်အလန်ကိုပ်ကၠာအိုတ် တက္ကသိုလ်ကြုက်ဂမၠိုၚ် သၠုၚ်ပ္တိုန်ၚုဟ်ဘာ စဵုကဵု ၅၄ တၟံကၠံ
ဗေကျေန်၊ ဂျောန် (၇) ပ္ဍဲကဵုဍုၚ်ကြုက် ဟိုတ်နူဖအောန်ဖျေံလဝ် ခရိတ်အရပ်စပ်ပရေၚ်ပညာကီု သီုကဵုအလဵုအသဳဒေသန္တရတံ ပတေၚ်ဂြတ်ကၠုၚ် ပရေၚ်ဘဏ္ဍာတံကီုဂှ်တုဲ သၠုၚ်ပ္တိုန်လဝ် ၚုဟ်ဘာ တက္ကသိုလ်ကြုက်တံရ။ သၠုၚ်ပ္တိုန်ကၠုၚ်သာ်ဏံဂှ်ဝွံ အပ္ဍဲပွိုၚ်ၜါစှော်သၞာံဂှ် သၠုၚ်ပ္တိုန်လဝ် နဒဒှ်အလန်ကိုပ်ကၠာအိုတ်ရောၚ်ဂှ်လေဝ် ဂွံတီကေတ်ရ။ ကြဴနူစၞောန်ပျးမူဝါဒကဝ်ဝေဒ် မတေၚ်ဂြတ် ပိသၞာံတုဲဂှ် ပ္ဍဲကဵုအလဵုအသဳဒေသတံဂှ် အကြေပ်အဂြတ် ပရေၚ်ဘဏ္ဍာ က္တဵုဒှ်ကၠုၚ်ဂှ်ကီု၊ ကျာတ်ဝါတ်စှ်ေကၠုၚ်ဂှ်ကီု ကေုာံ ပရေၚ်ပိုန်ဒြပ် မလဇုဲလဇကၠုၚ်မံၚ်တံ ပ္ဍဲကဵုအကာဲအရာသာ်ဏံတံဂှ် မ္ဒးသၠုၚ်ပ္တိုန်လဝ်ၚုဟ်ဘာတုဲ…
ၜိုန်ရဖျေံလဝ်ကဵုလဝ်လိက် မပ္တိုန်လဝ်စရၚ်တံဂှ်ကီုလေဝ် ဗော်ပရေၚ်ဍုၚ်ကွာန်ဂမၠိုၚ် လမျီုဟွံလုပ်
လ္ဂုၚ်၊ ဂျောန် (၇) ကံၚ်ဇြဳပၞာန် မလလောၚ်တြး တ္ၚဲကၠောန်ဗဒှ်ပေါဲရုဲမာဲဟွံမာန်ဏီဂှ် ၜိုန်ရဖျေံကဵုဒၟံၚ်လိက် မပ္တိုန်လဝ် စရၚ်တံ ကုဗော်ပရေၚ်ဍုၚ်ကွာန်တံဂှ်ကီုလေဝ် ဗော်ပရေၚ်ဍုၚ်ကွာန်တံ လမျီုဟွံလုပ်ပုဟ်ဂှ် ညးခါတ် အကာဲပရေၚ်ဍုၚ်ကွာန်တံ ဟီုဂးလဝ်ရ။ ကမ္မယှေန်ပေါဲရုဲမာဲကၟိန်ဍုၚ် သၟဝ်တဲကံၚ်ဇြဳပၞာန်ဝွံ စနူဂိတုဨပရဴ (၂၀) တုဲ စဵုကဵုဂိတုဂျောန် သတ္တာဟ ပထမဏံ အပ္ဍဲပွိုၚ်မွဲဂိတုပြၚ်ဂှ် ကဵုလဝ်အခေါၚ်ပ္တိုန်စရၚ် ကုဗော်ပရေၚ်ဍုၚ်ကွာန် စဵုကဵု (၂၂) ဗော်ရ။ ပ္ဍဲကဵုဏံ…
ပ္ဍဲပေါဲဗ္တိုက်ကဝ်ကဂှ် လ္ပာ်ကံၚ်ဇြဳပၞာန် (၂၀) တၠပြၚ် ချိုတ်အာ
ကဝ်က၊ ဂျောန် (၇) ပ္ဍဲကဵုတွဵုရးသေံသၟဝ်ကျာ ပ္ဍဲဒေသကဝ်က ကေုာံ လာယှိုဝ်တံဂှ် အပ္ဍဲပေါဲဗ္တိုက် အကြာဒပ်ကံၚ်ဇြဳပၞာန်ကဵု ဒပ်ကဝ်က ဒပ်မဟာမိတ် ဒဳမဝ်ကရေတ်တေတ်ဗၟာ (MNDAA) ဂှ် လ္ပာ်ကံၚ်ဇြဳပၞာန် (၂၀) တၠပြၚ် ချိုတ်အာလဝ်ရောၚ် ဂွံတီကေတ် အတိုၚ်တၚ်နၚ် မဳဒဳယျာကဝ်ကတံရ။ နူစဂိတုဂျောန် (၁) စဵုကဵု ဂိတုဂျောန် (၅) ဂှ် အပ္ဍဲဒေသချဳဒရာၚ်ကဝ်ကဂှ် အကြာဒပ်ကံၚ်ဇြဳပၞာန်ကဵု ဒပ်ကဝ်ကတံ…
ပ္ဍဲပွိုၚ်ဍုၚ်ရေဝ် ကေုာံ ပွိုၚ်ဍုၚ်သဓီုဂှ် ကောန်အရာပ်(၂)တၠ ဒးမာၚ်တုဲ က္လိဂွံဝပ်
ရေဝ်၊ ဂျောန်(၇) တွဵုရးဍုၚ်မန်၊ ပ္ဍဲပွိုၚ်ဍုၚ်ရေဝ်ကေုာံ ပွိုၚ်ဍုၚ်သဓီုတံ ဟိုတ်နူမာၚ် ကေုာံ မာၚ်တိုပ်တိ ဗ္တိုဟ်ထ္ကးတုဲ ကောန်အရာပ်(၂)တၠ ဇီုကပိုက်က္လိဂွံလဝ်ဝပ်ရောၚ် ညးဒေသတံ ကေုာံ ဂကောံရီုဗၚ်ပရေၚ်မၞိဟ်တံ ဟီုကဵုဌာန်ပရိုၚ်သြၚ်လောန်တိုၚ်မ်ရ။ ဂိတုဂျောန်၊ စၟတ်တ္ၚဲ(၆) အခိၚ်နူဂယး (၁၁) နာဍဳဂှ် ပ္ဍဲပွိုၚ်ဍုၚ်သဓီု၊ ဂကောံကွာန်ကမာဇြိုၚ်၊ ကွာန်ကဠိ ကျောန် လ္တူဂၠံၚ်ကွဳစက် လဂုၚ်-မတ်မလီုဂှ် ညးဒေသ(၂)တၠ အဃောဍိုက်ကၠုၚ် ကွဳလိုန်ဓာတ်ဂှ် ဒးဒုၚ်တံၚ်ခတိုဟ်လဝ်မာၚ်ရ။…
ဂကောံပံၚ်တောဲ KNLA တံ လုပ်ဍိုက်ဗ္တိုက် ဗ္ဒိုပ်ဗၠာဲသၟိၚ် ကေုာံ ဒပ်ကံၚ်ဇြဳပၞာန် မၞုံဍုၚ်နာတ်တာန်ကွေန်
ကျံက်ကျဳ၊ ဂျောန် (၇) ပ္ဍဲဂိတုဂျောန် (၆) ပယျာံဂယးပြဟ်ဟ်ဂှ် နူကဵုဒပ်ပံၚ်တောဲ ဒပ်မဟာ (၃) KNLA တံ လုပ်စိုပ်ဍိုက်ဗ္တိုက်လဝ် ဗ္ဒိုပ်ဒပ် ကေုာံ ဗ္ဒိုပ်ဗၠာဲသၟိၚ် သၟဝ်တဲကံၚ်ဇြဳပၞာန် မၞုံဍုၚ်နာတ်တာန်ကွေန် ပွိုၚ်ဍုၚ်ကျံက်ကျဳ ရးဗဂေါတံ မွဲအခိၚ်ဓဝ်ဂှ် ဂွံတီကေတ် ဇရေၚ်တမ်ရိုဟ်ပရိုၚ်အပ္ဍဲဒေသတံရ။ စနူဂကောံဒပ်ပံၚ်တောဲမဟာမိတ် KNLA တံ လုပ်စိုပ်ဍိုက်ဗ္တိုက်လဝ် ဗ္ဒိုပ်ဗၠာဲသၟိၚ်နာတ်တာန်ကွေန် ကေုာံ ဗ္ဒိုပ်ဒပ်ဘုံတတဝ် ကံၚ်ဇြဳပၞာန်…
