sanlontai ညးပါဲဒဴဘဲပၞာန်ကရေၚ်ဍာဲတံ ဇွောံမပိုတ်အိုတ် သာပရေံကၠုၚ်
လွိုၚ်ကဝ်၊ ဖေဖဝ်ဝါရဳ (၁၅) ပ္ဍဲတွဵုရးကရေၚ်ဍာဲ ညးဒေသ မ္ဒးဂြိပ်ဒဴပါဲဒလေတ်ဒၟံၚ်ဘဲပၞာန် စနူအခိၚ်သီအဝဵုတုဲတေံကဵု ညးဍုၚ်ကွာန်ပါဲဒဴဘဲပၞာန် မထပ်စိုပ်ကၠုၚ် ကြဴနူပေါဲဗ္တိုက်သ္ကာတ်မြဟ်တုဲတံဂှ် ဇွောံမပိုတ်အိုတ်တံ သာသၠုၚ်တိုန်ကၠုၚ်ရောၚ် ညးမရီုဗၚ်ရေၚ်တၠုၚ်ကဵုဒၟံၚ် ပရေၚ်ပါဲဒဴဘဲပၞာန်တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ပ္ဍဲသၞာံတုဲကၠုၚ်တေံ ဇွောံမတဵုလွဳလဝ်တံဂှ် ပကောံပကေဝ်လဝ်ကီုလေဝ် အခိၚ်လၟုဟ်ဂှ် ဟိုတ်နူလၟိဟ်ညးပါဲဒဴဘဲပၞာန်တံ ထပ်ဂၠိုၚ်တိုန်ကၠုၚ်ဂှ်ရ ဇွောံမပိုတ်အိုတ်တံ ထပ်က္တဵုဒှ်ကၠုၚ်တုဲ ဒးဂဗဒၟံၚ်ကဵု အကာဲအရာ ကၠာဂွိုအ်စိုပ်က္ညၚ် ဇွောံမအိုဿီု အိုတ်အာမာန်တံရ။…
ကဏ္ဍအာတရဴဍုၚ်ဗၟာ စှ်ေကၠုၚ် ဒဵုကဵုအကာဲအရာဒးဂွိၚ်
မတ်မလီု၊ ဖေဖဝ်ဝါရဳ (၁၅) ပ္ဍဲဍုၚ်ဗၟာ ကြဴနူဒပ်ပၞာန်သီအဝဵုတုဲ ဟိုတ်နူပရေၚ်ဍုၚ်ကွာန်ဟွံညိၚ်ဝတ် မက္တဵုဒှ်ကၠုၚ်ဂှ်ကဵု ပရေၚ်ဒုၚ်လျိုၚ် ပရေၚ်ဂီုကၠီုဟွံမွဲတံရဂှ်တုဲ လ္တူကဏ္ဍအာတရဴဂှ် အရာမဇီုကပိုက်ဇၞော်ဇၞော်တံနွံတုဲ စှ်ေကၠုၚ် ဒဵုကဵုအကာဲအရာ ဒးဂွိၚ်တံရောၚ်ဂှ် တၠကမၠောန်အာတရဴတံကဵု ရဲထ္ၜးဂၠံၚ်ကၟုဲတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ကမၠောန်အာတရဴဍုၚ်ဗၟာဝွံ အပ္ဍဲဒပ်ပၞာန်သီအဝဵု ပွိုၚ် (၂) သၞာံဂှ် စိုပ်ကၠုၚ်လဝ် ကဆံၚ်အကာဲအရာပရေံအိုတ်တံဂှ်တုဲ ပ္ဍဲကဵုဒေသ ညးအာတရဴလုပ်စိုပ်ဒၟံၚ်ဂၠိုၚ်အိုတ်ဂမၠိုၚ် မပ္တံကဵု ဗကာံ၊…
ပ္ဍဲတိဍာ်အုပ်ဓုပ် KNU ဂှ် ဟိုတ်နူဒပ်ပၞာန် ဗ္တိုက်ကဵုက္ၜၚ်ကျာတုဲ ကောန်အရာပ် (၁၃) တၠ ချိုတ်အာ
ဘာပန်၊ ဖေဖဝ်ဝါရဳ (၁၅) ပ္ဍဲခရိုၚ်ဘာပန် ကေုာံ ခရိုၚ်ဒူပလာယာ တိဍာ်အုပ်ဓုပ်ကဝ်တူလေဝ် ဗော်သွးကောန်ဂကူကရေၚ် KNU ဂှ် အပ္ဍဲဂိတုဂျာန္နဝါရဳ ပွိုၚ် (၁) ဂိတုဂှ် ဟိုတ်နူပရေၚ်ပန်ပှော်ဗ္တိုက်ကဵုက္ၜၚ်ကျာ ဒပ်ကံၚ်ဇြဳပၞာန်တံဂှ်တုဲ သီုကဵုပါလုပ်ကောန်ၚာ်သၟတ်၊ ညးဍုၚ်ကွာန်ကောန်အရာပ် (၁၃) တၠ ချိုတ်အာလဝ်ဂှ် ပ္ဍဲဂိတုဖေဖဝ်ဝါရဳ (၁၄) ဂှ် KNU လလောၚ်ပ္တိတ်လဝ်ပရိုၚ်ရ။ အပ္ဍဲဂိတုဂျာန္နဝါရဳဂှ် ဒပ်ကံၚ်ဇြဳပၞာန် သုၚ်စောဲက္ၜၚ်ကျာဗ္တိုက်တံကဵု က္ၜၚ်ကျာသၞေၚ်ဝဲတံတုဲ…
တမ်ဒပ်ကံၚ်ဇြဳပၞာန် ဖျေံသ္ဇိုၚ်ပွိုၚ်ဍုၚ်ရေဝ် ခမရ (၅၈၇) ဒးဒုၚ်ဗ္တိုက်
ရေဝ်၊ ဖေဖဝ်ဝါရဳ (၁၅) ပ္ဍဲဂိတုဖေဖဝ်ဝါရဳ (၁၄) အခိၚ်ပယျာံနူဂယးဂှ် အာစိုပ်ဗ္တိုက်လဝ် တမ်ဒပ်ကံၚ်ဇြဳပၞာန် ခမရ (၅၈၇) ဖျေံသ္ဇိုၚ်ကွာန်ရုတ်တံၚ်၊ ပွိုၚ်ဍုၚ်ရေဝ်၊ တွဵုရးဍုၚ်မန် နကဵုလွဟ်ဇၞော် ကေုာံ လံၚ်ချာကၠဟ်ဗုမ်တံဂှ် ဂွံတီကေတ် နူကဵုဂကောံပၠန်ဂတးတွဵုရးဍုၚ်မန် (MSRO) ရ။ ပ္ဍဲကဵုတ္ၚဲဂှ် အခိၚ်နူဂယး ၜိုတ် (၆) နာဍဳကဝက်ဂှ် ဂကောံပၠန်ဂတးတွဵုရးဍုၚ်မန် (MSRO) အာစိုပ်ပန်ပှော်ဗ္တိုက်လဝ် သၞေဟ်ကၚ် တမ်ဒပ်ကံၚ်ဇြဳပၞာန်…
ပ္ဍဲဗိက် သမ္ဘာတၠသ္ၚိညးၜါ ဒၟာနူဖာပ်ဗ္စၜဲၜိုဟ် နာမ်ပျာ ပ္ဍဲတ္ၚဲစၟတ်သမ္တီ တ္ၚဲသ္ကိုပ်ဗိုလ်အံသာန်ဒှ်မၞိဟ်ဂှ် ဒးဒုၚ်စၟဳစၟတ်
ဗိက် – ဖေဖဝ်ဝါရဳ (၁၅) ပ္ဍဲဒေသတၞၚ်သဳ ပွိုၚ်ဍုၚ်ဗိက်ဂှ် ဂိတုဖေဖဝ်ဝါရဳ တုဲကၠုၚ် စၟတ်တ္ၚဲ (၁၃) အခိၚ်နူဂယးဂှ် သမ္ဘာတၠသ္ၚိညးၜါ ဒၟာနူဖာပ်ဗ္စၜဲၜိုဟ် နာမ်ပျာ ပ္ဍဲတ္ၚဲစၟတ်သမ္တီ တ္ၚဲသ္ကိုပ်ဗိုလ်အံသာန်ဒှ်က္တဵုမၞိဟ်တုဲ ဒးဒုၚ်ကော်စၟဳစၟတ်လဝ်ရဂှ် ညးဒေသဂမၠိုၚ် ဟီုကဵုဌာန်ပရိုၚ်သြၚ်လောန်တိုၚ်(မ်)ရ။ သမ္ဘာတၠသ္ၚိညးၜါဏံဂှ် ဒှ်ကောန်အရာပ်ပါရမဳ ဍုၚ်ဗိက်တုဲ ဒၟာနူညးတအ်ဖာပ်ဗ္စ ၜဲၜိုဟ်နာမ်ပျာတုဲ ကံၚ်ဇြဳပၞာန်ရပ်ကော်ဏာရလဝ်ဂှ် ဂွံတီကေတ်ရ။ သမ္ဘာတၠသ္ၚိညးၜါဂှ် ဟိုတ်နူဖာပ်ဗ္စၜဲၜိုဟ် နာမ်ပျာတုဲ ကံၚ်ဇြဳပၞာန်ရပ်ကော်ဏာလဝ်သီုညးၜါ…
က္ဍိုပ်သ္ကိုပ်ကွးဘာ ဗ.က.သ တြေံ ကိုဝ်လေန်ထေတ်နိုၚ် ထပ်ဒးဒုၚ်ဖျေံ ထံၚ် (၅) သၞာံပၠန်
လဂုၚ် – ဖေဖဝ်ဝါရဳ (၁၅) က္ဍိုပ်သ္ကိုပ်ကွးဘာ ဂကောံသမဂ္ဂကွးဘာ ဆေၚ်ရာကဵုအလုံကၟိန်ဍုၚ်ဗၟာ (ဗ.က.သ)တြေံ ကိုဝ်လေန်ထေတ်နိုၚ်(က)ဂျုၚ်ဂှ် ကံၚ်ဇြဳပၞာန် ထပ်ဖျေံကၠုၚ်ဒဏ်ထံၚ် ပွိုၚ်(၅)သၞာံပၠန်ရဂှ် ညးစုက်လုက်ကဵု ဂြောဝ်ဂတာသ္ၚိကၟိန်ညး ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။ ကိုဝ်ထေတ်လေန်နိုၚ်ဂှ် ရုၚ်သၞောဝ်ဓဝ်ဗိုလ်လ္ၚီ သၟဝ်တဲကံၚ်ဇြဳပၞာန် ထပ်ဖျေံကၠုၚ်ဒဏ်ထံၚ် ပွိုၚ်(၅)သၞာံ နကဵုသၞောဝ်ဥပဒေ ပရေၚ်ဗတိုက်သရိုဟ် ပွပ္ကီုပရာပ် ၝောံပိုဒ် ၅၂ (ခ) ရ။ ဂဗုတ်ထပ်ဒးဒုၚ်ဖျေံကၠုၚ်ဒဏ်ထံၚ်ဂှ် ဒှ်ဂဗုတ်စောဲလဝ်နူတမ်တေံ…
သွက်ဂွံဒက်ပ္တန် ညံၚ်ဂွံနွံကဵုဍာ်ဒကေဝ် အစောန်စရာဲက္ဍိုက်က္ဍိုပ် ဒပ်ပၠန်ဂတးရပ်လွဟ်မာန်ဂှ် သမ္မတ NUG ယာယဳ ဗတိုက်ဖ္အောဝ်
မတ်မလီု – ဖေဖဝ်ဝါရဳ(၁၅) နကဵုညးလုပ်ဂကောံအလဵုအသဳဂမၠိုၚ် ဒးဒက်ပ္တန်လဝ် ဍာ်ဒကေဝ်က္ဍိုက်က္ဍိုပ် ဒပ်ပၠန်ဂတးရပ်လွဟ် ပ္ဍဲလညာတ်ပရေၚ်ဍုၚ်ကွာန် သ္ကေက်သ္ကာစိစောန်ရောၚ်ဂှ် သမ္မတယာယဳ ဒူဝါလယှဳလ အလဵုအသဳပရေၚ်ညဳသၟဟ်ကောန်ဂကူ ဟီုသ္ဂးလဝ်ရ။ ပ္ဍဲကောံဓရီု အလဵုအသဳပရေၚ်ညဳသၟဟ်ကောန်ဂကူ မရနုက်ကဵု (၆) ဝါကၠောန်ဗဒှ်လဝ် ပ္ဍဲဂိတုဖေဖဝ်ဝါရဳ စၟတ်တ္ၚဲ (၁၄)တ္ၚဲဏံဂှ် ဟီုသ္ဂးကၠုၚ် သာ်ဏံရ။ “ပူဂဵုက္ဍိုက်က္ဍိုပ်ညးဍုၚ်ကွာန်တအ်ဂှ် နကဵုဍာ်ဒကေဝ် ၜိုတ်ထေက်ကြိုက် ဒေါံဇူဒၟံၚ် ဟွံဂွံပုဟ်။ ပါဲနူဂှ်ပၠန် ပ္ဍဲလညာတ်ပရေၚ်ဍုၚ်ကွာန်…
သွက်ဂွံပလေဝ်ပလေတ်သၞောဝ်သ္ဇိုၚ်ဒက်ပ္တန် ဗော်ဍုၚ်မန်တၟိ ကေုာံကံၚ်ဇြဳပၞာန် ထပ်ဆဵုဂဗသဳကၠဳလဝ် ပ္ဍဲနေပျဳဒဝ်
နေပျဳဒဝ်၊ ဖေဖဝ်ဝါရဳ(၁၅) ဗော်ဍုၚ်မန်တၟိ (NMSP) မဒှ်ဗော်ရပ်လွဟ်ကောန်ဍုၚ်အရၚ် မွဲဗော် ကေုာံကဝ်မတဳဓမံက်ရုပ်ရဴ ပရေၚ်ညဳသာသၟဟ်သၟန်ကောန်ဂကူ ကေုာံ ပရေၚ်ၜိုဟ်လလံ ကံၚ်ဇြဳပၞာန်တအ်ဂှ် ပ္ဍဲဂိတုဖေဖဝ်ဝါရဳ စၟတ်တ္ၚဲ (၁၃) ဏံ သွက်ဂွံပလေတ်ပလေတ်သၞောဝ်သ္ဇိုၚ်ဒက်ပ္တန် ၂၀၀၈ ဂှ် ဆဵုဂဗသဳကၠဳလဝ် ပ္ဍဲနေပျဳဒဝ်ရဂှ် ကံၚ်ဇြဳပၞာန် လလောၚ်တြးလဝ် ပရိုၚ်ရ။ ပ္ဍဲပေါဲသဳကၠဳဏံဂှ် ပ္ဍဲပရေၚ်ဒက်ပ္တန်ကၟိန်ဍုၚ် ဒုၚ်သ္ဇိုၚ်ကဵုသၞောတ်ဖေတ်ဒရေဝ်ဂှ် သွက်ကိစ္စ ဂွံပလေဝ်ပလေတ်အာ ၝောံပိုဒ်မဒှ်သ္ဇိုၚ် ပ္ဍဲကဵုသၞောဝ်သ္ဇိုၚ်ဒက်ပ္တန်…
ကွာန် ပ္ဍဲခရိုၚ်ညံၚ်လေဝ်ပေန် (၃) ကွာန် ဒးဂြိပ်ဒဴဒၟံၚ် သီုအလုံကွာန်
ညံၚ်လေဝ်ပေန်၊ ဖေဖဝ်ဝါရဳ (၁၅) ဟိုတ်နူပရေၚ်ကံၚ်ဇြဳပၞာန် ပန်ပှော်ဖျေံလွဟ်ဇၞော် ပ္ဍဲပွိုၚ်ဍုၚ်ယှိုဲကျေန် ခရိုၚ်ညံၚ်လေဝ်ပေန် ဗော်သွးကောန်ဂကူကရေၚ် KNU တုဲ ညးဒေသ ကောန်ညးဍုၚ်ကွာန် နူကဵုကွာန် (၃)ကွာန် (၁၀၀၀) တၠပြၚ်တအ် ဒးဂြိပ်ဒဴဒၟံၚ် သီုအလုံကွာန်ရဂှ် ဂွံတီကေတ် နူဇရေၚ် KNU ကေုာံ ဇာနှိက်ထၠက်အရီုပရေၚ်ၜိုဟ်လလံကရေၚ် KPSN ရ။ ပ္ဍဲဂိတုဖေဖဝ်ဝါရဳ တုဲကၠုၚ် စၟတ်တ္ၚဲ (၁၁) အခိၚ်နူဂယးဂှ်…
ပၞာန်သီအဝဵုတုဲ အပ္ဍဲ (၇၄၄)တ္ၚဲဂှ် ညးမဒးဒုင်ဂစိုတ်ထောံ မၞုံကၠုင် (၂၉၈၉) တၠ
မတ်မလီု၊ ဖေဖဝ်ဝါရဳ (၁၅) စဵုကဵုစၟတ်တ္ၚဲ ဖေဖဝ်ဝါရဳ (၁၄)အတိုင် AAPP တအ် လလောင်တြးထ္မံက်ထ္ၜးလဝ်ဂှ် အလုံကၟိန်ဍုင်ဗၟာဏံအခိင်ပၞာန်သီအဝဵုတုဲ အပ္ဍဲ (၇၄၄)တ္ၚဲဂှ် ညးဍုင်ကွာန်မှာဇန် မဒးဒုင်ဂစိုတ်ထောံ နကဵု ပကီုပရာပ်ဂှ် မၞုံကၠုင် စဵုကဵု(၂၉၈၉)တၠဂှ် ဂွံတီကေတ်ရ။ လၟိဟ်ညးမဒးဒုင်ရပ်လဝ်ဂှ် မၞုံကၠုင် (၁၅၆၈၀)တၠ မဒှ်တုဲ၊လၟိဟ်ညးမကလေၚ်ဗၠးတိတ်ကၠုၚ်ဂှ် မၞုံကၠုင် (၃၈၁၇)တၠ မဒှ်ရ။ ဟိုတ်နူဘဲပကီုပရာပ် ကံၚ်ဇြဳပၞာန်သီအဝဵုတုဲ နူကဵုလ္တူဍုင်လ္ဂုင်ဂှ် ညးမဒးပြဟ်လလုဲအာ…