sanlontai ကံၚ်ဇြဳပၞာန် စောဲဂဗုတ်ရပ်ဒက် ညးတၠရမျာၚ် မေလတာန်ဇြေန်
လ္ဂုၚ်၊ ဨပရဴ (၂၃) နကဵုၝောံပိုဒ် ၅၀၅−က ပွမဆဝ်မ္ၚုဟ်ညံၚ်ဟွံညိၚ်ဝတ်ဂှ် ကံၚ်ဇြဳပၞာန် ကဵုရပ်ချုက်လဝ် ညးတၠရမျာၚ် မေလတာန်ဇြေန် ပ္ဍဲကဵုဗ္ဒိုပ်ဗၠာဲသၟိၚ်ဒဂုၚ်ရောၚ်ဂှ် ညးမစုက်လုက်ကဵု ဂကောံဒပ်ဗၠာဲသၟိၚ်ရးလ္ဂုၚ်မွဲတၠ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ တုဲကၠုၚ် ပ္ဍဲဂိတုဨပရဴ (၂၁) တေံ စပ်ကဵုလၟေၚ်ဒဒှ်ကွာန်ပဇြဳကျဳတုဲ ဟိုတ်နူဟီုဂးချူပ္တိုန် ပြံၚ်လဝ်ပရိုဝ်ဖိုၚ်ဂှ်ရ ရပ်ချုက်လဝ် ပ္ဍဲကဵုဗ္ဒိုပ်ဗၠာဲသၟိၚ်ၝောံဍုၚ် ဍုၚ်ဒဂုၚ်တၟိ သ္ကုတ်ဗၟံက်ဂှ်ရောၚ်ဂှ် သ္ဂးရ။ ကြဴနူရပ်ဒက်လဝ် ညးတၠရမျာၚ်…
ပရိုၚ်ကဵုဂလိုၚ်ပတိုန်သြန်ဂိတု ဒှ်ပရိုၚ်ကောလာဟာလရဂှ် ကံၚ်ဇြဳပၞာန်လလောၚ်တြး
နေပျဳဒဝ်၊ ဨဗြဴ(၂၃) ပရိုၚ်ကဵုဂလိုၚ်ပ္တိုန် သြန်ဂိတုသ္ဇိုၚ်ဝန် သၟဝ်တဲကံၚ်ဇြဳပၞာန်တအ်ရောၚ်ဟီုဂှ် ဒှ်ကောလာဟလဟေၚ်ရဂှ် ဓမံက်ထ္ၜးလဝ် ပ္ဍဲလိက်ပရိုၚ်တြးဝါဒကံၚ်ဇြဳပၞာန် ပ္ဍဲဂိတုဨဗြဴ စၟတ်တ္ၚဲ (၂၂) ဏံရ။ သၠုၚ်ပ္တိုန်ကဵုသြန်ဂိတုသ္ဇိုၚ်ဝန်ကၟိန်ဍုၚ်ရောၚ်ဂးတုဲ ဟိုတ်နူကောလာဟလ ပြးတိတ်ဒၟံၚ် ပ္ဍဲမုက်လိက်ဇာနှိက်ပရေၚ်မၞိဟ်တုဲ ဒးလလောၚ်တြးပ္တိတ်လဝ် သာ်ဏံရဂှ် ဟီုသ္ဂးလဝ်ရ။ အတိုၚ်ဂလာန်သ္ကိုပ်စၞောန်ပ္ညုၚ် ဌာနဝန်ဇၞော်ကိုန်စဳမာန် ကေုာံဘဏ္ဍာကံၚ်ဇြဳပၞာန် ဥူဝေန်ထိုက်ဟီုသ္ဂးလဝ်မ္ဂး အတိုၚ်အကာဲအရာဘဏ္ဍာကၟိန်ဍုၚ်မ္ဂး သွက်ဂွံဂလိုၚ်ပ္တိုန်ကဵုသြန်ဂိတု သွက်သ္ဇိုၚ်ဝန်တအ်ဟၟဲဏီရဂှ် ဟီုသွဟ်လဝ်ရ။ သ္ဇိုၚ်ဝန်သၟဝ်တဲကံၚ်ဇြဳပၞာန်တအ်ဂှ်မ္ဂး ဃောဆဵုဂဗကဵုက္ဍိုပ်သ္ကိုပ်ပၞာန် ပ္ဍဲသၞာံတုဲကၠုၚ်ဏံဂှ်…
ပေါဲဗတိုက် ပ္ဍဲဒေသမေဝ်ကနေဝ် ပွိုၚ်ဍုၚ်ဗြဝတဳ သာတုဲသ္ကာတ်မြဟ်ကၠုၚ်
ဗြဝတဳ၊ ဨဗြဴ (၂၃) ပေါဲဗတိုက် ပ္ဍဲဒေသမေဝ်ကနေဝ် ပွိုၚ်ဍုၚ်ဗြဝတဳ တိဍာ်ဒပ်မဟာ(၆) ဗော်သွးကောန်ဂကူကရေၚ် KNU ဂှ် သာသ္ကာတ်မြဟ်ကၠုၚ်တုဲ လ္ပာ်ကံၚ်ဇြဳပၞာန် ထပ်ကၠောန်ကၠုၚ်ပရေၚ်ဗတိုက်ပန်ပှ်ောကဵုက္ၜၚ်ရဂှ် ဂွံတီကေတ် နူဇရေၚ်ဂကောံဇြဟတ်ပၠန်ဂတးတအ်ရ။ သ္ပတမ်နူ ဂိတုဨဗြဴ ပထမသတ္တာဟတုဲကၠုၚ်တေံ ပေါဲဗတိုက်စက္တဵုဒှ်ကၠုၚ်တုဲ ဒပ်ကံၚ်ဇြဳပၞာန် ဒးဂိလဝ် ပ္ဍဲပေါဲဗတိုက်ဒေသမေဝ်ကနေဝ်ဂှ် ဂိတုဨဗြဴ စၟတ်တ္ၚဲ (၂၂) အခိၚ်ၜိုတ် (၁)နာဍဳဂှ်လေဝ် ကၠုၚ်စိုပ်ဗတိုက်လဝ်ကဵုက္ၜၚ်ကျာရဂှ် ဂကောံဇြဟတ်ပၠန်ဂတးဂမၠိုၚ် ဟီုသ္ဂးလဝ်ရ။…
ပေါဲသဳကၠဳအာဖဂါန် မကၠောန်ဗဒှ်ခြာဟွံလအ်ဏံဂှ်ဝွံသွက်ဂွံသ္ပစၟတ်သမ္တီနဒဒှ်အလဵုအသဳတာလဳဗာန်ဟွံသေၚ်ပုဟ်ဂှ် ကုလဟီု
ဒိုဝ်ဟာ၊ ဨပရဴ (၂၂) ပ္ဍဲကဵုကောံဓရီုကုလသမဂ္ဂ မကၠောန်ဗဒှ် ပ္ဍဲဍုၚ်အာဖဂါန်နေဿတာန် ပ္ဍဲဂိတုမေကၠုၚ်စိုပ်ဏံဂှ် ဒဒှ်ရစွံအာအရီု လ္ တူပရေၚ်သ္ပစၟတ်သမ္တီ နဒဒှ်အလဵုအသဳတာလဳဗာန် ဟွံသေၚ်ပုဟ်ဂှ် ညးမၞုံအခေါၚ်ဟီုဂး ကုလ ဟီုဂးလဝ်ရ။ ဂအုပ်ညးအုပ်ကာနာနာ ကုလသမဂ္ဂ အာန်တိုဝ်နဳယိုဝ် ဂူတာရက်သ်ဝွံ ပ္ဍဲဂိတုမေ စၟတ်တ္ၚဲ (၁) ကေုာံ စၟတ်တ္ၚဲ (၂) ကၠုၚ်စိုပ်ဏံ ဍုၚ်နာနာ သွက်ဂွံကၠောန်ဗဒှ် ကောံဓရီုကၟာတ်တြၚ် ပ္ဍဲကဵုဒိုဝ်ဟာ…
ညးဒေသပွိုၚ်ဍုၚ်ထဝါဲ ဗ္ဒာဲ (၂၀)တၠ ဒးဒုၚ်ရပ်လဝ် နဒဒှ်ဒေၚ်ဒုၚ်ဒၞာမၞိဟ်
ထဝါဲ၊ ဨဗြဴ(၂၂) ရးဒေသဇၞော်တၞၚ်သြဳ၊ ပွိုၚ်ဍုၚ်ထဝါဲ၊ ညးဒေသ နူကွာန်သုက်ချောၚ် ကေုာံ ညောၚ်ချောၚ် ဗ္ဒာဲ (၂၀)တၠတအ် ကရောၚ်ပၞာန်ကံၚ်ဇြဳ ရပ်ကေတ်ဏာလဝ် နဒဒှ်ဒေၚ်ဒုၚ်ဒၞာမၞိဟ်ရဂှ် ညးတာလျိုၚ် PDF ဂြိုပ်ဗၟံက်ထဝါဲဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။ ကရောၚ်ပၞာန်ကံၚ်ဇြဳ ဇြဟတ်မၞုံ(၂၀၀)တၠပြၚ် နူလ္ပာ်ထဝါဲ ထ္ပက်ကၠုၚ်လ္ပာ်ဍုၚ်မေတ္တာ သွက်ပြံၚ်ဒပ် ပ္ဍဲဂိတုဨဗြဴ စၟတ်တ္ၚဲ (၂၀) ဂှ် ရပ်ကေတ်လဝ်ဏာလဝ် ညးဒေသကောန်ကွာန် ပ္ဍဲမွဲဒမြိပ်ကွာန်ဍေံတအ်ဇက်ကၠုၚ်ဒၟံၚ်…
ပၟတ်ဓာတ်လလဳ ပိုတ်ပၠိုတ်ကၠုၚ်ပရေံပရေံတုဲ ညးဍုၚ်ကွာန်ဂမၠိုၚ် သာတုဲဒှ်ကၠုၚ်ဒဒိုက်
လ္ဂုၚ်၊ ဨပရဴ (၂၂) ပ္ဍဲသၟဝ်ပရေၚ်သီအဝဵု ကလေၚ်မွဲဝါပၠန် အပ္ဍဲကာလဥတုက္ညၚ် မက္တဴက္တာန်ကှ်ကေဲကၠုၚ်ဂှ် ပၟတ်ဓာတ်လလဳ ဟိုတ်နူပိုတ်ပၠိုတ်ကၠုၚ် မွဲတ္ၚဲတုဲမွဲတ္ၚဲ ပရေံပရေံဂှ်ရ ပ္ဍဲကမၠောန်တံကဵု ဘဝလၟေၚ်တ္ၚဲတံဂှ် သာတုဲဒးဂဗကၠုၚ်ဒဒိုက်တံရောၚ် ညးဍုၚ်ကွာန်တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ပ္ဍဲဍုၚ်ဗၟာ အပ္ဍဲကာလဒပ်ပၞာန်သီအဝဵု ပွိုၚ် (၂) သၞာံပြၚ် ပၟတ်ဓာတ်လလဳ နူကဵုဌာနဝန်ဇၞော်ဇြဟတ်ဓာတ်လလဳ မတြးဒၟံၚ်ဇြဟတ်ဓာတ် ပ္ဍဲကဵုရးဒေသဇၞော် ကေုာံ တွဵုရး အလုံဍုၚ်ဂှ်ဝွံ…
ကြဴနူအတးတုဲ ၚုဟ်သ္ၚုအပ္ဍဲဍုၚ် ဆက်သၠုၚ်တိုန်ကၠုၚ်
မတ်မလီု၊ ဨပရဴ (၂၂) ပ္ဍဲတွဵုရးဍုၚ်မန် ၚုဟ်သ္ၚုမက္ဍၚ်ကၠုၚ်လဝ် နူကၠာအတးဂွိုအ်စှ်ေတေံဂှ်ဝွံ အခိၚ်အတးလောန်ၜက်တုဲ ဟိုတ်နူဇြဟတ်ရာန်ဂၠိုၚ်ကၠုၚ်ဂှ်ရ ၚုဟ်ထပ်သၠုၚ်တိုန်ကၠုၚ်မာန်ရောၚ်ဂှ် သၟာဗၞိက်သ္ၚုတံကဵု တၠကမၠောန်စက်သ္ၚုတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ၚုဟ်သ္ၚုဝွံ ကၠာအတးဂွိုအ်စှ်ေ အပ္ဍဲဂိတုဨပရဴ သတ္တာဟပထမတေံ သ္ၚုမောဝ် သ္ၚု(ပေါ်ဆန်) မွဲရိုက် နူကဵုနွံကၠုၚ် ပွဳပွူ (၇၂၀၀၀) ဒ္ကေဝ်ဂှ် ကြဴနူအတးတိုန်တုဲ မွဲရိုက် ၚုဟ်သၠုၚ်တိုန်ကၠုၚ် စဵုကဵု (၇၆၀၀၀)…
ဗော်ကျာန်ခိုန်ယျေဂှ် ကံၚ်ဇြဳပၞာန်သ္ပကဵုအခေါၚ်စၟတ်သမ္တီ နဒဒှ်ဗော်ပရေၚ်ဍုၚ် ကိုပ်ကၠာအိုတ်
နေပျဳဒဝ် – ဨဗြဴ(၂၂) ဗော်ကျာန်ခိုၚ်ယျေ (USDP) ဒပ်ပၞာန်နွံတန်တဴဒၟံၚ်လ္ပာ်လကြဴဂှ် ဒဒှ်ရကဵုကၠုၚ်အခေါၚ်စၟတ်သမ္တီ နဒဒှ်ဗော်ပရေၚ်ဍုၚ်ကွာန်ရဂှ် ကဝ်မယှေန်ပေါဲရုဲမာဲကၟိန်ဍုၚ် (UEC) ကံၚ်ဇြဳပၞာန်ခါန်ကၞက် လလောၚ်တြးလဝ် ပ္ဍဲဂိတုဨဗြဴ စၟတ်တ္ၚဲ (၂၀) ဏံရ။ ကြဴနူသီကေတ်အဝဵုတုဲ အတိုၚ်သၞောဝ်ဥပဒေပ္တိုန်စရၚ်စၟတ်သမ္တီဗော်ပရေၚ်ဍုၚ်ကွာန် ကံၚ်ဇြဳပၞာန်ပျးဌာန်လဝ် ၝောံပိုဒ် (၉) သ္ပကဵုလဝ်အခေါၚ်တုဲ စၟတ်သမ္တီဗော်ပျဳထောၚ်သုကျာန်ခိုၚ်ယျေ ဒှ်စၟတ်(၁)ရဂှ် လလောၚ်တြးလဝ်ရ။ ဗော်ပျဳထောၚ်သုကျာခိုၚ်ယျေဂှ် ကြဴနူပျးဌာန်ကၠုၚ်သၞောဝ်ဥပဒေပ္တိုန်စၟတ်သမ္တီဗော်ပရေၚ်ဍုၚ်ကွာန်တုဲ မွဲၜါတ္ၚဲဂှ် ကၠုၚ်စိုပ်ပ္တိုန်လဝ်စရၚ်စၟတ်သမ္တီ အခေါၚ်ဒက်ပ္တန်ဗော်…
ပ္ဍဲကဵုပရေၚ်ပၟတ်တူ ဍုၚ်ပဠဝ်ဂှ် သ္ၚိဒၟံၚ် (၂၀) မပြၚ် လီုလာ်အာတုဲ မၞိဟ်တြုံမွဲတၠ ကလိဂွံဝပ်
ပဠဝ်၊ ဨပရဴ (၂၂) ပ္ဍဲရးဒေသဇၞော်တၞၚ်သဳ၊ ဍုၚ်ပဠဝ်၊ အရာပ် (၂) ပ္ဍဲဂိတုဨပရဴ (၂၁) ဇိုၚ်သဝ်တ္ၚဲဂှ် ဟိုတ်နူပၟတ်တူက္တဵုဒှ်အာလဝ်ဂှ်ရ သ္ၚိဒၟံၚ် (၂၀) မပြၚ် ပၟတ်တူလီုလာ်အာလဝ်တုဲ မၞိဟ်တြုံမွဲတၠ ကလိဂွံလဝ်ဝပ်ဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ပရေၚ်ပၟတ်တူဏံဂှ်ဝွံ ပ္ဍဲကဵုတ္ၚဲဏံ ဇိုၚ်သဝ်တ္ၚဲ (၃) နာဍဳဂှ် စတူလဝ် နူကဵုဖဴ ဍုတ်သ္ၚိဒဝ်ချဵုချဵုထိုဲ ဒၟံၚ်အရာပ်စၟတ်…
အခိၚ်သီလဝ်အဝဵုပွိုၚ် (၂) သၞာံ ညးဗြဴကေုာံကောန်ၚာ်သၟတ်ဂမၠိုၚ် (၁၀၀၀)ပြၚ်ဒးချိုတ်လဝ်
လဂုၚ်၊ ဨဗြဴ (၁၉) ပ္ဍဲကၟိန်ဍုၚ်ဗၟာကြဴနူဒပ်ပၞာန်သီအဝဵုတုဲ စဵုကဵုဂိတုဨဗြဴစၟတ်တ္ၚဲ (၁၆) သၞာံဏံ ညးဗြဴကေုာံကောန်ၚာ်သၟတ် (၁၀၀၀)တၠပြၚ်ဒးချိုတ်လဝ်ရဂှ် အလဵုအသဳပရေၚ်ညဳသၟဟ်ကောန်ဂကူ (NUG) ဌာနဝန်ဇၞော်ပရေၚ်ညးဗြဴကေုာံကောန်ၚာ်လလောၚ်တြးလဝ်ရ။ ပ္ဍဲကာလသီအဝဵုပွိုၚ်(၂)သၞာံဂှ် ဟိုတ်နူကံၚ်ဇြဳပၞာန်ပ္ကီုပရာပ်တုဲ ညးဗြဴ ၆၃၇ တၠ ကေုာံကောန်ၚာ်သၟတ် ၃၉၆ တၠ ပံၚ်လၟိဟ် ၁၀၃၃ တၠဒးချိုတ်အာလဝ်ရဂှ် ဓမံက်ထ္ၜးလဝ်ပ္ဍဲတၚ်လလောၚ်တြးဂှ်ရ။ မ္ၚးနူဏံပၠန် ညးဗြဴ(၃၃၀၀)ပြၚ်ကေုာံ ကောန်ၚာ်သၟတ် (၃၅၅)တၠတအ်ဂှ် ဆက်ဒးဒုၚ်ရပ်လဝ်ပ္ဍဲထံၚ်စာတ်၊ အချုက်ထံၚ်တအ်တရဂှ်…