“စၞစသုၚ်၊ ကပေါတ်သိုၚ်ခၞံတအ် ပ္ဍဲဗလးမုက်တိဂှ် ၚုဟ်ဍၚ်လောန်ဒၟံၚ်ရ။ တုဲပၠန် ညးဍုၚ်ကွာန် ပါဲဘဲပၞာန်တအ် ရာန်စဟွံမာန်ရပုဟ်။ လှုဲလုပ်ညးတအ်လေဝ်ဟၟဲ၊ အခိၚ်သ္ၚိဟၟဲ၊ ဌာန်ဟၟဲဂှ် တအ်ဏံ ဍေံတအ်(ကံၚ်ဇြဳပၞာန်) ဒးရီုဗၚ်ကဵု သၞောတ်စှ်ေစှ်ေ ဗွဲမဂတာပ်အခိၚ်ဏောၚ်။ ပရေၚ်ကၠးဖ္ဍး ဒးနွံဏောၚ်”

တွဵုရးရခေၚ်ဂှ် ဟိုတ်နူလဗိုတ်ကျာမေလံၚ်မိုဝ်ခါ ဇြဟတ်ပလီုဇၞော် လုပ်လဝ် ပ္ဍဲဂိတုမေ စၟတ်တ္ၚဲ (၁၄)ဂှ်တုဲ အလုံမွဲတွဵုရးရခေၚ်သ္ကုတ်သၟဝ်ကျာသီုဖအိုတ် ပါလုပ် သီုဍုၚ်ဇၞော်သေတ်တွေ ဒးလီုလာ်ဆောံလေၚ်လဝ် ဗွဲမဂၠိုၚ်ရ။ ရုၚ်ပ္ညဳပ္ညပ်ဗ္စာရဏာပရေၚ်မၞိဟ် ကုလသမဂ္ဂ (OCHA) ဂှ်မ္ဂး ညးမံၚ်တန်တဴဒၟံၚ် ပ္ဍဲတွဵုရးရခေၚ်ကဵု ဂၠံၚ်လဗိုတ်ကျာတတ်ကၠောံအာကၟိန်ဍုၚ်ဗၟာ သ္ကုတ်သၟဝ်ကျာ လၟိဟ်မၞိဟ် ၅ ဒသမ ၄ ပြကောဋိကိုတ်ပြၚ် ဒးလဝ်ဘဲဒဏ် လဗိုတ်ကျာရဂှ် ချိၚ်ခယျကေတ်လဝ်ရ။ ဟိုတ်ဂှ်ရ အခိၚ်လၟုဟ်ဏံမ္ဂး…

သွက်ဂွံသောၚ်ကလး အကြေပ်အဂြတ်ပရေၚ်ဍုၚ်ကွာန်ဂှ် ဆက်ပ္တိတ်အာဇြဟတ်ရောၚ် ဂကောံ ဒေါအ်ပန်ပှော် (၇) ဂကောံ လလောၚ်ပ္တိတ်

ၛှၚ်မာဲ၊ မေ (၁၈) ဂကောံဒေါအ်ပန်ပှော် (၇) ဂကောံဂှ် ဒတူလိုၚ် လ္တူကြက်ရှ်သာ NCA ဗိုန်န်ခိုၚ်ၚ်တုဲ သွက်ဂွံသောၚ် ကလး အကြေပ်အဂြတ်ပရေၚ်ဍုၚ်ကွာန်၊ သွက်သ္ဂောံဂွံပရေၚ်ၜိုဟ်လလမ် မတန်အာအဓာန်ဇမၠိၚ် ကေုာံ သွက်သ္ဂောံဒက်ပ္တန်ကၟိန်ဍုၚ်ပံၚ်ကောံ ဖေဝ်ဒရာဒဳမဝ်ကရေဇြဳတံဂှ် ဆက်ပ္တိတ်အာဇြဟတ်ဏောၚ် လလောၚ်ပ္တိတ်လဝ်ရ။ ကြဴနူကောံဓရီု ဂကောံရပ်လွဟ်ကောန်ဍုၚ်အရၚ် (၇) ဂကောံ မထ္ပက်လဝ်စၟတ်တဲ လိက်ကသုက် ဒေါအ်ပန်ပှော် အလုံဍုၚ်မွဲ (NCA) မကၠောန်သ္ပလဝ်…

ပေါဲဗ္တိုက်ဟွံမွဲမွဲသာ် ဟိုတ်နူကံၚ်ဇြဳပၞာန် ဂြာတ်လဝ်မခတိုဟ် အပ္ဍဲပွိုၚ်ဍုၚ်ဗဝ်လခေဝ်ဂှ်ရ ညးဗြဴမွဲတၠ ဒးချိုတ်အာတုဲ မၞိဟ်အာယုက်ဇၞော်ဇၞော်ပန်တၠ ကလိဂွံလဝ်ဝပ်

ဗဝ်လခေဝ်၊ မေ (၁၉) ကံၚ်ဇြဳပၞာန် ဟိုတ်နူဗ္တိုက်ဂြာတ်လဝ်မခတိုဟ် အပ္ဍဲဝၚ်ကမၠောန် ကေုာံ ပ္ဍဲကွာန်ရးကောန်အရာပ် မၞုံပွိုၚ်ဍုၚ်ဗဝ်လခေဝ်၊ တွဵုရးကရေၚ်ဍာဲတံဂှ်ရ ညးဗြဴမွဲတၠ ချိုတ်အာတုဲ မၞိဟ်အာယုက်ဇၞော်ဇၞော်ပန်တၠ ဇီုကပိုက်ကလိဂွံလဝ်ဝပ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ပ္ဍဲဂိတုမေ (၁၇) အခိၚ်နူဂယးပွဳပွူ (၄) နာဍဳဂှ် က္တဵုဒှ်ပေါဲဗ္တိုက်ဟွံမွဲမွဲသာ် ဒပ်ကံၚ်ဇြဳပၞာန် ထောံဗုမ် ဗ္တိုက်လဝ် ကွာန်သဝ်လုမ် ပွိုၚ်ဍုၚ်ဗဝ်လခေဝ် နကဵုက္ၜၚ်ကျာဂျက်ဖိုက်တာရ။…

ပ္ဍဲမွဲကာလသီအဝဵုပွိုၚ်ၜါသၞာံဂှ် ပံၚ်လၟိဟ်ပေါဲဗတိုက် အလုံမွဲကၟိန်ဍုၚ် (၉၃၀၀)ဝါပြၚ် ဒှ်လဝ်

မတ်မလီု – မေ (၁၈) ပ္ဍဲမွဲကာလပွိုၚ်(၂)သၞာံ ဒပ်ပၞာန်သီအဝဵုကၟိန်ဍုၚ်ဗၟာဂှ် အလုံမွဲကၟိန်ဍုၚ်ပေါဲဗတိုက်ရပ်လွဟ် ပံၚ်လၟိဟ် (၉၃၀၀)ဝါ ပြၚ်က္တဵုဒှ်လဝ်ရဂှ် ISP-Myanmar လလောၚ်တြးလဝ်ပရိုၚ်ရ။ ပ္ဍဲပေါဲဗတိုက်တအ်ဂှ် ပွိုၚ်ပန်ဂိတုသၞာံဏံသ္ကုတ်ကၠာဂှ် ပေါဲဗတိုက်အလုံမွဲကၟိန်ဍုၚ် (၁၄၀၀)ပြၚ် က္တဵုဒှ်လဝ်တုဲ ပ္ဍဲပေါဲဗတိုက် (၅၈)တၟံဂှ် က္တဵုဒှ်လဝ်အကြာ ဂကောံရပ်လွဟ်ကောန်ဍုၚ်အရၚ် (EAOs) ကေုာံ ဒပ်ပံၚ်ကောံ ဒပ်စဵုဒၞာဒေသ (PDF) ကဵု ကံၚ်ဇြဳပၞာန်ရ။ ပေါဲဗတိုက် အကြာဒပ်ပံၚ်ကောံကဵု…

ဒပ်ကံၚ်ဇြဳပၞာန်ထ္ပက်ကၠုၚ်ကရောၚ်ပၞာန် ပ္ဍဲပွိုၚ်ဍုၚ်တၞၚ်သြဳ ဟိုတ်နူဒးမာၚ်တုဲ ဒးချိုတ်အာ (၅)တၠ

တၞၚ်သြဳ – မေ (၁၈) ရးဒေသဇၞော်တၞၚ်သြဳ၊ ပ္ဍဲဗ္ဒာဲဒဒန် (၄၃၃) အကြာကွာန်ဗာန်လမွတ်ကဵု ညံၚ်ပေန်ကုမ် ပွိုၚ်ဍုၚ်တၞၚ်သြဳဂှ် ဒပ်ကံၚ်ဇြဳပၞာန် ထ္ပက်လုပ်ကၠုၚ်ပၞာန်တိုက်ဂှ် ဒးမာၚ်တုဲ ဒးချိုတ်လဝ် (၅)တၠ ဒးလဝ်ဘဲဝပ် (၃)တၠရဂှ် ဌာန်လလောၚ်ပရိုၚ် ပ.က.ဖ ပွိုၚ်ဍုၚ်တၞၚ်သြဳ ဟီုသ္ဂးလဝ်ရ။ ပရေၚ်ဒဒှ်ဂှ် ပ္ဍဲဂိတုမေ စၟတ်တ္ၚဲ (၁၇) အခိၚ်နူဂယးဂှ် ဒပ်ကံၚ်ဇြဳပၞာန် ထ္ပက်လုပ်ကၠုၚ်ကရောၚ်ပၞာန် ပ္ဍဲတၞၚ်သြဳ နူလ္ပာ်ဗိက်…

သွက်ဘဲဒဏ်လဗိုတ်ကျာရခေၚ် NUG ထံက်ပၚ်ကဵုဒါန်လ္ၚီကိုတ်

သေတ်တွေ- မေ (၁၈) သွက်ပရေၚ်လီုလာ် ဟိုတ်နူလဗိုတ်ကျာမေလံၚ်ဇြိုၚ်ကလုမ်ဇြဟတ်ဇၞော် လုပ်စိုပ်လဝ် တွဵုရးရခေၚ်ဂှ် အလဵုအသဳ NUG ထံက်ပၚ်ကဵုလဝ်ဒါန် သွက်ဂွံသုၚ်စောဲ ပ္ဍဲကမၠောန်ရီုဗၚ်ဟံၚ်ပြာ် ဂကောံကောန်ဂကူ ရခေၚ် သြန်လ္ၚီကိုတ်ဒကေဝ်ရဂှ် ULA/AA လလောၚ်တြးလဝ်ရ၊ ပ္ဍဲဂိတုမေ စၟတ်တ္ၚဲ (၁၄)တုဲကၠုၚ်တေံဂှ် ဟိုတ်နူလဗိုတ်ကျာမေလံၚ် လုပ်စိုပ်လဝ် ပ္ဍဲတွဵုရးရခေၚ်တုဲ ဒေသဗွဲမဂၠိုၚ် ပါလုပ်သီုဍုၚ်သေတ်တွေ ၜိုတ် (၉၅)တၟံကၠံ ဇီုကပိုက်ဒးလီုလာ်လဝ်ရ။ သွက်ဂွံသုၚ်စောဲ ပ္ဍဲအရာကၠောန်ရေၚ်တၠုၚ်ပရေၚ်ရီုဗၚ်ဟံၚ်ပြာ်…

ညးပကောံလဝ်သြောံသ္ၚုတအ် ယဝ်ဟွံပတိုန်အခေါၚ်စၟတ်သမ္တီမ္ဂး ကေတ်အာအရေဝ်ဏောၚ် ကံၚ်ဇြဳပၞာန်လလောၚ်တြး

နေပျဳဒဝ် – မေ (၁၉) ပ္ဍဲအပ္ဍဲဍုၚ် မွဲဒၞာဲဓဝ် ပကောံစွံလဝ် သ္ၚုလျိုၚ် (၅၀)တာန် ကေုာံ သြောံ (၅၀၀၀) နလ္ပာ်လ္တူတုဲ ယဝ်ရဟွံပ္တိုန် အခေါၚ်စၟတ်သမ္တီမ္ဂး ကေတ်အာအရေဝ် အတိုၚ်သၞောဝ်ဥပဒေရောၚ်ဂှ် ဌာနဝန်ဇၞော်ပရေၚ်ပိုန်ဒြပ် ကေုာံပရေၚ်ကူသာန်သွံရာန် လလောၚ်တြးလဝ် ပရိုၚ်ရ။ ယဝ်ရပကောံစွံလဝ်သြောံသ္ၚု ဗ္ၜတ်အပိုၚ်အခြာ စၟတ်သမ္တီလဝ်ဂှ်မ္ဂး ဒးပ္တိုန်အခေါၚ်စၟတ်သမ္တီ နကဵုသၞောတ်အောန်လာၚ်ရောၚ်ဂှ် ဂကောံအလဵုအသဳကေုာံ ပုဂ္ဂလိက ဆေၚ်စပ်ကဵုပရေၚ်ပ္တိုန်အခေါၚ်စၟတ်သမ္တီ ကမၠောန်ပကောံစွံသြောံသ္ၚု…

သွက်ဂွံဗလးပ္တိုန် ဂြိုဟ်ပ္တောံထံၚ်ပရိုၚ်ပၞာန် ကိုဝ်ရဳယျာသၟဝ်ကျာ ကိုပ်ကၠာအိုတ်ဂှ် ကေန်ဂျုံအာန် သ္ပဒတန်

ပျုံယာန်၊ မေ (၁၈) က္ဍိုပ်သ္ကိုပ်ကိုဝ်ရဳယျာသၟဝ်ကျာ ကေန်ဂျုၚ်အာန်ဂှ် သ္ပဒတန်လဝ် အစဳဇန်ဗလးပ္တိုန် ဂြိုဟ်ပ္တောံထံၚ် ပရိုၚ်ပၞာန်ကၟိန်ဍုၚ် ကိုပ်ကၠာအိုတ်ဂှ်တုဲ သွက်ဂွံစဵုဒၞါဍုၚ်ဇကုဂှ် ဒဒှ်ရရပ်စပ်အာ အခေါၚ်စဵုဒၞါ တဝ်စၞေဟ်ဇကုဇကုရောၚ် သ္ပလဝ်ကတိဂှ် မဳဒဳယာကၟိန်ဍုၚ်ပိုၚ် ထ္မံက်ထ္ၜးလဝ် ပ္ဍဲဂိတုမေ (၁၇) တေံရ။ ကေန်ဂျုၚ်အာန်ဂှ် သွက်ဂွံဗလးပ္တိုန် ဂြိုဟ်ပ္တောံထံၚ်ပရိုၚ်ကၠာအိုတ် နူကဵုဒပ်ပၞာန်ဂှ် တ္ၚဲဏေံတေံ ဆဵုဂဗလဝ် ကုကမ္မတဳဒစးဒုၚ်ပလေဝ်ပလေတ် ပရေၚ်ဗလးပ္တိုန်ဂြိုဟ်ပ္တောံ လၟိုန်ဟွံသေၚ်တံဂှ်တုဲ သွက်ဂွံဗလး…

သွက်ညးဍုၚ်ကွာန် ဒးဘဲလဗိုတ်ကျာတံဂှ် ကံၚ်ဇြဳပၞာန် ဟွံပ္တိတ်သြန်ဗွဝ်ကာမံက်တိုန်တံဂှ်မွဲသာ် ဗက်ဒုၚ်ဒၟံၚ်ဒါန်

မတ်မလီု၊ မေ (၁၇) အတိုၚ်သၞောဝ်စပ်ကဵုသြန်ဘဏ္ဍာကၟိန်ဍုၚ် မထ္မံက်ထ္ၜးလဝ်ဂှ်မ္ဂး သွက်သၞာံဘဏ္ဍာ ၂၀၂၃−၂၄ ဂှ် ၜိုန်ရကဵုလဝ်အခေါၚ် သြန်ဗွဝ်ကာမံက်တိုန် သွက်ရးဒေသဇၞော် ကေုာံ တွဵုရး (၁၄) တံ (၁၁၄) ပြကောဋိကိုဋ်ဒ္ကေဝ်ကီုလေဝ် သွက်ညးဍုၚ်ကွာန်ဒးဘဲလဗိုတ်ကျာတံဂှ် ကံၚ်ဇြဳပၞာန် ဗက်ဒုၚ်ဒၟံၚ်ဒါန်ရ။ လဗိုတ်ကျာက္တဵုဒှ်ဂွံ စဵုကဵုလအ်အာ (၃) တ္ၚဲတုဲကီုလေဝ် သွက်ညးဍုၚ်ကွာန်ဒးဘဲလဗိုတ်ကျာတံဂှ် လ္ပာ်ကံၚ်ဇြဳပၞာန် ဗၞတ်ၜိုတ်လဵုပ္တိတ်ရပ်စပ်အာ သြန်ဗွဝ်ကာမံက်တိုန်တံရောဟီုဂှ် လလောၚ်ပ္တိတ်လဝ် ဟွံမွဲဏီရ။…

ဥက္ကဋ္ဌပါလဳမာန်ထိုၚ်ဝါန် ဟီုထိုၚ်သး ဂျပါန်၊ ကိုဝ်ရဳယျာသၠုၚ်ကျာ ကေုာံ ဖိလေတ်ပိုၚ်တအ် “ဂိတုလ္ပာ်ပရေၚ်စဵုဒၞာ”

ထိုၚ်ဝါန်၊ မေ (၁၈) သွက်ဂွံဆေၚ်မုက်ကဵု တၚ်ရန်တၟံကြုက် ပ္ဍဲဒေသအေန်ဒေါ- ပသိဖုက်ဂှ် ဟိုတ်နူရီုဗၚ်ကဵုလဝ် ထိုၚ်ဝါန်၊ အမေရိကာန်မွဲစွံဂှ်ရ ဥက္ကဋ္ဌပါလဳမာန်ထိုၚ်ဝါန် ဟီုထိုၚ်သး ပတိုန်လဝ်ဂုဏ်စရာဲ ဂျပါန်၊ ကိုဝ်ရဳယျာသၠုၚ်ကျာ ကေုာံဖိလေတ်ပိုၚ်တအ် နဒဒှ် “ဂိတုလ္ပာ်ပရေၚ်စဵုဒၞာ” ပ္ဍဲဂိတုမေ စၟတ်တ္ၚဲ (၁၆)ရ။ ဗော်ကောန်မျူနေတ်ကြုက် (CCP) ဂွံလဝ်အဝဵုကဵု က္ဍိုပ်သ္ကိုပ်ယှဳကျေန်ဖျေန်တအ်ဂှ် သွက်ဂွံဂါံတိုန်အာ ပရေၚ်သ္ပအစာံ ဆေၚ်ရာကဵုဂၠးကဝ် နဒဒှ်ကၟိန်ဍုၚ်ဇြဟတ်ဇၞော်ဂၠးကဝ်ဂှ် ဒဒှ်ရညာတ်ကေတ်ဒၟံၚ်ထိုၚ်ဝါန်…